1 ယဟိဝၩအီၪၡီၩ့ နးစၫရၫ ဘဲၫအစံၭဝဲၩဝ့ၫအၥိၭ တၭ,ယဟိဝၩမၩနးစၫရၫ ဘဲၫအလီၩဘၪဝဲၩဝ့ၫအၥိၭ 2 နီၪလီၫ.- အဂဲးဘဲၫယီၩ နးစၫရၫဒၧၩ့ထၪ့တၭ, အီၪဖျဲၪ န့စအၫဘြဟၫ့အဖိၪခွၫ လၧအၥၭၡါဝ့ၫအခံၫ့အခၫထီး အဆၧၫ့အထီ လၧယွၩလီၩဝဲၩဝ့ၫနီၪလီၫ.

3 တၭအဖိၪခွၫ လၧဆၧအီၪဖျဲၪန့ဝ့ၫ လၧအဂးလၧနး စၫရၫအီၪဖျဲၪန့ဝ့ၫလဂၩနီၪ, စအၫဘြဟၫ့ ဖျိၬဝ့ၫအမံၩ့ 4 လၧစအံစၭလီၫ. အဖိၪခွၫစအံစၭအီၪဎိၭနံၩတၭ, အ ဖါစအၫဘြဟၫ့ကူၭတရံၭဝ့ၫ ဘဲၫယွၩမၪလူၬဝဲၩဝ့ၫအ 5 ၥိၭနီၪလီၫ.- တၭလၧအဖိၪခွၫစအံစၭ အီၪဖျဲၪဝ့ၫလၧအ 6 ဂးနီၪစအၫဘြဟၫ့ အၥၭၡါအနံၪ့လယၩယူၭလီၫ.- နး စၫရၫစံၭဝ့ၫဒၪ, ယွၩဒုၭနံထၪ့ယၧၩတၭ, ကယဲၦလၧအ နါဂၧၫ့ဝ့ၫထီးအလူၬလဖၪနီၪ မိနံထၪ့လၧယၥိၭလီၫ. 7 တၭစံၭဝ့ၫဒၪယ မွဲပလၫလီၩဘၪ စအၫဘြဟၫ့လၧနးစၫ ရၫ မိဒုၭအၪ့နူဖိၪၥၪနီၪလဂၩလဲၪ, အဂဲးဘဲၫယီၩလၧ 8 အၥၭၡါဝ့ၫနီၪ ယအီၪဖျဲၪန့ဖိၪခွၫ လၧအဂးလီၫ.- ဖိၪ ၥၪနီၪဒိၪထၪ့တၭ, လၩ့ဖၭလၧအမိအနူထံၫလီၫ. တၭ မုလနံၩ လၧစအံစၭလၩ့ဖၭ လၧအမိအနူထံၫနီၪ စအၫ ဘြဟၫ့မၩဆၧအၪ့ဆၧအီၩ ဖၭဒိၪလီၫ.

9 တၭနးစၫရၫဒၪဘၪ ၦအံဇံၭဖိၪ နးဟၫဂၫ အဖိၪခွၫ လၧအအီၪဖျဲၪန့စအၫဘြဟၫ့အဂးနီၪ နံဒုၪဒွ့ၪဝ့ၫလီၫ. 10 တၭအဝ့ၫစံၭစအၫဘြဟၫ့နီၪ, နၫ့ထၪ့ခွံၬဎီးမုၪဒဲအဖိၪ ခွၫဆံၭ. အဂဲးဘဲၫယီၩ ဎီးမုၪအဖိၪခွၫ လန့ၥၫဘၪဆၧ 11 လၧယဖိၪခွၫစအံစၭနီၪလီၫ.- တၭဆၧလမံၩ့နီၪမွဲဆၧ ကၪမၬလၧစအၫဘြဟၫ့အမ့ၬယၫ လၧအဖိၪခွၫအ 12 ကၠီၩ့လီၫ.- တၭယွၩစံၭစအၫဘြဟၫ့, မွဲအထီးကဲၪထၪ့ ဆၧကၪလၧနမ့ၬယၫ လၧနဖိၪခွၫအကၠီၩ့, ဒဲလၧနဎီးမုၪ အကၠီၩ့နီၪလဂ့ၩ, ကယဲနးစၫရၫလီၩနၧၩ ထီးအလူၬ နီၪခိၭနၪအလူဆံၭ. အဂဲးဘဲၫယီၩ ဆၧမိကိၭနချံၫနၥၪ 13 လၧစအံစၭအဖၧၩ့လီၫ.- ဒဲယမိဒုၭကဲၪထၪ့ဎီးမုၪအ ဖိၪခွၫဆ့လၧၦလဆၨၩ, လၧအမွဲနချံၫနၥၪအကၠီၩ့လီၫ. 14 စအၫဘြဟၫ့ဂဲထုၪ့လၧဂီၩတၭ, မၩန့ကိၪဒဲထံၫလထိၪ့ တၭ, ဖ့ၪလၫ့ဝ့ၫလၧနးဟၫဂၫ အီၪက့ၪထၪ့ဝ့ၫလၧအခိၬ ထံၭတၭအၪ့မၧၫ့အလ့ၩဆၧလီၫ. အဝ့ၫဒၪစဲၪ့ထၪ့တၭ လ့ၩဝံၩ့ဝၩ့ လၧမံၩ့လၬကျၩဘံအၧၫၡံၫဘၫ အဖၧၩ့နီၪ လီၫ.

