2
1 ဆၧလၧစအၫမူၭအဖိၪခွၫ စအဲၫစ့ယၫဒၪဘၪဝ့ၫလၧ ယုဒၫး ဒဲယရုစလံၫ့အဂဲး.
2 လၧမုနံၩအခဲၫ့ထုၬ လဖၪနီၪ ဆၧမိမၩအၥၭ လၧ ယဟိဝၩအဂံၪ့အခိၪလီၩ့နီၪ မိအီၪဂုးအီၪခၧၫ့ လၧခိၪ လီၩ့ဒၩ့ခိၪတၭ, မိဘၪဆၧအီၪက့ၪထၪ့ထီၫနဲၪ့ဒံၭဆၧ စီၩ့ခိၪၥံၪတၭ, ၦကိၭဆၨၩဒ့ၭမိလၩ့ယွၩဝ့ၫလၧအအီၪ
3 လီၫ.- ၦခမျၧးအၪဆၨၩမိလ့ၩတၭစံၭဝ့ၫ, ဂဲၫဘီၪ, မွဲပ မိလ့ၩထၪ့ၡီၩ့လၧယဟိဝၩအခိၪလီၩ့ လၧစယၫကူၭ အယွၩအဂံၪ့နီၪဆံၭ. တၭအဝ့ၫဒၪမိနဲၪလိၪပၧၩလၧအ ဖၧၩ့ၥၭၥံၪတၭ,ပမိဖိၬအဖၧၩ့ၥၭလဖၪလီၫ. အဂဲးဘဲၫ ယီၩဆၧၥီၪ့ဆၧၥၫ့မိစဲၪ့ထၪ့ခွံၬ လၧဇံအိၫ့အဖၧၩ့, ယ
4 ဟိဝၩအလူအထၫလၧယရုစလံၫ့အဖၧၩ့လီၫ.- အဝ့ၫ ဒၪမိစ့ၩရၫ့ဆၧလၧၦဆၨၩၥံၪအကျၩတၭ, မိအၪ့ၥီၪ့ၦ ခမျၧးအၪဆၨၩတၭ, အဝ့ၫၥံၪမိနဲၫ့ထဲၩ့ အနၭၥံၪမၩ ကဲၪထၪ့ထဲၫအနါ, ဒဲအဖၩ့ၥံၪ ကဲၪထၪ့ဎ့ၬဖ့ၬၥံၪ့လီၫ. တၭၦလဆၨၩမိယၩ့ထၪ့လၧနၭ လၧအထၫ့ဒုၪဒၩၦ လဆၨၩဒၪနီၪဆ့အ့ၬး ဒဲမၩလိၪလၧၩ့ ဆၧဒုၭၥုၭဆ့
5 အ့ၬ.- စယၫကူၭအဂံၪ့ဖိၪၥံၪဧ့, ဂဲၫနၥံၪဝ့ၫဘီၪ, မွဲပမိ လ့ၩၡီၩ့လၧယဟိဝၩအဆၧဖၩ့အဖၧၩ့နီၪဆံၭ.
6 အဂဲးဘဲၫယီၩ နစဲၪ့ဒၪယူၭနၡၩခမျၧးစယၫကူၭအဂံၪ့ ဖိၪယူၭ.အဂဲးဘဲၫယီၩ အဝ့ၫၥံၪဎွ့ၩဝ့ၫလၧဆၧလၧမုထၪ့ လခီၫ,ဒဲၦမၩကဒၩၦမ့ၬဘဲၫၦဖလံၡၫဖိၪအၥိၭနီၪတၭ,
7 ဖီၪ့လိၬအစူၪလၧၦလခီၫဘၩ့မုးဖိၪလီၫ.- အဝ့ၫၥံၪအ ထံၫအခးဎွ့ၩဝ့ၫလၧကျိၪၥံၪစ့ၩၥံၪ, ထီၫ့ၥံၪလွ့ၫၥံၪတၭ, အဆၧအီၪက့ၪကီၪ့ဆၧနီၪ အထုၬအီၪအ့ၬ. အထံၫအ ခးဎွ့ၩဝ့ၫလၧကၥ့ၪဆ့, ဒဲအလဲၪ့ၥုၭလဖၪနီၪအထုၬအီၪ
8 အ့ၬ.- အထံၫအခးဎွ့ၩဝ့ၫလၧဆၧဂၩ့ဆၧဖၪ့ဆ့း ဆၧ လၧအစူၪမၩဝ့ၫ, ဆၧလၧအစူၪနိၩ့မၩကဲၪထၪ့ဝ့ၫလဖၪ
9 နီၪအဝ့ၫၥံၪဘိၪ့ထၪ့ဘၩထၪ့ဝ့ၫဒၪလီၫ.- တၭၦအၡၪ့ ၡီၫ့လၩ့အခိၪ, ဒဲၦအဒိၪဆၪ့လၩ့အၥၭလီၫ. အခိးမွဲန ကွဲၪဖျါအဝ့ၫၥံၪအဆၧမၪအ့ၬ.
