58
1 ကိၭၡၭထၪ့လၧလူၥီၫနီၪဆံၭး လီၫ့ကီၩ့ဆၧလဂ့ၩး ထုၭထၪ့နလူဘဲၫခွ့ၩအၥိၭနီၪတၭ, လီၩဘၪယၡၩခ မျၧးအဆၧမၪ, ဒဲစယၫကူၭအၡၩဂံၪ့ဖိၪလၧအဆၧဒဲၩ
2 ဘၭနီၪဆံၭ.- မွဲလါနၫ့အဝ့ၫၥံၪအၪ့ဎူၫအၪ့ဎၬယၧၩ လနံၩဘၪလနံၩတၭ, မွဲအၥၭထိၬဝ့ၫလၧဆၧၥ့ၪယၫ ယဖၧၩ့ၥၭ, ဘဲၫၦလဆၨၩလၧအမၩဆၧတီၩဆၧလီၩ့, ဒဲအလခွံၬၡိၭဘၪ အယွၩအဆၧစ့ၩရၫ့ အၥိၭနီၪလီၫ. အဝ့ၫၥံၪအၪ့ကံၩ့ဝ့ၫ ဆၧစ့ၩရၫ့လၧယၧၩတၭ,မုၬလၩ
3 ဝ့ၫလၧဆၧၥုၭဘူၭအၥၭ လၧယွၩအအီၪနီၪလီၫ.- အ ဝ့ၫၥံၪစံၭဝ့ၫ, ပဒုၪဆၧအၪ့ဆၧအီၩတၭ,နလဒၪဘၪနီၪ, ပမၩၡၪ့မၩနၭပၥၭတၭ, နလၥ့ၪယၫဘၪနီၪမွဲဘၪလဲၪ. ယိခွါ,လၧနၥံၪဒုၪဆၧအၪ့ဆၧအီၩအမုလနံၩနီၪ, နၥံၪ ဒၪန့ဆၧမုၬလၩတၭ, နအၪ့မၧၫ့ၦၡၩမၩနၥံၪအဆၧမၩ
4 ထီးအလူၬလီၫ.- ယိခွါ,လၧဆၧဂဲးလိၬတ့ၭလိၬ,ဒဲဆၧ အဲၪ့လိၬဆိၭချဲၩ့လိၬအဂးနီၪ, နၥံၪဒုၪဆၧအၪ့ဆၧအီၩ တၭ,နၥံၪမ့ၭဆၧလၧဆၧအၧၩ့အစူၪခိၪနီၪလီၫ. နၥံၪမိ ဒုၪဆၧအၪ့ဆၧအီၩ လၧမုဆၫလနံၩယီၩ ဘဲၫၥိၭနၥံၪ
5 မိဒုၭနါဂၧၫ့နၥံၪအလူ လၧဆၧထၪ့ထီၫအ့ၬ.- အနီၪမွဲ ဆၧဒုၪဆၧအၪ့ဆၧအီၩလၧယရွံန့ဝ့ၫ, မုလနံၩလၧၦ မိမၩၡၪ့မၩနၭအၥၭဆ့ဧၪ, မွဲဘဲၫၥိၭၦမိၡီၫ့လၩ့အခိၪ ဘဲၫဖီးဘီၩ့အၥိၭ, ဒဲဘဲၫၥိၭအမိဒၩလၩ့ရၧၬအဆၧယၬ, ဒဲဖံၫ့ချၪလၧအဖၫ့လၬနီၪဆ့ဧၪ. မွဲနမိကိၭဆၧနီၪလမံၩ့ လၧဆၧဒုၪဆၧအၪ့ဆၧအီၩ ဒဲမုလနံၩလၧအဘၪယဟိ
6 ဝၩအၥၭဆ့ဧၪ.- ဆၧဒုၪဆၧအၪ့ဆၧအီၩ လၧအဘၪ ယၥၭမွဲအယီၩ, ဆၧပၠၪလၩ့ခွံၬဆၧအၧၩ့အဖျံၩ, ဆၧ ဘဲၪ့လၩ့ခွံၬဆၧအွံၪဎၧၫ့တၭ, ဆၧမၩဂၭဖျ့ၭၦဘၪဆၧ မၩအၧၩ့ဝ့ၫ, ဒဲဆၧမၩခါခွံၬနိၪယိၭဘီၩ့ကိၭဘီၩ့ဒ့ၭနီၪ
7 မွဲအ့ၬဧၪ.- မွဲဆၧကံၪ့ဘျ့ၭကိၪလၧၦဆၧၥၭဝံအၥၭအ ဂး,ဒဲၦၡၪ့ဖိၪယၬဖိၪ လၧအဘၪဆၧနၫ့ထၪ့ခွံၬဝ့ၫနီၪ, မွဲလၧနဂဲၫဆိၬထီၩ့ လၧနဂံၪ့ဖၧၩ့နီၪမွဲအ့ၬဧၪ. ထီးန အ့ၪဒၪဘၪၦအီၪဘိၪ့တၭ, နမိဒုၭကီၩ့ဒုၭၥိၭဝ့ၫ ဒဲလ ကၠၪဒိၭချိၫ့ဘၪနၥၭ လၧနဘူၭနထံးဒၪနဝ့ၫလီၫ.
