5
1 တၭယမိၥံၫကျံၩထၪ့ၦလၧယအဲၪဝ့ၫ, ၦလၧယအဲၪ ဝ့ၫအစဘံၭကျိၭ အဂဲးအကၠီၪ့လီၫ. ၦလၧယအဲၪဝ့ၫ လဂၩအီၪလၧအစဘံၭကျိၭ လၧခိၪလီၩ့ဖိၪအလီၩ့ဂၪ့
2 ခိၪဂ့ၩလီၫ.- အဝ့ၫဒၪထနါထၬဝ့ၫတၭ, အၪ့ထုၫ့ထၪ့ခွံၬ လိးၥံၪတၭ, ၥုၪ့လၩ့စဘံၭမုအဂ့ၩထုၬ, မၩတၨၭခိၭ ဆၧလၧအၥၭကျၩလဖျိၪ့တၭ, ခုၪ့န့ဆၧယဲးစဘံၭၥၪ အလးလီၫ. အဝ့ၫဒၪယိလါ လၧအမိၥၪထၪ့စဘံၭၥၪ
3 တၭးၥၪထၪ့ဝ့ၫလၧစဘံၭမံၩ့အၥၪလီၫ.- တၭဘိၩ့နဲၪ့ ယီၩ,ၦအီၪဝ့ၫလၧယရုစလံၫ့အဖၧၩ့, ဒဲယုဒၫအၡၩၥံၪ ဧ့,စ့ၩရၫ့လါဆၧလၧယၧၩဒဲယစဘံၭမုအလးနီၪဆံၭ.
4 ဆၧမၩလၧယစဘံၭမုအဂးလၧယလမၩဘၪနီၪ, မွဲအ အီၪဒံၭလမံၩ့မံၩ့လဲၪ. ယယိလါလၧအမိၥၪထၪ့စဘံၭ ၥၪတၭ,ၥၪထၪ့စဘံၭမံၩ့အၥၪနီၪမွဲအဘၪဆၧနီၪလဲၪ.
5 တၭဘိၩ့နဲၪ့ယီၩဂဲၫဘီၪ, ယမိဒုၭၥ့ၪယၫနၥံၪလၧဆၧ လၧယမိမၩယစဘံၭမုအလးနီၪလီၫ. ယမိထုၭခွံၬအ ထနါတၭ,မိကဲၪထၪ့ဆၧအၪ့အဆၪအလး, ယမိမၩ လၩ့ဎီးအခိၪဒၧၩ့တၭ, မိကဲၪထၪ့ဆၧယဲးထဲးအလး
6 လီၫ.- တၭယမိအီၪက့ၪဝ့ၫလၧဆၧအီၪယူတၭ, မိဘၪ ဆၧဖ့ၬခိၫဝ့ၫအ့ၬ, ဆၧခုၪ့ဘိၪ့ထၪ့ဝ့ၫဆ့အ့ၬ. အ့ၪမွဲ ဆၧဆူၪအၪမံၩ့မိမဲၪထၪ့တၭ, ယမိမၪလူၬဆၧအုၪ့လၧ
7 အထီးဒုၭဆၧၩ့လၩ့ဆၧဆၧၩ့လၧအဖၫ့ခိၪလဂ့ၩ.- အ ဂဲးဘဲၫယီၩ ဆၧၥုၭမုခမျၧးအယဟိဝၩ အစဘံၭမုအ လးနီၪမွဲအံၫစရ့လၭအဂံၪ့, ဒဲယုဒၫအၡၩနီၪ, မွဲအဆၧ ၥုၪ့လၩ့လမံၩ့ လၧအဘၪအၥၭလီၫ. တၭမွဲအယိလါ ဆၧစ့ၩရၫ့အဖၧၩ့ၥၭလါနၫ့တၭ, ယိခွါ,ဆၧလူၫလၩ့ ဆၧၥွံၪ,ယိလါဆၧတီၩဆၧလီၩ့အဖၧၩ့ၥၭတၭ, ယိခွါ, ဆၧကိၭၡၭထၪ့လီၫ.
