13
1 တၭယဟိဝၩ ချဲၩ့ဆၧလၧစမိစ့ၭ တၭ စံၭဝ့ၫဒၪ,
2 အီၪက့ၪဆံၫ့ဎံၪ ကယဲဆၧအဝဲၡါထီးအလူၬ လၧယဂး ဆံၭ. ကယဲဆၧလၧအဝဲထၪ့ဆိၫဆၧဒၧၩ့လး လၧၦ အံၫစရ့လၭဖိၪအကျၩ, ၦၡၩမွဲဂ့ၩ, ဆၧဖိၪဆၧဎါအ ဒိၩ့မွဲဂ့ၩ, မွဲယဆၧလီၫ.
3 တၭစမိစ့ၭ စံၭၦခမျၧး, နၪ့ထၪ့ထဲၩ့မုလနံၩယီၩ, လၧ နၥံၪစဲၪ့ထၪ့ လၧခးအံဇံၭအဖၧၩ့, လၧၦဎီးဖိၪအဂံၪ့ ဖၧၩ့နီၪဆံၭ. အဂဲးဘဲၫယီၩ ယဟိဝၩဒုၭစဲၪ့ထၪ့ခွံၬ နၥံၪလၧဆၧအလးယီၩ, လၧအစူၪဆီၪ့လီၫ. ကိၪအီၪ
4 လၧမံၪနီၪထီးအၪ့လဂ့ၩ.- ဆၧလၧမုလနံၩယီၩ နၥံၪ
5 စဲၪ့ထၪ့ခွံၬလၧလၩအၫဘံၭအဖၧၩ့လီၫ.- တၭထီးယ ဟိဝၩဒုၭဂဲၫနုၬနၧၩ လၧၦကၫနအၫ့ဖိၪ, ဒဲၦဟ့ၥၭဖိၪ, ဒဲၦအၫမိၫဖိၪ, ဒဲၦဟံဝဲၭဖိၪ, ဒဲယ့ဘူၫဖိၪ အခးဖၧၩ့, လၧအဆိၪလၩ့အၥၭ လၧနဖါလဖၪ, လၧအမိဖ့ၪလၫ့ နၧၩ ခးလဘံၪ့ လၧအယွၩဝ့ၫ လၧဆၧနူထံၫ ဒဲန့ၫစၩ့ နီၪတၭ ဆၧမိမၩအၥၭ, လၧနၥံၪ ဘၪမၩ ဆၧ ယီၩ,
6 လၧလၩ လဘံၪ့ယီၩအဖၧၩ့လီၫ.- နဘၪအၪ့ကိၪလ အီၪဘၪလၧ မံၪနီၪနွ့ၫနံၩတၭ, နွ့ၫနံၩလနံၩနီၪ မိအီၪ
7 လၧဆၧမၩဘိၪ့ လၧယဟိဝၩလီၫ.- ၦဘၪ အၪ့ကိၪ လအီၪ ဘၪလၧမံၪနွ့ၫနံၩတၭ, မွဲကိၪလၧ အအီၪလၧ မံၪနီၪထီးအီၪလၧနၧၩ လဂ့ၩတၭ, မွဲဆၧ ထီးဒၪန့မံၪ
8 လၧနလးလဖၪ နးစီၪ့လဂ့ၩ.- ဆၧလၧမုနံၩနီၪ, နဘၪ ဒုၭနဲၪနဖိၪခွၫတၭ, စံၭ, မွဲဆၧလၧယဟိဝၩ မၩယၧၩ
9 လၧယဂဲၫစဲၪ့ထၪ့ခွံၬ လၧအံဇံၭအဂဲးလီၫ.- တၭဆၧမိ ကဲၪထၪ့ဆၧမၩနဲၪ့ လၧနစူၪလီၩ့ ဒဲဆၧနၪ့ထၪ့ထဲၩ့လၧ နမ့ၬၥၪအဘိၩ့ဆၧၩ့, ဘဲၫၥိၭယဟိဝၩ အဆၧၥီၪ့ဆၧ ၥၫ့မိအီၪလၧနနိၭလီၫ. အဂဲးဘဲၫယီၩ ယဟိဝၩဒုၭစဲၪ့ ထၪ့ခွံၬနၧၩ လၧအံဇံၭအဖၧၩ့ လၧအစူၪဆီၪ့လီၫ.
