48
1 ခိၭနၪဆၧယီၩ, စယၫကူၭအၡၩဂံၪ့ဖိၪၥံၪဧ့, ၦလၧ ဆၧကိၭဝ့ၫလၧအံၫစရ့လၭအမံၩ့တၭ, ဂဲၫထၪ့ဝ့ၫလၧ ယုဒၫအထံၫထၪ့ဖျိၭ, ၦလၧအဆိၪလၩ့အၥၭလၧယဟိ ဝၩအမံၩ့လၧ အဒုၭနၪ့ထၪ့ထဲၩ့အံၫစရ့လၭအယွၩနီၪ, မွဲလါနၫ့ဘိၩ မွဲလၧဆၧမွဲဆၧတီၩအ့ၬ, မွဲလၧဆၧတီၩ
2 ဆၧလီၩ့ဆ့အ့ၬ.- အဂဲးဘဲၫယီၩစံၭလၩ့အၥၭလၧအ ဘၪဆဲၫ့လၧဒိၩ့ဆံၫ့ဎံၪတၭ, ဒိၭနဲၩ့အၥၭလၧအံၫစရ့လၭ အယွၩ, ဆၧၥုၭမုခမျၧးအယဟိဝၩမွဲအမံၩ့လီၫ.
3 ဆၧအခၪ့ထံၭလဖၪနီၪ ယဒုၭနဲၪလၧဖျိၩ့, ထၪ့ဖျ့ၭဝ့ၫ လၧယနိၭတၭ, ယဒုၭနဲၪဝ့ၫး ယမၩယဝ့ၫချဲၫ့မၬတၭ,
4 ဆၧကဲၪထၪ့ဝ့ၫဒၪလီၫ.- အဂဲးဘဲၫယီၩယၥ့ၪယၫလၧ နၥၭကၪတၭ, နခိၬမွဲထၭဘီၩ့တၭ, နမ့ၬထုးခိၪနီၪမွဲထီး
5 ဘၩ့လီၫ.- ယဒုၭနဲၪနၧၩလၧအခၪ့ထံၭနီၪ, လၧအလ ချႃၭဂဲၫဒံၭဘၪတၭ, ယဒုၭၥ့ၪယၫနၧၩ, ဘဲၫၥိၭနထီး စံၭ,ဆၧလၧယဆၧဂၩ့မၩဆၧယီၩ, ဒဲယဆၧဂၩ့စိၭဖျၩ အၥၭ,ဒဲယဆၧဂၩ့ၥိၫ့အၥၭ မၪလူၬဝ့ၫနီၪလဂ့ၩလီၫ.
6 နနါဂၧၫ့ယူၭ, ယိဆၧယီၩထီးအလူၬဆံၭ. တၭနၥံၪမိ ဒုၭနါဂၧၫ့အ့ၬဧၪ. တၭဆၧအၥၫ့, ဆၧလၧအအီၪၥူၪ လၧနလၥ့ၪယၫဘၪလဖၪ, ယဒုၭနါဂၧၫ့လၧနၧၩလီၫ.
7 ဆၧလဖၪနီၪတဲၩ့လၩ့အၥၭဘိၩ့နဲၪ့ယီၩ မွဲလၧဖျိၩ့အ့ၬ. မုလနံၩယီၩ လချႃၭဘၪဒံၭဘၪတၭ, နနါဂၧၫ့ဘၪဝ့ၫ အ့ၬ,ယိခွါ, ဘဲၫၥိၭနထီးစံၭ,ယၥ့ၪယၫဝ့ၫနီၪလဂ့ၩ.
8 မွဲမၬ,နနါဂၧၫ့အ့ၬ, မွဲမၬ, နၥ့ၪယၫဝ့ၫအ့ၬး မွဲမၬ, ခီၫ လၧအခၪ့ထံၭနီၪနနါအိၭထၪ့အၥၭအ့ၬ. အဂဲးဘဲၫယီၩ ယၥ့ၪယၫလၧနမိမၩအၪ့လီၫဆၧနၭနၭလ့ၬတၭ, ခီၫလၧ ဆၧဒၧၩ့လးအဖၧၩ့နီၪနဘၪဆၧကိၭနၧၩ လၧၦလၧအ မၩမၪဆၧလီၫ.
9 လၧယမံၩ့ဒၪယဝ့ၫအကၠီၩ့နီၪ ယမိၥုၭယဲၩ့ယဆၧ ၥၭထၪ့တၭ, လၧယဆၧစံၭထၪ့အၪ့အူၭအကၠီၩ့နီၪ ယမိ ပဒၩ့ဆၧလၧနကၠီၩ့ ဘဲၫၥိၭယထီးဒၪ့ထ့ၬခွံၬနၧၩလဂ့ၩ
10 လီၫ.- ယိခွါ,ယအၪ့ကဲၪ့ယူၭနၧၩလါနၫ့တၭ, မွဲဘဲၫ ကျိၪၥံၪစ့ၩၥံၪအၥိၭအ့ၬး ယမၩခွါယူၭနၧၩလၧဆၧၡၪ့
11 ဆၧနၭအမ့ၪဖၭဒိၪအဖၧၩ့ယူၭ.- လၧယဂးဒၪယဝ့ၫ, လၧယဂးဒၪယဝ့ၫဒၪလ့ၬ ယမိမၩဝ့ၫလီၫ. အဂဲးဘဲၫ ယီၩယမံၩ့မိဘၪဆၧမၩဘၪၥၭလိၪဝ့ၫဘဲၫၥ့ၪလဲၪ. တၭ ယလၩယဖၩ့နီၪယဖ့ၪလၫ့ၦဂူၫဂၩအ့ၬ.
