6
1 တၭယဟိဝၩစံၭစမိစ့ၭ, ဘိၩ့နဲၪ့ယီၩယမိမၩဖၫရိၫ ဘဲၫၥ့ၪလဲၪ, ဘဲၫၥ့ၪလဲၪနီၪ, နမိဒၪဘၪလီၫ. အဂဲးဘဲၫ ယီၩအဝ့ၫဒၪ မိကွဲၪဖျါခွံၬအဝ့ၫၥံၪ လၧအစူၪဆီၪ့, ဒဲမိနၫ့ထၪ့ ခွံၬအဝ့ၫၥံၪလၧအခးဖၧၩ့လၧအစူၪဆီၪ့လီၫ.
2 ယွၩချဲၩ့ဆၧလၧစမိစ့ၭတၭ, စံၭအဝ့ၫ, ယဝ့ၫဒၪယီၩ,
3 ယမွဲ ယဟိဝၩ လီၫ.- တၭယနဲၪဖျီၪထၪ့ယၥၭလၧ စအၫဘြဟၫ့, ဒဲစအံစၭ, ဒဲစယၫကူၭ, လၧယမံၩ့, ယွၩၥ့ၪဆၧလူၬ လီၫ. အ့ၪမွဲလၧယမံၩ့, ယဟိဝၩ
4 နီၪ,ယဒုၭၥ့ၪယၫအဝ့ၫၥံၪအ့ၬ.- တၭယအီၪက့ၪဂုးအီၪ က့ၪခၧၫ့ယူၭ ယဆၧအုၩ့လၩ့ လၧအဝ့ၫၥံၪ လၧယမိဖ့ၪ လၫ့အဝ့ၫၥံၪ လၧခးကၫနအၫ့ လၧအဝ့ၫၥံၪ အီၪမွံၩအ
5 ခး, ထီးအအီၪမွံၩ လၧအဖၧၩ့လီၫ.- တၭယနါဂၧၫ့ဆ့ ယူၭၦအံၫစရ့လၭဖိၪ ဂၪ့အုၩဂၪ့ထိၬဆၧ, ၦလၧအံဇံၭ ဖိၪအၪ့မၧၫ့ဎီးဝ့ၫနီၪ ယနၪ့ထၪ့ထဲၩ့ယူၭ ယဆၧအုၩ့လၩ့
6 ယူၭ.- မၩအၥၭဘဲၫနီၪတၭ, စံၭၦအံၫစရ့လၭဖိၪ, ယမွဲ ယဟိဝၩလီၫ. ယမိဒုၭစဲၪ့ထၪ့ခွံၬ နၥံၪလၧၦအံဇံၭဖိၪ အဆၧအွံၪဆၧယိၭအဖၫ့လၬတၭ, ယမိမၩဖီၩ့ဖျ့ၭနၥံၪ လၧဎီးအဆၧမၩတၭ, ယမိဎွ့ၩထဲၩ့နၥံၪ လၧယစူၪယူၬ
7 ထၪ့အၥၭဒဲလၧဆၧစ့ၩရၫ့ဖၭဒိၪလဖၪ,- တၭယမိအီၪ က့ၪနၥံၪ လၧၦခမျၧးလၧယဂးတၭ, ယမိကဲၪယွၩလၧ နၥံၪအဂးတၭ, နၥံၪမိၥ့ၪယၫလၧယမွဲယဟိဝၩနၥံၪအ ယွၩလၧအဒုၭစဲၪ့ထၪ့ခွံၬနၥံၪ လၧၦအံဇံၭဖိၪအဆၧအွံၪ
8 ဆၧယိၭအဖၫ့လၬလီၫ.- တၭယမိဒုၭဂဲၫနၥံၪထီၩ့လၧ ခးလၧယယူၬထၪ့ယစူၪ, ဘဲၫၥိၭယမိဖ့ၪလၫ့လၧစအၫ ဘြဟၫ့, စအံစၭ, ဒဲစယၫကူၭ, ဒဲယမိဖ့ၪလၫ့လၧနၥံၪအ ဆၧန့ၥၫအဂးလီၫ. ဆၧလၧယၧၩယီၩ ယမွဲယဟိဝၩ လီၫ.
