9
1 ထီးဆၧလဖၪနီၪမၩအၥၭအ့ၪဂီၩ့တၭ, ၦဒိၪဖၭဒိၪ ၥံၪဂဲၫလၧယအီၪ, စံၭဝ့ၫဒၪ, အံၫစရ့လၭအၡၩခမျၧး ၥံၪ,ဒဲၦလုဆၧလဖၪ, ဒဲၦလံဝဲၫဖိၪလဖၪ, မၩလၩ့ဖၭအ ၥၭလၧထံၫၥံၪခးၥံၪအၡၩခမျၧးနီၪဆ့အ့ၬး မၩဆၧဘဲၫ အဝ့ၫၥံၪအဆၧၥၭလိၪအၥိၭ, ၦကၫနအၫ့ဖိၪၥံၪ, ၦဟံ ၥၭဖိၪၥံၪ,ၦပံရ့ၭဖိၪၥံၪ, ၦယ့ဘုၫဖိၪၥံၪ, ၦအၫမၧၫ့ဖိၪ ၥံၪ,ၦမိအၭဖိၪၥံၪ, ၦအံဇံၭဖိၪၥံၪ, ဒဲၦအၫမိၫဖိၪၥံၪဆ့
2 လီၫ.- အဂဲးဘဲၫယီၩ မွဲအမၩန့အဝ့ၫၥံၪအဖိၪမုၪလဖၪ လၧအနၫ့ဆါၥံၪအဂး, ဒဲလၧအဖိၪခွၫၥံၪအဂးဆ့လီၫ. အခိးမွဲဆၧဆံၫ့ဎံၪအချံၫနီၪ မၩဎုၬလိၬအၥၭလၧထံၫ ၥံၪခးၥံၪအၡၩခမျၧးနီၪး မွဲယူၭ, ၦဒိၪဖၭဒိၪလဖၪအ စူၪ, ဒဲပၧၩ့ဆၧလဖၪနီၪ မၩမၪဆၧလမံၩ့ယီၩအၪဒၪ
3 ဆၧဒံၭလီၫ.- ထီးယနါဂၧၫ့ဆၧလမံၩ့ယီၩတၭ, ယၡၫ့ ယၬယကီၩ့ယၥိၭနီၪ, ဒဲထ့ၬခွံၬယခိၪၥူၫဒဲယခၪလၬ
4 ဆီၪ့တၭ,ယဆၧၫ့နၩ့ထီၫမံၫထီၫမၪဝ့ၫဒၪလီၫ.- ထီးနီၪ လဖၧၫ့ကယဲၦလၧအဝၭထိၬဝ့ၫ လၧအံၫစရ့လၭအယွၩ အဆၧချဲၩ့လၧၦလၧ အဘၪဆၧဆိၬခွံၬဝ့ၫလဖၪအဆၧ မၪအကၠီၩ့နီၪ, အီၪကိၩ့အီၪကီၪ့ဝ့ၫလၧယအီၪကိၭဂၩ ဒ့ၭတၭး ယဆၧၫ့နၩ့ထီၫမံၪထီၫမၪဝ့ၫ ထီၩ့လၩ့မုဂၪ လၩ့အဆၧလုနီၪလီၫ.
5 တၭထီးအဘၪမုဂၪလၩ့အဆၧလုနီၪ, ယဂဲထုၪ့လၧ ယမၩနၭမၩၡၪ့လၩ့ယၥၭး ယၡၫ့ယၬယူၭယကီၩ့ယ ၥိၭယူၭတၭ, ယထွံၩလၩ့ယခၪ့, ဒဲပၠၪထၪ့ယစူၪလၧ ယဟိဝၩယယွၩနီၪတၭစံၭဘဲၫယီၩ,
6 ယယွၩဧ့,ယမ့ၬမဲတၭ, ယယွၩဧ့,ယစၪ့ထၪ့ယ မ့ၬလၧနအီၪဘုၪ့ဝါအ့ၬး အဂဲးဘဲၫယီၩ ပဆၧၥူၭဆၧ မၪၥံၪအၪထၪ့အၪအၪလ့ၬ လၧပခိၪဎွံၪအဖၫ့ခိၪတၭ, ပ ဆၧမၪလဖၪဒိၪထၪ့နီၪ ထၪ့ဘၭလၧမူၭခိၪလခီၫလီၫ.
