10
1 တၭယဟိဝၩ စံၭစမိစ့ၭ, လ့ၩနုၬလၧဖၫရိၫအအီၪ နီၪဆံၭး အဂဲးဘဲၫယီၩ ယမၩနီၩ့ထၪ့အၥၭ ဒဲအခ့ၫအ ၡၩလဖၪအၥၭ, ဘဲၫၥိၭ ယမိအီၪက့ၪယဆၧလၩ့လၭ
2 အဆၧမၩနဲၪ့လဖၪယီၩလၧအမ့ၬယၫ,- တၭဘဲၫၥိၭ နမိလီၩလၩ့လၬလၩ့ ဆၧလၧနဖိၪခွၫ ဒဲလၧနဖိၪခွၫအ ဖိၪခွၫၥံၪအနါဖၧၩ့, လၧဆၧလၧယမၩ လၧအံဇံၭအ အဖၧၩ့, ဒဲဆၧမၩနဲၪ့အဆၧလၩ့လၭလဖၪ လၧယမၩ လၧအကျၩနီၪ, တၭနၥံၪမိၥ့ၪယၫ လၧယမွဲယဟိဝၩ လီၫ.
3 စမိစ့ၭဒဲစအၫရၧၫ့ လ့ၩနုၬလၧဖၫရိၫ အအီၪတၭ, စံၭဝ့ၫ, ယဟိဝၩၦဟံဘြူၫဖိၪအယွၩစံၭဘဲၫယီၩ, နလ ခိၭနၪဘၪဆၧ, နလဆၪ့လၩ့ဘၪ နၥၭလၧယမ့ၬယၫ နီၪ,မွဲနမိအီၪဒံၭဆံၭယံၬလဲၪး ကွဲၪဖျါခွံၬယၡၩခမျၧး
4 ဘဲၫၥိၭအမိမၩ ယဆၧဆံၭ.- နအ့ၪလကွဲၪဖျါဘၪယ ၡၩခမျၧးနီၪ, ယိခွါ, ကဲဂီၩခိၬယမိဒုၭဂဲၫထၪ့ထွ့ၥံၪ
5 လၧနခးဖၧၩ့,- အဝ့ၫၥံၪမိမၩဘံၭဂၪ့ခိၪ ထီးၦၡၩဒၪ ဘၪဂၪ့ခိၪလၥ့ၪဘၪတၭ, မိအၪ့ဆၧအီၪလၩ့ထးလၧ အဖီၩ့ဖျ့ၭ, ဆၧအီၪလၩ့ထး လၧနၥံၪအဂးလၧမုၥၪနီၪ တၭ,မိအၪ့ကယဲၥံၪ့ လၧအမဲၪထၪ့ လၧနၥံၪအဂး လၧ
6 မံၩ့လၬကျၩကိၭထံၭဒ့ၭ,- တၭအဝ့ၫၥံၪမိမၩဎွ့ၩနဂံၪ့, ဒဲနခ့ၫနၡၩၥံၪအဂံၪ့ထီးအလူၬ, ဒဲကယဲၦအံဇံၭဖိၪအ ဂံၪ့ထီးအလူၬလီၫ. အနီၪနဖါၥံၪ, ဒဲနဖါအဖါအဂံၪ့ၥံၪ လဒၪဘၪလၧမုနံၩ လၧအအီၪထၪ့ လၧဂၪ့ခိၪချိၫ့ယီၩ, ထီးမုလနံၩယီၩလီၫ. အဝ့ၫကၠၪကဒၩထဲၩ့အၥၭတၭ, စဲၪ့ထၪ့ခွံၬလၧဖၫရိၫအအီၪလီၫ.
