29
1 စယၫကူၭခၫထၪ့အခၪ့တၭ, လ့ၩထီၩ့လၧၦမုထၪ့ဖိၪ
2 အခးဖၧၩ့လီၫ.- အဝ့ၫနီၪယိဆၧတၭ, ယိခွါ ထံၫဖၧၩ့ အီၪဝ့ၫလၧဂၪ့ခိၪအဝၩ့ဖၧၩ့နီၪလဖၧၩ့တၭ, ယိခွါ,ထီး နီၪၥိၪဒဲဘ့ၪၥၧၫ့ဒီၪ့ခိၬလၩ့ လၧအနဲၩ့ထံၭလီၫ. အဂဲး ဘဲၫယီၩၦဒုၭအီၩ ၥိၪဒဲဘ့ၪအထံၫ လၧထံၫဖၧၩ့နီၪလီၫ. တၭလိးဖၭဒိၪလဖျိၪ့ အီၪလၧထံၫဖၧၩ့အခိၪထိၭလီၫ.
3 ၥိၪဒဲဘ့ၪအီၪကိၩ့အီၪကီၪ့ ထီးနီၪထီးအလူၬတၭ, ၦချံး ခွံၬလိးနီၪလၧထံၫဖၧၩ့ အခိၪထိၭတၭ, ဒုၭအီၩၥိၪဒဲဘ့ၪ အထံၫဂီၩ့, ချံးထဲၩ့ဒီၭလိးလၧအလးဒၪဝ့ၫ လၧထံၫဖၧၩ့
4 အခိၪထိၭလီၫ.- တၭစယၫကူၭစံၭအဝ့ၫၥံၪ, ယထၧၫ့ ဖုဝဲၥံၪဧ့, နၥံၪဂဲၫအထံၭခီၫခီၫလဲၪ. တၭအဝ့ၫၥံၪစံၭ,
5 လၧဟၫရၫ့နီၪလီၫ.- တၭအဝ့ၫဒၪစံၭအဝ့ၫၥံၪ, စနၫဟီၫ အဖိၪခွၫစလၫဘၫ့နီၪ, မွဲနၥံၪၥ့ၪယၫဆ့ဧၪ. တၭအဝ့ၫ
6 ၥံၪစံၭ,ပၥ့ၪယၫမၬကၨ.- တၭအဝ့ၫနီၪစံၭမွဲအအီၪမုၬ ဆ့ဧၪ. တၭအဝ့ၫၥံၪစံၭ, အီၪမုၬတၭ,ယိခွါ, အဖိၪမုၪ
7 နးရၫခ့လၭဂဲၫဝ့ၫ လၧၥိၪဒဲဘ့ၪနီၪလီၫ.- အဝ့ၫဒၪစံၭ, ယိခွါ,မုအီၪဒံၭဖၭထီၫ, ဒဲအဆၧၫ့အထီလၧၦဒုၭအီၪ ကီၪ့ဆၧဖိၪဆၧဎါအဒိၩ့ လဘၪဒံၭဘၪတၭ, ဒုၭအီၩ
8 ၥိၪဒဲဘ့ၪအထံၫတၭ, လ့ၩဒုၭအၪ့အဆၪဆံၭ.- အဝ့ၫ ၥံၪစံၭ, ကယဲၥိၪဒဲဘ့ၪထီးအလူၬ အဒီၪ့ၥံၪလချႃၭအီၪ ကီၪ့ဒံၭဘၪတၭ, အဝ့ၫၥံၪလချႃၭချံးခွံၬဒံၭဘၪလိးလၧ ထံၫဖၧၩ့အခိၪထိၭတၭ, ပမၩၥ့ၪအ့ၬ. ထီးနီၪလဖၧၫ့ ပဒုၭအီၩၥိၪဒဲ ဘ့ၪအထံၫလီၫ.
