14
1 အဂဲးဘဲၫယီၩယဟိဝၩမိယၫ့ၥၭယၫကူၭတၭ, မိ ရွံန့ဒံၭအံၫစရ့လၭတၭ, မိဒုၭအီၪပွံၭဝ့ၫလၧအခးဒၪဝ့ၫ အဖၧၩ့တၭ, ၦလခီၫဘၩ့မုးဖိၪ မိအိၭလိၬလၧအဝ့ၫၥံၪ
2 တၭ,မိဘုၭထၬလၧယၫကူၭအဂံၪ့လီၫ.- ၦခမျၧးလဖၪ နီၪမိမၩန့ဝ့ၫတၭ ဂဲၫဆိၬလၧအလးဒၪဝ့ၫတၭ, ၦအံၫစ ရ့လၭအဂံၪ့ဖိၪမိမၩန့အဝ့ၫၥံၪ လၧယဟိဝၩအခးဖၧၩ့ လၧအဎီးအၡၩခွၫအဂး, ဒဲလၧအဎီးအၡၩမုၪအဂး တၭ,မိမၩန့အၪ့မၧၫ့ဎီးၦလၧအမွဲယူၭ ၦအၪ့မၧၫ့ဎီးအ ဝ့ၫၥံၪတၭ, မိပၧၩ့ဘၪၦၡၩလၧအမၩအၧၩ့မၩနၭအဝ့ၫ ၥံၪလီၫ.
3 ဆၧမိမၩအၥၭလၧမုလနံၩနီၪ, လၧယဟိဝၩဒုၭအီၪ ပွံၭနၧၩလၧနမၩဆၧကၪ, ဒဲနဝၭထိၬ, ဒဲမၩဆီၪ့ဆၧလၧ
4 ၦအၪ့မၧၫ့ဆီၪ့နမၩဆၧတၭ,- နမိချဲၩ့ထၪ့ဆၧချဲၩ့အ ဒီၩ့ယီၩလၧဘၭဘလၧၫ့ အစဎွၩအဂဲးအကၠီၪ့တၭ,နမိ စံၭ,ၦမၩအၧၩ့ဆၧနီၪ အီၪထီဝ့ၫဘဲၫၥ့ၪလဲၪး ဆၧအၪ့ ကံၩ့ဆီၪ့ထီၫ့နီၪအီၪထီဝ့ၫဘဲၫၥ့ၪလဲၪၬ
5 ယဟိဝၩမၩခါယူၭၦအၧၩ့ဖိၪအနိၪထိၭ, ၦပၧၩ့ဆၧ
6 အနိၪထိၭအစဎွၩလီၫ.- ၦလၧအထးၦဆၨၩၥံၪ လၧအ ၥၭထၪ့လၧအထးဆၧလၧအလအီၪထီဘၪ, ၦပၧၩ့ဘၪ ၦဆၨၩၥံၪလၧအၥၭခဲၩထၪ့လၧအပၧၩ့ဆၧတၭ, ဆၧပ
7 ဒၩ့ဝ့ၫအီၪနးဂၩအ့ၬ.- ၦဂၪ့ခိၪဖိၪအီၪလၩ့မါပံၭတၭ, အီၪပွံၭထီးအလူၬလီၫ. အဝ့ၫၥံၪမၩထၪ့ ထၭခိၪၥံၫ
8 ကျံၩဆၧလီၫ.- မွဲမၬ, ၥံၪ့ၡိၫၥၭထိၬဆ့ လၧနဖၫ့ခိၪ, လ့ၭဘနၧၫ့အၥံၪ့ၡိၫအ့ရ့ၭစံၭဝ့ၫ, လၧနမံၫနၩ့အလးခဲၫ့ နီၪၦခူၬလၩ့ဆၧဂဲၫထၪ့ဘၪပၧၩအ့ၬ.
