56
1 ယဟိဝၩစံၭဘဲၫယီၩ, ထီးန့ဆၧစ့ၩရၫ့တီၩတၭ,မၩ ဆၧတီၩဆၧလီၩ့ဆံၭ. အဂဲးဘဲၫယီၩယဆၧထိးထဲၩ့ တၩ့ထဲၩ့အီၪဘူၭထၪ့ယူၭ, ဒဲယဆၧတီၩဆၧလီၩ့လၧ
2 အမိအီၪဖျီၪထၪ့လီၫ.- ၦလၧအမၩဆၧယီၩၦၡၩဖိၪ လၧအဖီၪ့ထၬဝ့ၫနီၪ ၦလၧအထီးန့မးၥံၫအနံၩ ဘဲၫၥိၭ အထီးမၩၥၭလိၪဝ့ၫလဂ့ၩ, ဒဲယိအစူၪ ဘဲၫၥိၭအထီး မၩဆၧအၧၩ့လဂ့ၩနီၪဘၪဆိၪဂ့ၩဝ့ၫလီၫ.
3 ၦလခီၫဘၩ့မုးဖိၪလၧအဒိၭနဲၩ့အၥၭ လၧယဟိဝၩ နီၪမွဲအထီးစံၭ, ယဟိဝၩမၩလၩ့ဖၭတၡါယူၭယၧၩ လၧအၡၩခမျၧးနီၪလဂ့ၩတၭ, ၦဖၫဆွံၪနီၪမွဲအထီးစံၭ,
4 ယမွဲၥံၪ့ဎဲၫ့လထုၪ့နီၪလဂ့ၩ.- အဂဲးဘဲၫယီၩယဟိဝၩ စံၭ,ၦဖၫဆွံၪၥံၪလၧအထီးန့ယမးၥံၫအနံၩ, ဒဲရွံန့ဆၧ
5 လၧအဘၪယၥၭ ဒဲဖီၪ့ထၬယဆၧအုၩ့လၩ့နီၪး- ယမိ ဖ့ၪလၫ့ဝ့ၫလၧအလး ဒဲအမံၩ့ဂ့ၩနဲၪ့ဒံၭဖိၪခွၫၥံၪ, ဒဲဖိၪ မုၪၥံၪလၧယဂံၪ့ဖၧၩ့, ဒဲလၧယဝၩ့အခိၪဒၧၩ့ အဖၧၩ့ လီၫ.ယမိဖ့ၪလၫ့ဝ့ၫအမံၩ့အဆိၩအကၠၪလၧအဆၧလ
6 ဒၪ့ထ့ၬခွံၬဘၪလီၫ.- ၦလခီၫဘၩ့မုးဖိၪဆ့လၧအဒိၭနဲၩ့ အၥၭလၧယဟိဝၩ, ဘဲၫၥိၭအမိမၩအဆၧဒဲအဲၪယဟိ ဝၩအမံၩ့ဘဲၫၥိၭအမိကဲၪထၪ့အခ့ၫအၡၩ, ကယဲၦလၧ အထီးန့ မးၥံၫအနံၩလမၩစံၪစၪဘၪဝ့ၫတၭ, ဖီၪ့ထၬ
7 ယဆၧအုၩ့လၩ့ထီးအလူၬနီၪး- ယမိဒုၭဂဲၫထၪ့အဝ့ၫ ၥံၪဒၪလ့ၬလၧယခိၪလီၩ့ဆံၫ့ဎံၪတၭ, ယမိဒုၭၥၭထိၬ အဝ့ၫၥံၪလၧယဆၧဘၩဆိၪဖၪအဂံၪ့ဖၧၩ့လီၫ. အဆၧ လုမ့ၪဒဲအဆၧလုလဖၪနီၪ ဘၪဆၧအၥၭတၭ, မိထၪ့ ဘၭလၧယဆၧလုလးအဖၫ့ခိၪး အဂဲးဘဲၫယီၩ ယဂံၪ့ မိဘၪဆၧကိၭဝ့ၫလၧဆၧဘၩဆိၪဖၪအဂံၪ့ လၧၦကိၭ
8 ဆၨၩဒ့ၭအဂးလီၫ.- ကဆါယဟိဝၩလၧအဒုၭအီၪ ကီၪ့ၦအံၫစရ့လၭဖိၪ လၧအဘၪဆၧနၫ့ထၪ့ခွံၬဝ့ၫနီၪ စံၭဘဲၫယီၩ, ၦလၧအအီၪကီၪ့ယူၭလၧအအီၪအမ့ၬယၫ နီၪယမိဒုၭအီၪကီၪ့ၦဂူၫဂၩဆ့လၧအအီၪလီၫ.
9 ကယဲဆၧဖိၪဆၧဎါလၧဆၧပျၩ့ဖၧၩ့ၥံၪဧ့, ဒဲဆၧဖိၪ ဆၧဎါလၧမံၩ့လၬကျၩ ထီးအလူၬၥံၪဧ့, ဂဲၫအၪ့ဆၧ
10 ဆံၭ.- အၡၩခိၭဆၧမွဲၦမ့ၬဘျီၪထီးအလူၬ,လၥ့ၪယၫ ဘၪဆၧတၭ, မွဲထွံၪအုၭအၭထီးအလူၬတၭ,မၩ့ဆၧလ ၥ့ၪဘၪတၭ, မွဲအမံၫမးဆၧ,မံၫခံၫ့ဝ့ၫ, အဲၪဒိၭအမံၫမၪ
11 လီၫ.- မွဲမၬ,ထွံၪနီၪၥၭကွံၩဆၧအၪ့တၭ, ၥ့ၪယၫဆၧ ဘျဲၩအၪ့အ့ၬ. အဝ့ၫၥံၪမွဲၦယူၬၥိၪ အနၫ့ဆါဒၪဝ့ၫနီၪ အနၪဆၧလၥ့ၪဘၪတၭ, ကၠၪအၥၭလဂၩလၧအဖၧၩ့ ၥၭဒၪဝ့ၫ,လဂၩလၧအၥၭကွံၩဆၧအဖၧၩ့, လဂၩလၧ
12 အၥၭကွံၩဆၧအဖၧၩ့ဆုၬဆုၬလီၫ.- စံၭဝ့ၫ, ဂဲၫနၥံၪဝ့ၫ ဘီၪ,ယမိမၩန့စဘံၭထံၫတၭ, ပမိဘျဲၩအီၩလၧၥံၭထံၫ ဂၬထံၫတၭ,ကဲဂီၩလနံၩ မိမၩအၥၭဘဲၫမုဆၫလနံၩ ယီၩအၥိၭနီၪ, အၪနဲၪ့ဒိၪနဲၪ့ဒံၭလီၫ.