9 စမိစ့ၭချဲၩ့ဆၧလၧၦအံၫစရ့လၭဖိၪနီၪတၭ, အဝ့ၫၥံၪ လခိၭနၪဘၪ စမိစ့ၭအလူလၧအၥုၪ့ခိအၥၭဝီၩအကၠီၩ့, ဒဲလၧဎီးအဆၧမၩဎၧၫ့အကၠီၩ့လီၫ. ယဟိဝၩချဲၩ့ဆၧလၧစမိစ့ၭတၭ, စံၭဝ့ၫဒၪ,
10-11 လ့ၩ နုၬ, စံၭအံဇံၭအစဎွၩ, ဖၫရိၫလဂၩနီၪ, လၧအမိဘၪ
12 ကွဲၪဖျါခွံၬၦအံၫစရ့လၭဖိၪ လၧအခးဖၧၩ့လီၫ.- စမိစ့ၭ ချဲၩ့ဆၧလၧယဟိဝၩအမ့ၬယၫတၭ, စံၭဝ့ၫဒၪ, ယိခွါ, ၦအံၫစရ့လၭဖိၪ ခိၭနၪယလူအ့ၬး မွဲဖၫရိၫမိခိၭနၪယ လူဘဲၫၥ့ၪလဲၪး တၭယဝ့ၫဒၪယီၩ, ယနိၭဖံၭဘၪဆၧကူၭ
13 တရံၭအ့ၬ.- ယဟိဝၩ ချဲၩ့ဆၧလၧစမိစ့ၭ ဒဲစအၫရၧၫ့ တၭ,မၪလူၬဝ့ၫလၧ ၦအံၫစရ့လၭဖိၪအဂး, ဒဲလၧအံဇံၭ အစဎွၩဖၫရိၫအဂး, ဘဲၫၥိၭအမိဒုၭစဲၪ့ထၪ့ခွံၬ ၦအံၫစရ့ လၭဖိၪလၧခးအံဇံၭအဖၧၩ့နီၪလီၫ.
14 အယီၩမွဲအဝ့ၫၥံၪအဖါလဖၪ အၡၩဂံၪ့ဖိၪအခိၪလဖၪ, စအံၫစရ့လၭအဖိၪဝဲၡါ, စရုဘံၫ့အဖိၪခွၫလဖၪ, စဟၫ နီၭ, စပၫလုၫ, ဒဲစဟ့ၫစရၧၫ့, ဒဲစကၫမဲၫလီၫ. အနီၪမွဲ
15 စရုဘံၫ့အဂံၪ့ဒီၪ့လဖၪလီၫ.- တၭစစံမအၧၫ့အဖိၪခွၫလ ဖၪ,စယံမုၫအ့လၭ, ဒဲစယၫမံၫ့, ဒဲစအိဟၭ, ဒဲစယၫခံၫ့, ဒဲစဇိဟၫ, ဒဲၦကၫနအၫ့မုၪအဖိၪခွၫ, စၡၫအၧလၭလီၫ. အဝ့ၫၥံၪမွဲစစံမအၧၫ့အဂံၪ့ဒီၪ့လဖၪလီၫ.
16 အယီၩမွဲစလံဝဲၫအဖိၪခွၫၥံၪအမံၩ့ ဘဲၫအဆိၩအၥိၭ နီၪစဂၧၡၧၫ့, ဒဲစကိဟၭ, ဒဲစမရၫရဲၫလီၫ. တၭစလံဝဲၫ အၥၭမၧၫ့ အနံၪ့လဖၪ မွဲလယၩ ၥၧၫ့ဆံၫ နွ့ၫနံၪ့လီၫ.
