40
(၄ဝ:ၥ-၄၈;၃၅).
1 ပကဲၪဎီးအနံၪ့နံၫဆံၫယဲနံၪ့လနံၪ့ လၩခၪ့ထံၭ, လၩ ထၪ့ဆံၫနံၩလနံၩ လၧဒိၩ့ဘၪဆၧမၩဂၭဂီၩ့လူၬထူၬဝ့ၫ အလးခဲၫ့လဆံၫလံနံၪ့လနံၪ့ လၧမုလနံၩနီၪ,ယဟိဝၩ အစူၪအီၪဝ့ၫလၧယလီၩ့တၭ, ဆိၬထၪ့ခွံၬယၧၩလၧနီၪ
2 လီၫ.-လၧဆၧဒၪဆၧလၧယၫလခီၫ ဘၪဆဲၫ့လၧယဟိ ဝၩနီၪ, ဆၧဆိၬထၪ့ယၧၩ လၧခးအံၫစရ့လၭအဖၧၩ့ တၭ,အီၪက့ၪယၧၩလၧခိၪလီၩ့ ထီၫလ့ၬလဖျိၪ့အလီၩ့ တၭ,ဆၧမၩအၥၭဘဲၫဒိၩ့အခံးအဂၩ့ လၧမုခံၫ့လခီၫ
3 လီၫ.- ထီးအဆိၬထၪ့ယၧၩလၧနီၪတၭ, ယိခွါ,ၦၡၩ အီၪဖျီၪဘဲၫထီးဘၩ့အၥိၭ အီၪဝ့ၫလၧဖျံၩၥီၪကဘၩ့ လဘီၩ့လၧအစူၪဖၧၩ့, ဒဲအီၪဝ့ၫလၧနိၪထိၪဖီးဘီၩ့တၭ,
4 ဆၧၫ့ထုၪ့လၧတရၫ့အဖၧၩ့လီၫ.- ၦၡၩလဂၩနီၪ စံၭ ယၧၩ,ၦၡၩအဖိၪခွၫဧ့, ယိဆၧလၧနမ့ၬၥၪလဖၪ,ဒဲခိၭ နၪဆၧလၧနနါ, ဒဲထီးန့လၧနၥၭလၧကယဲဆၧလၧယမိ ဒုၭနဲၪနၧၩနီၪဆံၭ. အဂဲးဘဲၫယီၩ ဆၧဂဲၫဆိၬနၧၩ ထီး ယီၩဘဲၫၥိၭယမိဒုၭနဲၪဆၧလဖၪနီၪလၧနၧၩလီၫ. ကယဲ ဆၧလၧနဒၪဘၪနီၪဒုၭနဲၪ အံၫစရ့လၭအၡၩဂံၪ့ဖိၪနီၪ ထီးအလူၬဆံၭ.
5 ယိခွါ, ဆၧအဒီၪ့အီၪဝၬဖီၩ့ဂံၪ့လၧခီၫ့, ဒဲလၧၦ လဂၩနီၪအစူၪဖၧၩ့, နိၪထိၪဖီးဘီၩ့လၧအထီၫဎူၫဖျါ (လဖျါနီၪမွဲလဖျါဒဲလထၫ) အီၪဝ့ၫလီၫ. အဝ့ၫဒၪထိၪဂံၪ့ အဒၪ့ဎၩ့လဆိၩ ဒဲအဆီၩ့ဆီထၪ့လဆိၩလီၫ.
6 ထီးနီၪလဖၧၫ့ ဂဲၫဝ့ၫလၧတရၫ့ လၧအဖိးလၧမုထၪ့ လခီၫတၭ, ထိၪဝ့ၫအဎၫ့, ဒဲထိၪအတရၫ့အခၧၪ့, လၧ အဒၪ့ဎၩ့မွဲလဆိၩ,ဒဲတရၫ့အခၧၪ့လၧအဂူၫဂၩမွဲလဆိၩ
7 လီၫ.- ကယဲဒူၭဖိၪလစီၪ့လါလါနီၪ အထီၫမွဲလဆိၩ, ဒဲအဒၪ့ဎၩ့မွဲလဆိၩတၭ, လၧဒူၭဖိၪလဖၪအဘိၩ့ဆၧၩ့ နီၪမွဲယဲဖျါတၭ, တရၫ့အခၧၪ့လၧတရၫ့အထိၬချိၫ့လၧ
8 ယၫလဆိၩလီၫ.- ထိၪတရၫ့အထိၬချိၫ့လၧယၫလဆိၩ
9 လီၫ.- ထိၪတရၫ့လၧအထိၬချိၫ့ဎိၭဖျါ, ဒဲဆၧအဒီၪ့အ ထုၪ့လဖၪနံၫဖျါ, ဒဲတရၫ့အထိၬချိၫ့ လၧအဖၧၩ့လခီၫ