10 တၭနဘၪထီးန့ဆၧအထူၫအရူၫယီၩ, လနံၪ့ ဘၪလ နံၪ့လနံၪ့ဘၪလနံၪ့, လၧအဆၧၫ့အထီဒၪဝ့ၫလီၫ.
11 တၭထီးယဟိဝၩ ဒုၭဂဲၫထၪ့နၧၩ လၧၦကၫနအၫ့ဖိၪ အခးဖၧၩ့ ဘဲၫအဆိၪလၩ့အၥၭလၧနၧၩ, ဒဲနဖါလဖၪ
12 အၥိၭနီၪ, လၧအမိဖ့ၪလၫ့နၧၩတၭ,- ဆၧမိမၩအၥၭ လၧနဘၪအီၪက့ၪ ကယဲဆၧလၧအဝဲထၪ့ ဆိၫဒၧၩ့လး, ဒဲကယဲဆၧအဝဲၡါ လၧဆၧဖိၪဆၧဎါအဒိၩ့ လၧအအီၪ လၧနစူၪဖၧၩ့နီၪ လၧယဟိဝၩအဂးလီၫ. အဖၫလဖၪ
13 မွဲယဟိဝၩအဆၧလီၫ.- တၭကယဲကၥ့ၪယီၩ့ဖိၪ အဝဲ ၡါလဒုၩလါလါနီၪ, နဘၪဎွ့ၩန့ထဲၩ့ လၧၥိၪဖိၪလဒုၩ လီၫ. တၭနအ့ၪလဎွ့ၩန့ထဲၩ့ဘၪဝ့ၫနီၪ, နဘၪဒၪ့ထ့ၬ အခိၬလီၫ. ကယဲၦၡၩအဝဲၡါ လၧနဖိၪလဖၪ အကျၩ နီၪနဘၪဎွ့ၩန့ထဲၩ့အဝ့ၫလီၫ.
14 ထီးနဖိၪခွၫအ့ၪအၪ့စၪ့နၧၩ ကဲခိၬနီၪတၭ, စံၭ, ဆၧ ယီၩမွဲဆၧနီၪလဲၪ. ဆၧမိမၩအၥၭ လၧနဘၪစံၭအဝ့ၫ, ယဟိဝၩ ဒုၭဂဲၫထၪ့ပၧၩ လၧအံဇံၭအဖၧၩ့, လၧၦဎီး
15 ဖိၪအဂံၪ့ဖၧၩ့ လၧအစူၪဆီၪ့လီၫ.- ထီးဖၫရိၫမၩကၪ အၥၭ, ဘဲၫၥိၭအထီးကွဲၪဖျါပၧၩလဂ့ၩတၭ, ဆၧမၩ အၥၭလၧယဟိဝၩမၩၥံၫ ဆၧဝဲၡါ လၧခးအံဇံၭအဖၧၩ့ လၧၦၡၩအဖိၪဝဲၡါ ထီၩ့လၩ့လၧဆၧဖိၪဆၧဎါအဖိၪဝဲ ၡါလီၫ. မၩအၥၭဘဲၫနီၪတၭ, ယလုထၪ့ယဟိဝၩလၧ ကယဲဆၧအဖၫ လၧအဝဲထၪ့ဆိၫ ဆၧဒၧၩ့လးလီၫ.အ့ၪ မွဲဆၧအဝဲၡါ လၧယဖိၪၥံၪအကျၩနီၪ, ယဎွ့ၩန့ထဲၩ့ဝ့ၫ
16 လီၫ.- တၭဆၧမိကဲၪထၪ့ဝ့ၫ လၧဆၧမၩနဲၪ့လၧနစူၪ လီၩ့နီၪ, ဒဲလၧဆၧကွ့ၭနဲၪ့ လၧနမ့ၬၥၪ အဘိၩ့ဆၧၩ့လီၫ. အဂဲးဘဲၫယီၩ ယဟိဝၩဒုၭစဲၪ့ထၪ့ခွံၬပၧၩ လၧခးအံ ဇံၭအဖၧၩ့ လၧအစူၪဆီၪ့လီၫ.