17 စဂၧၡၧၫ့အဖိၪခွၫလဖၪ မွဲစလံဘနဲၫ, ဒဲစၡံမဲၫဘဲၫအဂံၪ့
18 ဒီၪ့လဖၪအၥိၭနီၪလီၫ.- စကိဟၭအဖိၪခွၫၥံၪ မွဲစအၫ မရၫ့,ဒဲစအံဇဟၫ, ဒဲစဟံဘြၧၫ့, ဒဲစအၧၭဇအ့လၭလီၫ. တၭစကိဟၭ အၥၭမၧၫ့အနံၪ့လဖၪနီၪ, မွဲလယၩၥၧၫ့
19 ဆံၫၥၧၫ့နံၪ့လီၫ.- တၭစမရၫရဲၫအဖိၪခွၫၥံၪ မွဲစမၭဟ လဲၫ,ဒဲစမုၡဲၫလီၫ. အဝ့ၫၥံၪနီၪမွဲစလံဝဲၫအဂံၪ့ဒီၪ့လဖၪ
20 ဘဲၫအဆိၩအၥိၭနီၪလီၫ.- စအၫမရၫ့ န့မၫလၧအဖါ အထၧၫ့ဖုဝဲမုၪ နးယီၭကဘ့ၭတၭ, အဝ့ၫနီၪဆီၫ့အီၪန့ စအၫရၧၫ့ဒဲစမိစ့ၭလၧအဂးလီၫ. တၭစအၫမရၫ့အၥၭ
21 မၧၫ့အနံၪ့လဖၪနီၪ မွဲလယၩၥၧၫ့ဆံၫနွ့ၫနံၪ့လီၫ.- တၭ စအံဇဟၫအဖိၪခွၫၥံၪမွဲစကိရၫ့, ဒဲစနံဖ့ၭ,ဒဲစဇံၭၥၥြဲၫ
22 လီၫ.- တၭစအၧၭဇအ့လၭအဖိၪခွၫ, မွဲစမ့ၭၡအ့လၭ,
23 ဒဲစအ့ၫလဇၫဖ့ၫဒဲစဇံၭၥၫလီၫ.- တၭစအၫရၧၫ့ န့မၫ လၧစနအၭၡၧၫ့အထၧၫ့ဖုဝဲမုၪ, စအမံနဒၭအဖိၪမုၪနး အလံၭၡဘၫလီၫ. တၭအဝ့ၫနီၪဆီၫ့အီၪန့စနၫဒၭဒဲစအ
24 ဘဲဟုၫဒဲစအံၫလအ့ဇၫ, ဒဲစအံၥမၫလီၫ.- တၭစကိရၫ အဖိၪခွၫၥံၪမွဲစအၭစၧၫ ဒဲစအ့လကနၫ, ဒဲစအဘဲအစၭ
25 လီၫ. အဝ့ၫၥံၪမွဲၦကိရၫဖိၪအဂံၪ့ဒီၪ့လီၫ.- စအၫရၧၫ့အ ဖိၪခွၫစအံၫလအ့ဇၫနီၪ, န့မၫလၧစပုၫတအ့လၭအဖိၪ မုၪလဂၩတၭ, အဝ့ၫနီၪဆီၫ့အီၪန့စဖံနအၭ လၧအဂး လီၫ.အဝ့ၫၥံၪမွဲ ၦလံဝဲၫဖိၪအဖါအခိၪလဖၪ ဘဲၫအဝ့ၫ ၥံၪအဂံၪ့ဒီၪ့လဖၪအၥိၭနီၪလီၫ.
26 အဝ့ၫၥံၪမွဲစအၫရၧၫ့, ဒဲစမိစ့ၭ, လၧယဟိဝၩစံၭဝ့ၫ, ဒုၭစဲၪ့ထၪ့ခွံၬၦအံၫစရ့လၭဖိၪ လၧခးအံဇံၭ အဖၧၩ့ ဘဲၫအၥုၭမုလဖၪအၥိၭနီၪလီၫ.
27 အဝ့ၫၥံၪနီၪ, မွဲၦလၧအချဲၩ့ဆၧ လၧၦအံဇံၭအစဎွၩ ဖၫရိၫဘဲၫၥိၭ အမိဒုၭစဲၪ့ထၪ့ခွံၬၦအံၫစရ့လၭဖိၪ လၧအံဇံၭ နီၪလီၫ. အဝ့ၫၥံၪမွဲစမိစ့ၭ ဒဲစအၫရၧၫ့နီၪလီၫ.
28 တၭဆၧမၩအၥၭလၧမုလနံၩ လၧယဟိဝၩချဲၩ့ဆၧ
29 လၧစမိစ့ၭလၧခးအံဇံၭအဖၧၩ့နီၪ,- ယဟိဝၩချဲၩ့ဆၧ လၧစမိစ့ၭတၭ, စံၭဝ့ၫဒၪ, ယဝ့ၫဒၪယီၩ, ယမွဲယဟိဝၩ လီၫ. ဆၧလၧယလီၩဘၪနၧၩ လမံၩ့လါလါနီၪ လီၩ ဘၪနဝ့ၫလၧအံဇံၭအစဎွၩ ဖၫရိၫအမ့ၬယၫနီၪဆံၭ.
30 တၭစမိစ့ၭစံၭ လၧယဟိဝၩအမ့ၬယၫ, ယိခွါ, ယဝ့ၫဒၪ ယီၩ, ယနိၭဖံၭဘၪဆၧကူၭတရံၭအ့ၬ, တၭဖၫရိၫမိခိၭ နၪယလူဘဲၫၥ့ၪလဲၪ.