32
(၅မိ ၉;၆-၂၉).
1 ထီးၦခမျၧးဒၪဘၪလၧစမိစ့ၭ မၩယံၬမၩနးအၥၭ လဂဲၫထဲၩ့လၩ့ဘၪလၧခိၪ လီၩ့ခိၪအကၠီၩ့တၭ, ၦခမျၧး အီၪကိၩ့အီၪကီၪ့လၧစအၫရၧၫ့အအီၪ, စံၭဝ့ၫ, ဂဲထုၪ့, တဲၩ့န့ပယွၩ လၧအမိလ့ၩဆၧလၧပမ့ၬယၫဆံၭ. အဂဲး ဘဲၫယီၩစမိစ့ၭ, ၦလၧအဒုၭဂဲၫထၪ့ပၧၩလၧခးအံဇံၭ အဖၧၩ့လဂၩနီၪ, ဆၧမၩအၥၭလၧအဝ့ၫဒၪဘဲၫၥ့ၪလဲၪ
2 ဘဲၫၥ့ၪလဲၪနီၪပၥ့ၪယၫအ့ၬ.- စအၫရၧၫ့စံၭဝ့ၫ, ထုၭထ့ၬ န့ခွၩ့ထီၫ့လၧအအီၪလၧနၥံၪအမၫ, ဒဲနၥံၪအဖိၪခွၫ,ဒဲန ၥံၪအဖိၪမုၪလဖၪ အနါဖၧၩ့တၭ, ဂဲၫဆိၬ လၧယအီၪ
3 ဆံၭ.- တၭကယဲၦခမျၧးထုၭထ့ၬအနါခွၩ့ထီၫ့လၧအ အီၪလၧအနါဖၧၩ့ထီးအလူၬး ဂဲၫဆိၬဝ့ၫလၧစအၫရၧၫ့
4 အအီၪလီၫ.- အဝ့ၫဒၪမၩန့ဝ့ၫလၧအဝ့ၫၥံၪအစူၪဖၧၩ့ ၥိၫ့န့ချီဖိၪလဒုၩဂီၩ့တၭ, တဲၩ့ဝ့ၫလၧနိၪဖျၩလီၫ. တၭ အဝ့ၫၥံၪစံၭ, အံၫစရ့လၭဧ့, အယီၩမွဲနယွၩလၧအဒုၭ
5 ဂဲၫထၪ့နၧၩလၧခးအံဇံၭအဖၧၩ့လီၫ.- ထီးစအၫရၧၫ့ ဒၪဘၪဝ့ၫတၭ, မၩဆၧလုလးလၧအမ့ၬယၫနီၪ, ဒဲစအၫ ရၧၫ့ ဒုၭဂၧၫ့ထၪ့ၥၩလၩ့ဆၧတၭ, စံၭဝ့ၫဒၪ, ကဲဂီၩခိၬ
6 နီၪမွဲဆၧမၩဘိၪ့လၧယဟိဝၩအဂးလီၫ.- ဆၧဖၩ့ထၪ့ လနံၩနီၪအဝ့ၫၥံၪဂဲထုၪ့ဂီၩဂီၩတၭ, လုထၪ့ဆၧလုမ့ၪ, ဒဲဂဲၫဆိၬ ဆၧလုဘၪလိၬအိၭလိၬတၭ, ၦခမျၧးဆၧၫ့နၩ့ အၪ့ဆၧအီၩဆၧ, ဒဲဂဲထုၪ့လိၬကွ့ၩလီၫ.
7 တၭယဟိဝၩ စံၭစမိစ့ၭ, လ့ၩဘီၪ, ထဲၩ့လၩ့ထဲၩ့ ဆံၭ. အဂဲးဘဲၫယီၩ နၡၩခမျၧးလၧနဒုၭဂဲၫထၪ့လၧခး
8 အံဇံၭအဖၧၩ့နီၪ မၩၥၭလိၪလၩ့အၥၭလီၫ.- အဝ့ၫၥံၪ ကၠၪခွံၬအၥၭချဲၫ့ချဲၫ့ လၧဖၧၩ့ၥၭ လၧယမၪလူၬဝ့ၫလၧ အမိဘၪဖိၬဝ့ၫလီၫ. တၭမွဲအၥိၫ့န့ယူၭချီဖိၪလဒုၩ, ဒဲ ဘၩထၪ့ဝ့ၫ,ဒဲလုထၪ့ဆၧလၧအဝ့ၫတၭ, စံၭဝ့ၫဒၪ,အံၫစ ရ့လၭဧ့, အယီၩမွဲနယွၩ လၧအဒုၭဂဲၫထၪ့နၧၩလၧခး
9 အံဇံၭအဖၧၩ့လီၫ.- တၭယဟိဝၩစံၭစမိစ့ၭ, ယဒၪဘၪ
10 ၦခမျၧးယီၩ, ယိခွါ,မွဲဝ့ၫၦလၧအခိၬဆီၪ့လီၫ.- တၭ ဘိၩ့နဲၪ့ယီၩမၩဘူၭယၧၩလဂ့ၩ, ယၥၭထၪ့မိခဲၩထၪ့ ဘၪဝ့ၫ,ဒဲအၪ့ခွံၬဝ့ၫ, တၭယမိဒုၭကဲၪထၪ့နၧၩ လၧၦလ ဆၨၩဖၭဒိၪလီၫ.
