31
1 တၭအဝ့ၫနီၪနါဂၧၫ့ စလၫဘၫ့အဖိၪခွၫလဖၪ အဆၧ ချဲၩ့,လၧအစံၭဝ့ၫ စယၫကူၭမၩန့ခွံၬ ကယဲဆၧလၧအ အီၪလၧပဖါတၭ, လၧဆၧလၧအအီၪ လၧပဖါနီၪ,မွဲအ ဘၪဆၧထူၭဆၧလၧၫ့ယီၩ ထီးအလူၬလီၫ.
2 စယၫကူၭယိစလၫဘၫ့အမ့ၬတၭ, ဒၪဘၪဝ့ၫလၧအ လကဲၪလၧၩ့ဘၪအမ့ၬ ဘဲၫလၧမုဂၪ တဂၪအၥိၭနီၪ
3 လီၫ.- တၭယဟိဝၩစံၭစယၫကူၭနီၪ ထဲၩ့ထဲၩ့လၧနဖါ လဖၪအခး, ဒဲလၧနဘူၭနထံးအအီၪနီၪဆံၭ, တၭယမိ
4 အီၪလၧနၥိၭလီၫ.- တၭစယၫကူၭအၪ့မၧၫ့ ၦလ့ၩကိၭ န့နးရၫခ့လၭ, ဒဲနးလံအၫလၧဆၧပျၩ့ဖၧၩ့ လၧအၥိၪ
5 ဒဲဘ့ၪအဒီၪ့အီၪ,- စံၭအဝ့ၫၥံၪ, ယယိနၥံၪအဖါအမ့ၬ လၧအလကဲၪလၧၩ့ဘၪ ဒဲယၧၩဘဲၫလၧမုဂၪတဂၪအ ၥိၭနီၪလါနၫ့တၭ, ယဖါအယွၩနီၪ အီၪလၧယၥိၭလီၫ.
6 တၭနၥံၪၥ့ၪယၫနၥံၪအနၫ့ဆါဒၪနၥံၪဝ့ၫ လၧယမၩနၥံၪ
7 အဖါအဆၧလၧယဂဲးယဘၭ ထီးအလူၬလီၫ.- နၥံၪအ ဖါအၪ့လီၫန့ယၧၩတၭ, အၪ့လဲၩထဲၩ့ယူၭ ယလံၩ့ယ လဲၫဆံၫဘျၩ့လါနၫ့တၭ, ယွၩဖ့ၪလၫ့အမၩအၧၩ့ယၧၩ
8 နးမံၩ့အ့ၬ.- အဝ့ၫဒၪအ့ၪစံၭဘဲၫယီၩ, ဆၧကံၪစံၫဖီးမိ ကဲၪထၪ့နလံၩ့နလဲၫနီၪတၭ, ၥိၪဒဲဘ့ၪလဖၪ ဖိၪဆါဆၧ ကံၪစံၫဖီးထၧၫ့ဒီၪ့ယၫလီၫ. အ့ၪစံၭဘဲၫယီၩ, ဆၧကံၪ ပလူၬပလူၬ မိကဲၪထၪ့နလံၩ့နလဲၫနီၪတၭ, ၥိၪဒဲဘ့ၪလ
9 ဖၪဖိၪဆါဆၧကံၪပလူၬပလူၬ ထၧၫ့ဒီၪ့ယၫလီၫ.- ယွၩ ထုၭထၪ့ခွံၬနၥံၪအဖါ အဆၧဖိၪဆၧဎါအဒိၩ့တၭ, ဖ့ၪ
10 လၫ့ယၧၩလီၫ.- ဆၧအဆၧၫ့အထီ လၧၥိၪဒဲဘ့ၪလဖၪ ဒၧၩ့ထၪ့တၭ, ဆၧမၩအၥၭလၧယကျဲၪ့ ထၪ့ယမ့ၬတၭ ယဒၪဆၧလၧ ဆၧမံၫမးအဖၧၩ့နီၪ, ယိခွါ, ဘ့ၪအဖၫ လဖၪလၧအဖုၫထၪ့ လၧဘ့ၪလဖၪအလီၩ့နီၪ, မွဲအကံၪ
11 ပလူၬပလူၬ, ကံၪကဲၩ့,ဒဲကံၪစံၫဖီးလီၫ.- ယွၩအၥီၫ့နီၪ စံၭယၧၩ လၧဆၧမံၫမးအဖၧၩ့တၭ, စံၭဝ့ၫဒၪ, စယၫ