15 ထံၫလူၬဝ့ၫ လၧထိၪ့ဖၧၩ့တၭ, အဝ့ၫနီၪ အီၪက့ၪဖိၪ 16 ၥၪလၧၥံၪ့ဖိၪလထံၭအဖၫ့လၬလီၫ.- တၭလ့ၩဆၧၫ့နၩ့ ဆဲၫဎၩ့လၧအဝ့ၫနီၪ ယဲၩ့ဝ့ၫဖိၭဘိၭ ၦခၭချံၪလဆိၩ လီၫ. အဂဲးဘဲၫယီၩစံၭဝ့ၫဒၪ, မွဲယထီးဒၪဘၪဖိၪၥၪနီၪ ၥံၫဝ့ၫလဂ့ၩ, တၭဆၧၫ့နၩ့ ဆဲၫဎၩ့လၧအဝ့ၫဒၪထုၭ 17 ထၪ့အလူတၭ အမ့ၬထံၫလၩ့ဝ့ၫဒၪလီၫ.- ယွၩခိၭနၪဖိၪ ၥၪအလူတၭ, ယွၩအၥီၫ့လၧမူၭခိၪ ကိၭလၩ့နးဟၫဂၫ နီၪ,စံၭဝ့ၫ, နးဟၫဂၫဧ့, မွဲနမၩဆၧနီၪလမံၩ့လဲၪ, အၪ့ ယိၪဆၧလဂ့ၩ, အဂဲးဘဲၫယီၩယွၩခိၭနၪယူၭ ဖိၪၥၪအ 18 လူထီးအအီၪအလးနီၪယူၭ.- ဂဲထုၪ့ဘိၭဂဲထုၪ့ဖိၪၥၪ နီၪဆိၬထၪ့လၧနစူၪဆံၭ. အဂဲးဘဲၫယီၩ ယမိအီၪက့ၪ 19 အဝ့ၫလၧၦလဆၨၩဖၭဒိၪလီၫ.- ယွၩဝဲထၪ့ၦမုၪအမ့ၬ ၥၪလဖၪတၭ, အဝ့ၫနီၪဒၪဘၪ ထံၫဖၧၩ့လဖၧၩ့နီၪ, လ့ၩ 20 မၩဎွ့ၩထံၫထိၪ့တၭ, ဒုၭအီၩဖိၪၥၪနီၪလီၫ.- ယွၩအီၪ လၧဖိၪၥၪအၥိၭတၭ, အဝ့ၫဒိၪထၪ့ဝ့ၫနီၪ, အီၪဝ့ၫလၧ 21 မံၩ့လၬကျၩတၭ, ကဲၪထၪ့ၦခၭဆၧဖိၪလီၫ.- အီၪဝ့ၫ လၧမံၩ့လၬကျၩပၫရၫ့တၭ, အမိဒုၭန့အမၫလၧခးအံ ဇံၭအဖၧၩ့လီၫ.