11 စမိစ့ၭအၪ့ယၫအယွၩယဟိဝၩနီၪတၭ, စံၭဝ့ၫဒၪ,ယ ဟိဝၩဧ့, နၥၭထၪ့ခဲၩထၪ့နၡၩခမျၧးလၧနဒုၭစဲၪ့ထၪ့ လၧခးအံဇံၭအဖၧၩ့, ဒဲဆၧအစီၩ့ဒိၪအမၩ့ဒိၪ, ဒဲဆၧ
12 အစူၪဆီၪ့နီၪမွဲဘၪလဲၪ.- ၦအံဇံၭဖိၪမိချဲၩ့ဆၧတၭစံၭ ဝ့ၫ,မွဲအဒုၭစဲၪ့ထၪ့ခွံၬဝ့ၫ လၧဆၧအၧၩ့အဂး ဘဲၫၥိၭ အမိမၩၥံၫဝ့ၫလၧခိၪလီၩ့ထိၩ့ချိၬနီၪ, ဒဲမၩဂၭဂီၩ့ဝ့ၫလၧ ဂၪ့ခိၪချိၫ့ယီၩ မွဲဘၪလဲၪ. ကၠၪခွံၬ လၧနၥၭထၪ့အခဲၩ ထၪ့နီၪ, ဒဲနီၫ့ယါလၩ့ထဲၩ့နၥၭလၧဆၧအၧၩ့ယီၩလၧအ
13 ထၫ့ဒုၪဒၩနၡၩခမျၧးယီၩဆံၭ.- နၪ့ထၪ့ထဲၩ့နခ့ၫနၡၩ စအၫဘြဟၫ့, ဒဲစအံစၭ, ဒဲစအံၫစရ့လၭလၧနဆိၪလၩ့ နၥၭလၧအဝ့ၫၥံၪလၧနနၫ့ဆါဒၪနဝ့ၫတၭ, စံၭဝ့ၫ, ယမိ မၩအၪထၪ့နၥံၪအချံၫအၥၪ ဘဲၫၡၪၥံၪလၧမူၭခိၪအၥိၭ နီၪတၭ, ဆၧလၧခးလဘံၪ့လၧယချဲၩ့ဆၧလၧအဂဲးအ ကၠီၪ့,ယမိဖ့ၪလၫ့ထၧၫ့ဘံၪ့ယၫ လၧနၥံၪအချံၫအၥၪတၭ,
14 အဝ့ၫၥံၪမိန့ၥၫဝ့ၫလၩ့ဆိၩလၩ့ကၠၪလီၫ.- တၭယဟိ ဝၩနီၫ့ယါလၩ့ထဲၩ့အၥၭ လၧဆၧအၧၩ့လၧအကိၪ့ထၪ့ မိမၩအၡၩခမျၧးနီၪလီၫ.
15 တၭစမိစ့ၭကၠၪထဲၩ့အၥၭ ထဲၩ့လၩ့ထဲၩ့လၧခိၪလီၩ့ ခိၪတၭ, ဆၧအုၩ့လၩ့အဆၧပၪပဲၪနီၪအီၪဝ့ၫ လၧအစူၪ ဖၧၩ့လီၫ. ဆၧပၪပဲၪနီၪ ကွ့ၭအၥၭလၧနံၫခီၫလူၬလီၫ. ကွ့ၭအၥၭ လၧအနီၪလခီၫ ဒဲလၧအယီၩ လခီၫလီၫ.