12 ကူၭဧ့,တၭယစံၭ ယအီၪထီးယီၩလီၫ.- မွဲအစံၭဝ့ၫ ဒၪ,ကျဲၪ့ထၪ့နမ့ၬတၭ, ယိခွါ,ကယဲ ဘ့ၪအဖၫလၧအဖုၫ ထၪ့လၧဘ့ၪအလီၩ့နီၪ, မွဲအကံၪပလူၬပလူၬ, ဒဲကံၪ ကဲၩ့ဒဲကံၪစံၫဖီးထီးအလူၬလီၫ အဂဲးဘဲၫယီၩဆၧလၧ
13 စလၫဘၫ့မၩနၧၩနီၪ, ယဒၪဘၪထီးအလူၬယူၭ.- ယမွဲ ဘ့ၫၥလၭအယွၩ ထီးအလး လၧနဂုၪဆၧ အထုၪ့လ ထုၪ့,ထီးနဆိၪလၩ့နၥၭ လၧယၧၩအလးနီၪလီၫ. ဘိၩ့ နဲၪ့ယီၩဂဲထုၪ့ စဲၪ့ထၪ့ခွံၬလၧခးဖၧၩ့ယီၩတၭ, ထဲၩ့ထဲၩ့ လၧနဘူၭနထံးအခးဖၧၩ့ဆံၭ.
14 နးရၫခ့လၭဒဲနးလံအၫ စံၭဆၧၫ့ဆၧတၭ, စံၭအဝ့ၫ, ဆၧလၧပဂးဒဲဆၧလၧပမိန့ၥၫနီၪ, မွဲအအီၪဒံၭလၧပဖါ
15 အဂံၪ့ဖၧၩ့ဆ့ဧၪ.- အဝ့ၫဒၪအီၪက့ၪပၧၩ ဘဲၫၦလခီၫ ဘၩ့မုးဖိၪအၥိၭနီၪ, လမွဲဘၪဧၪ. မွဲအအၪ့ဆၫခွံၬပၧၩ
16 ဒဲအၪ့ခွံၬပစ့ၩလူၬထူၬဆံၫ့ဘၩ့အဂဲးလီၫ.- အဂဲးဘဲၫ ယီၩကယဲဆၧလၧ အစူၪလးအခၪ့ခိၪ လၧယွၩထုၭထၪ့ ခွံၬလၧပဖါနီၪ, မွဲပဆၧဒဲပဖိၪပလံၩအဆၧလီၫ. တၭ ဘိၩ့နဲၪ့ယီၩ ကယဲဆၧလၧယွၩစံၭနၧၩ ထီးအလူၬနီၪ, မၩဆံၭ.
17 စယၫကူၭဂဲထုၪ့တၭ, အီၪက့ၪထၪ့အဖိၪခွၫလဖၪ
18 ဒဲအမၫၥံၪလၧကလအူၭအလီၩ့,- တၭၥိၫ့ထၪ့ခွံၬအ ဆၧဖိၪဆၧဎါအဒိၩ့ထီးအလူၬ, ဒဲကယဲအဆၧဖိၪဆၧ လံၩလၧအန့ဘၪဝ့ၫ, ဆၧဖိၪဆၧဎါအဒိၩ့ လၧအမၩန့ လၧအန့ဘၪဝ့ၫ လၧပၫဒၫ့အၫရၫ့အဖၧၩ့, ဘဲၫၥိၭအမိ လ့ၩလၧအဖါစအံစၭ အအီၪလၧခးကၫနအၫ့အဖၧၩ့
19 နီၪလီၫ.- စလၫဘၫ့လ့ၩထံၬၥိၪအဆီၪ့တၭ, နးရၫခ့လၭ
20 အၪ့ဂူၪန့အဖါအဆၧဂၩ့တ့ၫရဖံၫ့လီၫ.- တၭစယၫကူၭ စဲၪ့ထၪ့ၥူၪဝ့ၫ လၧၦအၫရၫ့ဖိၪ စလၫဘၫ့လၥ့ၪယၫဘၪ နီၪ,အဂဲးဘဲၫယီၩ မွဲအလဒုၭနဲၪဘၪဝ့ၫ လၧအမိစဲၪ့ထၪ့
21 ခွံၬနီၪလီၫ.- တၭအဝ့ၫဒၪစဲၪ့ထၪ့ခွံၬ, အနၫ့ဆါဒဲကယဲ ဆၧလၧအအီၪဝ့ၫတၭ, ဂဲထုၪ့ခၫ့ဂၬထံၫမိၡါတၭ, ဒိၭ အမ့ၬလၧခိၪလီၩ့ဂံလအၭလီၫ.