8 ထီးနီၪလဖၧၫ့နဆၧဖၩ့မိဖၩ့ထၪ့ဘဲၫ မုဆဲၪ့ထၪ့အၥိၭ တၭ, နဆၧမၩဘျၪထဲၩ့နၧၩနီၪ မိအီၪထၪ့ချဲၫ့ချံၭလီၫ. ထီးနီၪလဖၧၫ့ နဆၧတီၩ ဆၧလီၩ့ မိလ့ၩ လၧနမ့ၬယၫ တၭ, ယဟိဝၩအလၩအဖၩ့မိအီၪထိနၧၩလၧနလးခဲၫ့
9 ဆ့လီၫ.- ထီးနီၪလဖၧၫ့နမိကိၭထၪ့တၭ,ယဟိဝၩမိစံၭ ဆၧၫ့ဆၧး နအ့ၪၥုၭထၪ့ခွံၬနိၪယိၭဘီၩ့လၧနကျၩ, ဒဲ ဆၧယူၬထၪ့နစူၪနိၩ့ဒဲချဲၩ့အၧၩ့ဆၧတၭ, ထီးနီၪလဖၧၫ့ နမိကိၭၡၭထၪ့ဆၧတၭ, အဝ့ၫဒၪမိစံၭဝ့ၫ,ယိခွါ, ယၧၩ
10 လီၫ.- နၥၭအ့ၪယၫ့ၥၭၦလၧဆၧၥၭဝံအၥၭတၭ, မၩ မုၬထၪ့ၦလၧအဘၪၡၪ့ဘၪနၭတၭ, ထီးနီၪလဖၧၫ့နဆၧ ဖၩ့မိဖၩ့ထၪ့လၧဆၧခံၭကျၩတၭ, နဆၧခံၭမိမၩအၥၭ
11 ဘဲၫမုထုၪ့အၥိၭနီၪး- ယဟိဝၩမိၥိၫ့နၧၩလထံၪဎးတၭ, မိဒုၭဘျဲၩအၪ့နၧၩလၧဆၧအလးဎဲၫ့ထၬၥံၪအဖၧၩ့,ဒဲ မိမၩဆီၪ့ထၪ့နဎွံၪလဖၪတၭး နမိမၩအၥၭဘဲၫကျိၭ ဘၪစီၪအၥိၭ, ဒဲဘဲၫထံၫထၪ့ဖျိၭလဖၧၩ့ လၧအထံၫလ
12 လၩ့ၥံၭဘၪအၥိၭနီၪလီၫ.- တၭၦလၧအဘၪဆဲၫ့လၧ နၧၩလဖၪမိမၩထၪ့ထဲၩ့ဆၧအလးအီၪယူလဖၪ, နမိမၩ ထဲၩ့ဆၧအခၪ့ထံၭလဖၪ ဘၪဆဲၫ့လၧၦအၪဆၨၩတၭ, ဆၧမိကိၭနၧၩ လၧၦၡၩမၩထဲၩ့ဆၧလၩ့ဎီး, ၦၡၩမၩ ထဲၩ့ဖၧၩ့ၥုၪ့ဖၧၩ့ၥၭဘဲၫၥိၭၦၡၩမိအီၪဝ့ၫလီၫ.
13 လၧမးၥံၫအနံၩနီၪနအ့ၪကၠၪပဲၩခွံၬနခၪ့ လၧနဆၧမုၬ လၩဒၪနဝ့ၫလၧယမုနံၩဆံၫ့ဎံၪအဖၧၩ့တၭ, နအ့ၪကိၭ မးၥံၫအနံၩလၧဆၧၥုၪ့ဎွံၫၥၭယီၫ, ယဟိဝၩအဆၧဆံၫ့ ဎံၪလၧဆၧယူၭယၪ့အလးတၭ, လဖိၬဘၪနဖၧၩ့ၥၭဒၪ နဝ့ၫ,ဒဲလဒၪန့ဘၪနဆၧမုၬလၩဒၪနဝ့ၫ ဒဲလချဲၩ့ဘၪန
14 ဆၧချဲၩ့ဒၪနဝ့ၫတၭ,နအ့ၪမၩလၩဖၩ့ဝ့ၫတၭ,- ထီးနီၪ လဖၧၫ့နမိၥုၪ့ဎွံၫၥၭယီၫလၧယဟိဝၩအဖၧၩ့တၭ, ယမိ ဒုၭထူၬနၧၩ လၧဆၧအလးထၪ့ထီၫလၧဂၪ့ခိၪချိၫ့အဖၫ့ ခိၪတၭ, ယမိဒုၭအၪ့နၧၩ လၧနဖါစယၫကူၭအဆၧန့ ၥၫနီၪလီၫ. အဂဲးဘဲၫယီၩယဟိဝၩအနိၭချဲၩ့ဆၧလီၫ.