13
1 ထီးအံဖြံၫ့ချဲၩ့ဆၧတၭ, ဆၧဝၭထိၬအီၪထၪ့ဝ့ၫလီၫ. ဆၧအီၪက့ၪထၪ့ထီၫအဝ့ၫ လၧအံၫစရ့လၭအဖၧၩ့လါ နၫ့တၭ, ထီးအမၩမၪဆၧလၧဘၫအလၭအကၠီၩ့နီၪ, ၥံၫ
2 ဝ့ၫလီၫ.- ဘိၩ့နဲၪ့ယီၩအဝ့ၫၥံၪမၩမၪဆၧအၪထၪ့အၪ ထၪ့တၭ, တဲၩ့ဆၧဂၩ့ၥိၫ့အၥၭ, ဆၧဂၩ့စ့ၩဘဲၫအမၩ ဆၧၥ့ၪအၥိၭနီၪတၭး ဆၧထီးအလူၬနီၪမွဲၦမၩဆၧၥ့ၪ အဆၧမၩလီၫ. ၦလၧအလုထၪ့ဆၧ, စံၭဝ့ၫလၧအဂဲး
3 နီၪ,မွဲၦအဲၪဂါချီဖိၪလဖၪဆံၭ.- မၩအၥၭဘဲၫနီၪတၭ, အဝ့ၫၥံၪမိမၩအၥၭဘဲၫမုဂီၩအဆၧအုၪ့အၥိၭနီၪ, ဒဲဘဲၫ မုဆဲၪ့အဆၩ့ထံၫ လၧအဒံၩခွံၬအၥိၭနီၪ, ဒဲဘဲၫဖ့ၫလၧ လံၩအူၪဒံၩခွံၬဝ့ၫ လၧခရဲးဖၧၩ့အၥိၭနီၪ,ဒဲဘဲၫမ့ၪခူၪဂဲၫ
4 ထၪ့လၧဆၧဖိးဖၧၩ့အၥိၭနီၪလီၫ.- လါနၫ့တၭ, ယၧၩ, ယဟိဝၩယီၩ ယမွဲနယွၩ ခီၫလၧခးအံဇံၭအဖၧၩ့နီၪ, ဒဲလၧယၧၩယီၩအမ့ၬယၫနီၪ, နၥ့ၪယၫယွၩနးဂၩအ့ၬ. လၧယၧၩယီၩအမ့ၬယၫနီၪ, ဆၧထိးထဲၩ့တၩ့ထဲၩ့အီၪ နးဂၩအ့ၬ.
5 ယၥ့ၪယၫနၧၩ လၧၡါမုနၧၫ့ဖၫလၧခးဘၪဆဲၫ့လၧဆၧ
6 ၥၭဝံအၥၭလၧထံၫနၭနၭလ့ၬလီၫ.- ဘဲၫဆၧဒုၭအၪ့အ ဆၪအၥိၭနီၪဘျဲၩအၪ့ဝ့ၫလီၫ. ဘျဲၩအၪ့ဝ့ၫတၭ, အၥၭ ထၪ့ထီၫဝ့ၫး မၩအၥၭဘဲၫနီၪတၭ, ၥၭနၪ့ယၧၩလီၫ.
7 ယကဲၪထၪ့ဆၧဘဲၫဆၬလၥၧၫ့လဒုၩ လၧအဂး, ဘဲၫခ့ၫ ဆံၩဖီးအၥိၭနီၪ ယအီၪခိၭအဝ့ၫၥံၪ လၧဖၧၩ့ၥၭလီၫ.
8 ယအၪ့ဂၬအဝ့ၫၥံၪဘဲၫဖုၫထၫ့လၧအဖိၪ လၩ့မါအၥိၭ တၭ,ယၡၫ့ခွံၬအၥၭအဖံၭတၭ,မွဲမၬ, ယမိအၪ့အဝ့ၫၥံၪ ဘဲၫဆၬလၥၧၫ့မိအၥိၭနီၪး ဆၧဖိၪဆၧဎါၡၫ့ယၬအ ဝ့ၫၥံၪလီၫ.