22 တၭၥၧၫ့နံၩလနံၩနီၪ ၦလီၩဘၪစလၫဘၫ့ လၧစယၫ
23 ကူၭစဲၪ့ထၪ့ခွံၬယူၭနီၪလီၫ.- အဝ့ၫနီၪမၩန့အထၧၫ့ဖုဝဲ လဖၪလၧအၥိၭတၭ, လီၩ့ဆီးအဝ့ၫနွ့ၫၥၫ့ဖၧၩ့ၥၭတၭ,
24 ချႃၭန့ဝ့ၫလၧခိၪလီၩ့ ဂံလအၭအလီၩ့နီၪလီၫ.- ယွၩဂဲၫ လၧၦအၫရၫ့ဖိၪစလၫဘၫ့အအီၪ လၧဆၧမံၫမးအဖၧၩ့ လၧမုနၩတၭ,စံၭအဝ့ၫ, ထီးလၩ့နၥၭလၧဆၧဂ့ၩမွဲဂ့ၩ, ဆၧအၧၩ့မွဲဂ့ၩ,ဘဲၫၥိၭနထီးချဲၩ့ စယၫကူၭနးမံၩ့လဂ့ၩ.
25 တၭစလၫဘၫ့ ချႃၭန့စယၫကူၭလီၫ. စယၫကူၭၥုၪ့ထၪ့ အတဲၩလၧခိၪလီၩ့နီၪတၭ, စလၫဘၫ့, ဒဲအထၧၫ့ဖုဝဲၥုၪ့ ထၪ့ဝ့ၫလၧခိၪလီၩ့ ဂံလအၭအလီၩ့လီၫ.
26 စလၫဘၫ့စံၭစယၫကူၭနီၪ, မွဲနမၩဘဲၫၥ့ၪလဲၪ,နစဲၪ့ ထၪ့ၥူၪဝ့ၫတၭ, မီၩ့ထၪ့ခွံၬယဖိၪမုၪလဖၪ ဘဲၫၦလဖၪ
27 လၧၦဖီၪ့န့ဝ့ၫလၧနၭအၥိၭမၬလဲၪ.- နစဲၪ့ၥူၪဝ့ၫဒဲနစဲၪ့ ထၪ့စီၩစီၩတၭ, နလလီၩဘၪယၧၩဘဲၫၥိၭ ယမိဖျါခွံၬ နၧၩလၧဆၧၥၭထိၬ, ဒဲဆၧၥံၫကျံၩ, ဒဲဒိၩ့ၥံၪမီၩ့ၥံၪ,ဒဲနါ
28 ဒံၩ့,ဒဲၥၫ့ထီးနီၪ, မွဲဘၪလဲၪ.- တၭနလဒုၭအဲၪဂါဘၪ ယၧၩလၧယဖိၪခွၫ, ဒဲယဖိၪမုၪၥံၪနီၪ, မွဲဘၪလဲၪ. ဘိၩ့
29 နဲၪ့ယီၩနမၩဘဲၫ ၦဂၭဂီၩ့ဖိၪအဆၧမၩအၥိၭလီၫ.- ဆၧ အစီၩ့အမၩ့အီၪဝ့ၫ လၧယစူၪဖၧၩ့လၧယမၩအၧၩ့မၩ နၭနၥံၪၥ့ၪလါနၫ့တၭ, နၥံၪအဖါယွၩချဲၩ့ဆၧ လၧယၧၩ လၧမုနၩလနၩနီၪ, စံၭဝ့ၫဒၪ, ထီးလၩ့နၥၭလၧဆၧဂ့ၩ မွဲဂ့ၩ,ဆၧအၧၩ့မွဲဂ့ၩ, ဘဲၫၥိၭနထီးချဲၩ့ စယၫကူၭနး
30 မံၩ့လဂ့ၩ.- ဘိၩ့နဲၪ့ယီၩ,မွဲနၥၭ ယူမီၪ့ဘၪနဖါအဂံၪ့ဒိၪ မၬတၭ,ထဲၩ့တၭ, နမိထဲၩ့ဘၪလီၫ. နအၪ့ဂူၪန့ယယွၩ လဖၪနီၪ, မွဲအဘၪဆၧနီၪလမံၩ့လဲၪ.
