10
1 အံၫစရ့လၭမွဲစဘံၭမုလမု လၧအထဲၩ့ထၪ့အၪအၪ လ့ၬ,ၥၪထၪ့ဆၧၥၪလီၫ. ဘဲၫဆၧၥၪခမျၧးအၪထၪ့အ ၥိၭနီၪမၩအၪထၪ့အဆၧလုလးလီၫ. ဘဲၫအခးဂ့ၩဝ့ၫ
2 အၥိၭနီၪတဲၩ့ဆၧဂၩ့အဂ့ၩလဖၪလီၫ.- အဝ့ၫၥံၪအၥၭ ဂံၩ့ဂၩ့ဝ့ၫတၭး ဘိၩ့နဲၪ့ယီၩ မိဘၪဆၧစ့ၩရၫ့ဝ့ၫလီၫ. ဆၧမိမၩလၩ့ဎီးအဆၧလုလးလဖၪနီၪ, မိမၩဂၭဂီၩ့ဆၧ
3 ဂၩ့လဖၪဆ့လီၫ.- မွဲမၬ,ဘိၩ့နဲၪ့ယီၩအဝ့ၫၥံၪမိစံၭဝ့ၫ, ပစဎွၩအီၪအ့ၬ. အဂဲးဘဲၫယီၩ ပၥၭမဲၪယဟိဝၩအ့ၬ. မၩအၥၭဘဲၫနီၪတၭ, စဎွၩမၩဆၧလၧပဂးမိၥ့ၪလမံၩ့
4 မံၩ့လဲၪ.- အဝ့ၫၥံၪချဲၩ့ဆၧတၭ, ဆိၪလၩ့အၥၭချဲၩ့ဘျံၭ ချဲၩ့ဘျၪဆၧတၭ, မၩဂၭဂီၩ့အအုၩ့လၩ့ဆၧနီၪး ဆၧစ့ၩ ရၫ့မဲၪထၪ့ဘဲၫနၪ့ၥံၪမံၩ့ၥံၪ လၧဂၪ့ခိၪဝၩ့အကၠီၪ့ဖၧၩ့ အ
5 ၥိၭနီၪလီၫ.- ၦစမ့ရအၫဖိၪမိၥၭမဲၪဆၧ လၧဘ့ၭၥအ့ ဝံၫ့အချီဖိၪလဖၪအကၠီၩ့လီၫ. အဂဲးဘဲၫယီၩၦၡၩခမျၧး အၥၭအုၭလၧအကၠီၩ့တၭ, အၡၩလုဆၧလဖၪမိဖုၫဝံၩ့ ဝၩ့ဆၧလၧအကၠီၩ့ လၧအလၩအဖၩ့အကၠီၩ့, အဂဲးဘဲၫ
6 ယီၩစဲၪ့ထၪ့ခွံၬဝ့ၫလီၫ.- ဆၧမိဆိၬထၪ့ခွံၬအဝ့ၫအနၫ့ ဆါဒၪဝ့ၫလၧစံရအၫ, လၬဆီၪ့လၧစဎွၩလၧအဒုၭဆၧ အဂးလီၫ. အံဖြံၫ့မိဒိၭန့ဆၧမ့ၬမဲတၭ, အံၫစရ့လၭမိ အီၪက့ၪမဲအမ့ၬ လၧအဆၧဒုၭကိၪ့ဒၪဝ့ၫအကၠီၩ့လီၫ.
7 စမ့ရအၫနီၪအစဎွၩဘၪဆၧဒၪ့ထ့ၬခွံၬဝ့ၫလီၫ. အဝ့ၫ ဒၪမၩအၥၭ ဘဲၫထံၫပၠူၭ လၧထံၫအဖၫ့ခိၪ အၥိၭနီၪ လီၫ.
8 အၫဝံၫ့အလးထၪ့ထီၫလဖၪ, အံၫစရ့လၭအဆၧ ဒဲၩဘၭနီၪဂၭဂီၩ့ဝ့ၫလီၫ. ဆၧဆူၪဒဲလၭဆၫနီၪမိမဲၪထၪ့ လၧဆၧလုလးအဖၫ့ခိၪတၭ, မိစံၭခိၪလီၩ့လဖၪ, ချႃၬ ဘံၭပၧၩဆံၭ. မိစံၭဆၧစီၩ့ခိၪၥံၪ, လၩ့ထ့ၬလၧပလီၩ့ ဆံၭ.
