8
1 လၧမုလနံၩနီၪ စဎွၩအဟၭရှုၫအံရၧၭဖ့ၪလၫ့ၦယုဒၫ ဖိၪအဒုၪအဒၩစဟၫမၫ့အဂံၪ့ လၧနးဎွၩမုၪအ့စတၧၫနီၪ လီၫ.တၭစမီၫဒကၫဂဲၫထၪ့လၧစဎွၩအမ့ၬယၫး အဂဲး ဘဲၫယီၩအဝ့ၫဒၪဘူၭလၧအဝ့ၫၥံၪ ဘဲၫၥ့ၪလဲၪနီၪနးအ့စ
2 တၧၫလီၩဘၪယူၭဝ့ၫလီၫ.- တၭစဎွၩဘျူၭလၩ့ခွံၬအ စူၪၥံၭလၧအမၩန့ထဲၩ့ဝ့ၫ လၧစဟၫမၫ့နီၪ,ဖ့ၪလၫ့ဝ့ၫ လၧစမီၫဒကၫနီၪလီၫ. တၭနးအ့စတၧၫအီၪက့ၪစမီၫ ဒကၫလၧစဟၫမၫ့အဂံၪ့အဖၫ့ခိၪလီၫ.
3 တၭနးအ့စတၧၫချဲၩ့ထၪ့ဒီၭ လၧစဎွၩအမ့ၬယၫ,ဒဲ လၩ့ထံၩဖါဝ့ၫလၧအခၪ့ထံၭနီၪ, ဒဲအၪ့ကံၩ့အၪ့ယၫဝ့ၫ လၧအမ့ၬထံၫလၩ့ ဘဲၫၥိၭအမိမၩဂၭဂီၩ့ခွံၬ ၦအၫဂၭ ဖိၪစဟၫမၫ့အဆၧအၧၩ့, ဒဲအဆၧကိၪ့လၧအကိၪ့ထၪ့
4 ထၫ့ဒၩၦယုဒၫဖိၪလဖၪနီၪလီၫ.- ထီးနီၪလဖၧၫ့စဎွၩ ယူၬစိၩနိၪထိၭထီၫ့လဘီၩ့ လၧနးအ့စတၧၫအအီၪလီၫ. အခိးမွဲနးအ့စတၧၫ ဂဲထုၪ့ဆၧၫ့ထုၪ့ဝ့ၫလၧစဎွၩအမ့ၬ
5 ယၫတၭ,- စံၭဝ့ၫဒၪ, အ့ၪဘၪစဎွၩအၥၭတၭ, ယအ့ၪ ဘၪခိးဘၪတၩလၧအမ့ၬယၫ, ဒဲစဎွၩအ့ၪဆီၫ့မီၪ့လၧအ မွဲဆၧအဂ့ၩ, ဒဲယအ့ၪမွဲဆၧမုၬလၧအမ့ၬၥၪဖၧၩ့တၭ, လံၬၥံၪလၧၦအၫဂၭဖိၪ စဟၫမ့ၭဒၥၫအဖိၪခွၫစဟၫမၫ့ ကိၪ့ထၪ့ဝ့ၫဒဲကွ့ၭဝ့ၫဘဲၫၥိၭ အမိမၩဂၭဂီၩ့ၦယုဒၫဖိၪ လၧအအီၪဝ့ၫလၧကယဲစဎွၩ အခးအဝၩ့ဖၧၩ့ထီးအ လူၬနီၪး မွဲဆၧကွ့ၭအၥၭ ဘဲၫၥိၭအမိကဲၪထဲၩ့ဆၧပျီၩ
6 ပျီၩဆံၭ.- အဂဲးဘဲၫယီၩ ယဒၪဘၪဆၧအၧၩ့နီၪမိလၩ့ ဘၪယၡၩခမျၧးၥံၪတၭ, မွဲယထိးမိနၧၩ့ ဘဲၫၥ့ၪလဲၪ. တၭယဒၪဘၪယဘူၭယထံးၥံၪ ဘၪဆၧဂၭဂီၩ့နီၪ,ယ ထိးမိနၧၩ့ဘဲၫၥ့ၪလဲၪ.