31 စယၫကူၭစံၭဆၧၫ့ဆၧတၭ စံၭစလၫဘၫ့နီၪ,မွဲယၥၭ မဲၪဆၧအဂဲးလီၫ. အဂဲးဘဲၫယီၩယစံၭ နမိမၩန့ခွံၬဆီၪ့
32 ဘၪခိၬနဖိၪမုၪလဖၪလၧယၧၩလီၫ.- ၦလၧအဒၪန့နယွၩ လဖၪအီၪလၧအဝ့ၫလဂၩဂၩနီၪ, မွဲအထီးမၧၫ့လဂ့ၩ. လၧပထၧၫ့ဖုဝဲ အမ့ၬယၫယီၩ, ယိနဲၪ့ဆၧလၧအမွဲန ဆၧအီၪဒဲယၧၩတၭ, မၩန့လၧနဂးဆံၭ. တၭစယၫကူၭ လၥ့ၪယၫဘၪဝ့ၫ လၧနးရၫခ့လၭမၩန့ၥူၪဝ့ၫလီၫ.
33 စလၫဘၫ့လ့ၫနုၬ လၧစယၫကူၭအတဲၩဖၧၩ့, ဒဲလၧ နးလံအၫအတဲၩဖၧၩ့, ဒဲလၧအဎီးမုၪနံၫဂၩလဖၪအ တဲၩဖၧၩ့တၭ, လဒၪန့ဘၪဝ့ၫနီၪ, စဲၪ့ထၪ့လၧနးလံအၫ အတဲၩဖၧၩ့တၭ, လ့ၩနုၬလၧနးရၫခ့လၭ အတဲၩဖၧၩ့
34 လီၫ.- တၭနးရၫခ့လၭ မၩန့ဝဲၩဆၧဂၩ့တ့ၫရဖံၫ့လဖၪ နီၪတၭ,အီၪက့ၪဝ့ၫ လၧကလအူၭအခါအဖၫ့လၬတၭ, ဆၧၫ့နၩ့ဝ့ၫလၧအဖၫ့ခိၪလီၫ. စလၫဘၫ့ လုးဆၧလၧ
35 တဲၩဖၧၩ့ထၧၫ့ဖျိၪ့ယၫတၭ, လဒၪန့ဘၪဝ့ၫနီၪ,- အဝ့ၫဒၪ စံၭအဖါ, လၧယဂဲထုၪ့လၧနမ့ၬယၫ လကဲၪဘၪယီၩ,မွဲ ယကဆါထီးၥၭထၪ့လဂ့ၩ. အဂဲးဘဲၫယီၩၦမုၪအထူၫ အရူၫအီၪလၧယလီၩ့လီၫ. မွဲအအၪ့ဎၬဝ့ၫတၭ လဒၪန့ ဘၪဆၧဂၩ့တ့ၫရဖံၫ့နီၪလီၫ.
36 စယၫကူၭၥုၪ့ထၪ့ၥၭထၪ့တၭ, အဲၪ့လိၬဆိၭချဲၩ့လိၬ အၥၭလၧစလၫဘၫ့တၭ, စယၫကူၭစံၭဆၧၫ့ဆၧတၭ, စံၭစလၫဘၫ့, လၧနလီၩ့ဆီးယၧၩအကၠီၩ့နီၪ, ယဆၧ မၪမွဲဆၧနီၪလမံၩ့လဲၪ. ယဆၧဒဲၩဘၭ, မွဲဆၧနီၪလမံၩ့
37 လဲၪ.- အဂဲးဘဲၫယီၩ နလီၩ့လုးယဆၧဖိၪဆၧလံၩထီး အလူၬတၭ, နဒၪန့ဆၧဘၪဆဲၫ့လၧနဂံၪ့ အဆၧဖိၪဆၧ လံၩထီးအလူၬနီၪ, မွဲဆၧနီၪလမံၩ့လဲၪ. အီၪက့ၪလၩ့ ထီးယီၩလၧယထၧၫ့ဖုဝဲၥံၪ, ဒဲနထၧၫ့ဖုဝဲၥံၪအမ့ၬယၫ
38 ဘဲၫၥိၭအမိစ့ၩရၫ့ပၧၩယီၩဆံၭ.- ယအီၪလၧနၥိၭအ နံၪ့နံၫဆံၫယီၩ, နၥိၪအမိ, ဒဲနဘ့ၪအမိအဂူၭလဂၭဂီၩ့
