8
1 တၭယဟိဝၩစံၭ စမိစ့ၭ, လ့ၩလၧဖၫရိၫအအီၪနီၪ, စံၭအဝ့ၫ, ယဟိဝၩစံၭဘဲၫယီၩ, ကွဲၪဖျါခွံၬယခ့ၫယၡၩ
2 ခမျၧးဘဲၫၥိၭအမိမၩယဆၧအၥိၭဆံၭ.- တၭနအ့ၪလ ကွဲၪဖျါခွံၬဘၪနီၪ, ယိခွါ, ယမိဒိၪနထံၫၥံၪခးၥံၪထီးအ
3 လူၬမၩကဲၪထၪ့ဒ့ၪလဖၪနီၪ,- ထံၫမိၡါမိဆီၫ့အီၪန့ဒ့ၪ လဖၪအၪအၪလ့ၬ, လၧအမိဂဲၫထၪ့နုၬ လၧနဂံၪ့ဖၧၩ့, ဒဲလၧနလးမံၫအဒူၭဖၧၩ့, ဒဲလၧနလးမံၫအဖၫ့ခိၪ, ဒဲလၧ နခ့ၫနၡၩလဖၪအဂံၪ့ဖၧၩ့, ဒဲလၧနခ့ၫနၡၩ ခမျၧးလဖၪ အလီၩ့း ဒဲလၧနဖံၫ့ချၪလဖၪအဖၧၩ့ ဒဲထွ့ၫလၧနဘံၭကိၪ
4 အလးလဖၪအဖၧၩ့လီၫ.- တၭဒ့ၪလဖၪနီၪ မိဂဲၫထၪ့လၧ နလီၩ့ ဒဲလၧနခ့ၫနၡၩခမျၧးအလီၩ့ ဒဲလၧနခ့ၫနၡၩဒၪန ဝ့ၫထီးအလူၬၥံၪအလီၩ့လီၫ.
5 တၭယဟိဝၩစံၭစမိစ့ၭ, လီၩဘၪစအၫရၧၫ့နီၪ, ယၩ့ ထၪ့နစူၪအီၪလၧနနိၪထိၭဘီၩ့ လၧထံၫချိၬၥံၪအဖၫ့ခိၪ, ဒဲလၧထံၫမိၡါၥံၪအဖၫ့ခိၪ, ဒဲလၧနီၪ့ၥံၪ အဖၫ့ခိၪတၭ, ဒုၭဂဲၫထၪ့ဒ့ၪလဖၪ လၧခးအံဇံၭ အဖၫ့ခိၪနီၪဆံၭ.
6 တၭစအၫရၧၫ့ယၩ့ထၪ့အစူၪ လၧအံဇံၭအထံၫလဖၪ အဖၫ့ခိၪနီၪ, ဒ့ၪၥံၪဂဲၫထၪ့တၭမၩလၩ့ဘံၭ ခးအံဇံၭ
7 နီၪလီၫ.- တၭၦမၩကဒၩၦမ့ၬမၩဝ့ၫဘဲၫနီၪၥိၭ လၧအ ဆၧမၩအဖၧၩ့ ဘဲၫၥိၭအမိဒုၭဂဲၫထၪ့ဒ့ၪလဖၪ လၧခး အံဇံၭအဖၫ့ခိၪအဂဲးလီၫ.
