29
1 အၫရအ့လၭ, အၫရအ့လၭ, ဒိၩ့ထီးစဒၫဝံၭၥုၪ့အ တဲၩဝၬဖီၩ့ဝ့ၫနီၪ ဘၪအၡၪ့တၭ, အီၪက့ၪကီၪ့နၥံၪဝ့ၫ လနံၪ့ဘၪလနံၪ့နီၪဆံၭး မွဲဆၧမၩဘိၪ့လဖၪလ့ၩဝံၩ့ဝၩ့
2 ဆၧၫ့ထဲၩ့အလးနီၪဖီၩၬ- ယမိမၩၡၪ့မၩနၭအၫရအ့ လၭတၭ,ဆၧၥုၪ့အုၭၥၭအုၭ, ဒဲဆၧၥုၪ့ခိၥၭဝီၩမိအီၪ တၭ,အဝ့ၫဒၪမိအီၪလၧယဂး ဘဲၫအၫရအ့လၭအၥိၭ
3 နီၪလီၫ.- ယမိၥုၪ့တဲၩဝၩ့ထၬနၧၩတၭ, ယမိဒုၭဆၧထၫ့ ဒုၪထၫ့ဒၩနၧၩလၧခိၪဒၧၩ့ဂၪ့ခိၪတၭး ယမိမၩထၪ့ထိၬ
4 ၥံၪထၫ့ဒုၪဒၩနၧၩလီၫ.- နဘၪဆၧဆၪ့လၩ့နၧၩတၭ, နမိချဲၩ့ဆၧလၧဂၪ့ခိၪအဖၧၩ့တၭ, နလူမိအီၪလၧဆၧ ဖၫ့လၬလၧဂၪ့ခိၪမုၬအကျၩတၭ, နလူမိမၩအၥၭဘဲၫ ၦလၧအယူၬအီၪဝ့ၫအလူအၥိၭနီၪ, နမိချဲၩ့ဆၧဘံၪၥွံၫ လၧဂၪ့ခိၪအဖၧၩ့ ဒဲလၧဂၪ့ခိၪမုၬအကျၩလီၫ.
5 နၡၩလခီၫဘၩ့မုးဖိၪခမျၧးနီၪ မိမၩအၥၭဘဲၫဂၪ့ခိၪ မုၬလွံၩပွံၪအၥိၭတၭ, ၦၡၩမၩၥၭမဲၪၥၭဖျဲၩ့ဆၧနီၪမိ မၩအၥၭဘဲၫဖ့ၫလၧအဒံၩခွံၬဝ့ၫအၥိၭနီၪလီၫ. မွဲမၬ, မိ
6 မၩၡုၭအၥၭလၧဆၧလဆိဖျါကလၬလီၫ.- လၧဆၧၥုၭ မုခမျၧးအယဟိဝၩအနၫ့ဆါနီၪဆၧစ့ၩရၫ့လၧလၫ့ဎွံၩ့, ဒဲဂၪ့ခိၪဝၭ, ဒဲဆၧအၥီၫဖၭဒိၪ, ဒဲလံၩမု, ဒဲလံၩလဖုၬ,
7 ဒဲမ့ၪလၪလၧအအၪ့ဆၧမိဘၪနၧၩလီၫ.- ၦဆၨၩထီးအ လူၬအခမျၧးလၧအဒုၭၥုၭလၧအၫရအ့လၭ, ကယဲၦ ၡၩဒၪလ့ၬ လၧအဒုၭၥုၭထၫ့ဒုၪဒၩအဝ့ၫ, ဒဲအဒိၩ့ခိၪ ဒၧၩ့,ဒဲမၩခိမၩဝီၩဝ့ၫနီၪ, မိမၩအၥၭဘဲၫမံၫမးဒၪဆၧ
8 လၧယၫမုနၩလခီၫအၥိၭနီၪလီၫ.- ဆၧမိမၩအၥၭဘဲၫ ၦၥၭဝံဆၧနီၪမံၫမးဆၧအၥိၭတၭ, ယိခွါၬ အၪ့ဘၪဝ့ၫ လါနၫ့နီၪ, နၪ့ထၪ့အၥၭတၭ, အၥၭအီၪပျီၩဝ့ၫလီၫၬ တၭ မၩအၥၭဘဲၫၦၥၭဝံအၥၭလၧထံၫနီၪ မံၫမးဆၧအၥိၭ တၭ,ယိခွါၬ အီၩဘၪဝ့ၫလါနၫ့နီၪနၪ့ထၪ့အၥၭတၭ, ယိခွါၬအၥၭလၩ့ဘဲၩဝ့ၫတၭ, အၥၭဆိၫ့န့ဆၧလီၫ. ၦဆၨၩထီးအလူၬ အခမျၧးလၧအဒုၭၥုၭ လၧခိၪလီၩ့ ဇံအိၫ့မိမွဲဘဲၫနီၪၥိၭလီၫ.
