41
1 ဆၧမၩအၥၭလၧနံၫနံၪ့ အမုနံၩလဖၪအထုၬနီၪ ဖၫ ရိၫမံၫမးဆၧတၭ, ယိခွါ, ဆၧၫ့ထုၪ့ဝ့ၫလၧထံၫမိၡါအ
2 နဲၩ့ထံၭလီၫ.- တၭယိခွါ, ချီမိလၧၦယိဂ့ၩ, လၧအဖံၭ အယၪဘီၪ့ဝ့ၫနွ့ၫဒုၩ ဂဲၫထၪ့လၧထံၫမိၡါအဖၧၩ့ အၪ့
3 အဆၪလၧနၪ့အကျၩလီၫ.- တၭယိခွါ, ချီမိအလၬ အၧၩ့,ဒဲအဖံၭအယၪ ဎွ့လၩ့ဝ့ၫနွ့ၫဒုၩ ဂဲၫထၪ့လၧထံၫ မိၡါအဖၧၩ့တၭ, ဆၧၫ့ထုၪ့လၧချီလဖၪနီၪ အနဲၩ့ထံၭ
4 လၧထံၫနဲၩ့လဖၪနီၪလီၫ.- တၭချီမိအလၬအၧၩ့, ဒဲအ ဖံၭအယၪဎွ့လၩ့လဖၪနီၪ အၪ့ခွံၬချီလၧၦယိဂ့ၩ, ဒဲလၧ အဖံၭအယၪဘီၪ့လဖၪနီၪလီၫ. တၭဖၫရိၫနၪ့ထၪ့အၥၭ
5 လီၫ.- တၭအဆၧမံၫမၪဒီၭဝ့ၫနီၪ, မံၫမးဒီၭနံၫဘျၩ့လ ဘျၩ့တၭ,ယိခွါ, ဘုၪအဆဲၩ နွ့ၫဆဲၩမဲၪထၪ့ဝ့ၫလၧ
6 လဘီၩ့အလီၩ့တၭ, အဖျိၪ့ဆၭဒဲဂ့ၩလီၫ.- တၭယိခွါ, ဘုၪအဆဲၩနွ့ၫဆဲၩ လၧအဖျိၪ့ၥွံၬ, ဒဲဎဲၫ့ထၬဝ့ၫလၧလံၩ
7 မုထၪ့နီၪ မဲၪထၪ့ဝ့ၫလၧခဲၫ့နီၪလီၫ.- တၭဘုၪဆဲၩလၧ အဖျိၪ့ဎဲၫ့ထၬဝ့ၫနွ့ၫဆဲၩနီၪ, အၪ့ယုလၩ့ခွံၬ ဘုၪအဆဲၩ လၧအဖျိၪ့ဆၭ, ဒဲဂ့ၩနွ့ၫဆဲၩနီၪလီၫ. တၭဖၫရိၫနၪ့ထၪ့ အၥၭတၭ, ယိခွါ, မွဲဆၧမံၫမးလီၫ.
8 ဆၧဖၩ့ထၪ့နီၪ ဆၧမၩအၥၭ လၧအၥုၪ့ခိအၥၭဝီၩ တၭ,အၪ့မၧၫ့လၩ့ဆၧကိၭန့ ကယဲၦအံဇံၭအၡၩကွ့ၭ လံၬ,ဒဲၦကိၪ့ဆၧၥ့ၪ ထီးအလူၬတၭ, ဖၫရိၫလီၩလၩ့အ ဝ့ၫၥံၪ လၧအဆၧမံၫမးလဖၪလီၫ. တၭၦဖၭန့လၧဖၫ