8 ဖၫရိၫကိၭန့စမိစ့ၭဒဲစအၫရၧၫ့တၭ, စံၭဝ့ၫဒၪ, အၪ့ ကံၩ့ယဟိဝၩလၧ အမိဒုၭစဲၪ့ထၪ့ခွံၬဒ့ၪလဖၪ လၧယ အီၪ,ဒဲလၧယခ့ၫယၡၩခမျၧးအအီၪနီၪဆံၭ. တၭယမိ ကွဲၪဖျါခွံၬ ၦခမျၧးဘဲၫအမိလုထၪ့ ယဟိဝၩအၥိၭနီၪ
9 လီၫ.- တၭစမိစ့ၭစံၭဖၫရိၫ, ဖၭနံၩဖၭၥၫ့ဘီၪး မွဲယမိ အၪ့ကံၩ့ဆၧလၧနဂး, ဒဲလၧနခ့ၫနၡၩၥံၪအဂး, ဒဲလၧန ၡၩခမျၧးအဂး, ဘဲၫၥိၭဆၧမိမၩဂၭဂီၩ့ခွံၬ ဒ့ၪလဖၪ လၧနလီၩ့, ဒဲလၧနဂံၪ့လဖၪအဖၧၩ့, လၧအမိအီၪဝ့ၫန့ၫ
10 လၧထံၫမိၡါအဖၧၩ့နီၪဆံၭယံၬခိၬလဲၪ.- တၭအဝ့ၫဒၪ စံၭ,ကဲဂီၩခိၬလီၫ. တၭမွဲအစံၭဝ့ၫဒၪ, ဆၧမိမၩအၥၭ ဘဲၫနစံၭဆၧအၥိၭ, ဘဲၫၥိၭနမိၥ့ၪယၫ လၧၦဘဲၫယဟိ
11 ဝၩပယွၩအၥိၭ, အီၪဝ့ၫနးဂၩအ့ၬ.- တၭဒ့ၪလဖၪမိစဲၪ့ ထၪ့ခွံၬလၧနလီၩ့ ဒဲလၧနဂံၪ့လဖၪအဖၧၩ့, ဒဲလၧနခ့ၫ နၡၩလဖၪအလီၩ့, ဒဲလၧနၡၩခမျၧးလဖၪ အလီၩ့ တၭ,မိအီၪလၩ့ထးဝ့ၫန့ၫ လၧထံၫမိၡါအဖၧၩ့နီၪလီၫ.
12 စမိစ့ၭ ဒဲစအၫရၧၫ့ စဲၪ့ထၪ့ခွံၬ လၧဖၫရိၫအအီၪတၭ, စမိစ့ၭကိၭထၪ့ယွၩလၧဒ့ၪလဖၪအကၠီၩ့, လၧအဒုၭဂဲၫ
13 ထၫ့ဒုၪဒၩဖၫရိၫနီၪလီၫ.- တၭယဟိဝၩမၩဝ့ၫဘဲၫစမိ စ့ၭအဆၧချဲၩ့အၥိၭနီၪတၭ, ဒ့ၪလဖၪၥံၫခွံၬ လၧအဂံၪ့
14 ဖၧၩ့,ဒဲလၧတဝၫ့ၥံၪအဖၧၩ့, ဒဲလၧခီၫ့လခီၫလီၫ.- တၭ ၦအၪ့ထုၫ့ကီၪ့ဝ့ၫ လစီၪ့ဘၪလစီၪ့တၭ, ထံၫၥံၪခးၥံၪ
15 နၧၫ့အုၪဝ့ၫဒၪလီၫ.- အ့ၪမွဲထီးဖၫရိၫဒၪဘၪဝ့ၫလၧဆၧ ၥၪထၪ့အလးအီၪလဆံၭတၭ, အၥၭနီၪနီၩ့ထၪ့ဒီၭဝ့ၫ တၭ, ခိၭနၪလၧၩ့အဝ့ၫၥံၪအလူအ့ၬ. ဘဲၫယဟိဝၩစံၭ ဝ့ၫအၥိၭနီၪလီၫ.