8 ၦလၧအမၩဘုၭစိၩဂံၪ့လဂံၪ့ဘၪလဂံၪ့, ဒဲလၧအအီၪ က့ၪဆံၬလးလလးဘၪလလး, ထီးအလးလအီၪလၧၩ့ ဘၪ, နၥံၪဝ့ၫဧ့,နၥံၪအီၪလၩ့ထ့ၬလဂၩဎးလၧခးအၥၭ
9 ကျၩနီၪ, ဘၪအၡၪ့လီၫ.- လၧယနါဖၧၩ့ဆၧၥုၭမုခမျၧး အယဟိဝၩစံၭဝ့ၫ, မွဲမၬဂံၪ့အၪဖျိၪ့မိအီၪယူဝ့ၫ, အဖၭ ဒိၪဒဲအဂ့ၩတၭ, ၦၡၩမိအီၪဘၪလၧအဖၧၩ့နးဂၩအ့ၬ.
10 အဂဲးဘဲၫယီၩ စဘံၭလးအ့ကၧၫလဆံၫနီၪ မိန့လဘၭ တၫ,ဆၧအချံၫဆံၫပိၩ့မိန့ထဲၩ့ဒီၭလပိၩ့လီၫ.
11 ၦလၧအဂဲထုၪ့လၧဂီၩလခီၫဂီၩဂီၩလ့ၬ ဘဲၫၥိၭအမိ အီၩၥံၭထံၫဂၬထံၫအီၪဝ့ၫ ထီးမုဂၪလၩ့ထီးစဘံၭထံၫ
12 ထိၪဂဲၩဝ့ၫနီၪ, ဘၪအၡၪ့လီၫ.- တၭနါဒံၩ့,ၥၫ့ထီး,ဒိၩ့ ၥံၪ,ပံၩၥံၪ,ဒဲစဘံၭထံၫနီၪအီၪဝ့ၫ လၧဆၧမၩဘိၪ့မၩပွ့ၩ အဖၧၩ့လီၫ. အ့ၪမွဲယဟိဝၩအဆၧမၩနီၪ အဝ့ၫၥံၪအီၪ က့ၪဝ့ၫလၧဆၧနးမံၩ့အ့ၬ. ဆၧလၧအမၩဝ့ၫလၧအစူၪ
13 နီၪယိဆီၫ့မီၪ့ဝ့ၫဆ့အ့ၬ.- မၩအၥၭဘဲၫနီၪတၭ, ယၡၩ ခမျၧးလ့ၩကဲၪဎီးလၧဆၧၥ့ၪယၫ လအီၪဘၪအကၠီၩ့ တၭ,အၡၩလၧအလၩအဖၩ့အီၪလဖၪနီၪ ဘၪဆၧၥၭဝံ လၩ့ဒိၩ,ဒဲအဝ့ၫၥံၪအၡၩခမျၧးနီၪ ဎဲၫ့ထၬဝ့ၫလၧဆၧ
14 ၥၭဝံအၥၭလၧထံၫအကၠီၩ့လီၫ.- မၩအၥၭဘဲၫနီၪတၭ, ဖျႃဖၧၩ့မၩလဲထၪ့အၥၭတၭ, အၩ့ထၪ့အနိၭဆံၭလဲ, ဆံၭလဲလဲၪနီၪအဆၧထိၪအီၪအ့ၬ. တၭအလၩအဖၩ့, ဒဲအၦဒိၪဖၭဒိၪၥံၪ, ဒဲအၡၩခမျၧး, ဒဲၦလၧအၥုၪ့ဎွံၫၥၭ
15 ယီၫလၧအဖၧၩ့နီၪလ့ၩလၩ့ဝ့ၫထီးနီၪလီၫ.- ၦအၡၪ့ဘၪ ဆၧဆၪ့လၩ့ဝ့ၫ ဒဲၦဒိၪၦၡါၥံၪ ဘၪဆၧခွံၬလၩ့ခွံၬဝ့ၫ, ဒဲၦအီၪက့ၪဖိၫလိၫအၥၭ အမ့ၬၥၪဘၪဆၧဆၪ့လၩ့ဝ့ၫ
16 လီၫ.- အ့ၪမွဲၥုၭမုခမျၧးအယဟိဝၩမိဘၪဆၧအီၪက့ၪ ထၪ့ထီၫဝ့ၫလၧဆၧစ့ၩရၫ့အဖၧၩ့, ဒဲယွၩအဆၧဆံၫ့ဎံၪ လဂၩမိဘၪဆၧအီၪက့ၪဆံၫ့ဎံၪဝ့ၫ လၧဆၧတီၩဆၧ
17 လီၩ့အဖၧၩ့လီၫ.- တၭၥိၪဖိၪၥံၪမိအၪ့ ဆၧလၧအဆၧ အၪ့အဆၪအလး,ဒဲဆၧအဘီၪ့ၥံၪအလးအီၪယူဝ့ၫနီၪ ၦလခီၫဘၩ့မုးဖိၪမိအၪ့ဝ့ၫလီၫ.