12 ခိၭနၪယလူ,စယၫကူၭဧ့, ဒဲအံၫစရ့လၭလၧ ယ ကိၭန့ဝ့ၫ, ယဝ့ၫဒၪယီၩယမွဲအဝ့ၫဒၪလီၫ. ယဝ့ၫဒၪယီၩ ယမွဲဆၧအခၪ့ထံၭတၭ, ယဝ့ၫဒၪယီၩယမွဲဆ့ဆၧအခဲၫ့
13 ထုၬလီၫ.- ယစူၪအီၪက့ၪလၩ့ဆ့ဂၪ့ခိၪအခၪ့ထံၭတၭ, ယစူၪထွ့ၪနီၪ ထၫမူၭခိၪလီၫ. ယကိၭန့အဝ့ၫၥံၪတၭ,
14 မွဲအဆၧၫ့ထုၪ့ဝ့ၫလစီၪ့ဎးလီၫ.- နၥံၪဝ့ၫထီးအလူၬၥံၪ ဧ့,အီၪကိၩ့အီၪကီၪ့တၭခိၭနၪဆၧဆံၭ. မွဲပလၫဒုၭနဲၪ ဆၧလဖၪနီၪ လၧအကျၩလဂၩလဲၪ. ယဟိဝၩအဲၪဝ့ၫ, မိမၩဆၧထီးဒၪအၥၭ လၧဘၭဘလၧၫ့အဖၧၩ့တၭ, အ
15 စူၪဒူၪမိအီၪလၧၦခၫလဒံအၫဖိၪအလီၩ့လီၫ.- ယဝ့ၫဒၪ ယီၩယချဲၩ့ယူၭဆၧယူၭ. မွဲမၬ,ယကိၭန့အဝ့ၫ, ယဒုၭ အီၪထၪ့ဝ့ၫတၭ, မွဲအမိမၩဘီၪထၪ့ယီၫထၪ့အဖၧၩ့ၥၭ လီၫ.
16 ၥုၭဘူၭနၥံၪအၥၭလၧယအီၪ, ခိၭနၪဆၧယီၩဆံၭ. ခီၫလၧအခၪ့ထံၭယချဲၩ့လၧဆၧအီၪၥူၪအ့ၬ. လၧအအီၪ ထၪ့ၥၫ့နီၪယအီၪထီးနီၪလီၫ. တၭဘိၩ့နဲၪ့ယီၩကဆါ
17 ယဟိဝၩအၪ့မၧၫ့လၩ့ယၧၩလၧအၥၭလီၫ.- ဆၧဎွ့ၩ န့ထဲၩ့နၧၩ, ယဟိဝၩ, အံၫစရ့လၭအဆၧဆံၫ့ဎံၪလ ဂၩ,စံၭဘဲၫယီၩ, ယဝ့ၫဒၪယီၩယမွဲယဟိဝၩ, နယွၩ လၧအၥီၪ့လိၪနၧၩဘဲၫၥိၭနမိဘၪအခိးအတၩတၭ, ယ ဒုၭဖိၬနၧၩလၧဖၧၩ့ၥၭ လၧနကြၨၭဖိၬလဘီၩ့နီၪလီၫ.
18 ယဆိၫ့ယူၭလၧနခိၭနၪဝဲၩယူၭ ယဆၧမၪလူၬတၭ,အ့ၪ မွဲဘဲၫနီၪတၭ, နဆၧမုၬဆၧဎၩ့မိမၩအၥၭဘဲၫထံၫမိၡါ အၥိၭ,ဒဲနဆၧတီၩဆၧလီၩ့ ဘဲၫမၫဆမံၭအလပီၩအ
19 ၥိၭနီၪလီၫ.- နချံၫနၥၪဆ့မိမၩအၥၭဘဲၫမ့ၭအဖျိၪ့အၥိၭ တၭနဆၨၩနဆၬဘဲၫလိးပွ့ၪအၥိၭနီၪတၭး ဆၧဒၪ့ထ့ၬ ခွံၬအမံၩ့အ့ၬ, ဒဲမၩဂၭဂီၩ့ဝ့ၫလၧယမ့ၬယၫဆ့အ့ၬ.
20 ဂၭထၪ့ခွံၬလၧဘၭဘလၧၫ့အဖၧၩ့, စဲၪ့ထၪ့ခွံၬလၧ ၦခၫလဒံအၫဖိၪအအီၪ, လၧဆၧၥၭထိၬအၥီၫဆံၭ. ဒုၭ နဲၪဒဲဒုၭနါဂၧၫ့ဆၧယီၩဆံၭ. ဒုၭဂၧၫ့ထၪ့ၥၩလၩ့ဆၧ ထီၩ့လၧဂၪ့ခိၪအထုၬဆံၭ.စံၭ, ယဟိဝၩဎွ့ၩန့ထဲၩ့ယူၭ
21 အခ့ၫအၡၩစယၫကူၭနီၪဆံၭ.- ထီးအဒုၭလ့ၩအဝ့ၫၥံၪ လၧၡါမုနၧၫ့ဖၫနီၪ, ဆၧၥူၫအၥၭလၧထံၫအ့ၬ, အဝ့ၫဒၪ ဒုၭယွၩထၪ့ထံၫလၧလိးဖၧၩ့ လၧအဝ့ၫဒၪအဂး, ဒိၪလိး တၭ,ထံၫဖျိၭထၪ့ဝ့ၫဒၪလီၫ.
22 ဆၧမုၬဆၧဎၩ့လၧၦလတီၩလလီၩ့ဘၪ အဂးအီၪနး ဆံၭအ့ၬ, ယဟိဝၩစံၭဝ့ၫဒၪ.