9 အီၪထီနၥံၪဝ့ၫတၭ, ထီၫမံၫထီၫမၪနၥံၪဝ့ၫဆံၭ.မၩ ဘျီၪနၥံၪအမ့ၬတၭ,အီၪမ့ၬဘျီၪဆံၭ. အဝ့ၫၥံၪအီၩမၧၩ့ အၥၭလါနၫ့ဘိၩ, မွဲလၧစဘံၭထံၫအ့ၬး လ့ၩဆၧဒံၩ့ခံၫ့ ဒၪ့ဎၩ့လါနၫ့ဘိၩ, မွဲလၧၥံၭထံၫဂၬထံၫအကၠီၩ့အ့ၬ.
10 အဂဲးဘဲၫယီၩ ယဟိဝၩလူၫလၩ့ဆၧမံၫမၪအၥၭလၧ နၥံၪအလီၩ့, ဒဲမၩဘံၭနၥံၪအမ့ၬ, မီၪလဖၪ,ဒဲနၥံၪအခိၪ
11 လဖၪၦဒၪဆၧနီၪချႃၬဘံၭဝ့ၫလီၫ.- တၭဆၧဒၪဘၪလၧ ယၫလခီၫထီးအလူၬနီၪ အီၪလၧနၥံၪအဂးမၩအၥၭဘဲၫ ဆၧကွ့ၭအၥၭလၧအဘၪဆၧစဲၩနဲၪ့ထၬအၥိၭ, လၧၦ ဖ့ၪလၫ့ၦလဂၩလၧအဖီလံၬၥ့ၪတၭ, စံၭဝ့ၫ, ဖီလါဆၧ ယီၩဆံၭ. တၭအဝ့ၫဒၪစံၭဆၧၫ့ဝ့ၫ, ယဖီၥ့ၪအ့ၬး အ
12 ဂဲးဘဲၫယီၩဘၪဆၧစဲၩနဲၪ့ထၬဝ့ၫလီၫ.- ၦဖ့ၪလၫ့ဆၧ ကွ့ၭအၥၭနီၪလၧၦလၧအဖီလံၬလၥ့ၪဘၪတၭ, စံၭဝ့ၫ, ဖီလါဆၧယီၩဆံၭ. တၭအဝ့ၫဒၪစံၭ, ယဖီလံၬၥ့ၪအ့ၬ.
13 အခိးမွဲဘဲၫနီၪတၭ, ကဆါစံၭဝ့ၫဒၪ, ၦခမျၧးယီၩၥုၭ ဘူၭအၥၭလၧယအီၪလၧအနိၭ, ဒဲမၩလၩဖၩ့ယၧၩ လၧအနိၭဖျံၩလါနၫ့, အီၪက့ၪအၥၭယဲၩ့လၧယၧၩ တၭ,အဆၧၥၭမဲၪယၧၩနီၪ ကဲၪထၪ့လၧၦၡၩအဆၧၥီၪ့
14 ဆၧၥၫ့လီၫ.- မၩအၥၭဘဲၫနီၪတၭ, ယိခွါ, ယမိမၩဒံၭ ဆၧလၩ့လၭ လၧၦခမျၧးယီၩအကျၩ, ဆၧမၩလၩ့မဲၩ ဒၪဆၧ, ဒဲဆၧထီၫမံၫထီၫမၪလမံၩ့နီၪး အဂဲးဘဲၫယီၩ ၦကိၪ့ၥ့ၪအဆၧကိၪ့ဘၪကိၪ့ၥ့ၪနီၪ မိဘၪဆၧမၩဂၭဂီၩ့ ဒဲၦကိၪ့ဆၧဘၪလဖၪအၥၭကိၪ့ၥ့ၪနီၪ မိလၩ့မါလီၫ.