16 တၭယဟိဝၩစံၭစမိစ့ၭ, လီၩဘၪစအၫရၧၫ့, ယၩ့ ထၪ့နနိၪထိၭဘီၩ့, ဒိၪဂၪ့ခိၪအမုၬဘဲၫၥိၭအမိကဲၪထၪ့
17 ဆၧဎါလၧခးအံဇံၭထၧၫ့ခးယၫအဖၧၩ့ဆံၭ.- မၩအၥၭ ဘဲၫနီၪတၭ, စအၫရၧၫ့ယၩ့ထၪ့အစူၪအီၪ လၧနိၪထိၭ ဘီၩ့တၭ, ဒိၪဂၪ့ခိၪအမုၬတၭ, အဆၧကဲၪထၪ့ဆၧဎါ လၧၦၡၩအလီၩ့ ဒဲလၧဆၧဖိၪဆၧဎါ အလီၩ့လီၫ. ဂၪ့ ခိၪအမုၬ လၧခးအံဇံၭ ထၧၫ့ခးယၫ ကဲၪထၪ့ ဆၧဎါ
18 ထီးအလူၬလီၫ.- တၭၦမၩကဒၩၦမ့ၬ မၩဝ့ၫဘဲၫနီၪၥိၭ လၧအဆၧမၩအဖၧၩ့ဘဲၫၥိၭ အမိဒုၭဂဲၫထၪ့ဆၧဎါဆ့ တၭ,မၩဝ့ၫၥ့ၪအ့ၬ. တၭဆၧဎါအီၪ လၧၦၡၩအလီၩ့,ဒဲ
19 လၧဆၧဖိၪဆၧဎါ အလီၩ့လီၫ.- တၭၦမၩကဒၩၦမ့ၬ လဖၪစံၭဖၫရိၫ, ဆၧလမံၩ့ယီၩ, မွဲယွၩအစူၪနိၩ့လီၫ. ဖၫရိၫအၥၭနီၩ့ထၪ့တၭ, ခိၭနၪအဝ့ၫၥံၪအလူအ့ၬ, ဘဲၫ ယဟိဝၩစံၭဝ့ၫ အၥိၭနီၪလီၫ.
20 ယဟိဝၩစံၭစမိစ့ၭ, ကဲဂီၩခိၬဂဲထုၪ့ ဂီၩဂီၩလ့ၬ တၭ,ဆၧၫ့ထုၪ့လၧဖၫရိၫအမ့ၬယၫး ယိခွါး အဝ့ၫဒၪ ဂဲၫလၧထံၫနဲၩ့တၭ, လီၩဘၪဝ့ၫ, ယဟိဝၩစံၭဘဲၫယီၩ, ကွဲၪဖျါခွံၬယၡၩခမျၧး ဘဲၫအမိမၩယဆၧအၥိၭဆံၭ.
21 အ့ၪလမွဲဘၪတၭ, နအ့ၪလကွဲၪဖျါခွံၬ ဘၪယၡၩခမျၧး တၭ,ယိခွါ, ယမိအၪ့မၧၫ့လၩ့ဒူၩလၫ အဒီၪ့ၥံၪလၧန လီၩ့,ဒဲလၧနခ့ၫနၡၩအလီၩ့, ဒဲလၧနဂံၪ့ၥံၪအဖၧၩ့လီၫ. တၭၦအံဇံၭဖိၪ အဂံၪ့ၥံၪမိဎွ့ၩ လၧဒူၩလၫလဖၪ, ဒဲ
22 ဂၪ့ခိၪလၧအအီၪဝ့ၫ လၧအဖၫ့ခိၪဆ့လီၫ.- တၭဆၧ လၧမုလနံၩနီၪ ယမိမၩလၩ့မဲၩ ခးဂိၡံၫ့, လၧယၡၩ ခမျၧးအီၪလၧအဖၧၩ့ ဘဲၫၥိၭဒူၩလၫလဖၪ ထီးအီၪထီး နီၪလဂ့ၩး ဘဲၫၥိၭနမိၥ့ၪယၫ လၧယမွဲယဟိဝၩ လၧ
23 ဂၪ့ခိၪချိၫ့နီၪလီၫ.- တၭယမိအီၪက့ၪ ယၡၩခမျၧး ဒဲန ၡၩခမျၧးအဆၧၫ့လီၫ. ကဲဂီၩခိၬ ဆၧလၩ့လၭအဆၧ
24 မၩနဲၪ့ယီၩမိကဲၪထၪ့ဝ့ၫလီၫ.- ယဟိဝၩမၩဝ့ၫဘဲၫနီၪ တၭ,ဒူၩလၫခမျၧး ဂဲၫနုၬလၧဖၫရိၫအဂံၪ့ဖၧၩ့, ဒဲလၧ အခ့ၫအၡၩလဖၪအဂံၪ့ဖၧၩ့ ဒဲလၧခးအံဇံၭ အဖၧၩ့ ထီးအလူၬလီၫ. တၭခးထၧၫ့ခးယၫနီၪ ဂၭဂီၩ့ဝ့ၫလၧ ဒူၩလၫအဒီၪ့လဖၪနီၪ အကၠီၩ့လီၫ.