7 ထီးနီၪလဖၧၫ့စဎွၩအဟၭရှုၫအံရၧၭ စံၭနးဎွၩမုၪ အ့စတၧၫဒဲၦယုဒၫဖိၪစမီၫဒကၫနီၪ, ယိခွါ,ယဖ့ၪလၫ့ ယူၭစဟၫမၫ့အဂံၪ့ လၧနးအ့စတၧၫ အစူၪဖၧၩ့တၭ, လၧအအီၪက့ၪလၩ့အစူၪ လၧၦယုဒၫဖိၪၥံၪအလီၩ့အ ကၠီၩ့နီၪ, အဝ့ၫၥံၪစၧၩ့လၩ့ၥံၫခွံၬ စဟၫမၫ့ယူၭလီၫ.
8 ထီးဒၪအဘၪနၥံၪအၥၭတၭ, ကွ့ၭနၥံၪဝ့ၫဆ့လၧစဎွၩ အမံၩ့ဒဲစဲၩနဲၪ့ထၬလၧစဎွၩအစူၪၥံၭ လၧၦယုဒၫဖိၪလ ဖၪအဂးဆံၭ. အဂဲးဘဲၫယီၩဆၧကွ့ၭအၥၭလၧအဘၪ ဆၧကွ့ၭဝ့ၫလၧစဎွၩအမံၩ့, ဒဲစဲၩနဲၪ့ထၬဝ့ၫလၧစဎွၩအ စူၪၥံၭနီၪ, ၦမၩဂၭဂီၩ့ဝ့ၫၥ့ၪနးဂၩအ့ၬ.
9 ထီးနီၪလဖၧၫ့လၧလၩၥၧၫ့ဘံၪ့လဘံၪ့, လၧအမွဲလၩ စဲဝၫ့အဆၧၫ့အထီနီၪ, ဆၧကိၭန့စဎွၩ အၡၩကွ့ၭလံၬ လဖၪနီၪ,လၧလၩထၪ့နံၫဆံၫၥၧၫ့နံၩလနံၩနီၪ, ဆၧကွ့ၭ အၥၭဘဲၫစမီၫဒကၫမၪလူၬဝ့ၫအၥိၭ လၧၦယုဒၫဖိၪၥံၪ, ဒဲၦဒိၪဖၭဒိၪၥံၪဒဲၦဒိၪၥံၪ ဒဲလၧၦပၧၩ့ခးအဝၩ့ၥံၪလၧ အံၪ့ဒအၫဖိးလၧကုၡၫနီၪ, ခးအဝၩ့လယၩနံၫဆံၫနွ့ၫ ဝၩ့လဖၪ, ကယဲအဝၩ့လစီၪ့လါလါဘဲၫဆၧကွ့ၭအီၪဝ့ၫ အၥိၭ,ဒဲလၧကယဲၦခမျၧးၥံၪ ဘဲၫအလၨအီၪဝ့ၫအၥိၭ, ဒဲလၧၦယုဒၫဖိၪၥံၪ, ဘဲၫအဝ့ၫၥံၪအဆၧကွ့ၭအီၪဝ့ၫအ ၥိၭ,ဒဲဘဲၫအဝ့ၫၥံၪ အလၨအီၪဝ့ၫအၥိၭနီၪဆ့လီၫ.
10 တၭမွဲအကွ့ၭဝ့ၫ လၧစဎွၩအဟၭရှုၫအံရၧၭအမံၩ့, ဒဲစဲၩနဲၪ့ထၬဝ့ၫလၧစဎွၩအစူၪၥံၭ, ဒဲဖ့ၪယုလံၬၥံၪလၧ ၦထူၬကၥ့ၪၥိၫ့လံၬၥံၪအစူၪဖၧၩ့, ဒဲလၧၦထူၬကၥ့ၪလၫ
11 ဒဲကလအူၭၥံၪဒဲကလအူၭဖိၪၥံၪလီၫ.- လၧလံၬဖၧၩ့နီၪ စဎွၩဖ့ၪလၫ့အလူလၧၦယုဒၫဖိၪၥံၪ လၧအအီၪလၧက ယဲဒိၩ့လစီၪ့လါလါနီၪ, ဘဲၫၥိၭအမိအီၪကီၪ့လစီၪ့ဎး တၭ,ဆၧၫ့ထုၪ့လၧအဝ့ၫၥံၪအၥၭမၧၫ့အဂး, ဘဲၫၥိၭအ မိမၩဂၭဂီၩ့, မၩၥံၫခွံၬ, ဒဲဒုၭလၩ့မါခွံၬၦခမျၧးလၧအ မိဒုၭအဝ့ၫၥံၪ, ၦမုၪၥံၪဒဲဖိၪဒံၩဖိၪၥၪၥံၪ ဒဲခးအဝၩ့အ စီၩ့အမၩ့ထီးအလူၬတၭ, အစူၪလးခၪ့ခိၪနီၪမၩန့လၧ
12 ဆၧအၪ့ဂူၬဆီၪ့အဂး,- လၧမုလနံၩဎးလၧကယဲစဎွၩ အဟၭရှုၫအံရၧၭအခးအဝၩ့ၥံၪ ထီးအလူၬနီၪ,လၩလ ဆံၫနံၫဘံၪ့လဘံၪ့, လၧအမွဲလၩအၫဒၫထၪ့လဆံၫၥၧၫ့ နံၩလနံၩနီၪလီၫ.