15 ၦလၧအလ့ၩအၪ့ဎၬဆၧယိၬ ဘဲၫၥိၭအမိအီၪက့ၪၥူၪ ခွံၬအဆၧကိၪ့ထၪ့ဖၭလၩ့ လၧယဟိဝၩအမ့ၬယၫတၭ, အဆၧမၩနီၪအီၪဝ့ၫလၧဆၧခံၭကျၩတၭ, စံၭဝ့ၫ,မွဲပလၫ ဒၪဘၪပၧၩလဂၩလဲၪ, ဒဲမွဲပလၫၥ့ၪယၫပၧၩလဂၩလဲၪ
16 နီၪ,ဘၪအၡၪ့လီၫ.- နၥံၪအၥၭကၪမၬကလဲၪၬ ၦတဲၩ့ ဖၧၩ့ဂၪ့ခိၪနီၪမွဲဆၧအီၪက့ၪဝ့ၫဘဲၫကဖံၬအၥိၭနီၪဆ့ဧၪ. အဂဲးဘဲၫယီၩ ဆၧဘၪတဲၩ့ဝ့ၫနီၪမိစံၭ, လၧၦလၧအ တဲၩ့ဝ့ၫအဂဲး, မွဲလတဲၩ့ဘၪယၧၩနီၪဆ့ဧၪး တၭဆၧ လၧအဘၪဆၧတဲၩ့ဝ့ၫလမံၩ့နီၪမိစံၭ လၧၦလၧအတဲၩ့ ဝ့ၫအဂဲးနီၪ, မွဲအဆၧနၪၥ့ၪလအီၪဘၪနီၪဆ့ဧၪ.
17 နးဆိဖီၩ့ခွံၬတၭ, လ့ၭဘနၧၫ့မိကဲၪထၪ့ဂၪ့ခိၪအဝၩ့ လၧအၥၪထၪ့ဆၧတၭ, ဂၪ့ခိၪအဝၩ့လၧအၥၪထၪ့ဆၧ
18 နီၪမိကဲၪထၪ့မံၩ့လၬကျၩနီၪ,မွဲအ့ၬဧၪ.- ဆၧလၧမုလ နံၩနီၪၦနါအၧၩ့နီၪမိနါဂၧၫ့လံၬအလူတၭ, ၦအမ့ၬဘျီၪ မိဒၪဆၧလၧဆၧခံၭကျၩ, ဒဲလၧဆၧခံၭၥၧၫ့အကျၩလီၫ.
19 ၦအၥၭဆၧၩ့နီၪဒံၩ့ယံၬဒံၩ့ၥၭထိၬ လၧယဟိဝၩအဖၧၩ့ တၭ,ၦၡၪ့ဖိၪယၬဖိၪလၧၦၡၩအကျၩနီၪ, မိၥုၪ့ဎွံၫၥၭ ယီၫလၧအံၫစရ့လၭအဆၧဆံၫ့ဎံၪလဂၩအဖၧၩ့လီၫ.
20 အဂဲးဘဲၫယီၩ ၦမၩန့ဆီၪ့ဆၧနီၪလူၬယူၭ, ဒဲၦဒုၪဒွ့ၪ ဆၧအီၪလၧၩ့အ့ၬတၭ, ၦယိဂူၪဆၧမၩလတီၩဘၪနီၪ
21 ဘၪဆၧဒၪ့ထ့ၬခွံၬဝ့ၫလီၫ.- အီၪက့ၪၦလၧၦမၩမၪဆၧ ဖိၪလၧဆၧချဲၩ့လထံၪအကၠီၩ့တၭ,အီၪက့ၪဖျံၩခွၩ့လၧ ၦလၧအချဲၩ့ခွးလၧတရၫ့ဖၧၩ့အဂးတၭ, ဘိၭကၠၪခွံၬၦ
22 တီၩၦလီၩ့လၧအၪ့လီၫဆၧအကၠီၩ့လီၫ.- မၩအၥၭဘဲၫ နီၪတၭ, ယဟိဝၩၦလၧအဎွ့ၩန့ထဲၩ့ စအၫဘြဟၫ့လ ဂၩနီၪ, စံၭလၧစယၫကူၭအၡၩဂံၪ့ဖိၪအဂဲးအကၠီၪ့ဘဲၫ ယီၩ,မွဲစယၫကူၭအမ့ၬမဲဘိၩ့နဲၪ့ယီၩအ့ၬ. တၭမွဲအ
23 မ့ၬမိလၩ့မိၫလၩ့ဘွၩ ဘိၩ့နဲၪ့ယီၩဆ့အ့ၬ.- အဂဲးဘဲၫ ယီၩ ထီးအဒၪဘၪအဖိၪ, ဆၧမၩလၧယစူၪ, လၧအကျၩ တၭ,အဝ့ၫၥံၪမိအီၪက့ၪဆံၫ့ဎံၪယမံၩ့တၭ, အီၪက့ၪ ဆံၫ့ဎံၪစယၫကူၭအဆၧဆံၫ့ဎံၪတၭ, မိၥၭမဲၪအံၫစရ့
24 လၭအယွၩနီၪလီၫ.- တၭၦလၧအၥၭဂၭဖျိၭယူၭဆၧ နီၪမိၥ့ၪယၫဆၧကိၪ့ၥ့ၪတၭ, ၦလၧအၥူၭဝံၥူၭလၩယူၭ မိမၩလိၪဆၧၥီၪ့ဆၧၥၫ့လီၫ.