7 ဖၫရိၫအခ့ၫအၡၩစံၭဝ့ၫ, ဆၧယီၩမိကဲၪဖျံၩခွၩ့လၧ ပဂးဆံၭယံၬလဲၪ. ကွဲၪဖျါလါၦခွၫလဖၪ ဘဲၫအမိမၩ ယဟိဝၩ, အဝ့ၫၥံၪအယွၩအဆၧနီၪဆံၭး အံဇံၭဂၭဂီၩ့
8 ယူၭနီၪနၥ့ၪယၫအ့ၬဧၪ.- ၦဒုၭဂဲၫထၪ့စမိစ့ၭ, ဒဲစအၫ ရၧၫ့လၧဖၫရိၫအအီၪတၭ, အဝ့ၫဒၪစံၭအဝ့ၫၥံၪ, လ့ၩ မၩယဟိဝၩနၥံၪအယွၩ အဆၧနီၪဆံၭ. မွဲပလၫမိလ့ၩ
9 လဖၪလဲၪ.- စမိစ့ၭစံၭဝ့ၫဒၪ, ပမိလ့ၩလၧၦၡၩၥၭဘၪ့ ၥံၪ, ဒဲၦၡၩၥၭၡါၥံၪ, ဒဲပဖိၪခွၫၥံၪ, ဒဲပဖိၪမုၪၥံၪ, ဒဲပ ၥိၪဒဲပဘ့ၪအဒီၪ့ၥံၪ, ဒဲပချီလဖၪနီၪ ပမိလ့ၩပဝ့ၫလီၫ.
10 အဂဲးဘဲၫယီၩ ပဘၪမၩဘိၪ့ယဟိဝၩလီၫ. တၭအဝ့ၫ ဒၪစံၭအဝ့ၫၥံၪ, မွဲယဟိဝၩအီၪလၧနၥံၪဘဲၫယကွဲၪဖျါ နၥံၪဒဲနၥံၪအဖိၪဆံၭအၥိၭနီၪဆံၭး အဂဲးဘဲၫယီၩဆၧ
11 အၧၩ့ဆၧၥၫ့အီၪဝ့ၫ လၧနၥံၪအမ့ၬယၫလီၫ.- ဘဲၫနီၪမွဲ အ့ၬ, နၥံၪဝ့ၫၦခွၫ လဖၪလ့ၩဆၧတၭမၩ ယဟိဝၩအ ဆၧမၩဆံၭ. အဂဲးဘဲၫယီၩ နၥံၪအၪ့ဎၬယူၭဆၧနီၪလ မံၩ့လီၫ. တၭၦနၫ့ထၪ့ခွံၬဝ့ၫ လၧဖၫရိၫအမ့ၬယၫလီၫ.
12 ယဟိဝၩစံၭစမိစ့ၭယၩ့ထၪ့နစူၪ လၧအံဇံၭအဖၫ့ခိၪ လၧ ထွ့ၥံၪ အဂး, ဘဲၫၥိၭ အမိ ဂဲၫထၪ့ လၧခးအံဇံၭ အဖၧၩ့တၭ, အၪ့ခွံၬကယဲနၪ့ၥံၪမံၩ့ၥံၪ, ဘုၪၥံၪဂူၫၥံၪ လၧခးဖၧၩ့နီၪ, ဒဲကယဲ ဆၧလၧမုၥၪဒုၭအီၪ လၩ့ထး
13 နီၪဆံၭ.- တၭစမိစ့ၭ ယၩ့ထၪ့ အနိၪထိၭဘီၩ့ လၧခး အံဇံၭအဖၫ့ခိၪတၭ, ယဟိဝၩဒုၭဂဲၫလံၩ လၧမုထၪ့လ ခီၫလၧခးနီၪ အဖၫ့ခိၪ ၥံၫ့နံၩ ချီၩ့ ဒဲၥၫ့နၩ ချီၩ့ လီၫ. ထီးဆၧဖၩ့ထၪ့ ကဲဂီၩလခီၫနီၪလံၩ လၧမုထၪ့လခီၫဂဲၫ
