3
1 တၭထီးလၩနွ့ၫဘံၪ့လဘံၪ့ဘၪဝ့ၫ, ဒဲၦအံၫစရ့လၭ ဖိၪၥံၪအီၪဝ့ၫလၧအဒိၩ့လဖၪအဖၧၩ့နီၪ, ၦခမျၧးၥံၪအီၪ ကိၩ့အီၪကီၪ့ဘဲၫၦလဂၩအၥိၭ လၧယရုစလံၫ့နီၪလီၫ.
2 ထီးနီၪလဖၧၫ့စယီၭဇဒၭအဖိၪခွၫ စယ့ၭရှုၫအၫဒဲအ ထၧၫ့ဖုဝဲၥံၪၦလုဆၧလဖၪနီၪ, ဒဲစၡံၫအၫတအ့လၭအ ဖိၪခွၫစဇရၧၭဘၫဘ့လၭ, ဒဲအထၧၫ့ဖုဝဲၥံၪ, အဝ့ၫၥံၪ မၩထၪ့အံၫစရ့လၭအယွၩ အဆၧလုအလး,ဘဲၫၥိၭအ ဝ့ၫၥံၪမိလုထၪ့ဆၧလုမ့ၪ လၧအလီၩ့နီၪ, ဘဲၫဆၧကွ့ၭ အၥၭလၧယွၩအၡၩစမိစ့ၭ အဆၧၥီၪ့ဆၧၥၫ့အဖၧၩ့နီၪ လီၫ.
3 တၭအဝ့ၫၥံၪအီၪက့ၪထၪ့ဆၧလုအလး လၧအခၪ့အ လီၩ့နီၪး အဂဲးဘဲၫယီၩအဝ့ၫၥံၪဘၪၥၭမဲၪဆၧလၧထံၫ ဖိၪခးဖိၪအကၠီၩ့လီၫ. တၭအဝ့ၫၥံၪလုထၪ့ယဟိဝၩလၧ ဆၧလုမ့ၪလၧအဖၫ့ခိၪနီၪ, ဆၧလုမ့ၪလၧမုဂီၩဒဲလၧမု
4 ဂၪလၩ့ဆ့လီၫ.- အဝ့ၫၥံၪမၩဘိၪ့တဲၩ, ဘဲၫဆၧကွ့ၭအ ၥၭအၥိၭတၭ, ဆၧလုမ့ၪလနံၩဘၪလနံၩ ဘဲၫအဆၧဝံ အီၪဝ့ၫအၥိၭနီၪ, မွဲအလုထၪ့ဝ့ၫဘဲၫအထူၫအရူၫအီၪ
5 ဝ့ၫအၥိၭ, လၧကိၭမုနံၩဒ့ၭအဂးနီၪလီၫ.- လၧခဲၫ့ထဲၩ့ နီၪမွဲအလုထၪ့ဆၧလုမ့ၪလထံၪဎးနီၪ, လၧလၩၥံၫမွဲဂ့ၩ, ဒဲကယဲယဟိဝၩအဆၧမၩဘိၪ့ လမံၩ့လါလါမွဲဂ့ၩ, လၧယဟိဝၩအဆၧဘၪဆဲၫ့လၧ ဆၧဆံၫ့ဎံၪနီၪ,ဒဲဆၧ ဘၪဆဲၫ့လၧကယဲၦလဂၩလါလါ လၧအၥၭအီၪထၪ့ဒၪ
6 ဆၧလၧအမိလုထၪ့ယဟိဝၩနီၪလီၫ.- လၧလၩနွ့ၫဘံၪ့ လဘံၪ့, လၧမုနံၩအခၪ့ထံၭလနံၩနီၪ, အဝ့ၫၥံၪလုထၪ့ ၥၫ့ယဟိဝၩလၧဆၧလုမ့ၪနီၪလီၫ. အ့ၪမွဲယဟိဝၩအ ဆၧလုအဂံၪ့အခၪ့ထံၭနီၪ, ဆၧအီၪက့ၪလၩ့ဝ့ၫဒံၭအ့ၬ.
7 အဝ့ၫၥံၪဖ့ၪလၫ့စ့ၩလၧၦပၠၩ့ၥမါၥံၪ, ဒဲၦလဲၬၥမါၥံၪးဒဲ ဆၧအၪ့ဆၧအီၩ, ဒဲၥိၪ,လၧၦစဲဒၧၫ့ဖိၪ, ဒဲၦတဲအၫဖိၪ ၥံၪ,ဘဲၫၥိၭအဝ့ၫၥံၪမိဂဲၫန့ၥံၪ့ၡိၫအ့ရ့ၭလဖၪ လၧလ့ၭ ဘနၧၫ့ထီၩ့လၧမၫဆမံၭနဲၩ့လၧ ယီၭပၫနီၪ,ဘဲၫပၧၡၫ အစဎွၩစဲရၧၭလဂၩစ့ၩရၫ့လၧ အဝ့ၫၥံၪအဂးအၥိၭနီၪ လီၫ.
