1 တၭအယီၩ မွဲဆၧလၧနဘၪမၩ အဝ့ၫၥံၪဘဲၫၥိၭနမိ မၩဆံၫ့ဎံၪထၪ့ဝ့ၫ လၧအမိမၩ ၦလုဆၧအဆၧမၩလၧ ယဂး မၩန့ချီဖိၪလဒုၩ, ၥိၪဖၫလၧအလၧၫ့အဎွ့ၩနံၫ 2 ဒုၩ,- ဒဲကိၪအလီၪ့လအီၪဘၪလၧမံၪ, ဒဲကိၪပၪပဲၪလ အီၪဘၪလၧမံၪဘၪလဲၩဎုၬဒဲၥိၪ, ဒဲကိၪပၪပဲၪဘၧၩ့ဖျၪ ဒၪလအီၪဘၪလၧမံၪဂုၪအၥၭလၧၥိၪနီၪဆံၭ. နဘၪမၩ 3 အဝ့ၫၥံၪလၧဘုၪကၠိၩ့အမုၬလီၫ.- နဘၪဒုၭနုၬအဝ့ၫၥံၪ လၧဒၩ့လဖျိၪ့အဖၧၩ့, ဒဲဂဲၫဆိၬဝ့ၫလၧဒၩ့ဖၧၩ့, ဒဲချီလ 4 ဒုၩ,ဒဲၥိၪဖၫနံၫဒုၩနီၪလီၫ.- နဘၪဒုၭဂဲၫစအၫရၧၫ့ဒဲအ ဖိၪခွၫလဖၪ လၧဆၧအီၪကီၪ့ အတဲၩဆံၫ့ဎံၪ အတရၫ့ 5 နီၪ,နဘၪၥူၫဝၭခွံၬအဝ့ၫၥံၪလၧထံၫလီၫ.- နဘၪမၩန့ ဆၧအကီၩ့အၥိၭလဖၪနီၪတၭ, ဒုၭၥိၭစအၫရၧၫ့ လၧ ဆဲၫ့,ဒဲအ့ဖိၭအဆဲၫ့ဖၭထီၫ, ဒဲအ့ဖိၭ,ဒဲၥၭနၫပဒၩ့း ဒဲခဲး 6 ဝ့ၫလၧခၧၩ့ယးကံၪကဲၩ့,- ဒဲနဘၪခဲးထၬခိၪခဲး လၧအ 7 ခိၪ,ဒဲချႃၬထၪ့ၥရဖူၩဆံၫ့ လၧအဖၫ့ခိၪလီၫ.- နဘၪမၩန့ ၥိၪဂုၪဆၧ, ဒဲလူၫလၩ့ဝ့ၫလၧအခိၪအလီၩ့တၭ, ဂုၪဝ့ၫ 8 လီၫ.- နဘၪဒုၭဂဲၫအဖိၪခွၫၥံၪတၭ, ဒုၭၥိၭအဝ့ၫၥံၪလၧ 9 ဆဲၫ့လဖၪ,- နဘၪဒုၭခဲးအဝ့ၫၥံၪ လၧခၧၩ့ယးလဖၪ စအၫရၧၫ့ဒဲအဖိၪခွၫလဖၪ ဒဲဒုၭဖုၪ့အခိၪ လၧခိၪဖုၪ့ လီၫ. တၭဆၧမၩဘၪဆဲၫ့ လၧၦလုဆၧနီၪ မိကဲၪထၪ့ အဝ့ၫၥံၪအဆၧမၩ လၧဆၧအထူၫအရူၫအဆိၩအကၠၪ လီၫ. တၭနဘၪအီၪက့ၪဆံၫ့ဎံၪစအၫရၧၫ့ဒဲအဖိၪခွၫလ ဖၪလီၫ.