9 ဖျႃဖၧၩ့လၧလၬလခီၫ ဝၭဝ့ၫလၧနကၠီၩ့ ဘဲၫၥိၭထီး နအ့ၪဂဲၫတၭ,မိအၪ့ဂၬနၧၩလီၫ. အဝ့ၫမိထိၪဂဲၩၦၥံၫ အလၩလဖၪလၧနဂး, ကယဲဂၪ့ခိၪအဆၧဒိၪ ထီးအ လူၬ,အဝ့ၫဒုၭဂဲထုၪ့ၦဆၨၩအစဎွၩထီးအလူၬ လၧအ
10 ဝ့ၫၥံၪအလးဆီၩ့ဆီအဖၫ့ခိၪလီၫ.- အဝ့ၫၥံၪထီးအလူၬ မိချဲၩ့ဆၧတၭ,စံၭနၧၩ, နဝ့ၫဒၪနလၩ့ဆါဘဲၫပၥိၭဆ့
11 ဧၪ.နကဲၪထၪ့ဘဲၫပၥိၭဆ့ဧၪ- နဆၧထၪ့ထီၫနီၪဘၪ ဆၧဒုၭဂဲၫလၩ့ဝ့ၫလၧဖျႃဖၧၩ့, နနါဒံၩ့အၥီၫလီၫ. လိၪ့ ၥံၪဒၩလၩ့အၥၭလၧနဖၫ့လၬတၭ, ဆၧချႃၬဘံၭနၧၩနီၪ
12 မွဲဆၧအဎိၩ့အဎါလီၫ.- နလၩ့ထ့ၬလၧမူၭခိၪဘဲၫၥ့ၪ လဲၪ,ၡၪထူဂီၩ, မုဆဲၪ့အဖိၪခွၫဧ့ၬ ၦလၧအမၩနၧၩ့မၩ စၪၦဆၨၩလဖၪနီၪ, နဝ့ၫဧ့း မွဲနဘၪဆၧခူၬလၩ့ယူၭလၧ
13 ဂၪ့ခိၪအဖၫ့ခိၪဘဲၫၥ့ၪလဲၪး- အဂဲးဘဲၫယီၩ နစံၭလၧ နၥၭခံဖၧၩ့,ယမိထၪ့ဘၭလၧမူၭခိၪ, ယမိအီၪက့ၪယ လးဆီၩ့ဆီလၧယွၩအၡၪလဖၪအဖၫ့ခိၪ, ယမိဆၧၫ့နၩ့ လၧဆၧအီၪကီၪ့အခိၪလီၩ့, လၧမုဖၩအထုၬနီၪလီၫ.
14 ယမိထၪ့ဘၭဆၧအုၪ့အဆၧထၪ့ထီၫအဖၫ့ခိၪ, ယမိအီၪ က့ၪယၥၭဘဲၫဆၧထၪ့ထီၫထုၬလဂၩ အၥိၭနီၪလီၫ.
15 မွဲလါနၫ့ဘိၩ ဆၧမိဒုၭလ့ၩလၩ့နၧၩ လၧဖျႃဖၧၩ့, လၧ
16 ဆၧဖၧၩ့အယိၬဖၧၩ့လီၫ.- ၦလၧအဒၪဘၪနၧၩမိယိထံၫ ယိဆၭနၧၩတၭ,စံၭၦလၧအမၩၡိၩ့ၡိၬဂၪ့ခိၪနီၪ, လၧ
17 အမၩဝၭဘၩ့မုးလဖၪ, မွဲၦလဂၩယီၩဧၪ.- ၦလၧအ ဒုၭကဲၪထၪ့ဂၪ့ခိၪ ဘဲၫၡါမုနၧၫ့ဖၫအၥိၭ, ဒဲမၩဂၭဂီၩ့ အဒိၩ့ၥံၪးကွဲၪဖျါၦလၧအဖီၪ့န့ဝ့ၫနီၪ ဒုၭထဲၩ့လၧအဂံၪ့
18 အ့ၬ.- ၦဆၨၩၥံၪအစဎွၩထီးအလူၬ, အဝ့ၫၥံၪထီးအ လူၬ,မံၫနၩ့လၧဆၧလၩဖၩ့အဖၧၩ့, လဂၩလၧအၥွၪခိၪ ဒၪဝ့ၫအဖၧၩ့, လဂၩလၧအၥွၪခိၪဒၪဝ့ၫအဖၧၩ့လီၫ.