8 တၭအဝ့ၫၥံၪဂဲၫထီၩ့လၧ ယွၩအဂံၪ့လၧယရုစလံၫ့နီၪ, နံၫနံၪ့လနံၪ့အဖၧၩ့, လၩနံၫဘံၪ့လဘံၪ့နီၪ, စၡံၫအၫ တအဲလၭအဖိၪခွၫ, စဇရၧၭဘၫဘ့လၭမၩထၪ့ၥၫ့ဆၧ ဒဲစယီၭဇဒ့ၭအဖိၪခွၫစယ့ၭရှုၫအၫ, ဒဲအဝ့ၫၥံၪအထၧၫ့ ဖုဝဲလဖၪလၧအအီၪလၩ့ထးဝ့ၫ, ၦလုဆၧၥံၪ, ဒဲၦလံဝဲၫ ဖိၪၥံၪ,ဒဲကယဲၦထီးအလူၬလဖၪလၧ အစဲၪ့ထၪ့ခွံၬလၧ ဆၧအၪ့မၧၫ့ဎီးဝ့ၫထီၩ့လၧယရုစလံၫ့တၭး ၦလံဝဲၫဖိၪ ၥံၪလၧအနံၪ့အီၪနံၫဆံၫ, ဒဲလၧအဖၫ့ခိၪနီၪ, မွဲအအီၪက့ၪ ဝ့ၫဘဲၫၥိၭအမိမၩဆၧမၩဘၪဆဲၫ့ လၧယဟိဝၩအဂံၪ့
9 နီၪလီၫ.- ထီးနီၪလဖၧၫ့စယ့ၭရှုၫအၫဆၧၫ့ထုၪ့ဝ့ၫ, ဒဲ အဖိၪခွၫလဖၪ, ဒဲအထၧၫ့ဖုဝဲၥံၪ, စကၭဒမံၫအ့လၭ, ဒဲအဖိၪခွၫလဖၪ, စယုဒၫအဖိၪခွၫလဖၪတၭ, မၩဎုၬဝ့ၫ ဘဲၫၥိၭအမိထိၪဂဲၩၦမၩဆၧလၧ ယွၩအဂံၪ့ဖၧၩ့လဖၪ နီၪးစဟ့နဒၭအဖိၪခွၫလဖၪ, အဝ့ၫၥံၪအဖိၪခွၫလဖၪ, ဒဲအဝ့ၫၥံၪအထၧၫ့ဖုဝဲၥံၪ ၦလံဝဲၫဖိၪလဖၪနီၪအီၪဝ့ၫဆ့ လီၫ.
10 ထီးၦမၩဆၧလဖၪနီၪ အီၪက့ၪလၩ့ယဟိဝၩအဂံၪ့အ ခၪ့ထံၭတၭ, အဝ့ၫၥံၪအီၪက့ၪၦလုဆၧလဖၪအီၪလၧအ ဝ့ၫၥံၪအကီၩ့အၥိၭ, ဒဲခွ့ၩၥံၪ,ဒဲၦလံဝဲၫဖိၪလဖၪလၧအ မွဲစအၫစဖၭအဖိၪခွၫၥံၪ အီၪလၧစံၩ့စံၩ့လဖၪ,ဘဲၫၥိၭ အမိစံၭထၪ့အၪ့အူၭယဟိဝၩ, ဘဲၫအံၫစရ့လၭအစဎွၩ
11 စဒၫဝံၭအီၪက့ၪလၩ့အထူၫအရူၫအၥိၭနီၪလီၫ.- အဝ့ၫ ၥံၪၥံၫကျံၩၡီၩ့ဆၧလၧ ဆၧစံၭထၪ့အၪ့အူၭအဖၧၩ့နီၪ, မွဲအအၪ့အူၭယဟိဝၩလီၫ. မွဲလၧဆၧဂ့ၩအကၠီၩ့တၭ, အဂဲးဘဲၫယီၩ အခိးအတၩလၧအံၫစရ့လၭ အဂးနီၪ, အီၪဝ့ၫအဆိၩဆိၩအကၠၪကၠၪလီၫ. တၭထီးအဝ့ၫၥံၪ စံၭထၪ့အၪ့အူၭယဟိဝၩနီၪ, ၦခမျၧးထီးအလူၬလဖၪ ကိၭၡၭထၪ့ဖၭဒိၪဆ့း အဂဲးဘဲၫယီၩ ယဟိဝၩအဂံၪ့နီၪ
12 ဆၧအီၪက့ၪလၩ့ယူၭအခၪ့ထံၭယူၭနီၪလီၫ.- အ့ၪမွဲၦ လုဆၧအၪဂၩၥံၪ, ဒဲၦလံဝဲၫဖိၪၥံၪ, ဒဲဖါလဖၪအခိၪၥံၪ လၧအအီၪဝ့ၫလၧဖျိၩ့, လၧအဒၪဘၪဂံၪ့အဝံခိၪလဖျိၪ့ နီၪ,ထီးဆၧအီၪက့ၪလၩ့ဂံၪ့လဖျိၪ့ယီၩအခၪ့ထံၭလၧ အဝ့ၫၥံၪအမ့ၬယၫတၭ, အမ့ၬထံၫလၩ့တၭ, ဂၪ့ဝ့ၫလၧ
13 အလူဖၭဒိၪး- တၭၦအၪဂၩ ကိၭၡၭထၪ့လၧဆၧၥၭ ထိၬနီၪ,အခိးမွဲလၧဆၧကိၭၡၭထၪ့ ဆၧၥၭထိၬအၥီၫ, ဒဲၦၡၩၥံၪဂၪ့ဝ့ၫအၥီၫနီၪ, ၦခမျၧးအၪ့နၩ့ဖၭဝ့ၫအဆၧၫ့ ၥ့ၪဝါအ့ၬး အဂဲးဘဲၫယီၩ ၦခမျၧးၥံၪကိၭၡၭထၪ့လၧ ဆၧကိၭၡၭဖၭဒိၪတၭ, အၥီၫနီၪဂၧၫ့ထၪ့ဝ့ၫယဲၩ့လ့ၬ လီၫ.