39 ဘၪ,နၥိၪဒဲနဘ့ၪအဖၫနီၪ ယအၪ့ဘၪဆ့အ့ၬ.- ဆၧလၧ အယၬၥံၫခွံၬနီၪ ယလဂဲၫဆိၬဘၪနအီၪတၭ, ယလိၭ ထဲၩ့ယဝ့ၫလီၫ. လၧမုဆၫလခီၫမွဲဂ့ၩ, လၧမုနၩလခီၫ မွဲဂ့ၩ, ဆၧလၧဆၧအၪ့ဂူၪဝ့ၫနီၪ, နအၪ့ဎၬလၧယစူၪ
40 ဖၧၩ့လီၫ.- ယအီၪလၧမုဆၫလခီၫနီၪ, ဆၧခိအၪ့ယၧၩ, ဒဲလၧမုနၩနီၪ ဆၧဂီးအၪ့ယၧၩတၭ, ယဆၧမံၫစဲၪ့ထၪ့
41 ခွံၬလၧယမ့ၬၥၪလီၫ.- ဆၧနီၪဘၪယၧၩတၭ, ယအီၪ လၧနဂံၪ့ဖၧၩ့ဘဲၫနီၪ အနံၪ့နံၫဆံၫလီၫ. ယမၩနဆၧလ ဆံၫလံနံၪ့ လၧနဖိၪမုၪနံၫဂၩအဂး ဒဲဎူၫနံၪ့ လၧနၥိၪ ဒဲဘ့ၪအဂး, ဒဲနအၪ့လဲၩထဲၩ့ ယလံၩ့ယလဲၫဆံၫဘျၩ့
42 လီၫ.- ယဖါအယွၩ, စအၫဘြဟၫ့အယွၩ, ဒဲစအံစၭ အဆၧၥၭမဲၪနီၪ, အ့ၪလအီၪဘၪလၧယဂးတၭ, မွဲမၬ ဘိၩ့နဲၪ့ယီၩ နမိဖျါခွံၬယၧၩပျီၩပျီၩလီၫ. ယွၩယိယ ဆၧနၭဆၧၡၪ့, ဒဲယမၩဆၧလၧယစူၪတၭ အၪ့ၥီၪ့ထဲၩ့ ဆၧလၧမုနၩလၧနၧၩနီၪလီၫ.
43 စလၫဘၫ့စံၭဆၧၫ့ဆၧတၭ, စံၭစယၫကူၭနီၪ, ဖိၪမုၪ လဖၪယီၩမွဲယဖိၪမုၪ, ဒဲဖိၪၥၪလဖၪယီၩ မွဲယဖိၪၥၪ, ဒဲၥိၪဒဲဘ့ၪလဖၪယီၩ, မွဲယၥိၪဒဲဘ့ၪလဖၪတၭ, ကယဲ ဆၧလၧနဒၪဘၪလဖၪနီၪ, မွဲယဆၧထီးအလူၬလီၫ. တၭဆၧလၧမုဆၫလနံၩယီၩ, ယမၩဆၧလၧယဖိၪမုၪ ဒဲအဝ့ၫၥံၪအဖိၪခွၫလဖၪ လၧအအီၪဖျဲၪန့ဝ့ၫအဂးနီၪမိ
44 ၥ့ၪလမံၩ့မံၩ့ဆ့ဧၪ.- ဘိၩ့နဲၪ့ယီၩ,ဂဲၫဘီၪ, မွဲပမၩဆၧ အုၩ့လၩ့လိၬပၥၭ လၧယၧၩဒဲနၧၩတၭ, မွဲအကဲၪထၪ့ ဆၧထိးအၥၭ လၧယၧၩဒဲနၧၩအဂးနီၪဆံၭ.
45 စယၫကူၭမၩန့ လိးလဖျိၪ့တၭ, အီၪက့ၪထၪ့ဝ့ၫလၧ
46 ထုၪ့လထုၪ့အဂးလီၫ.- စယၫကူၭစံၭအထၧၫ့ဖုဝဲလဖၪ အၪ့ထုၫ့န့လိးလဖၪနီၪဆံၭ. အဝ့ၫၥံၪမၩန့ လိးလဖၪနီၪ တၭ,မၩပိၩ့ထၪ့ဝ့ၫလပိၩ့တၭ, အၪ့ဆၧထီးနီၪလၧဆၧ
47 လပိၩ့အဖၫ့ခိၪလီၫ.- တၭစလၫဘၫ့ ကိၭဝ့ၫအမံၩ့လၧ ယံဂၫစံၫဟဒုၥၫလီၫ. အ့ၪမွဲစယၫကူၭ ကိၭဝ့ၫအမံၩ့လၧ ဂၫလအ့ၭလီၫ.