9 အံၫစရ့လၭဧ့, ခီၫလၧဂံဘအၫအမုနံၩ လဖၪနီၪ နမၩမၪဆၧ,အီၪဝ့ၫထီးနီၪလီၫ. ဆၧဒုၭၥုၭဒဲၦလတီၩ
10 ဘၪနီၪမိချႃၭန့ဝ့ၫလၧဂံဘအၫအဖၧၩ့မွဲအ့ၬဧၪ.- ယၥၭ အီၪလၧယမိအၪ့ၥီၪ့အဝ့ၫၥံၪတၭ, ထီးအစၧၩ့ထၬအ ၥၭလၧအဆၧမၪနံၫမံၩ့အကၠီၩ့နီၪတၭ, ၦဆၨၩလဖၪ
11 မိအီၪ့ကိၩ့အီၪကီၪ့ ထၫ့ဒုၪဒၩအဝ့ၫၥံၪလီၫ.- အံဖြံၫ့မၩ အၥၭဘဲၫချီမိ လၧအမၩလိၪယူၭဆၧအၥိၭနီၪ အဲၪဆၧ ယဲးလၩ့ဘုၪလီၫ. လါနၫ့တၭ ယမိလ့ၩဖီၩ့ခွံၬလၧအ ခိၬဂ့ၩအလီၩ့လီၫ. ယမိဒုၭထူၬၦလဂၩလၧအံဖြံၫ့အ လီၩ့,ယုဒၫမိထဲၫဆၧတၭ, ယၫကူၭမိမၩလၩ့ဘျ့ၭအ
12 ဂၪ့ခိၪအလီၪ့ထီးအလူၬလီၫ.- ဎွံၪဆၧနၥံၪအနၫ့ဆါဒၪ နၥံၪဝ့ၫလၧဆၧတီၩဆၧလီၩ့အဂး, ကူၭဆၧလၧဆၧခိး ဆၧတၩအဖၧၩ့, မၩလၩ့ဘျ့ၭဂၪ့ခိၪ လၧနၥံၪအနၫ့ဆါ အဂးဆံၭ. အဂဲးဘဲၫယီၩ နၥံၪအၪ့ဎၬယဟိဝၩ ထီး အဂဲၫၥီၪ့လိၪနၥံၪ လၧဆၧတီၩဆၧလီၩ့နီၪ အမုအလၩ
13 ဘၪယူၭဝ့ၫယူၭ.- နၥံၪထဲၫယူၭဆၧအၧၩ့, နၥံၪကူၭယူၭ ဆၧဒဲၩဘၭ, နၥံၪအၪ့ယူၭ ဆၧချဲၩ့ဘျံၭချဲၩ့ဘျၪအဆၧ ၥၪယူၭး မွဲလၧနဒိၭနဲၩ့နၥၭ လၧနဖၧၩ့ၥၭဒၪဝ့ၫအဂဲး,
14 လၧနၡၩအဆီၪ့အၪဂၩအဖၧၩ့နီၪ,- အခိးမွဲဆၧတုၩ့ ထၪ့တုၩ့လၩ့ မိအီၪထၪ့လၧနၡၩခမျၧး အကျၩတၭ, နထိၬၥံၪထီးအလူၬ မိဘၪဆၧမၩဂၭဂီၩ့ဝ့ၫ ဘဲၫၡၩလ မၫ့မၩဂၭဂီၩ့ ဘ့ၭၥအၫဘလၭ လၧဒုၭၥုၭ အမုနံၩအ ဖၧၩ့အၥိၭနီၪလီၫ. ၦၡၩစုၭလၩ့အမိ ဒဲအဖိၪအလံၩ
15 လစီၪ့ဎးလီၫ.- မိမၩနၥံၪလၧဘ့ၥလၭအဖၧၩ့ ဘဲၫနီၪၥိၭ လၧနၥံၪ အဆၧဒဲၩဘၭ ဒိၪအကၠီၩ့လီၫ. မုဆဲၪ့ထၪ့နီၪ အံၫစရ့လၭအစဎွၩ မိဘၪဆၧဒၪ့ထ့ၬခွံၬဝ့ၫ လူၬထူၬဆံၫ့ ဘၩ့လီၫ.