9 ရိၫအဂးအီၪနးဂၩအ့ၬ.- ၦယိဆၧအၪ့ဆၧအီၩလဖၪ အဒိၪလဂၩနီၪ, ချဲၩ့ထၪ့ဆၧလၧဖၫရိၫတၭ, စံၭဝ့ၫဒၪ, ဆၧလၧမုဆၫလနံၩယီၩ, ယနၪ့ထၪ့ထဲၩ့ယဆၧဒဲၩဘၭ
10 လီၫ.- ဖၫရိၫၥၭထၪ့အဎီးအၡၩတၭ, ဖ့ၪလၫ့ဆၧအီၪ ခိၭယၧၩလၧၦမၩၥံၫဆၧလဖၪအဒိၪအဂံၪ့ဖၧၩ့, ယၧၩ
11 ဒဲၦမၩကိၪလဖၪ အဒိၪလဂၩလီၫ.- တၭပမံၫမးဆၧမံၫ မးလၧမုလနၩဎး, ယၧၩဒဲအဝ့ၫဒၪလဂၩ, ဘဲၫအဆၧ မံၫမးဖၭဝ့ၫအၥိၭ, လဂၩဘဲၫအဆၧမံၫမး ဖၭဝ့ၫအၥိၭ
12 နီၪ,ပမံၫမးဆၧလီၫ.- တၭၦမၩၥံၫ ဆၧအဒိၪလဂၩအ ဎီးအၡၩအဖိၪၥၪခွၫ, ၦဟံဘြူၫဖိၪလဂၩ အီၪဝ့ၫလၧပၥိၭထီးနီၪတၭ, ပလီၩဘၪအဝ့ၫတၭ, အဝ့ၫဒၪဖၭန့ဆၧ မံၫမးလၧပဂး, လဂၩဘဲၫအဆၧမံၫမးအၥိၭ, လဂၩဘဲၫ
13 အဆၧမံၫမးအၥိၭနီၪ ဖၭဝ့ၫဒၪလီၫ.- တၭဘဲၫအဖၭန့ လၧပဂးအၥိၭနီၪ, ဆၧမၩအၥၭလီၫ. အဂဲးဘဲၫယီၩ, ယၧၩလဂၩ, မွဲအအီၪက့ၪထဲၩ့ယၧၩ လၧယလးတၭ, အဝ့ၫလဂၩနီၪ ဘျၭလၩ့ဆဲၩဝ့ၫဒၪလီၫ.
14 တၭဖၫရိၫအၪ့မၧၫ့လၩ့ၦကိၭန့စယိၥၭတၭ, အဝ့ၫၥံၪ ဒုၭစဲၪ့ထၪ့ခွံၬဝ့ၫ လၧထီၫ့ဖၧၩ့ ချဲၩ့မၬလီၫ. တၭအဝ့ၫ ဒၪလိၩ့ခွံၬအနိၭဆီၪ့, ဒဲလုထၪ့အၥၭတၭ, ဂဲၫထၪ့လၧ
15 ဖၫရိၫအအီၪလီၫ.- တၭဖၫရိၫစံၭစယိၥၭနီၪ, ယမံၫမး ဆၧမံၫမးယီၩ, ၦလၧအဖၭၥ့ၪနီၪ, အီၪနးဂၩအ့ၬး တၭ ယနါဂၧၫ့လၧနဂဲး ၦၡၩစံၭဝ့ၫ, နနၪၥ့ၪ ဒဲနအ့ၪနါဂၧၫ့
16 ဆၧမံၫမးနီၪ, နဖၭနဝ့ၫဒၪၥ့ၪဆ့လီၫ.- စယိၥၭစံၭဆၧၫ့ ဖၫရိၫတၭ, စံၭဝ့ၫဒၪ, မွဲအအီၪလၧယၧၩအ့ၬ, ယွၩမိစံၭ ဖၫရိၫမုၬမုၬလီၫ.