9 အံၫစရ့လၭဧ့, နမၩဂၭဂီၩ့နၥၭဒၪနဝ့ၫလါနၫ့တၭ,
10 ဆၧမၩဆၧၩ့နၧၩအီၪဝ့ၫလၧယဖၧၩ့လီၫ.- နစဎွၩလၧ အမိထိးထဲၩ့တၩ့ထဲၩ့နၧၩ လၧနဒိၩ့ထီးအလူၬအဖၧၩ့ နီၪ,မွဲအအီၪခီၫခီၫလဲၪ. နၡၩစ့ၩရၫ့ခွးလၧနစံၭလၧ အဂဲးနီၪ,ဖ့ၪလၫ့ယၧၩလၧစဎွၩလဂၩတၭ, ၦဒိၪဖၭဒိၪ
11 လဖၪနီၪမွဲအအီၪခီၫခီၫလဲၪ.- ယဖ့ၪလၫ့ယူၭနၧၩလၧ စဎွၩလဂၩလၧယၥၭထၪ့တၭ, ယမၩန့ထၪ့ခွံၬအဝ့ၫ
12 လၧယၥၭခဲၩထၪ့လီၫ.- အံဖြံၫ့အဆၧအၧၩ့ဘီၪ့ထၪ့အ
13 ၥၭ,အဆၧဒဲၩဘၭအီၪက့ၪၥူၪအၥၭလီၫ.- ၦမုၪအဆၧ ဂူၭဆၫအဆၧဆိၭက့ၭနီၪမိဘၪအဝ့ၫလီၫ. မွဲဖိၪခွၫလ ဂၩလၧအကိၪ့ဆၧလၥ့ၪဘၪ, အ့ၪလမွဲဘၪဘဲၫနီၪတၭ,
14 အီၪလယံၬဘၪလၧဖိၪၥၪ ဘုၪ့ဖိးအလးဖၧၩ့အ့ၬ.- ယမိ မၩဖီၩ့ဖျ့ၭအဝ့ၫၥံၪ လၧဖျႃအစူၪဖၧၩ့တၭ, ယမိဎွ့ၩန့ ထဲၩ့အဝ့ၫၥံၪလၧဆၧၥံၫလီၫ. အိၩဆၧၥံၫဧ့, ယမိကဲၪ နဆၧၡၪ့ဆၧနၭတၭ, ဖျႃဖၧၩ့ဧ့,ယမိကဲၪနဆၧဂၭဂီၩ့ လီၫ.ဆၧနီၫ့ယါလၩ့ထဲၩ့ယၥၭနီၪ မိအီၪကဒုၩလၧယ မ့ၬၥၪလီၫ.
15 အ့ၪၥၪထၪ့လၧအထၧၫ့ဖုဝဲအကျၩလါနၫ့တၭ, လံၩ မုထၪ့မိဂဲၫ, ယဟိဝၩအလံၩမိဂဲၫထၪ့လၧၡါမုနၧၫ့ဖၫ, ဒဲဒုၭလၩ့ၥံၭအထံၫထၪ့ဖျိၭ, ဒဲအထံၫမၧၫ့နီၪ မိလၩ့ၥံၭ ခွံၬလီၫ.ဆၧမိမၩဂၭဂီၩ့ ထွ့ၫလဖၪလၧအဘၪၦအၥၭ
16 လၧအဆၧလူဒိၪဎွ့ၩဒိၪထီးအလူၬလီၫ.- စမ့ရအၫမိ အီၪယူဝ့ၫလီၫ. အဂဲးဘဲၫယီၩပိၩ့ထၪ့အယွၩလီၫ. ပမိ လၩ့ထံၩဖါဝ့ၫလၧနၭၥံၪဖၩ့ၥံၪ, ၦမိစုၭလၩ့မၩလၩ့ဘျ့ၭ အဖိၪဆံၭလဖၪ, ၦမုၪၥံၪလၧအဒၧၩ့ထၪ့နီၪ ၦမိဎွ့ၭဖၭ အဂူၭဖိၫ့လီၫ.