14 ဆိၬထွ့ၥံၪလီၫ.- ထွ့နီၪလ့ၩထၪ့လၧခးအံဇံၭထၧၫ့ခး ယၫအဖၫ့ခိၪတၭ, ဆီးလၩ့ဝ့ၫလၧ အံဇံၭအလးအဖၧၩ့ ထီးအလူၬတၭ, အီၪဝ့ၫအၪမၬလီၫ. လၧဖျိၩ့ထွ့ဘဲၫအ ဝ့ၫၥံၪအၥိၭနီၪ, အီၪနးဆိၭအ့ၬး တၭလၧခဲၫ့ဘဲၫနီၪၥိၭ
15 မိအီၪဝ့ၫနးဆိၭလၧၩ့အ့ၬ.- မွဲအမၩလၩ့ဘံၭခွံၬ ခးနီၪ ထၧၫ့ခးယၫတၭ, ခးနီၪခံၭလၩ့ဝ့ၫတၭ, အဝ့ၫၥံၪအၪ့ ခွံၬကယဲနၪ့ၥံၪမံၩ့ၥံၪ ဘုၪၥံၪဂူၫၥံၪ လၧခးဖၧၩ့နီၪ, ဒဲၥံၪ့ အၥၪထီးအလူၬ, လၧမုၥၪအီၪက့ၪလၩ့ထးဝ့ၫ လၧၥံၪ့ အလီၩ့, တၭလၧၥံၪ့အလီၩ့, ဒဲလၧနၪ့ၥံၪမံၩ့ၥံၪ ဘုၪၥံၪ ဂူၫၥံၪ လၧဆၧပျၩ့ဖၧၩ့ အလီၩ့, လၧခးအံဇံၭ အဖၧၩ့ ထၧၫ့ခးယၫနီၪ ဆၧလၪယ့ၫအီၪလၧၩ့ နးမံၩ့အ့ၬ.
16 ဖၫရိၫမၩဝ့ၫချဲၫ့ချဲၫ့တၭ, ကိၭထဲၩ့စမိစ့ၭဒဲစအၫရၧၫ့ တၭ,စံၭဝ့ၫဒၪ, ယမၩမၪဘၪယူၭ ယဟိဝၩနၥံၪအယွၩ
17 ယူၭ, ဒဲယမၩမၪဘၪယူၭနၥံၪယူၭ.- တၭဘိၩ့နဲၪ့ယီၩ ကွဲၪဖျါလါယဆၧမၪ န့ၫအယီၩလဖၧၫ့ဘီၪး တၭအၪ့ ကံၩ့အၪ့ယၫ ယဟိဝၩနၥံၪအယွၩ ဘဲၫၥိၭအမိဒုၭစဲၪ့
18 ထၪ့ခွံၬကယဲဆၧၥံၫ လမံၩ့ယီၩလၧယၧၩဆံၭ.- အဝ့ၫ နီၪစဲၪ့ထၪ့ခွံၬ လၧဖၫရိၫအအီၪတၭ, အၪ့ကံၩ့အၪ့ယၫ
19 ယဟိဝၩလီၫ.- ယဟိဝၩကၠၪထဲၩ့လံၩမုဂဲၫ လၧမုနုၬ လခီၫတၭ, ဆိၬထၪ့ခွံၬထွ့ၥံၪတၭ ခွံၬၡိၭခွံၬဝ့ၫ လၧမၫ ဆမံၭဝီၩအဖၧၩ့တၭ, အီၪလၩ့ထးလၧၩ့ လၧအံဇံၭ
20 အလးလဖၪအဖၧၩ့နးဘံၪ့အ့ၬ.- ယဟိဝၩဒုၭနီၩ့ထၪ့ ဖၫရိၫအၥၭတၭ, အဆၧကွဲၪဖျါၦအံၫစရ့လၭဖိၪအ့ၬ.