9 တၭအဝ့ၫချဲၩ့ဆၧအဘိၩ့ဘၭနီၪ, နးရၫခ့လၭဂဲၫဝ့ၫ လၧအဖါအၥိၪဒဲဘ့ၪလီၫ. အဂဲးဘဲၫယီၩ အဝ့ၫဒၪယိ
10 ဝ့ၫလီၫ.- ထီးစယၫကူၭဒၪဘၪ အမိအထၧၫ့ဖုဝဲခွၫစလၫ ဘၫ့အဖိၪမုၪ နးရၫခ့လၭ ဒဲအမိအထၧၫ့ဖုဝဲခွၫ စလၫ ဘၫ့အၥိၪဒဲဘ့ၪတၭ, ဆၧမၩအၥၭ လၧစယၫကူၭၥုၭ ဘူၭအၥၭတၭ, ချံးခွံၬလိးလၧထံၫဖၧၩ့ အခိၪထိၭတၭ, ဒုၭအီၩအမိ အထၧၫ့ဖုဝဲခွၫ စလၫဘၫ့အၥိၪ ဒဲဘ့ၪအ
11 ထံၫနီၪလီၫ.- စယၫကူၭအဲၪဂါ နးရၫခ့လၭတၭ, ထုၭ
12 ထၪ့အလူအမ့ၬထံၫလၩ့ဝ့ၫဒၪလီၫ.- တၭစယၫကူၭလီၩ ဘၪနးရၫခ့လၭ လၧအမွဲၦထၧၫ့ဖုဝဲလၧအဖါတၭ,လၧ အမွဲနးရဘ့ၭကၫ အဖိၪခွၫနီၪလီၫ. အဝ့ၫနီၪစဲၪ့တလဲး
13 တၭလီၩဘၪအဖါလီၫ.- ထီးစလၫဘၫ့နါဂၧၫ့အထၧၫ့ ဖုဝဲမုၪအဖိၪခွၫ စယၫကူၭအပရၧၫ့တၭ, ဆၧမၩအၥၭ လၧအစဲၪ့တလဲးအၪ့ဂၬဝ့ၫတၭ, ဖိၭဝ့ၫဒဲအဲၪဂါဝ့ၫတၭ ၥိၫ့အဝ့ၫလၧအဂံၪ့လီၫ. တၭမွဲအလီၩဘၪ စလၫဘၫ့
14 လၧဆၧလဖၪနီၪ ထီးအလူၬလီၫ.- တၭစလၫဘၫ့စံၭ အဝ့ၫ,မွဲမၬနမွဲယဎွံၪဒဲယယၪလီၫ. တၭအီၪဝ့ၫလၧအ ၥိၭဎွ့ၩထၪ့လၩလဘံၪ့လီၫ.
15 စလၫဘၫ့စံၭစယၫကူၭ, နမွဲယထၧၫ့ဖုဝဲတၭ,နဂ့ၩ မၩယဆၧပျီၩပျီၩဆ့ဧၪ. နလံၩ့နလဲၫ, မွဲဆံၭအၪလဲၪ
16 နီၪ,လီၩဘၪယၧၩဆံၭ.- တၭစလၫဘၫ့အဖိၪမုၪအီၪ နံၫဂၩလီၫ. အဒိၪလဂၩအမံၩ့ မွဲနးလံအၫတၭ, အဆံၭ
17 လဂၩအမံၩ့မွဲနးရၫခ့လၭလီၫ.- တၭနးလံအၫနီၪအမ့ၬ ဆၫဝ့ၫလီၫ. အ့ၪမွဲနးရၫခ့လၭလဂၩနီၪ, အီၪလၧအဎံၫ
18 အလၩ, ဒဲအခံးဂ့ၩအဂၩ့ဘၪလီၫ.- စယၫကူၭအဲၪနး ရၫခ့လၭတၭ, စံၭဝ့ၫဒၪ, ယမိမၩနဆၧနွ့ၫနံၪ့လၧနးရၫ
19 ခ့လၭနဖိၪမုၪ အဆံၭလဂၩအဂးလီၫ.- တၭစလၫဘၫ့ စံၭဝ့ၫဒၪ, ယဖ့ၪလၫ့နၧၩနီၪ, မွဲအဂ့ၩနဲၪ့ယဖ့ၪလၫ့လၧ
20 ၦဂူၫဂၩဒံၭလီၫ. အီၪလၧယၥိၭဆံၭ.- စယၫကူၭမၩ ဆၧနွ့ၫနံၪ့လၧနးရၫခ့လၭအဂးတၭ, အီၪဝ့ၫလၧအမ့ၬ ယၫဘဲၫၡၩနံၩၡၩၥၫ့အၥိၭ, လၧအအဲၪဝ့ၫအကၠီၩ့လီၫ.
21 တၭစယၫကူၭစံၭ စလၫဘၫ့နီၪ, ဖ့ၪလၫ့ယမၫဘီၪး အဂဲးဘဲၫယီၩ ယမုနံၩလဖၪ လၧၫ့ထၪ့ဎွ့ၩထၪ့ယူၭတၭ, ယမိလ့ၩနုၬလၧအအီၪလီၫ.
22 စလၫဘၫ့ဒုၭအီၪကိၩ့အီၪကီၪ့ ၦၡၩအီၪဝ့ၫလၧအ လးလစီၪ့နီၪ ထီးအလူၬတၭ, မၩဆၧအၪ့ ဆၧအီၩ
23 လီၫ.- တၭဆၧမၩအၥၭလၧမုနၩနီၪ, လၧအမၩန့အဖိၪ မုၪနးလံအၫနီၪ, ၥိၫ့ဝ့ၫလၧအအီၪတၭ, အဝ့ၫလ့ၩနုၬ
24 လၧအအီၪလီၫ.- တၭစလၫဘၫ့ ဖ့ၪလၫ့အဎီးမုၪနးဇံ လပၫလၧအဖိၪမုၪ နးလံအၫ လၧအဎီးမုၪအဂးလီၫ.