18 ၦလၧအမီၩ့ဆၧအၧၩ့ဆၧၥၫ့ လၧဆၧပျီၩပျီၩအဖျံၩ နီၪ,ဒဲမၩဆၧဒဲၩဘၭ လၧလဲၪ့အဖျံၩနီၪ, ဘၪအၡၪ့တၭး
19 မွဲၦလၧအစံၭမွဲအမၩအ့ၪချဲၫ့တၭ, ဒုၭအီၪထၪ့အဆၧ မၩလၧအဆိၫအချဲၫ့ ဘဲၫၥိၭပမိဒၪဘၪဝ့ၫဆံၭ. တၭ ဘဲၫၥိၭပမိၥ့ၪယၫ အံၫစရ့လၭအဆၧဆံၫ့ဎံၪလဂၩအ
20 ကိၪ့ထၪ့ဖၭလၩ့နီၪ, မွဲအၥုၭဘူၭအၥၭဆံၭ.- ၦလၧအ စံၭဆၧအၧၩ့မွဲဆၧဂ့ၩ, ဒဲဆၧဂ့ၩမွဲဆၧအၧၩ့, လၧအအီၪ က့ၪဆၧခံၭလၧဆၧဖၩ့အဂး, ဒဲဆၧဖၩ့လၧဆၧခံၭအဂး လၧအအီၪက့ၪဆၧခၪ လၧဆၧဆၧၫ့အဂး, ဒဲဆၧဆၧၫ့
21 လၧဆၧခၪအဂးနီၪ,မွဲအဘၪအၡၪ့လီၫ.- ၦလၧအမွဲၦ ကိၪ့ၥ့ၪလၧအမ့ၬၥၪဒၪဝ့ၫအဖၧၩ့, ဒဲၦလၧအၥုၪ့ဖၭအ
22 ၥၭဖၭလၧအမ့ၬယၫဒၪဝ့ၫအဖၧၩ့နီၪဘၪအၡၪ့လီၫ.- ၦ လၧအဆီၪ့ဝ့ၫဘဲၫၥိၭအမိအီၩစဘံၭထံၫ, ဒဲၦလၧအဂဲး
23 အဘၭဆီၪ့ဘဲၫၥိၭအမိလဲၩဎုၬၥံၭထံၫဂၬထံၫ,- လၧအ အီၪက့ၪၦအၧၩ့လၧၦအဆၧမၪလအီၪဘၪ လၧလၬဆီၪ့ အကၠီၩ့တၭ, ထုၭထၪ့ခွံၬၦတီၩအဆၧတီၩနီၪ,မိဘၪအ
24 ၡၪ့လီၫ.- မၩအၥၭဘဲၫနီၪတၭ,ဘဲၫမ့ၪလၪအဖျ့ၩအၪ့ ခွံၬလီထိၭအၥိၭ,ဒဲဘဲၫနၪ့ၥံၪမံၩ့ၥံၪအဎဲၫ့ လၧမ့ၪအၪ့ လၩ့ဘိၪဝ့ၫအၥိၭနီၪ, အဝံကဲၪထၪ့ဆၧအုၪဆၧကျၪတၭ, အဖီၫမိလ့ၩထၪ့ ဘဲၫဂၪ့ခိၪမုၬအၥိၭနီၪလီၫ. အဂဲး ဘဲၫယီၩ,မွဲအခွံၬၡိၭခွံၬယူၭ ဆၧၥုၭမုခမျၧးအယဟိ ဝၩအဆၧၥီၪ့ဆၧၥၫ့တၭ, လဒူၩလယၪ့ဘၪအံၫစရ့လၭ