22 ဆၧမၩအၥၭ လၧအဆၧၫ့အထီ ထီးနီၪ, စ အ ဘံ မလ့ၭ, ဒဲအၥုၭမုခမျၧး အခိၪ စဖဲၫကီၫလၭ လီၩဘၪ စအၫဘြဟၫ့တၭ, စံၭဝ့ၫဒၪ, ကယဲနမၩဆၧလမံၩ့လါ 23 လါနီၪယွၩအီၪလၧနၥိၭလီၫ.- တၭဘိၩ့နဲၪ့ယီၩ, ဆိၪ လၩ့နၥၭလၧယွၩအမ့ၬယၫ လၧနလအၪ့လီၫန့ဘၪယၧၩ မွဲဂ့ၩ, ယဖိၪခွၫမွဲဂ့ၩ, ယဆၨၩယဆၬမွဲဂ့ၩနီၪဆံၭ. ဘဲၫဆၧအခိးအတၩ လၧယမၩနၧၩအၥိၭနီၪ, နမိဘၪ 24 မၩယၧၩ, ဒဲခးလၧနအီၪမွံၩ လၧအဖၧၩ့လီၫ.- တၭ 25 စအၫဘြဟၫ့စံၭဝ့ၫဒၪ, ယမိဆိၪလၩ့ယၥၭလီၫ. တၭ စအၫဘြဟၫ့အၪ့ၥီၪ့စအဘံမလ့ၭ လၧထံၫဖၧၩ့လဖၧၩ့ အဂဲးအကၠီၪ့, လၧစအဘံမလ့ၭ အဎီးအၡၩမၩန့ဆီၪ့ 26 ဝ့ၫအကၠီၩ့လီၫ.- တၭစအဘံမလ့ၭစံၭဝ့ၫဒၪ, ဆၧလမံၩ့ ယီၩမွဲပလၫမၩလဂၩလဲၪနီၪ, ယၥ့ၪယၫအ့ၬ, နလီၩဘၪ ယၧၩအ့ၬ, တၭယလနါဂၧၫ့ဘၪ ထီးမုဆၫလနံၩယီၩ 27 လီၫ.- စအၫဘြဟၫ့မၩန့ၥိၪဒဲဘ့ၪ, ဒဲချီလဖၪတၭ, ဖ့ၪ လၫ့ဝ့ၫလၧစအဘံမလ့ၭတၭ, အဝ့ၫၥံၪမၩဆၧအုၩ့လၩ့ 28 လိၬအၥၭနံၫဂၩလူၬလီၫ.- တၭစအၫဘြဟၫ့ အီၪက့ၪ 29 ၥိၪဖိၪအမိနွ့ၫဒုၩလစီၪ့ဒၪလီၫ.- တၭစအဘံမလ့ၭစံၭ စအၫဘြဟၫ့ ဆၧလၧၥိၪဖိၪ အမိနွ့ၫဒုၩလၧနအီၪက့ၪ 30 လစီၪ့နီၪ မွဲဆၧနီၪလဲၪ.- တၭအဝ့ၫနီၪစံၭ အဂဲးဘဲၫ ယီၩၥိၪဖိၪအမိနွ့ၫဒုၩ နဘၪမၩန့ လၧယစူၪဖၧၩ့ဘဲၫအ မိကဲၪထၪ့ဆၧထိးအၥၭ လၧပဂး လၧယခုၪ့လၩ့ယူၭ 31 ထံၫဖၧၩ့ယီၩလီၫ.- မၩအၥၭဘဲၫနီၪတၭ, ဆၧလၧအလး နီၪ, ၦကိၭဝ့ၫအမံၩ့ လၧဘံအၧၫၡံၫဘၫလီၫ. အဂဲးဘဲၫ ယီၩအဝ့ၫၥံၪဆိၪလၩ့လိၬအၥၭ ထီးနီၪနံၫဂၩလူၬလီၫ. 32 အဝ့ၫၥံၪမၩဆၧအုၩ့လၩ့လိၬအၥၭ ထီးဘံအၧၫၡံၫဘၫ နီၪလီၫ. စအဘံမလ့ၭ, ဒဲအၥုၭမုခမျၧးအခိၪ စဖဲၫကီၫ လၭနီၪဂဲထုၪ့တၭ ထဲၩ့ထဲၩ့ဝ့ၫ လၧဖလံၡၫဖိၪအခးလီၫ.

33 စအၫဘြဟၫ့ၥုၪ့ၥံၪ့ၥံၪဝၪၥံၪ လၧဘံအၧၫၡံၫဘၫအ ဖၧၩ့တၭ, ကိၭထၪ့ယဟိဝၩအမံၩ့, ယွၩအဆိၩအကၠၪ 34 လီၫ.- တၭစအၫဘြဟၫ့အီၪမွံၩ လၧၦဖလံၡၫဖိၪအခး ဖၧၩ့အၪနံၩအၪၥၫ့လီၫ.