25 ဆၧမၩအၥၭ လၧဆၧဖၩ့ထၪ့နီၪ, ယိခွါ, မွဲနးလံအၫ တၭ,အဝ့ၫဒၪစံၭစလၫဘၫ့, ဆၧလၧနမၩယၧၩ မွဲဆၧ နီၪလမံၩ့လဲၪ. ယမၩနဆၧလၧနးရၫခ့လၭအဂး လမွဲ
26 ဘၪဧၪ. တၭမွဲဘၪနီၫ နအၪ့လီၫန့ယၧၩလဲၪ.- တၭ စလၫဘၫ့စံၭဝ့ၫဒၪ, ပဖ့ၪလၫ့ဆိၫ ၦအဆံၭလၧအဝဲၡါ အမ့ၬယၫနီၪ, ဆၧလမၩဘၪလၧအလး လစီၪ့ယီၩလီၫ.
27 မၩဎွ့ၩထၪ့အဝ့ၫလဂၩနီၪ အဆၧနွ့ၫနံၪ့ဆံၭ. တၭပမိ ဖ့ၪလၫ့အဝ့ၫယီၩ လၧနၧၩဆ့, လၧနမၩဆၧလၧနမိမၩ လၧယဂးနွ့ၫနံၪ့ဒီၭအကၠီၩ့လီၫ.
28 စယၫကူၭမၩဝ့ၫဘဲၫနီၪတၭ, မၩဎွ့ၩထၪ့အဝ့ၫလဂၩ နီၪအဆၧနွ့ၫတၭ, မွဲအဖ့ၪလၫ့အဝ့ၫ လၧအဖိၪမုၪနးရၫ
29 ခ့လၭလၧအမၫဆ့လီၫ.- တၭစလၫဘၫ့ဖ့ၪလၫ့အဎီး မုၪနးဘံလဟၫ လၧအဖိၪမုၪနးရၫခ့လၭ အဎီးမုၪအဂး
30 လီၫ.- အဝ့ၫဒၪလ့ၩနုၬ လၧနးရၫခ့လၭအအီၪဆ့တၭ, အဲၪနးရၫခ့လၭအၪနဲၪ့ နးလံအၫဆ့လီၫ. တၭမၩဒံၭ အဆၧအနံၪ့ဂူၫဂၩ နွ့ၫနံၪ့နီၪလီၫ.
31 ယဟိဝၩဒၪဘၪဝ့ၫ လၧနးလံအၫဘၪဆၧၥၭဂဲၫ့ဝ့ၫ တၭ,ဝဲထၪ့အဒၧၩ့လးလီၫ. အ့ၪမွဲနးရၫခ့လၭမွဲၦထူၬ
32 ဖိၪလီၫ.- နးလံအၫဒၧၩ့ထၪ့တၭ, အီၪဖျဲၪန့အဖိၪခွၫ လီၫ. တၭကိၭအမံၩ့စရုဘံၫ့လီၫ. အဂဲးဘဲၫယီၩစံၭဝ့ၫ ဒၪယဟိဝၩ ယိထဲၩ့ယဆၧနၭဆၧၡၪ့လီၫ. အခိးမွဲ
33 ဘိၩ့နဲၪ့ယီၩ ယဝၩမိအဲၪယၧၩလီၫ.- အဝ့ၫဒၧၩ့ထၪ့ဒီၭ လဖၧၫ့အီၪဖျဲၪန့အဖိၪခွၫတၭ, စံၭဝ့ၫဒၪ,မွဲယဟိဝၩနါ ဂၧၫ့လၧယဘၪဆၧၥၭဂဲၫ့ယၧၩတၭ, ဖ့ၪလၫ့ယၧၩလၧ
34 အယီၩဆ့လီၫ. တၭကိၭဝ့ၫအမံၩ့စစံမအၧၫ့လီၫ.-အ ဝ့ၫဒၧၩ့ထၪ့ဒီၭလဖၧၫ့, အီၪဖျဲၪန့အဖိၪခွၫတၭ, စံၭဝ့ၫဒၪ, ဘိၩ့နဲၪ့ယီၩလဖၧၫ့ ယဝၩမိၥုၭဘူၭအၥၭ လၧယၧၩလၧ ယအီၪဖျဲၪန့အဖိၪခွၫ ၥၧၫ့ဂၩအကၠီၩ့လီၫ. မၩအၥၭ
35 ဘဲၫနီၪတၭ,ကိၭဝ့ၫအမံၩ့ စလံဝဲၫလီၫ.- အဝ့ၫဒၧၩ့ထၪ့ ဒီၭလဖၧၫ့ အီၪဖျဲၪန့အဖိၪခွၫတၭ, စံၭဝ့ၫဒၪ, ဘိၩ့နဲၪ့ ယီၩယမိစံၭထၪ့အၪ့အူၭ ယဟိဝၩလီၫ. မၩအၥၭဘဲၫ နီၪတၭ, ကိၭဝ့ၫအမံၩ့ စယုဒၫလီၫ. တၭအီၪဖျဲၪန့ဆၧ နီၪအီၪပထုၬဝ့ၫလီၫ.