17 တၭဖၫရိၫစံၭစယိၥၭနီၪ, ယမံၫမးဆၧတၭ, ယိခွါ,
18 ယဆၧၫ့ထုၪ့လၧထံၫမိၡါအနဲၩ့ထံၭ,- ယိခွါ, ချီမိလၧ အဖံၭအယၪဘီၪ့ဒဲၦယိဂ့ၩနွ့ၫဒုၩ ဂဲၫထၪ့လၧထံၫမိၡါ
19 အဖၧၩ့တၭ, အၪ့အဆၪလၧနၪ့ကျၩလီၫ.- တၭယိခွါ, ချီမိလၧအလဂ့ၩဘၪနီၪ, ဆၧယိအဝ့ၫၥံၪလၬအၧၩ့နၭ မၬတၭ, အဖံၭအယၪဎွ့လၩ့ ဘဲၫဆၧလဖၪယီၩအၥိၭ
20 ယဒၪဘၪလၧအံဇံၭအဖၧၩ့ နးဆိၭအ့ၬ.- တၭချီအဎွ့ ဒဲလၬအၧၩ့လဖၪနီၪ, အၪ့ခွံၬချီအဘီၪ့ လၧအအီၪထၪ့
21 ဆိၫဝ့ၫနွ့ၫဒုၩနီၪလီၫ.- တၭနုၬဝ့ၫလၧအဖၧၩ့ဂီၩ့တၭ, ၦၥ့ၪယၫလၧအနုၬ လၧအဖၧၩ့အ့ၬ, မွဲဆၧလၬအၧၩ့ ဘဲၫလၧအၥၫ့အၥိၭလီၫ. ထီးနီၪလဖၧၫ့ ယနၪ့ထၪ့ယ
22 ၥၭလီၫ.- ယဒၪဘၪလၧယမံၫမးဆၧ အဖၧၩ့တၭ,ယိ ခွါ,ဘုၪဆဲၩနွ့ၫဆဲၩ မဲၪထၪ့ဝ့ၫလၧ လဘီၩ့အလီၩ့တၭ,
23 အၥၪနီၪဎွ့ၩဝ့ၫဂ့ၩမၬလီၫ.- တၭယိခွါ, ဘုၪအဂူၫဂၩနွ့ၫ ဆဲၩလၧအဖျိၪ့ၥွံၬ, ဒဲဎဲၫ့ထၬလၧလံၩမုထၪ့နီၪ, မဲၪထၪ့
24 လၧအဝ့ၫၥံၪအလးခဲၫ့လီၫ.- တၭဘုၪဆဲၩလၧအဖျိၪ့ၥွံၬ နီၪ,အၪ့ယုလၩ့ခွံၬ ဘုၪဆဲၩလၧအဖျိၪ့ဂ့ၩ နွ့ၫဆဲၩနီၪ လီၫ.တၭယလီၩဘၪ ၦကွ့ၭလံၬလဖၪတၭ, ဆၧဒုၭနဲၪ လီၩဘၪယၧၩနီၪ အီၪနးဂၩအ့ၬ.
25 တၭစယိၥၭစံၭဖၫရိၫ, ဖၫရိၫအဆၧမံၫမး မွဲဆၧလ မံၩ့ဎးလီၫ. ဆၧလၧယွၩမိမၩနီၪ ဒုၭနဲၪဝ့ၫလၧဖၫရိၫ
26 လီၫ.- ချီမိဂ့ၩနွ့ၫဒုၩနီၪမွဲနွ့ၫနံၪ့လီၫ. တၭဘုၪဆဲၩဂ့ၩ နွ့ၫဆဲၩနီၪ, မွဲနွ့ၫနံၪ့ဆ့လီၫ. ဆၧမံၫမးနီၪမွဲဆၧလမံၩ့
27 ဎးလီၫ.- ချီမိလၧအဎွ့ဒဲလၬအၧၩ့, လၧအဂဲၫထၪ့လၧ အလးခဲၫ့နွ့ၫဒုၩနီၪ, မွဲနွ့ၫနံၪ့လီၫ. တၭဘုၪဆဲၩလၧအ ဖျိၪ့ၥွံၬဒဲဎဲၫ့ထၬ လၧလံၩမုထၪ့နွ့ၫဆဲၩနီၪ, မွဲနွ့ၫနံၪ့လၧ
28 အအီၪလၧဆၧၥၭဝံလၩ့ဒိၩလီၫ.- အနီၪမွဲဆၧချဲၩ့လၧ ယလီၩဘၪယူၭဖၫရိၫလီၫ. ဆၧလၧယွၩမိမၩနီၪ, မွဲအ
29 ဒုၭဒၪဘၪဝ့ၫလၧဖၫရိၫလီၫ.- ယိခွါ, နွ့ၫနံၪ့မိဂဲၫအီၪ လၧၫ့အီၪဎွ့ၩဖၭဒိၪ လၧခးအံဇံၭ ထၧၫ့ခးယၫအဖၧၩ့
30 လီၫ.- ဆၧၥၭဝံလၩ့ဒိၩနွ့ၫနံၪ့ မိအီၪထၪ့လၧအလးခဲၫ့ နီၪတၭ, ၦမိၥၭနၪ့ဆၧလၧၫ့ဆၧဎွ့ၩ လၧခးအံဇံၭနီၪ တၭ,ဆၧၥၭဝံလၩ့ဒိၩ မိမၩလူၬခွံၬ ထံၫၥံၪခးၥံၪနီၪ
31 လီၫ.- တၭလၧဆၧၥၭဝံလၩ့ဒိၩလၧခဲၫ့အကၠီၩ့နီၪ, ၦၥ့ၪ ယၫဆၧလၧၫ့ဎွ့ၩအ့ၬ. အဂဲးဘဲၫယီၩ ဆၧနီၪမိအီၪနၭ
32 နၭလ့ၬလီၫ.- တၭဆၧမံၫမးအီၪ လၧဖၫရိၫနံၫမံၩ့နံၫဖၧၫ့ နီၪ,အဂဲးဘဲၫယီၩ မွဲယွၩတဲၩ့ဝဲၩဆၧလမံၩ့နီၪ ဂုးဂုးခၧၫ့ ခၧၫ့အဂဲးလီၫ. တၭယွၩမိဒုၭမၩအၥၭနီၪ ချဲၫ့မၬလီၫ.