19 အ့ၪမွဲနဝ့ၫဒၪ နဘၪဆၧနၫ့ထၪ့ခွံၬ လၧနၥွၪခိၪအဖၧၩ့ ဘဲၫဆၧအထဲၩ့ လၧဆၧၥၭလိၪဝ့ၫအၥိၭနီၪ, ဘၪဆၧ လုၬဘံၭလၧၦဘၪဆၧမၩၥံၫဝ့ၫလဖၪနီၪ, ၦဆ့ၭဖျီၫ့လၧ နၭလ့ၩလၩ့လၧဆၧဖၧၩ့အလိးအမ့ၭအကျၩ, ဘဲၫဆၧ အစွၪလၧၦယဲးထဲးဝ့ၫ လၧအခၪ့ဖၫ့လၬအၥိၭနီၪလီၫ.
20 နဘၪဆၧခုၪ့လၩ့ဘၧၩ့ဎုၬလၧအဝ့ၫၥံၪအ့ၬး အဂဲးဘဲၫ ယီၩနမၩဂၭဂီၩ့ယူၭနထံၫနခး, နမၩၥံၫနၡၩခမျၧးလီၫ. မွဲၦမၩဆၧအၧၩ့အချံၫအၥၪနီၪ မွဲဆၧထီးဎွံၩ့ဘၪအမံၩ့
21 လၩ့ဆိၩလၩ့ကၠၪလဂ့ၩ.- တဲၩ့ဝဲၩဆၧမၩၥံၫလၧအ ဖိၪခွၫၥံၪအဂး လၧအဖါလဖၪအဆၧအၧၩ့အကၠီၩ့နီၪ ဆံၭ.မွဲအထီးဂဲထုၪ့, ဒဲန့ၥၫခးနီၪဒဲမၩဎွ့ၩဂၪ့ခိၪလၧ ဒိၩ့ၥံၪလဂ့ၩ.
22 အဂဲးဘဲၫယီၩ ယဝ့ၫဒၪယမိဂဲထုၪ့ထၫ့ ဒုၪဒၩအဝ့ၫၥံၪ, ဆၧၥုၭမုခမျၧးအယဟိဝၩစံၭဝ့ၫဒၪ, ဒဲယမိဒၪ့ထ့ၬ ဘၭဘလၧၫ့အမံၩ့, ဒဲဆၧအီၪလၩ့ထးဒဲ အဖိၪအလံၩ, ဒဲအဆၨၩအဆၬ, ယဟိဝၩစံၭဝ့ၫဒၪလီၫ.- ယမိအီၪက့ၪ
23 ဝ့ၫလၧဆၧဂီဆူၪၥံၪအလး, ဒဲနီၪ့ၥံၪတၭ, ယမိဝ့ၬဝ့ၫလၧ နိၪဝ့ၬမၩဂၭဂီၩ့ဆၧလီၫ. ဆၧၥုၭမုခမျၧးအယဟိဝၩ စံၭဝ့ၫဒၪလီၫ.