13 တၭဆၧမၪလူၬနီၪ အလံၬကွ့ၭဆဲၫလဘံၪ့ဆၧဘၪဖ့ၪ ယုလၧကယဲခးအဝၩ့လစီၪ့လါလါကိၭစီၪ့ဒ့ၭ, မွဲအမၩ ဂၧၫ့ထၪ့ၥၩလၩ့ဝ့ၫ လၧၦခမျၧးၥံၪထီးအလူၬအကျၩ နီၪ,ဘဲၫၥိၭၦယုဒၫဖိၪၥံၪမိတဲၩ့ဝဲၩအၥၭ လၧမုနံၩနီၪအ ဂး,ဒဲစ့ၩရၫ့တီၩန့အနၫ့ဆါဒၪဝ့ၫလဖၪ လၧအဒုၪအဒၩ
14 ၥံၪအကၠီၩ့နီၪလီၫ.- ၦလၧအၥိၫ့လံၬလဖၪထူၬကၥ့ၪလၫ ဒဲကလအူၭၥံၪလ့ၩထၪ့ဝ့ၫတၭ, လၧစဎွၩအဆၧမၪလူၬ အကၠီၩ့နီၪ, မွဲအဝ့ၫၥံၪလ့ၩဆၧချဲၫ့ဆီၪ့ဆီၪ့လ့ၬဆ့လီၫ. တၭဆၧစ့ၩရၫ့လမံၩ့နီၪ ကဲၪထၪ့ဝ့ၫလၧနီးရှုၡၫ့အဖၧၩ့ နီၪလီၫ.
15 တၭစမီၫဒကၫနီၪစဲၪ့ထၪ့ခွံၬ လၧစဎွၩအမ့ၬယၫ,အီၪ လၧဆၧကီၩ့ဆၧၥိၭဘၪဆဲၫ့လၧစဎွၩ, အလၫဒဲဘွၩ, ဒဲၥရဖူၩထီၫ့ဖၭဒိၪ, ဒဲဝိၬလိၫ့ဖျ့ၫလံၬကံၭ, ဒဲဆၧလုၭဖုၭ လီၫ.တၭဒိၩ့ရှုၡၫ့ၥၭထိၬဝ့ၫ ဒဲအီၪလၧဆၧမုၬလၩဆ့
16 လီၫ.- ၦယုဒၫဖိၪၥံၪအီၪလၧဆၧဖၩ့, ဒဲဆၧၥုၪ့ထိၬၥၭ
17 ထိၬ,ဒဲဆၧမုၬလၩ, ဒဲဆၧလၩဆၧဖၩ့လီၫ.- တၭလၧ ကယဲခးအဝၩ့ၥံၪ, ဒဲလၧဒိၩ့ၥံၪလၧစဎွၩအဆၧမၪလူၬ ဒဲအဆၧစ့ၩရၫ့လမံၩ့နီၪ ထီၩ့ဝ့ၫလစီၪ့လါလါကိၭစီၪ့ ဒ့ၭနီၪ,ၦယုဒၫဖိၪၥံၪ အီၪလၧဆၧမုၬဆၧလၩဒဲဆၧၥုၪ့ ထိၬၥၭထိၬ,ဆၧမၩဘိၪ့ဒဲအမုနံၩဂ့ၩလီၫ. တၭၦထံၫ ဖိၪခးဖိၪၥံၪကဲၪၦယုဒၫဖိၪအၪဂၩလီၫ. အဂဲးဘဲၫယီၩ ဆၧၥၭမဲၪၦယုဒၫဖိၪၥံၪ လၩ့ဘၪလၧအဝ့ၫၥံၪအလီၩ့ လီၫ.