48 တၭစလၫဘၫ့စံၭဝ့ၫဒၪ, ဆၧလၧဆၧပိၩ့ယီၩ, မွဲဆၧ ထိးအၥၭလၧယၧၩဒဲနၧၩ အဘိၩ့ဆၧၩ့လၧမုဆၫလနံၩ ယီၩလီၫ. မၩအၥၭဘဲၫနီၪတၭ, ၦကိၭအမံၩ့လၧဂၫလ
49 အ့ၭဒဲမံဇပၫလီၫ.- အဂဲးဘဲၫယီၩစံၭဝ့ၫဒၪ, ထီးပအီၪ လၩ့ဖၭလိၬပၥၭတၭ, မွဲယဟိဝၩ ယိဆၧလၧယၧၩ
50 ဒဲနၧၩအဘိၩ့ဆၧၩ့နီၪဆံၭ.- နအ့ၪမၩနၭမၩၡၪ့ယဖိၪ မုၪလဖၪတၭ, နအ့ၪမၩန့နမၫ လၧအလမွဲဘၪယဖိၪမုၪ လဖၪတၭ, ၦၡၩလအီၪဘၪလၧပၥိၭ နးဂၩလါနၫ့တၭ, ယိခွါ,ယွၩမွဲဆၧထိးအၥၭ အီၪလၧယၧၩဒဲနၧၩအဘိၩ့ ဆၧၩ့နီၪလီၫ.
51 စလၫဘၫ့စံၭစယၫကူၭ, ယိခွါဆၧပိၩ့လပိၩ့ယီၩ,ဒဲ ယိဆၧထုၪ့လထုၪ့ယီၩ, လၧယအီၪက့ၪဆၧလၧယၧၩ
52 ဒဲနၧၩအဘိၩ့ဆၧၩ့ယီၩဘီၪ,- မွဲဆၧပိၩ့လပိၩ့ယီၩကဲၪ ထၪ့ဆၧထိးအၥၭ, ဒဲဆၧထုၪ့ယီၩကဲၪထၪ့ဆၧထိးအ ၥၭလၧယလခၫ့ဖၬဘၪ ဆၧပိၩ့လပိၩ့ယီၩ လၧနအီၪ, ဒဲနလခၫ့ဖၬ ဘၪဆၧပိၩ့လပိၩ့ယီၩ, ဒဲဆၧထုၪ့လထုၪ့ ယီၩလၧယအီၪ လၧဆၧအၧၩ့ဆၧနၭ အဂးနီၪဆံၭ.
53 တၭမွဲစအၫဘြဟၫ့အယွၩ, ဒဲစနၫဟီၫအယွၩ, အဝ့ၫၥံၪ အဖါအယွၩနီၪ, စ့ၩရၫ့ဆၧလၧပဘိၩ့ဆၧၩ့ယီၩဆံၭ. တၭစယၫကူၭဆိၪလၩ့အၥၭ လၧအဖါစအံစၭ အဆၧ ၥၭမဲၪအမ့ၬယၫလီၫ.
54 စယၫကူၭလုထၪ့ဆၧလၧခိၪလီၩ့ခိၪတၭ, ကိၭန့အ ထၧၫ့ဖုဝဲၥံၪ လၧအမိအၪ့ကိၪအဂဲးလီၫ. အဝ့ၫၥံၪအၪ့ ကိၪနီၪတၭ, အီၪဝ့ၫၥၫ့နၩချီၩ့ လၧခိၪလီၩ့ခိၪလီၫ.
55 ဆၧဖၩ့ထၪ့နီၪစလၫဘၫ့ ဂဲထုၪ့ဂီၩဂီၩတၭ, အဲၪဂါ အဖိၪခွၫၥံၪ ဒဲအဖိၪမုၪၥံၪတၭ, ဆိၪဂ့ၩအဝ့ၫၥံၪလီၫ. စလၫဘၫ့စဲၪ့ထၪ့တၭ ထဲၩ့ထဲၩ့လၧအလးလီၫ.