16 တၭဆၧပၪပဲၪလဖၪနီၪ, မွဲယွၩအဆၧမၩ, ဒဲဆၧကွ့ၭနီၪ မွဲယွၩအဆၧကွ့ၭ, ကွ့ၭဝ့ၫလၧဆၧပၪပဲၪ လဖၪအလီၩ့
17 လီၫ.- ထီးၦခမျၧးကိၭၡၭထၪ့တၭ, စယီရှုၫအ့ၫနါဂၧၫ့ အၥီၫတၭ, စံၭစမိစ့ၭနီၪ, ဆၧဒုၭလိၬအၥၭ အၥီၫအီၪဝ့ၫ
18 လၧၦၥုၪ့တဲၩအလးဖၧၩ့လီၫ.- တၭအဝ့ၫဒၪစံၭ, မွဲၦမၩ နၧၩ့မၩစၪ ဆၧကိၭထၪ့အၥီၫမွဲအ့ၬ. ဒဲၦစၪဝ့ၫအကိၭ ထၪ့အၥီၫမွဲအ့ၬ. မွဲယနါဂၧၫ့ လၧၦမၩ ထၭခိၪအၥီၫ
19 လီၫ.- ထီးအဂဲၫဘူၭလၧၦၥုၪ့တဲၩလဖၪ အလးတၭ, ဆၧမၩအၥၭလၧအဒၪဘၪချီဖိၪ, ဒဲၦၡၩဂဲထုၪ့လံတၭ စမိစ့ၭအၥၭထၪ့ခဲၩထၪ့တၭ, ခွံၬလၩ့ခွံၬဆၧပၪပဲၪလၧ အစူၪဖၧၩ့တၭ, မၩထ့ဖၭခွံၬဝ့ၫလၧခိၪလီၩ့အခၪ့ထံၭ
20 နီၪလီၫ.- အဝ့ၫဒၪ အၪ့မၩန့ချီဖိၪ လၧၦမၩယူၭတၭ, ဆူၭထၪ့ခွံၬဝ့ၫလၧမ့ၪတၭ မၩလၩ့ဘျ့ၭဝ့ၫ ထီးအလၩ့ မုၬတၭဎွံၪဝ့ၫလၧထံၫကျၩတၭ, ဒုၭအီၩၦအံၫစရ့လၭ ဖိၪလီၫ.
21 တၭစမိစ့ၭစံၭစအၫရၧၫ့, ၦခမျၧး လၧနဒုၭဂဲၫဘၪဝ့ၫ လၧဆၧဒဲၩဘၭဖၭဒိၪယီၩ, မွဲအမၩနၧၩလၧဆၧနီၪလ
22 မံၩ့လဲၪ.- တၭစအၫရၧၫ့စံၭဝ့ၫဒၪ, မွဲယကဆါအၥၭ နီၪထီးခဲၩထၪ့လဂ့ၩ, နၥ့ၪယၫၦခမျၧးယီၩ လၧအအီၪ
23 ဝ့ၫလၧဆၧအၧၩ့ဆၧၥၫ့အဖၧၩ့လီၫ.- တၭအဝ့ၫၥံၪစံၭ ယၧၩ,တဲၩ့န့ပကဆါလၧအမိလ့ၩဆၧလၧပမ့ၬယၫဆံၭ. အဂဲးဘဲၫယီၩ ၦလၧအဒုၭဂဲၫထၪ့ပၧၩလၧခးအံဇံၭအ ဖၧၩ့စမိစ့ၭလဂၩနီၪ, မွဲဆၧမၩအၥၭ လၧအဝ့ၫဘဲၫၥ့ၪ
24 လဲၪဘဲၫၥ့ၪလဲၪနီၪပၥ့ၪယၫအ့ၬ.- တၭယစံၭ, ၦလၧအ အီၪလၧထီၫ့လဂၩဂၩနီၪ, မွဲအထုၭထ့ၬဒၪဝ့ၫဆံၭ. အ ဝ့ၫၥံၪဖ့ၪလၫ့ယၧၩတၭ, ထီးနီၪလဖၧၫ့ယဖျႃၭလၩ့လၧ မ့ၪဖၧၩ့တၭ ဆၧဂဲၫထၪ့လၧချီဖိၪလဒုၩယီၩလီၫ.
25 တၭစမိစ့ၭဒၪဘၪဝ့ၫလၧၦခမျၧးအီၪဘိၪ့လီၫ. အဂဲး ဘဲၫယီၩစအၫရၧၫ့ဒုၭအီၪဘိၪ့ဝ့ၫ လၧအမ့ၬမဲအဂဲးလၧ
26 အဒုၪအဒၩအကျၩလီၫ.- စမိစ့ၭဆၧၫ့ထုၪ့လၧၦၥုၪ့တဲၩ အလး အတရၫ့ဖၧၩ့တၭ, စံၭဝ့ၫဒၪ, မွဲပလၫအီၪလၧ ယဟိဝၩလခီၫလဲၪ, မွဲအဂဲၫလၧယအီၪဆံၭ. တၭကယဲ ၦလံဝဲၫဖိၪအီၪကိၩ့အီၪကီၪ့လၧအအီၪထီးအလူၬလီၫ.