33 အခိးမွဲဘိၩ့နဲၪ့ယီၩ, မွဲဖၫရိၫအၪ့ဎၬ ၦအၥုၪ့ဖၭအၥၭ ဖၭဒဲကိၪ့ၥ့ၪကိၪ့ဘၪနးဂၩတၭ, အီၪက့ၪအဝ့ၫဒၪလၧ
34 ခးအံဇံၭအဖၫ့ခိၪနီၪဆံၭ.- မွဲဖၫရိၫမၩဝ့ၫတၭ, အီၪ က့ၪၦယိထဲၩ့ခွါထဲၩ့ ဆၧလဖၪ လၧထံၫဖိၪခးဖိၪအဖၫ့ ခိၪတၭ, ဆၧလၧၫ့ဆၧဎွ့ၩနွ့ၫနံၪ့နီၪ အၪ့မၩန့ခးအံဇံၭ
35 နီၪယဲပိၩ့လပိၩ့ဆံၭ.- တၭမွဲအအၪ့ထုၫ့ကီၪ့ဆၧအၪ့ ဆၧအီၩလၧနံၪ့အဂ့ၩ လၧအမိဂဲၫဝ့ၫထီးအလူၬ, ဒဲအီၪ က့ၪကီၪ့ဘုၪၥံၪဂူၫၥံၪ လၧဖၫရိၫအစူၪဖၫ့လၬ ဒဲအီၪခိၭ ပၧၩ့ဘၪဆၧအၪ့ဆၧအီၩ လၧဒိၩ့လဖၪအဖၧၩ့နီၪဆံၭ.
36 တၭဆၧလၧဆၧအၪ့ဆၧအီၩနီၪ, မိအီၪကီၪ့ဝဲၩဝ့ၫလၧ ခးအဂး, ထီၩ့လၩ့လၧဆၧၥၭဝံလၩ့ဒိၩ နွ့ၫနံၪ့လၧအမိ အီၪထၪ့လၧခးအံဇံၭအဖၧၩ့နီၪ, ဘဲၫၥိၭထံၫဖိၪခးဖိၪ ထီးဂၭဂီၩ့ လၧဆၧၥၭဝံလၩ့ဒိၩနီၪ လဂ့ၩလီၫ.