10 လ့ၩနုၬလၧလိးဖၧၩ့လဲၫ့ဖၧၩ့တၭ, မၩဘံၭမၩဘၧၩ့ နၥၭလၧဂၪ့ခိၪမုၬအကျၩ, လၧဆၧၥၭမဲၪယဟိဝၩအ ကၠီၩ့, ဒဲလၧအကယးကဖး အလၩအဖၩ့ အကၠီၩ့နီၪ
11 ဆံၭ.- ဆၧလၧမုလနံၩနီၪ ၦၡၩအမ့ၬအီၪထၪ့ထီၫနီၪ မိဘၪဆၧဒုၭဆၪ့လၩ့ဝ့ၫတၭ, ၦၡၩအဆၧထၪ့ထီၫနီၪ မိဘၪဆၧဒုၭဆၪ့လၩ့ဝ့ၫတၭ, လၧမုလနံၩနီၪယဟိဝၩ မိဘၪဆၧအီၪက့ၪထၪ့ထီၫဝ့ၫလဂၩဎးလီၫ.
12 အဂဲးဘဲၫယီၩ ဆၧၥုၭမုခမျၧးအယဟိဝၩ အမုလ နံၩမိဘၪကယဲဆၧ လၧအအီၪက့ၪဖိၫလိၫအၥၭ ဒဲအီၪ က့ၪထၪ့ထီၫအၥၭ, ဒဲကယဲဆၧအီၪက့ၪထၪ့ထီၫဝ့ၫထီး
13 အလူၬနီၪ,မိဘၪဆၧဆၪ့လၩ့ဝ့ၫလီၫ.- မိဘၪကယဲလ့ၭ ဘနၧၫ့အၥံၪ့ၡိၫအ့ရ့ၭလၧအထီၫ, ဒဲမိဘၪဘၫၡၫ့အၥံၪ့
14 ထိၭဖၫထီးအလူၬ.- ဒဲမိဘၪကယဲခိၪလီၩ့ထီၫ,ဒဲကယဲ
15 ဆၧစီၩ့ခိၪထၪ့ထီၫ,- မိဘၪကယဲတၨၭထၪ့ထီၫ, ဒဲမိ
16 ဘၪကယဲဆၧအခိၪဒၧၩ့,လၧၦထၪ့လၥ့ၪဘၪး- မိဘၪ ကယဲတၫၡံၭအကဘၩ့, ဒဲမိဘၪ ကယဲဆၧအဖျီၪဂ့ၩ
17 ထီးအလူၬလီၫ.- ၦၡၩအဆၧထၪ့ထီၫနီၪမိဘၪဆၧခွံၬ လၩ့ခွံၬဝ့ၫတၭ, ၦၡၩအၥၭထၪ့ထီၫနီၪမိဘၪဆၧဆၪ့ လၩ့ဝ့ၫတၭ,လၧမုလနံၩနီၪယဟိဝၩမိဘၪဆၧအီၪက့ၪ ထၪ့ထီၫဝ့ၫလဂၩဎးလီၫ.
18 တၭဆၧဂၩ့ဆၧဖၪ့နီၪ မိလၩ့မါခွံၬဝ့ၫ ထီးအလူၬ
19 လီၫ.- တၭၦလဖၪမိလ့ၩနုၬလၧလိးအိၩဖၧၩ့,ဒဲဂၪ့ခိၪ အိၩဖၧၩ့လၧအဆၧၥၭမဲၪ ယဟိဝၩအကၠီၩ့, ဒဲလၧအ ကယးကဖးအလၩအဖၩ့အကၠီၩ့, လၧအဂဲထုၪ့မၩၡိၩ့ ၡိၬဂၪ့ခိၪနၭနၭလ့ၬအဘိၩ့ဘၭနီၪလီၫ.
20 ဆၧလၧမုလနံၩနီၪၦၡၩအဆၧဂၩ့စ့ၩ, ဒဲအဆၧဂၩ့ ထီၫ့လၧအတဲၩ့ဝ့ၫလၧအနၫ့ဆါလဂၩဘၪလဂၩမိဘၩ ဝ့ၫအဂးနီၪမိခွံၬၡိၭခွံၬဝ့ၫလၧဝံၩၥံၪ, ဒဲဖျၪၥံၪအအီၪ,
21 ဘဲၫအမိလ့ၩနုၬလၧလိးထ့ဖၭအဖၧၩ့, ဒဲလၧလဲၫ့ခိၪစူၩ ထၪ့လၩ့အိၪ့ၥံၪအဖၧၩ့, လၧယဟိဝၩမၩၥၭမဲၪဆၧအ ကၠီၩ့,ဒဲအကယးကဖးအလၩအဖၩ့အကၠီၩ့, လၧအဂဲ ထုၪ့မၩၡိၩ့ၡိၬဂၪ့ခိၪနၭနၭလ့ၬ အဘိၩ့ဘၭနီၪလီၫ.
22 ထီးဒိၭနဲၩ့နၥံၪအၥၭလၧၦၡၩလၧအၥၭအီၪဝ့ၫလၧ အနၫဖၧၩ့နီၪလဂ့ၩး အဂဲးဘဲၫယီၩဆၧမိအီၪက့ၪအဝ့ၫ ဒၪလၧဆၧနီၪလမံၩ့လဲၪ.