10 နဘၪဒုၭဂဲၫချီလဒုၩ လၧဆၧအီၪကီၪ့အတဲၩဆံၫ့ဎံၪ အမ့ၬယၫတၭး စအၫရၧၫ့ဒဲအဖိၪခွၫလဖၪဘၪအီၪက့ၪ 11 အစူၪလၧချီနီၪအခိၪလီၫ.- တၭနဘၪမၩၥံၫချီလၧယဟိ ဝၩအမ့ၬယၫထီးဆၧအီၪကီၪ့အတဲၩဆံၫ့ဎံၪ အတရၫ့ 12 ထံၭလီၫ.- နဘၪမၩန့ချီအၥွံၪလနၩ့တၭ, လၧနစူၪနိၩ့ နီၪ,အီၪက့ၪဝ့ၫလၧဆၧလုလး အနိၩ့ဒဲဂါလၩ့ကယဲဆၧ ၥွံၪလၧအအီၪလၩ့ထးနီၪ လၧဆၧလုလးအခၪ့ထံၭလီၫ. 13 တၭနဘၪမၩန့ဆၧၥိၪအီၪလၧအဎွံၬအလီၩ့, ဒဲဆၧအီၪ လၧအၥုၪ့အဖၫ့ခိၪ, ဒဲအလ့နံၫဖျိၪ့, ဒဲဆၧၥိၪအီၪလၧ အလီၩ့, တၭဆူၭထၪ့ခွံၬဝ့ၫ လၧဆၧလုလးအဖၫ့ခိၪနီၪ 14 လီၫ.- အ့ၪမွဲချီအယၪ, ဒဲအဖံၭ, ဒဲအအ့ၪလဖၪနီၪနဘၪ ဆူၭထၪ့ခွံၬဝ့ၫလၧမ့ၪလၧၦၥုၪ့တဲၩအလး လၧခီၫ့လ ခီၫနီၪး မွဲဆၧလုလၧဆၧဒဲၩဘၭ အဂးလီၫ.

15 နဘၪမၩန့ၥိၪဖၫလဒုၩတၭ, စအၫရၧၫ့ဒဲအဖိၪခွၫလ 16 ဖၪဘၪအီၪက့ၪအစူၪလၧၥိၪဖၫနီၪအခိၪလီၫ.- နဘၪမၩ ၥံၫၥိၪဖၫလဒုၩတၭ, နဘၪမၩန့အၥွံၪနီၪဎွံၪဝၬဝၬလၧ 17 ဆၧလုလးအဖၫ့ခိၪ,- တၭနဘၪဒၪ့ထ့ၬၥိၪဖၫနီၪလကုၭ လကုၭ, ဒဲၥူၫဝၭဆံၫ့အဎွံၬ, ဒဲအခၪ့, ဒဲအီၪက့ၪကီၪ့အ 18 ကုၭလဖၪ, ဒဲအခိၪလီၫ.- တၭနဘၪဆူၭခဲၩ ၥိၪဖၫနီၪ ထၧၫ့ဒုၩယၫ လၧဆၧလုလးအဖၫ့ခိၪလီၫ. မွဲဆၧလုမ့ၪ လၧယဟိဝၩအဂး, မွဲဆၧနၧၫ့မၧၫ့မုၬ ဆၧမၩဘိၪ့ မၩ လၧမ့ၪလၧယဟိဝၩအဂးလီၫ.

19 တၭနဘၪမၩန့ ၥိၪဖၫအဂူၫဂၩလဒုၩနီၪ, စအၫရၧၫ့ ဒဲအဖိၪခွၫလဖၪ ဘၪအီၪက့ၪအစူၪ လၧၥိၪဖၫ အခိၪ 20 လီၫ.- ထီးနီၪလဖၧၫ့ နဘၪမၩၥံၫၥိၪဖၫလဒုၩနီၪတၭ, အၪ့မၩန့အၥွံၪ, ဒဲအီၪက့ၪလၧစအၫရၧၫ့ အနါကျူၩခိၪ အထွ့ၪ,ဒဲလၧအဖိၪခွၫလဖၪအနါကျူၩခိၪအထွ့ၪ, ဒဲလၧ အစူၪမုအထွ့ၪ, ဒဲလၧအခၪ့မုအထွ့ၪ, ဒဲဎွံၪဆၧၥွံၪနီၪ ဝၬဝၬလၧဆၧလုလးအဖၫ့ခိၪလီၫ.