27 တၭအဝ့ၫစံၭအဝ့ၫၥံၪ, ယဟိဝၩၦအံၫစရ့လၭအယွၩ စံၭဝ့ၫဘဲၫယီၩ မွဲကယဲၦၡၩအီၪက့ၪအနၭ လၧအကံၪ ထံၭလီၩ့တၭ, စဲၪ့ထၪ့လ့ၩဖျီၫ့လၧၦၥုၪ့တဲၩအလးလၧ တရၫ့ဖိးလၧတရၫ့ကိၭစီၪ့ဒ့ၭတၭ, မၩၥံၫလဂၩအထၧၫ့ ဖုဝဲဒဲလဂၩအၥိၭ, ဒဲလဂၩအၦၡၩအီၪလၧအနဲၩ့ထံၭ
28 ကိၭဂၩဒ့ၭဆံၭ.- ၦလံဝဲၫဖိၪမၩဝ့ၫဘဲၫစမိစ့ၭအလူအ ၥိၭနီၪတၭ, ဆၧလၧမုလနံၩနီၪ ၦလၩ့ထံၩဖါၥံၫဝ့ၫလၧ
29 ၦခမျၧးအကျၩ ဖိၭဘိၭၥၧၫ့ထီၫ့လီၫ.- အဂဲးဘဲၫယီၩ စမိစ့ၭစံၭယူၭဝ့ၫဒၪ, ဘဲၫၥိၭအမိဆိၪဂ့ၩနၥံၪလၧမုဆၫ လနံၩယီၩတၭ, မွဲနၥံၪအီၪက့ၪဆံၫ့ဎံၪနၥံၪအနၫ့ဆါဒၪ နၥံၪဝ့ၫလၧယဟိဝၩအဂးနီၪ, ၦလဂၩထၫ့ဒုၪဒၩအဖိၪ ခွၫ, ဒဲအထၧၫ့ဖုဝဲခွၫ ဆုၬဆုၬမုဆၫလနံၩယီၩဆံၭ.
30 တၭဆၧမၩအၥၭ လၧမုဆဲၪ့ထၪ့လနံၩနီၪစမိစ့ၭစံၭ ၦခမျၧး,နၥံၪမၩမၪဆၧမၪဖၭဒိၪလီၫ. တၭဘိၩ့နဲၪ့ယီၩ ယမိလ့ၩထၪ့လၧယဟိဝၩအအီၪတၭ, ဘၪလဘၪယ
31 မိမၩဖီၩ့ဖျ့ၭဆၧလၧနၥံၪအဆၧမၪအကၠီၩ့လီၫ.- စမိစ့ၭ ထဲၩ့ထၪ့လၧယဟိဝၩအအီၪတၭ, စံၭဝ့ၫဒၪ, အၩလါၬ ၦခမျၧးယီၩ မၩမၪဆၧမၪဖၭဒိၪတၭ, တဲၩ့န့အယွၩ
32 ထီၫ့လီၫ.- တၭဘိၩ့နဲၪ့ယီၩ နအ့ၪမိမၩဖီၩ့မၩဖျ့ၭအဝ့ၫ ၥံၪအဆၧဒဲၩဘၭနီၪ, အ့ၪလမွဲဘၪတၭ ထူၭခွံၬယမံၩ့
33 လၧနလံၬဖၧၩ့လၧနကွ့ၭယူၭနီၪဆံၭ.- တၭယဟိဝၩစံၭ စမိစ့ၭ, ၦၡၩလၧအမၩမၪဘၪယၧၩနီၪ ယမိထူၭခွံၬအ
34 ဝ့ၫဒၪအမံၩ့ လၧယလံၬဖၧၩ့လီၫ.- တၭဘိၩ့နဲၪ့ယီၩ, လ့ၩဘီၪ, ၥိၫ့ၦခမျၧးလၧအလး လၧယလီၩဝဲၩယူၭနၧၩ နီၪဆံၭ. ယိခွါ, ယၥီၫ့လဂၩ မိလ့ၩလၧနမ့ၬယၫလီၫ. တၭမုလနံၩထီးယအ့ၪစ့ၩရၫ့ဝ့ၫနီၪ, ယမိစ့ၩရၫ့ဝ့ၫလၧ အဆၧဒဲၩဘၭအကၠီၩ့လီၫ.
35 တၭမွဲၦခမျၧးတဲၩ့ချီဖိၪ လၧစအၫရၧၫ့တဲၩ့ဝ့ၫအကၠီၩ့ နီၪ, ယဟိဝၩဒုၭဘၪအဝ့ၫၥံၪလၧဆၧဆၫအဖျဲၪလီၫ.