37 တၭဆၧလမံၩ့နီၪ ဂ့ၩဝ့ၫ လၧဖၫရိၫ အမ့ၬၥၪဖၧၩ့,
38 ဒဲလၧအခ့ၫအၡၩအမ့ၬၥၪ ထီးအလူၬအဖၧၩ့လီၫ.- တၭ ဖၫရိၫစံၭအခ့ၫအၡၩနီၪ, ပဒၪန့ၦဘဲၫယီၩၥိၭ, ၦလၧယွၩ
39 အၥၭအီၪလၧအဖၧၩ့မိၥ့ၪဆ့ဧၪ.- ဖၫရိၫစံၭစယိၥၭ, မွဲယွၩဒုၭၥ့ၪယၫနၧၩ လၧဆၧလဖၪနီၪ ထီးအလူၬတၭ, ၦအၥုၪ့ဖၭၥၭဖၭ, ဒဲကိၪ့ၥ့ၪကိၪ့ဘၪ န့ၫနၧၩ ၥိၭယီၩ
40 အီၪနးဂၩအ့ၬ.- နမိအီၪလၧယနီးအဖၫ့ခိၪတၭ, ယၡၩ ခမျၧး ထီးအလူၬလဖၪ ဘၪဒူၩထၪ့ယၪ့ထၪ့နၧၩလီၫ. မွဲန့ၫလၧယလး ဆီၩ့ဆီအဖၫ့ခိၪနီၪ ယမိဒိၪနဲၪ့ နၧၩ
41 လီၫ.- တၭဖၫရိၫစံၭစယိၥၭ, ယိခွါ, ယအီၪက့ၪယူၭ
42 နၧၩလၧခးအံဇံၭ ထၧၫ့ခးယၫအဖၫ့ခိၪယူၭလီၫ.- ဖၫ ရိၫဘဲၪ့လၩ့ခွံၬ အစူၪၥံၭလဘီၩ့ လၧအစူၪတၭ, ဖျၪ့ထၪ့ ဝ့ၫလၧစယိၥၭအစူၪတၭ, ဒုၭၥိၭဝ့ၫအဆဲၫ့ဘွၩဖျ့ၫလံၬ ကံၭ,ဒဲဒုၭလံၬဝ့ၫ လၧၥွ့ၫထီၫ့လဝၫ့ လၧအခိၬလီၩ့နီၪ
43 လီၫ.- တၭဒုၭထူၬဝ့ၫအလဲၪ့ နံၫဖျိၪ့လဖျိၪ့တၭ, ၦကိၭ ၡၭဝ့ၫ လၧအမ့ၬယၫ, ချံၭလၩ့ခၪ့ဆံၭ. တၭဆၧအီၪ
44 က့ၪဝ့ၫလၧခးအံဇံၭ ထၧၫ့ခးယၫအဖၫ့ခိၪလီၫ.- တၭ ဖၫရိၫစံၭစယိၥၭ, ယမွဲဖၫရိၫလီၫ. နလအီၪဘၪတၭ, ၦယူၬထၪ့ဘၪအစူၪအခၪ့ လၧခးအံဇံၭထၧၫ့ခးယၫအ
45 ဖၧၩ့နးဂၩအ့ၬ.- တၭဖၫရိၫကိၭထဲၩ့စယိၥၭ အမံၩ့လၧ စဇၭဖနၭပ့ၫအနံအၫနီၪလီၫ. တၭဖ့ၪလၫ့ဒိၩ့အၫ့အၡၩ လုဆၧစပီတဖံရၫအဖိၪမုၪ နးအၭစနၭ လၧအမၫအဂး လီၫ. တၭစယိၥၭ လ့ၩဝံၩ့ဝၩ့ဆၧ လၧခးအံဇံၭအဖၧၩ့ လီၫ.
46 လၧစယိၥၭဆၧၫ့ထုၪ့လၧအံဇံၭအစဎွၩ ဖၫရိၫအမ့ၬ ယၫနီၪ, အၥၭၡါအနံၪ့ၥၧၫ့ဆံၫတၭ, စယိၥၭစဲၪ့ထၪ့ခွံၬ ဝ့ၫလၧဖၫရိၫအမ့ၬယၫတၭ, လ့ၩဆၧလၧခးအံဇံၭ
47 ထၧၫ့ခးယၫလီၫ.- တၭဆၧလၧၫ့ဆၧဎွ့ၩ နွ့ၫနံၪ့နီၪ,ဂၪ့
48 ခိၪဒုၭမဲၪထၪ့ဆၧ အၪအၪလ့ၬလီၫ.- တၭလၧနွ့ၫနံၪ့ နီၪ,အဝ့ၫအၪ့ထုၫ့ကီၪ့န့ ဆၧအၪ့ဆၧအီၩ လၧအအီၪ လၧခးအံဇံၭအဖၧၩ့ထီးအလူၬ, ဒဲအီၪက့ၪကီၪ့ဝ့ၫလၧ ဒိၩ့လဖၪအဖၧၩ့လီၫ. ဆၧအၪ့ဆၧအီၩ လၧအအီၪဝ့ၫ လၧခီၫ့ဝၬဖီၩ့ ဒိၩ့လဖျိၪ့ဒဲလဖျိၪ့နီၪ, အီၪက့ၪဝ့ၫလၧအ
49 ဖၧၩ့နီၪလီၫ.- တၭစယိၥၭလူၫကီၪ့ ဘုၪၥံၪဂူၫၥံၪဘဲၫမ့ၭ လၧမၫဆၧမံၭနဲၩ့အၥိၭ အၪအၪလ့ၬ, ထီးၦဝံဆၧနၬဆၧ နီၪပထုၬဝ့ၫဒၪလီၫ. အဂဲးဘဲၫယီၩဝံထၪ့နၬထၪ့ၥ့ၪလၧၩ့ အ့ၬ.