24 ဆၧၥုၭမုခမျၧးအယဟိဝၩဆိၪလၩ့အၥၭတၭ, စံၭ ဝ့ၫဒၪ,မွဲမၬဘဲၫယဆီၫ့မီၪ့ဆၧအၥိၭနီၪ, မၩယူၭအၥၭ
25 ယူၭ,ဘဲၫယကိၪ့ဆၧအၥိၭနီၪမိအီၪဂုးအီၪခၧၫ့,- ယမိ မၩခါလၩ့ ၦအစံရအၫဖိၪလၧယခးဖၧၩ့တၭ, လၧယ ခိၪလီၩ့အလီၩ့ယမိယဲးထဲးအဝ့ၫၥံၪ, ထီးနီၪလဖၧၫ့အ နိၪယိၭဘီၩ့မိစဲၪ့ထၪ့ခွံၬလၧအဖၫ့ခိၪတၭ, အဆၧအွံၪ
26 ဆၧယိၭမိစဲၪ့ထၪ့ခွံၬလၧအခိၬထံၭခိၪလီၫ.- အဝ့ၫနီၪမွဲ ဆၧကိၪ့လၧအကိၪ့ဝဲၩဝ့ၫ လၧဂၪ့ခိၪဎံၩ့လ့ၬတၭ, အ ယီၩမွဲဆၧအစူၪလၧအယၩ့ထၪ့အၥၭလၧၦကိၭဆၨၩ
27 ဒ့ၭအဖၫ့ခိၪနီၪလီၫ.- အဂဲးဘဲၫယီၩဆၧၥုၭမုခမျၧးအ ယဟိဝၩကိၪ့ဝဲၩဝ့ၫတၭ, မွဲပလၫမိမၩပျီၩပျီၩဝ့ၫနးဂၩ လဲၪ.အဝ့ၫဒၪအစူၪယၩ့ထၪ့အၥၭတၭ, မွဲပလၫမိထုၭ ထဲၩ့ဝ့ၫလဂၩလဲၪ.
28 ဆၧလၧအနံၪ့လၧစဎွၩအၫဟဇၭၥံၫဝ့ၫဒၪနီၪဆၧအ လူလၩ့မွဲအယီၩလီၫ.
29 မွဲၦလၧအထးနၧၩအနိၪထးခါအကၠီၩ့နီၪ ထီးၥၭထိၬ လဂ့ၩ,ဖလံၡၫဖိၪထီးအလူၬ, နၧၩဧ့း အဂဲးဘဲၫယီၩ လၧအဆၨၩနီၪဂူအၧၩ့လဘီၩ့မိဂဲၫထၪ့တၭ, အၥၪနီၪ
30 မွဲဂူမ့ၪလၧအယူၩဝ့ၫလဘီၩ့လီၫ.- ၦၡၪ့ဖိၪအဖိၪဝဲၡါ မိအၪ့ဆၧတၭ,ၦဘၪၡၪ့ဘၪယၬ မိမံၫနၩ့မုၬမုၬလီၫ. တၭယမိမၩၥံၫနဝံလၧဆၧၥၭဝံလၩ့ဒိၩတၭ, ဆၧအီၪ
31 လၩ့ထးလၧနၧၩနီၪအဝ့ၫဒၪမိမၩၥံၫဝ့ၫလီၫ.- အိၩ့ယိၩ့, တရၫ့ဧ့ၬ ကိၭၡၭထၪ့း ဒိၩ့ဧ့ၬ နဖံၪထၪ့ခွံၬယူၭထီးအ လူၬ,ဖလံၡၫဧ့, အဂဲးဘဲၫယီၩ မ့ၪခူၪမိဂဲၫထၪ့လၧမု ဖၩတၭ,ၦလၩ့မုလၩ့ဖၭ လၧအၡၩၥုၭမုအကျၩနးဂၩ
32 အ့ၬ.- ထီးနီၪလဖၧၫ့ဆၧမိစံၭဆၧၫ့ၦလဆၨၩအၥီၫ့ၥံၪ ဘဲၫၥ့ၪလဲၪ. ယဟိဝၩ အီၪက့ၪလၩ့ယူၭဇံအိၫ့အခၪ့ ထံၭတၭ,ၦဘၪၡၪ့ဘၪယၬလၧအၡၩခမျၧးအကျၩနီၪ မိစဲၪ့ဖလ့ၬအၥၭလၧအဖၧၩ့လီၫ.