21 တၭနဘၪမၩန့ဆၧၥွံၪ လၧအအီၪ လၧဆၧလုလး အဖၫ့ခိၪလနၩ့, ဒဲဆၧၥိၪဂုၪဆၧလနၩ့တၭ, ဎွံၪဝ့ၫလၧ စအၫရၧၫ့အလီၩ့, ဒဲလၧအကီၩ့အၥိၭအလီၩ့, ဒဲလၧအ ဖိၪခွၫလဖၪအလီၩ့, ဒဲလၧအဖိၪခွၫလဖၪအီၪလၧအၥိၭ အကီၩ့အၥိၭအလီၩ့, တၭအဝ့ၫဒၪ မိဆံၫ့ဎံၪထၪ့, အ ဝ့ၫနီၪဒဲအကီၩ့အၥိၭ, ဒဲအဖိၪခွၫလဖၪဒဲအဖိၪခွၫလဖၪ 22 အကီၩ့အၥိၭလၧအၥိၭဆ့လီၫ.- တၭနဘၪမၩန့ၥိၪဖၫ အၥိၪ,ဒဲအခဲၫ့, ဒဲအၥိၪလၧဎွံၬအလီၩ့, ဒဲဆၧအီၪလၧအ ၥုၪ့အဖၫ့ခိၪ, ဒဲအလ့နံၫဖျိၪ့, ဒဲဆၧၥိၪအီၪလၧအလီၩ့, ဒဲအခိၬထံၭခိၪအထွ့ၪ, အဂဲးဘဲၫယီၩ မွဲၥိၪဖၫလၧဆၧ 23 အီၪက့ၪဆံၫ့ဝ့ၫလဒုၩ,- ဒဲကိၪလလီၪ့, ဒဲကိၪလဲၩဎုၬလၧ ၥိၪလဘံၪ့, ဒဲကိၪဘၧၩ့ဖျၪဒၪလဘံၪ့ လၧဒၩ့ဖၧၩ့လၧ အအီၪဒဲကိၪလအီၪဘၪလၧမံၪ လၧယဟိဝၩအမ့ၬယၫ 24 လီၫ.- တၭနဘၪအီၪက့ၪဆၧထီးအလူၬ လၧစအၫရၧၫ့ အစူၪဖၧၩ့, ဒဲလၧအဖိၪခွၫလဖၪအစူၪဖၧၩ့, တၭနဘၪ ဝါဝ့ၫလၧဆၧမၩဘိၪ့ဝါဝ့ၫ လၧယဟိဝၩအမ့ၬယၫလီၫ. 25 တၭနဘၪမၩန့ဝ့ၫလၧအစူၪဖၧၩ့, ဒဲဆူၭခဲၩခွံၬဝ့ၫလၧ ဆၧလုလးအဖၫ့ခိၪလၧဆၧလုမ့ၪ, လၧဆၧနၧၫ့မၧၫ့မုၬ လၧယဟိဝၩအမ့ၬယၫ, ဆၧမၩဘိၪ့ မၩလၧမ့ၪလၧယ 26 ဟိဝၩအဂးလီၫ.- နဘၪမၩန့ၥိၪဖၫအၥၭနၫၡါလၧအ ဘၪဆဲၫ့ လၧစအၫရၧၫ့အဆၧမၩဆံၫ့ဎံၪဝ့ၫတၭ, ဝါဝ့ၫ လၧဆၧမၩဘိၪ့ဝါဝ့ၫ လၧယဟိဝၩအမ့ၬယၫတၭ, မိကဲၪ 27 ထၪ့ဝ့ၫလၧနဂးလီၫ.- တၭနဘၪမၩဆံၫ့ဎံၪဆၧမၩဘိၪ့ ဝါဝ့ၫအၥၭနၫၡါ, ဒဲဆၧမၩဘိၪ့ဆိၬထၪ့ဝါဝ့ၫအခိၬထံၭ ခိၪလၧဆၧဝါဝ့ၫ, ဒဲလၧအဘၪဆၧဆိၬထၪ့ဝါဝ့ၫ ဆၧ လၧအဘၪဆဲၫ့ လၧၥိၪဖၫ လၧဆၧအီၪကီၪ့ ဆံၫ့ဎံၪဝ့ၫ နီၪအီၪလၧစအၫရၧၫ့အဂး ဒဲလၧအဖိၪခွၫလဖၪအဂး 28 လီၫ.- မိဘၪကဲၪထၪ့စအၫရၧၫ့ ဒဲအဖိၪခွၫလဖၪအဆၧ လၧဆၧအထူၫအရူၫအဆိၩအကၠၪ လၧၦအံၫစရ့လၭ နီၪလီၫ. အဂဲးဘဲၫယီၩ, မွဲဆၧမၩဘိၪ့ ဆိၬထၪ့ဝါဝ့ၫ လီၫ. တၭမိကဲၪထၪ့ ဆၧမၩဘိၪ့ဆိၬထၪ့ဝါဝ့ၫ လၧၦ အံၫစရ့လၭဖိၪ လၧအဆၧလုဘၪလိၬအိၭလိၬဆၧအ ဖၧၩ့, အဆၧမၩဘိၪ့ဆိၬထၪ့ဝါဝ့ၫ လၧယဟိဝၩအဂး 29 လီၫ.