25 ဖၫရိၫကိၭထဲၩ့စမိစ့ၭ, ဒဲစအၫရၧၫ့တၭ, စံၭဝ့ၫဒၪ,
26 လ့ၩလုထၪ့နၥံၪ အယွၩလၧခးအဖၧၩ့ဆံၭ.- တၭစမိ စ့ၭစံၭဝ့ၫဒၪ, ဆၧစ့ၩရၫ့ဝဲၩဝ့ၫ လၧပမိမၩဘဲၫနီၪအ့ၬ. အဂဲးဘဲၫယီၩ ပမိလုထၪ့ဘၪၦအံဇံၭဖိၪ အဆၧဘၪၥၭ လိၪလၧယဟိဝၩပယွၩလီၫ, ယိခွါ,ပမိလုထၪ့ၦအံဇံၭ ဖိၪအဆၧဘၪၥၭလိၪ လၧအဝ့ၫၥံၪအမ့ၬယၫတၭ, အ
27 ဝ့ၫၥံၪမိခွံၬပၧၩ လၧလိးမွဲအ့ၬဧၪ.- ပမိလ့ၩလၧမံၩ့လၬ ကျၩၥၧၫ့နံၩဖၧၩ့ၥၭတၭ, လုထၪ့ဆၧ လၧယဟိဝၩပ
28 ယွၩဘဲၫအမၪလူၬပၧၩအၥိၭနီၪလီၫ.- တၭဖၫရိၫစံၭဝ့ၫ ဒၪ,ယမိဖျါခွံၬနၥံၪ, ဘဲၫၥိၭနၥံၪမိလုထၪ့ဆၧ လၧယဟိ ဝၩနၥံၪအယွၩ လၧမံၩ့လၬကျၩလီၫ. မွဲလါနၫ့နၥံၪ လ့ၩ ဘၪဆၧယဲၩ့ယဲၩ့လ့ၬအ့ၬး တၭအၪ့ကံၩ့ဆၧလၧယဂး
29 ဆံၭ.- စမိစ့ၭစံၭဝ့ၫဒၪ, ယိခွါ, ယမိစဲၪ့ထၪ့ခွံၬလၧနအီၪ တၭ, ယမိအၪ့ကံၩ့ဆၧလၧယဟိဝၩ ဘဲၫၥိၭဒူၩလၫအ ဒီၪ့လဖၪမိစဲၪ့ထၪ့ခွံၬ လၧဖၫရိၫအလီၩ့, ဒဲလၧအခ့ၫအ ၡၩအလီၩ့, ဒဲလၧအၡၩခမျၧးအလီၩ့ ကဲဂီၩခိၬလီၫ. မွဲ လါနၫ့တၭ, မွဲဖၫရိၫထီးအၪ့လီၫဆၧ လၧအလကွဲၪဖျါ ဘၪၦခမျၧး ဘဲၫၥိၭအမိလ့ၩလုထၪ့ လၧယဟိဝၩ အ
30 ၥိၭနီၪလဂ့ၩ.- စမိစ့ၭစဲၪ့ထၪ့ခွံၬ လၧဖၫရိၫအအီၪတၭ,
31 အၪ့ကံၩ့ဆၧလၧယဟိဝၩလီၫ.- ယဟိဝၩမၩဝ့ၫဘဲၫစ မိစ့ၭအလူအၥိၭနီၪတၭ, ဒုၭစဲၪ့ထၪ့ခွံၬ ဒူၩလၫလဖၪ လၧဖၫရိၫအလီၩ့, ဒဲလၧအခ့ၫအၡၩအလီၩ့, ဒဲလၧၦ
32 ခမျၧးအလီၩ့တၭ, အီၪလၩ့ထးနးဘံၪ့အ့ၬ.- တၭဖၫရိၫ မၩနီၩ့ ထၪ့အၥၭအယီၩ လဖၧၫ့ဆ့တၭ, မိကွဲၪဖျါခွံၬ ဘၪအၥၭ ၦခမျၧးနီၪဆ့အ့ၬ.