21 ယဟိဝၩစံၭစမိစ့ၭ, ယၩ့ထၪ့နစူၪ လၧမူၭခိၪတၭ, ဆၧခံၭမိလၩ့ဘၪခးအံဇံၭတၭ, မွဲဆၧခံၭလၧၦလုးဝ့ၫ
22 ၥ့ၪလီၫ.- စမိစ့ၭ ယၩ့ထၪ့အစူၪ လၧမူၭခိၪတၭ, ဆၧ ခံၭလၩ့တၪ့ဝ့ၫ လၧခးအံဇံၭအဖၧၩ့ ၥၧၫ့နံၩယၫလီၫ.
23 တၭၦဒၪဘၪလိၬအၥၭနးဂၩအ့ၬ. တၭလၧၥၧၫ့နံၩယၫ နီၪၦလၧအအီၪလၧအလး ဂဲထုၪ့ဝ့ၫနးဂၩအ့ၬ. အ့ၪမွဲ ၦအံၫစရ့လၭဖိၪထီးအလူၬ အီၪလၧဆၧဖၩ့လၧအအီၪ ဝ့ၫအလးလီၫ.
24 ဖၫရိၫကိၭန့စမိစ့ၭတၭ, စံၭဝ့ၫဒၪ, လ့ၩမၩယဟိဝၩ အဆၧမၩဆံၭ. ဒုၭအီၪလၩ့ထးကယဲနၥံၪ အၥိၪဒဲဘ့ၪ လဖၪ,ဒဲချီလဖၪနီၪဆံၭ. နၥံၪအဖိၪဒံၩဖိၪၥၪၥံၪလ့ၩဒၪ
25 ဝ့ၫလၧနၥံၪအၥိၭဆံၭ.- စမိစ့ၭစံၭဝ့ၫဒၪ, နဘၪဖ့ၪလၫ့ ပၧၩဆ့လၧဆၧလုလဖၪ ဒဲဆၧလုမ့ၪလဖၪ လၧပစူၪဖၧၩ့
26 ဘဲၫၥိၭပမိလုထၪ့ဆၧလၧ ယဟိဝၩပယွၩလီၫ.- တၭပ ဆၧဖိၪဆၧဎါ အဒိၩ့ဘၪလ့ၩ လၧပၥိၭလီၫ. ဆၧဖိၪ ဆၧဎါအခၪ့မံၪအီၪလၩ့ထးဘၪနးဘံၪ့အ့ၬ. အဂဲးဘဲၫ ယီၩပဘၪမၩန့ လၧဆၧလဖၪနီၪအကျၩ ဘဲၫၥိၭပမိမၩ ယဟိဝၩ, ပယွၩ, အဆၧမၩတၭ, ပဘၪမၩယဟိဝၩ နီၪအဆၧလၧဆၧနီၫလဲၪ နီၫလဲၪနီၪ ပလချႃၭထီၩ့ဒံၭ ဘၪထီးနီၪ, ပၥ့ၪယၫဒံၭအ့ၬ.
27 ယဟိဝၩဒုၭနီၩ့ထၪ့ဖၫရိၫအၥၭတၭ, ဘဲၫၥိၭအမိ
28 ကွဲၪဖျါဝ့ၫနီၪအၥၭအီၪအ့ၬ.- တၭဖၫရိၫစံၭအဝ့ၫ, စဲၪ့ ထၪ့ခွံၬ လၧယအီၪဆံၭ. ထီးလၩ့ နၥၭဆံၭ, ထီးယိ လၧၩ့ယမ့ၬလဂ့ၩ, အဂဲးဘဲၫယီၩ မုလနံၩ လၧနဒၪဘၪ
29 ယမ့ၬနီၪနမိၥံၫလီၫ.- တၭစမိစ့ၭ စံၭဝ့ၫဒၪ, နချဲၩ့ဆၧ ဘၪယူၭ, ယမိယိဒီၭနမ့ၬ နးဖၧၫ့ဒီၭလၧၩ့အ့ၬ.