25 အဆၧဆံၫ့ဎံၪလဂၩ အလူအထၫလီၫ.- မၩအၥၭဘဲၫ နီၪတၭ, ယဟိဝၩအၥၭထၪ့ခဲၩထၪ့ဘၪ အၡၩခမျၧး တၭ,ယၩ့ထၪ့အစူၪထၫ့ဒုၪဒၩ အဝ့ၫၥံၪတၭ, ထးဝ့ၫ တၭ,ခိၪလီၩ့ၥံၪဝၭထိၬဝ့ၫတၭ, အဝ့ၫၥံၪအစွၪအီၪဝ့ၫ လၧဖၧၩ့ၥၭဖၧၩ့ဘဲၫဆၧအ့ၪအၥိၭနီၪလီၫ. လၧဆၧထီး အလူၬအကၠီၩ့နီၪအၥၭထၪ့လဆါလၩ့ဘၪတၭ, အစူၪ ယၩ့ထၪ့ဒံၭအၥၭလီၫ.
26 အဝ့ၫဒၪမိဘိၭထၪ့ၥုၭဖိၪအလၫ့ လၧၦဆၨၩလၧအ အီၪလၧအယဲၩ့အဂးတၭ, မိယူၪလၧၦအီၪဝ့ၫလၧဂၪ့ ခိၪအထုၬၥံၪအဂးတၭ, ယိခွါ,အဝ့ၫၥံၪ မိဂဲၫချဲၫ့ချဲၫ့
27 လီၫ.- ဆၧပွံၭအၥၭနးဂၩအ့ၬး တၭအခၪ့ဘၪထၧၩ့နး ဂၩအ့ၬးၦမံၫဒဲမံၫခံၫ့နးဂၩအ့ၬး တၭအခၧၩ့ယးလၩ့
28 ပၠၪအ့ၬးတၭအခၪ့ဖံၭဖျံၩထ့ၬဘၪအ့ၬး- အဖျါစူၩဝ့ၫ တၭ,ဆၪ့ထၪ့အချံၪၥံၪထီးအလူၬ, အကၥ့ၪအခၪ့မံၪ မၩအၥၭဘဲၫလိးမ့ၪအၥိၭတၭ, အလဲၪ့ပၪဘဲၫလံၩၥဝံၭ
29 အၥိၭလီၫ.- အဝ့ၫၥံၪမိယုၩ့ဆၧဘဲၫဆၬလၥၧၫ့အၥိၭ တၭ,ယုၩ့ဆၧဘဲၫဆၬလၥၧၫ့ဖိၪအၥိၭတၭ, မွဲမၬ, မိ ယုၩ့ဆၧဒဲဖီၪ့န့ဆၧ, ဒဲထဲၩ့ဆိၬခွံၬဆၧတၭ, ဆၧမၩဂၭ
30 ဖျ့ၭအီၪအ့ၬ.- ဆၧလၧမုလနံၩနီၪ အဝ့ၫၥံၪမိယုၩ့ဆၧ ထၫ့ဒၩအဝ့ၫၥံၪ ဘဲၫမၫဆမံၭၥီၫအၥိၭနီၪလီၫ. တၭၦ မိယိဆၧလၧခးနီၪတၭ, ယိခွါ, ဆၧခံၭဒဲဆၧခိဆၧဝီၩ ဒဲဆၧဖၩ့လၧဆၧဖိၭဖၫ့ခံၭလၩ့ဝ့ၫဒၪလီၫ.