50 ဆၧၥၭဝံလၩ့ဒိၩအနံၪ့လဖၪ လချႃၭဘၪဒံၭဘၪတၭ, အဖိၪခွၫနံၫဂၩ အီၪဖျဲၪလၧစယိၥၭအဂး, လၧဒိၩ့အၫ့ အၡၩလုဆၧ စပီတဖံရၫအဖိၪမုၪ နးအၭစနၭနီၪ, ဆီၫ့
51 အီၪန့လၧအဂးလီၫ.- တၭစယိၥၭဖျိၬအဖိၪဝဲၡါအမံၩ့ စမနၭစ့ၫလီၫ. အဂဲးဘဲၫယီၩ ယွၩဒုၭၥၭနၪ့ခွံၬယၧၩ လၧယဆၧခိဆၧဝီၩ ထီးအလူၬဒဲယဖါ အၡၩဂံၪ့ဖိၪ
52 ထီးအလူၬလီၫ.- တၭဖိၪခွၫနံၫဂၩလဂၩနီၪ ဖျိၬဝ့ၫအ မံၩ့လၧစအံဖံၫ့လီၫ. အဂဲးဘဲၫယီၩ ယွၩဒုၭၥၪထၪ့ ယၧၩလၧဆၧၡၪ့ဆၧနၭ အခးဖၧၩ့လီၫ.
53 တၭဆၧလၧၫ့ဆၧဎွ့ၩနွ့ၫနံၪ့ လၧအအီၪဝ့ၫလၧခးအံ
54 ဇံၭအဖၧၩ့နီၪထုၬဝ့ၫဒၪလီၫ.- တၭဆၧၥၭဝံလၩ့ဒိၩနွ့ၫ နံၪ့အီၪထၪ့အၥၫ့ဘဲၫစယိၥၭစံၭဝ့ၫအၥိၭနီၪတၭ, ဆၧ ၥၭဝံလၩ့ဒိၩအီၪဝ့ၫ လၧခးကိၭအဘံၪ့ဒ့ၭလီၫ. အ့ၪမွဲ လၧခးအံဇံၭ ထၧၫ့ခးယၫ အဖၧၩ့နီၪ ဆၧအၪ့အီၪဝ့ၫ
55 ဒၪလီၫ.- ထီးၦအံဇံၭဖိၪထီးအလူၬအီၪဝံတၭ, ၦခမျၧး ကိၭထၪ့ဖၫရိၫ လၧဆၧအၪ့အဂးတၭ, ဖၫရိၫစံၭၦအံ ဇံၭဖိၪထီးအလူၬနီၪ, လ့ၩလၧစယိၥၭအအီၪတၭ, ထီး
56 ဒၪအဝ့ၫလီၩဘၪနၥံၪ ဆၧလမံၩ့မံၩ့နီၪ, မၩဘီၪ.- ဆၧ ၥၭဝံလၩ့ဒိၩ အီၪထၪ့ဝ့ၫ လၧထံၫၥံၪခးၥံၪ ဎံၩ့ဎံၩ့လ့ၬ တၭ,စယိၥၭ ဝဲထၪ့ကယဲဆၧအလး လၧဆၧအၪ့အီၪ လၧအဖၧၩ့ထီးအလူၬတၭ, အၪ့ဆၫဝ့ၫလၧၦအံဇံၭဖိၪ လီၫ.တၭဆၧၥၭဝံ လၩ့ဒိၩနီၪနၭမၬဝ့ၫ လၧခးအံဇံၭအ
57 ဖၧၩ့လီၫ.- တၭကယဲၦခးဖိၪလဖၪ ဂဲၫလၧခးအံဇံၭအ ဖၧၩ့လၧစယိၥၭအအီၪ, ဘဲၫၥိၭအမိဎွ့ၩန့ဆၧအၪ့လီၫ. အဂဲးဘဲၫယီၩ ဆၧၥၭဝံလၩ့ဒိၩနီၪ, နၭမၬဝ့ၫလၧခး ကိၭဘံၪ့ဒ့ၭအဖၧၩ့လီၫ.