7 လၧပဖါၥံၪအလးခဲၫ့ခီးဘိၩ့နဲၪ့ယီၩ, ပအီၪလၧဆၧမၪ ဖၭဒိၪအဖၧၩ့ထီၩ့လၩ့မုဆၫလနံၩယီၩး ဒဲလၧပဆၧ မၩအၧၩ့ၥံၪအကၠီၩ့နီၪ, ပဝ့ၫဒၪမွဲဂ့ၩ, ပစဎွၩၥံၪမွဲဂ့ၩ, ၦၡၩလုဆၧၥံၪမွဲဂ့ၩ, ဘၪဆၧဖ့ၪလၫ့ခွံၬဝ့ၫလၧထံၫၥံၪ ခးၥံၪအစဎွၩလဖၪအစူၪဖၧၩ့, ဒဲလၧနၭၥံၪဖၩ့ၥံၪနီၪ, ဘၪဆၧဆိၬခွံၬအၪ့မၧၫ့ဎီးဝ့ၫ, ဒဲဘၪဆၧအၪ့ဂူၬန့ပဆၧ ဖိၪဆၧလံၩၥံၪ, ဒဲဘၪဆၧမ့ၬမဲဘဲၫမုဆၫလနံၩယီၩအ
8 ၥိၭလီၫ.- တၭဘိၩ့နဲၪ့ယီၩလဆိဖိၪအထးဖၧၩ့, ပဘၪ ဆၧအခိးအတၩ လၧယဟိဝၩပယွၩနီၪ, ဆၧအီၪက့ၪ လၩ့ထးပၧၩၡၩခိၬဂၩၥံၪ ဘဲၫၥိၭပမိဖီၩ့ဖျ့ၭတၭ,ဖ့ၪ လၫ့ယူၭပၧၩထၭစဲၩလဘီၩ့လၧ အလးဆံၫ့ဎံၪအဖၧၩ့, ဘဲၫၥိၭပယွၩမိဒုၭဖၩ့ထၪ့ပမ့ၬၥၪၥံၪ, ဒဲမၩမၧၫ့ထၪ့
9 ပၧၩလဆံၭလၧဆၧအၪ့မၧၫ့ဎီးပၧၩအဖၧၩ့လီၫ.- အ ဂဲးဘဲၫယီၩ ပမွဲၦၡၩဘၪဆၧအၪ့မၧၫ့ဎီးဝ့ၫး မွဲလါနၫ့ ဘိၩပယွၩစဲၪ့ဒၪပၧၩ လၧပဆၧအၪ့မၧၫ့ဎီးအဖၧၩ့အ့ၬ, အ့ၪမွဲအဒုၭဖျီၪထၪ့ဆၧယၫ့ၥၭလၧပဂး လၧပၧၡၫအ စဎွၩၥံၪအမ့ၬယၫ, ဘဲၫၥိၭအမိမၩမၧၫ့ထၪ့ထဲၩ့ပၧၩ, လၧပမိမၩထၪ့ပယွၩအဂံၪ့, ဒဲမၩဂ့ၩထၪ့ထဲၩ့အဆၧ လၩ့ဎီးလဖၪ, ဒဲဖ့ၪလၫ့ပၧၩလၧအခိၪဒၧၩ့လၧယုဒၫအ
10 ဖၧၩ့,ဒဲလၧယရုစလံၫ့အဖၧၩ့ဆ့လီၫ.- တၭဘိၩ့နဲၪ့ ယီၩ,ပယွၩဧ့, လၧဆၧလမံၩ့ယီၩအလးခဲၫ့တၭ,မွဲပမိ
11 စံၭဘဲၫၥ့ၪလဲၪ,- အဂဲးဘဲၫယီၩပစဲၪ့ဒၪနဆၧမၪလူၬလ ဖၪ,လၧနမၪလူၬနခ့ၫနၡၩမီၪလဖၪနီၪ, စံၭဝ့ၫး ထံၫၥံၪ ခးၥံၪလၧနၥံၪလ့ၩန့ၥၫဝ့ၫနီၪ, မွဲခးဘၪၥၭလိၪလၧၦ ခမျၧးၥံၪဘၪဆဲၫ့ လၧခးထီးအလူၬၥံၪ အဆၧစံၪစၪအ ကၠီၩ့တၭ,လၧအဝ့ၫၥံၪ အဆၧၥၭလိၪလဖၪ,လၧအမၩ ဎွ့ၩထၪ့ဝ့ၫလၧအထုၬလခီၫ ဖိးလၧအထုၬလၧအိၩလ