- တၭစအၫရၧၫ့အကီၩ့အၥိၭဆံၫ့ဎံၪနီၪ မိကဲၪထၪ့ အဖိၪခွၫလဖၪ အဆၧလၧအဝ့ၫအလးခဲၫ့, ဘဲၫၥိၭအ ဝ့ၫၥံၪ မိဘၪဆၧဂုၪဝ့ၫလၧအဖၧၩ့, ဒဲဘဲၫၥိၭဆၧမိအီၪ 30 က့ၪဆံၫ့ဎံၪထၪ့အဝ့ၫၥံၪလၧအဖၧၩ့လီၫ.- တၭအဖိၪခွၫ လၧအကဲၪထၪ့ၦလုဆၧလၧအလးလဂၩနီၪ, ထီးအဂဲၫ နုၬလၧဆၧအီၪကီၪ့အတဲၩဆံၫ့ဎံၪဖၧၩ့ ဘဲၫၥိၭအမိမၩ ဆၧအခ့ၫအၡၩအဆၧ လၧဆၧအလး ဆံၫ့ဎံၪအဖၧၩ့ 31 တၭ,ဘၪကီၩ့ၥိၭဝ့ၫနွ့ၫနံၩလီၫ.- နဘၪမၩန့ၥိၪဖၫလၧ ဆၧအီၪက့ၪဆံၫ့ဎံၪဝ့ၫတၭ, အၪ့ဎွံအယၪလၧအလး 32 ဆံၫ့ဎံၪအဖၧၩ့နီၪလီၫ.- တၭစအၫရၧၫ့ဒဲအဖိၪခွၫလဖၪ ဘၪအၪ့ၥိၪဖၫအယၪ, ဒဲကိၪအီၪဝ့ၫလၧဒၩ့ဖၧၩ့, လၧ 33 ဆၧအီၪကီၪ့အတဲၩဆံၫ့ဎံၪ အတရၫ့ထံၭလီၫ.- တၭ လၧဆၧမၩဖီၩ့ဖျ့ၭဆၧ, ဘဲၫၥိၭအမိအီၪက့ၪဆံၫ့ဎံၪဝ့ၫ ဒဲမၩဆံၫ့ဎံၪဝ့ၫနီၪ အဝ့ၫၥံၪမိအၪ့ဘၪဝ့ၫလီၫ. အ့ၪမွဲၦ လခီၫဘၩ့မုးဖိၪအၪ့ဘၪအ့ၬ. အဂဲးဘဲၫယီၩ မွဲဆၧဆံၫ့ 34 ဎံၪလီၫ.- ဆၧယၪဘၪဆဲၫ့ လၧဆၧအီၪက့ၪဆံၫ့ဎံၪမွဲ ဂ့ၩ,ကိၪမွဲဂ့ၩ, အ့ၪအီၪလၩ့ထးလနၩ့နၩ့ထီးမုဆဲၪ့ထၪ့ နီၪတၭ, နဘၪဆူၭထၪ့ခွံၬဝ့ၫလၧမ့ၪလီၫ. ၦအၪ့ဘၪ ဝ့ၫအ့ၬ. မွဲဆၧဆံၫ့ဎံၪအဂဲးလီၫ.

35 တၭနဘၪမၩစအၫရၧၫ့ ဒဲအဖိၪခွၫလဖၪ ဘဲၫကယဲ ဆၧလၧယမၪလူၬနၧၩအၥိၭနီၪလီၫ. တၭနဘၪအီၪက့ၪ 36 ဆံၫ့ဎံၪဝ့ၫနွ့ၫနံၩလီၫ.- နဘၪလုထၪ့ချီလဒုၩကိၭနံၩ ဒ့ၭလၧဆၧမၩဖီၩ့ဖျ့ၭအဂးတၭ, ထီးနမၩဆၧဖီၩ့ဖျ့ၭ လၧဆၧလုလးအဖၫ့ခိၪနီၪ, နဘၪမၩဆံၫ့ဝ့ၫ, ဒဲနဘၪဂုၪ 37 ဝ့ၫဘဲၫၥိၭနမိမၩဆံၫ့ဎံၪဝ့ၫလီၫ.- နွ့ၫနံၩလဖၪနီၪနဘၪ မၩအဆၧဖီၩ့ဖျ့ၭဆၧလၧဆၧလုလးအဖၫ့ခိၪ, ဒဲမၩဆံၫ့ ဎံၪဝ့ၫတၭ, မွဲအမိကဲၪထၪ့ဆၧလုလးဆံၫ့ဎံၪထုၬလီၫ. ကယဲဆၧလၧအထိၭဆၧလုလးလမံၩ့လါလါနီၪ မိဘၪ အီၪဆံၫ့ဎံၪဝ့ၫလီၫ.

