17
1 ယိခွါ,ဒမၭစကၧၭ,မွဲလၧၩ့ဒိၩ့လဖျိၪ့အ့ၬ. တၭမိကဲၪ
2 ထၪ့ဝ့ၫလၧဆၧလၩ့ဎီးအပိၩ့လီၫ.- ဆၧစဲၪ့ဒၪအရိအၧၫ အဒိၩ့လဖၪလီၫ. အဝ့ၫၥံၪမိကဲၪထၪ့လၧၥိၪအဒီၪ့လဖၪ အဂးတၭ, အဝ့ၫၥံၪမိခိၬလၩ့ဝ့ၫတၭ, ဆၧမၩၥၭမဲၪဝ့ၫ
3 အီၪအ့ၬ.- ထိၬၥံၪမိအီၪလၧၩ့လၧအံဖြံၫ့ဆ့အ့ၬ. တၭ ဘၩ့ၥံၪမုးၥံၪလအီၪလၧၩ့ဘၪ လၧဒမၭစကၧၭဒဲခးအီၪ လၩ့ထးလၧစံရအၫနီၪအ့ၬ. အဝ့ၫၥံၪမိမၩအၥၭဘဲၫၦ အံၫစရ့လၭဖိၪအလၩအဖၩ့အၥိၭနီၪ, ဆၧၥုၭမုခမျၧး
4 အယဟိဝၩစံၭဝ့ၫဒၪ.- မုလနံၩနီၪဆၧမိမၩအၥၭလၧ ယၫကူၭအလၩအဖၩ့မိလၩ့ဆါတၭ, အယၪအဘီၪ့နီၪ
5 မိဎွ့လၩ့ဝ့ၫလီၫ.- တၭဆၧမိမၩအၥၭဘဲၫၦကူၭဘုၪအၪ့ ထုၫ့ကီၪ့ဘုၪ, ဒဲအစူၪဒူၪကူၭဘုၪဆၧၫ့ထုၪ့အဆဲၩလဖၪ အၥိၭနီၪတၭ, မိမၩအၥၭဘဲၫၦအၪ့ထုၫ့ကီၪ့ဘုၪဆဲၩ
6 လၧခိၪလီၩ့ဆူၭ ရ့ဖအံၫ့အၥိၭနီၪလီၫ.- မွဲလါနၫ့ဘိၩ ဆၧမိအီၪလၩ့ထးလၧအဖၧၩ့, ဘဲၫဆၧတရူၩအလဲအိၫ့ အၥိၭ, အၥၪနံၫဖျိၪ့ၥၧၫ့ဖျိၪ့ လၧထဲၩ့အထီၫထုၬအခံၫ, လံဖျိၪ့ယဲဖျိၪ့လၧထဲၩ့ၥံၪလၧအၥၪထၪ့ အၪအလီၩ့နီၪ, ယဟိဝၩအံၫစရ့လၭအယွၩစံၭဝ့ၫဒၪ.
7 ဆၧလၧမုလနံၩနီၪ, ၦၡၩမိယိလၧၦတဲၩ့လၩ့အဝ့ၫ အအီၪတၭ, အမ့ၬၥၪမိယိလၧအံၫစရ့လၭ အဆၧဆံၫ့
8 ဎံၪလဂၩလီၫ.- လယိဘၪလၧဆၧလုအလးလဖၪ,ဆၧ လၧအမၩဝ့ၫလၧအစူၪနီၪ, ဆၧလၧအစူၪနိၩ့ၥံၪမၩဝ့ၫ လဖၪမွဲဂ့ၩလၧအၡ့ရိၭ ဒဲလၧဆၧဂၩ့လဖၪနီၪမွဲဂ့ၩယိ
9 မ့ၬဝ့ၫဆ့အ့ၬ.- ဆၧလၧမုလနံၩနီၪအဒိၩ့အီၪလၧအခိၪ ဒၧၩ့လဖၪနီၪမိမၩအၥၭဘဲၫ ဆၧအီၪလၩ့ထးလၧဆၧၡိၬ ကျၩ, ဒဲထဲၩ့အထၪ့ထီၫထုၬလၧၦအီၪက့ၪထးဝ့ၫလၧၦ အံၫစရ့လၭဖိၪ အမ့ၬယၫအၥိၭနီၪတၭး ဆၧမိအီၪယူ
10 ဝ့ၫလီၫ.- မွဲလၧနၥၭနၪ့ဆၧထိးထဲၩ့တၩ့ထဲၩ့နၧၩအယွၩ အကၠီၩ့, ဒဲနဂဲးနဘၭအလဲၫ့နီၪ နလနၪ့ထၪ့ထဲၩ့ဘၪဝ့ၫ တၭ,အခိးမွဲနမိၥုၪ့လၩ့ဆၧအထံၭဖိၪလၧအဂ့ၩ, ဒဲၥုၪ့
11 လၩ့လခီၫဘၩ့မုးအထဲၩ့ၥံၪလီၫ.- ဆၧလၧမုလနံၩလၧ နၥုၪ့လၩ့ဆၧနီၪနမိဆ့ၭဖီၩ့ဝ့ၫတၭ, လၧဂီၩလခီၫနီၪနမိ ဒုၭဆိၬထၪ့ဖီၫထၪ့နဆၧချံၫလီၫ. ဆၧဘၪကူၭဝ့ၫနီၪဂၭ ဂီၩ့ခွံၬလၧဆၧခိဆၧဝီၩ, ဒဲဆၧၥုၪ့အုၭၥၭအုၭနၭမၬ အ မုလနံၩနီၪလီၫ.
12 ခိၭနၪၦအၪဆၨၩအၥီၫဘီၪၬ ဘဲၫမၫဆမံၭအၥီၫအၥိၭ နီၪၥီၫထၪ့ဝ့ၫး ဒဲၦခမျၧးစဲၪ့ဆီၪ့အၥီၫဘဲၫထံၫအၪဆ့ၭ
13 ဆီၪ့အၥီၫၥိၭနီၪၥီၫထၪ့ဝ့ၫလီၫၬ- ဘဲၫထံၫအၪဆ့ၭဆီၪ့ အၥီၫၥိၭနီၪ ၦဆၨၩလဖၪၥီၫထၪ့ဝ့ၫလီၫ. အ့ၪမွဲဆၧမိ အၪ့ၥီၪ့ဝ့ၫတၭ, အဝ့ၫၥံၪမိစဲၪ့ဖျိၭခွံၬယဲၩ့လ့ၬနီၪး ဆၧမိ လီၩ့ဆီးနၫ့ထၪ့ခွံၬအဝ့ၫၥံၪ ဘဲၫခိၪလီၩ့ထိၩ့ချိၬအဖ့ၫ ဘၪဆၧလီၩ့နၫ့ထၪ့ခွံၬဝ့ၫ လၧလံၩအမ့ၬယၫအၥိၭ,ဘဲၫ ဆၧလၧအချံးအၥၭ လၧလံၩၥဝံၭအမ့ၬယၫအၥိၭနီၪ
14 လီၫ.- လၧမုဂၪလၩ့အထီနီၪ, ယိခွါ,ဆၧမၩၥၭမဲၪနီၪ လီၫၬဆၧလချႃၭဖၩ့ထၪ့ဒံၭဘၪနီၪ, အဝ့ၫၥံၪအီၪလၧၩ့ အ့ၬၬၦလၧအအၪ့ဂူၬန့ပဆၧလဖၪအဂးမွဲအနီၪ, ဒဲၦ လၧအအၪ့ဂူၬဆီၪ့ ပဆၧလဖၪအဂးမွဲအနီၪလီၫ.