12 ခီၫလၧအဆၧလဆံၫ့ဘၪလီၫ.- မၩအၥၭဘဲၫနီၪတၭ ဘိၩ့နဲၪ့ယီၩ, ထီးဆၧဖ့ၪလၫ့နၥံၪ အဖိၪမုၪလဖၪလၧ အဝ့ၫၥံၪအဖိၪခွၫၥံၪအဂးလဂ့ၩး တၭထီးမၩန့အဝ့ၫ ၥံၪအဖိၪမုၪလဖၪ လၧနၥံၪအဖိၪခွၫၥံၪအဂးလဂ့ၩး အ ဆိၩအကၠၪနီၪ, ထီးအၪ့ဎၬအဝ့ၫၥံၪ အဆၧဘၪလိၬအိၭ လိၬဒဲအဆၧထူၭဆၧလၧၫ့လဂ့ၩး မွဲဘဲၫၥိၭနၥံၪအဂဲး အဘၭမိဆီၪ့ထၪ့နီၪ, ဒဲမိအၪ့ခးအဆၧဂ့ၩနီၪ, ဒဲဒုၭအီၪ လၩ့ထးဝ့ၫလၧနၥံၪအဖိၪအလံၩ လၧဆၧန့ၥၫအဂးအ
13 ဆိၩဆိၩအကၠၪကၠၪလီၫ.- လၧဆၧလၩ့ဘၪပၧၩယီၩ ထီးအလူၬလၧပဆၧမၩအၧၩ့အကၠီၩ့, ဒဲလၧပဆၧမၪ ဖၭဒိၪအကၠီၩ့တၭ, အဂဲးဘဲၫယီၩ နဝ့ၫဒၪပယွၩနဒုၭ ဘၪပၧၩလၧဆၧစ့ၩရၫ့ၡၩနဲၪ့ဒံၭ လၧပကြၨၭဘၪလၧ ပဆၧမၩအၧၩ့ၥံၪအကၠီၩ့နီၪ, ဒဲနဖ့ၪလၫ့ပၧၩလၧဆၧ
14 ဖီၩ့ဖျ့ၭဘဲၫယီၩၥိၭတၭး- မွဲပလၨၪခၫ့ဖၬဒီၭနဆၧမၪ လူၬလဖၪ, ဒဲမၩဎုၬပၥၭ လၧဆၧၥၭလိၪလဖၪယီၩအ ၡၩခမျၧးၥံၪနီၪး မွဲနမိၥၭထၪ့ပၧၩ ထီးနမၩဂၭဂီၩ့ခွံၬ, ဘဲၫၥိၭဆၧအီၪလၩ့ထး ဒဲဆၧဖီၩ့ဖျ့ၭနီၪလမိအီၪလၧၩ့
15 ဘၪ,မွဲအ့ၬဧၪ.- ယဟိဝၩအံၫစရ့လၭအယွၩဧ့, နဝ့ၫ ဒၪနမွဲအတီၩအလီၩ့း အဂဲးဘဲၫယီၩပဝ့ၫဒၪပအီၪလၩ့ ထးဒံၭပဖီၩ့ဖျ့ၭဒံၭၡၩဂၩ ဘဲၫမုဆၫလနံၩယီၩအၥိၭး ယိခွါ, ပအီၪလၧနမ့ၬယၫ လၧပဆၧမၪလဖၪအဖၧၩ့တၭး အဂဲးဘဲၫယီၩ လၧဆၧယီၩလမံၩ့အကၠီၩ့ပဆၧၫ့ထုၪ့လၧ နမ့ၬယၫၥ့ၪအ့ၬ.