38 တၭအယီၩမွဲဆၧလၧနဘၪလုထၪ့ လၧဆၧလုလးအ ဖၫ့ခိၪ,ၥိၪလနံၪ့ဖိၪနံၫဒုၩး လနံၩအဂးနံၫဒုၩလနံၩအဂး 39 နံၫဒုၩ, လထံၪဎးဘီၩ့ဎးလီၫ.- ၥိၪဖိၪလဒုၩနီၪနဘၪ လုထၪ့လၧဂီၩလခီၫ, ဒဲၥိၪဖိၪလဒုၩဒၪနီၪနဘၪလုထၪ့ 40 လၧဂၪလခီၫလီၫ.- ဒဲကိၪမုၬလအ့ဇရိၫလဲၩဎုၬလၧၥိၪ အၪ့ထီးလဟံၫ့လံပိၩ့လပိၩ့, ဒဲစဘံၭထံၫလဟံၫ့လံပိၩ့ လပိၩ့လၧဆၧလုအီၩအဂးနီၪ မိဘၪအီၪဝ့ၫလၧၥိၪဖိၪ 41 လဒုၩလီၫ.- တၭၥိၪဖိၪနံၫဒုၩလဒုၩ နဘၪလုထၪ့လၧ ဂၪလခီၫ, ဒဲနဘၪမၩဝ့ၫဘဲၫဆၧမၩဘိၪ့ကိၪမုၬလၧဂီၩ လခီၫအၥိၭ, ဒဲဘဲၫဆၧလုအီၩအၥိၭ, လၧဆၧနၧၫ့မၧၫ့ 42 မုၬမၩလၧမ့ၪလၧယဟိဝၩအဂးလီၫ.- မွဲဆၧလုမ့ၪလၧ နၥံၪအဆၨၩအဆၬလဆိၩဘၪလဆိၩ လၧဆၧအီၪ ကီၪ့အတဲၩဆံၫ့ဎံၪအတရၫ့ထံၭ လၧယဟိဝၩအမ့ၬယၫ ထီးအလး လၧယမိဒၪလိၬယၥၭလၧနၧၩ ဘဲၫၥိၭယမိ 43 ချဲၩ့ဆၧလၧနၧၩလီၫ.- ယမိဂဲၫဒၪလိၬယၥၭလၧၦအံၫ စရ့လၭဖိၪထီးနီၪတၭ, ဆၧမိဆံၫ့ဎံၪထၪ့လၧယလၩယ 44 ဖၩ့အကၠီၩ့လီၫ.- တၭယမိမၩဆံၫ့ဎံၪထၪ့ဆၧအီၪကီၪ့ အတဲၩဆံၫ့ဎံၪဒဲဆၧလုအလး, ယမိမၩဆံၫ့ဎံၪထၪ့ဆ့ စအၫရၧၫ့ဒဲအဖိၪခွၫလဖၪ, ဘဲၫၥိၭအမိမၩၦလုဆၧအ 45 ဆၧမၩလၧယဂးလီၫ.- ယမိအီၪလၧၦအံၫစရ့လၭဖိၪ 46 အကျၩတၭ, ယမိကဲၪထၪ့အယွၩလီၫ.- တၭအဝ့ၫၥံၪ မိၥ့ၪယၫဝ့ၫလၧယမွဲယဟိဝၩ အဝ့ၫၥံၪအယွၩလၧအ ဒုၭစဲၪ့ထၪ့ခွံၬအဝ့ၫၥံၪလၧခးအံဇံၭအဖၧၩ့, ဘဲၫၥိၭယ မိအီၪလၧအကျၩနီၪလီၫ. ယဝ့ၫဒၪယီၩ ယမွဲယဟိဝၩ အဝ့ၫၥံၪအယွၩလီၫ.