17 ထီးဖၫရိၫကွဲၪဖျါခွံၬ ၦခမျၧးတၭ, ဆၧမၩအၥၭလၧ ၦဖလံၡၩဖိၪအခး အီၪဘူၭလါနၫ့တၭ, ယွၩၥိၫ့အဝ့ၫၥံၪ လၧခးနီၪအဖၧၩ့ၥၭအ့ၬ, အဂဲးဘဲၫယီၩ ယွၩစံၭဝ့ၫဒၪ, ထီးၦခမျၧးဒၪဘၪ ဆၧဒုၭဆၧယၩတၭ, မိနီၫ့ယါလၩ့ ထဲၩ့ဘၪခိၬ အၥၭတၭ, မိထဲၩ့ထဲၩ့ဘၪခိၬ လၧအံဇံၭ
18 လီၫ.- တၭယွၩၥိၫ့ဝံၩ့ဝၩ့ၦခမျၧး လၧမံၩ့လၬကျၩဘၪ ဆဲၫ့လၧမၫဆမံၭအံဒၧၫ့လီၫ. တၭၦအံၫစရ့လၭဖိၪတဲၩ့ ဝဲၩအၥၭတၭ, စဲၪ့ထၪ့ခွံၬ လၧခးအံဇံၭအဖၧၩ့လီၫ.
19 တၭစမိစ့ၭအၪ့မၩန့စယိၥၭအဎွံၪ လၧအၥိၭ, အဂဲး ဘဲၫယီၩ အဝ့ၫဒၪဒုၭဆိၪလၩ့ ၦအံၫစရ့လၭဖိၪ အၥၭတ ၡါတၭ, စံၭဝ့ၫဒၪ, ယွၩမိဂဲၫအီၪၡီၩ့ နၥံၪတၡါၡါတၭ, န ၥံၪဘၪဆိၬထၪ့ခွံၬ ယဎွံၪလဖၪ လၧနၥံၪအၥိၭလီၫ.
20 တၭအဝ့ၫၥံၪ စဲၪ့ထၪ့လၧစၧကီၭနီၪတၭ, ၥုၪ့အတဲၩ လၧအံၥၫ့အလး လၧမံၩ့လၬကျၩ အနဲၩ့ထံၭနီၪလီၫ.
21 တၭလၧမုဆၫနီၪ ယဟိဝၩ လ့ၩလၧအဝ့ၫၥံၪအမ့ၬယၫ လၧဆၧအုၪ့အထုၪ့ ဘဲၫၥိၭအမိၥိၫ့ဝ့ၫ လၧဖၧၩ့ၥၭလီၫ. ဒဲလၧမုနၩနီၪ လၧမ့ၪအထုၪ့ ဘဲၫၥိၭအမိဒုၭဖၩ့ထၪ့ဆၧ လၧအဝ့ၫၥံၪအဂးနီၪ, လၧအမိလ့ၩဆၧလၧမုဆၫ, ဒဲလၧ
22 မုနၩအဂးလီၫ.- တၭဆၧအုၪ့အထုၪ့ လၧမုဆၫလခီၫ မွဲဂ့ၩ, မ့ၪအထုၪ့လၧမုနၩလခီၫမွဲဂ့ၩ, မၩန့ခွံၬဝ့ၫလၧ ၦခမျၧးအမ့ၬယၫအ့ၬ.