10 လီၫ.-ဒူၭဖိၪဘၪဆဲၫ့လၧတရၫ့ လၧမုထၪ့လခီၫနီၪမွဲၥၧၫ့ ဒူၭလၧအယီၩလခီၫ, ဒဲၥၧၫ့ဒူၭလၧအနီၪလခီၫလီၫ. အ ဝ့ၫၥၧၫ့ဒူၭနီၪထီၫဎီၩ့လိၬအၥၭ, ဆၧအဒီၪ့အထုၪ့လဖၪ လၧအယီၩလခီၫ, ဒဲလၧအနီၪလခီၫ ထီၫဎီၩ့လိၬအၥၭလီၫ.-
11 ထိၪဆၧလ့ၩနုၬလၧတရၫ့အဒၪ့ဎၩ့အဖျါလဆံၫး ဒဲလၧအဖၭထီၫလခီၫမွဲလဆံၫၥၧၫ့ဖျါလီၫ.-
12 ဆၧအဘိၩ့ ဆၧၩ့လၧဒူၭဖိၪအမ့ၬယၫနီၪမွဲလဖျါ ဒဲဆၧအနဲၩ့ထံၭ လၧအဝ့ၫလခီၫနီၪမွဲလဖျါဒဲဒူၭဖိၪနီၪ, မွဲဎူၫဖျါလၧအယီၩလခီၫ, ဒဲဎူၫဖျါလၧအနီၪလခီၫလီၫ.-
13 ထိၪတရၫ့ လၧဒူၭဖိၪအခိၪလဒူၭဖိးလၧ အခိၪလဒူၭဒၪလီၫ. အဒၪ့ ဎၩ့ မွဲနံၫဆံၫယဲဖျါတၭ, တရၫ့ၥံၪဎၩ့လိၬအၥၭလီၫ.
14 မၩအထုၪ့လဖၪလၧအဖျါဎူၫဆံၫဖိးလၧဆၧအဝၩ့အီၪ ဝၬဖီၩ့တရၫ့နီၪအထုၪ့လီၫ.
15 လၧဆၧလ့ၩနုၬ အတရၫ့ အမ့ၬယၫဖိးလၧတရၫ့လၧအဖၧၩ့လခီၫအထိၬချိၫ့လၧအမ့ၬယၫအီၪဝ့ၫအဖျါယဲဆံၫလီၫ.-
16 တရၫ့လံၩအအံၪ့ အီၪဝ့ၫလၧဒူၭဖိၪအဖၧၩ့, ဒဲလၧဆၧအဒီၪ့အထုၪ့လၧ အဖၧၩ့လခီၫထီးတရၫ့ဝၬဖီၩ့ဝ့ၫ, ဒဲထိၬချိၫ့ၥံၪဆ့လီၫ. တရၫ့လံၩအအံၪ့အီၪဝ့ၫ လၧအဖၧၩ့လခီၫဝၬဖီၩ့ဝ့ၫ, ဒဲ ၥံၪ့စီၩ့မလီၫ့အီၪဝ့ၫလၧဆၧအဒီၪ့အထုၪ့အလီၩ့လီၫ.
17 တၭဆၧဂဲၫဆိၬယၧၩ လၧဆၧအဒူၭ လၧခီၫ့လခီၫတၭ, ယိခွါ,ဆၧအဒူၭဖိၪလဖၪ, ဖုဒၩလိးမၩအၥၭလၧဆၧ ဝၩ့အဂးဝၬဖီၩ့ဝ့ၫလီၫ. လၧအဒူၭဖိၪအီၪဝ့ၫၥၧၫ့ဆံၫလၧ
18 ဖုဒၩလိးအဖၫ့ခိၪလီၫ.- ဖုဒၩလိးလၧတရၫ့အနဲၩ့ထံၭ ဎၩ့လိၬအၥၭ လၧ တရၫ့အထီၫနီၪ, မွဲဖုဒၩလိးလၧလၬ
19 လခီၫ လဆၫ့လီၫ.- ထီးနီၪလဖၧၫ့ ထိၪအဒၪ့ဎၩ့ လၧ တရၫ့လၧလၬ လခီၫအမ့ၬယၫဖိးလၧအဝၩ့လၧအဖၧၩ့ လခီၫအမ့ၬယၫလၧခီၫ့တၭ, အဖျါအီၪဝ့ၫလယၩလၧ မုထၪ့လခီၫ, ဒဲလၧမုဖၩလခီၫဆ့လီၫ.
20 ဆၧအဝၩ့လၧခီၫ့လခီၫအတရၫ့ လၧအဖိးထၪ့ဝ့ၫလၧ
21 မုဖၩနီၪထိၪဝ့ၫအထီၫဒဲအဒၪ့ဎၩ့လီၫ.- ဒူၭဖိၪၥၧၫ့ဒူၭ လၧအယီၩလခီၫ, ဒဲၥၧၫ့ဒူၭလၧအနီၪလခီၫ, ဒဲဆၧအ ဒီၪ့အထုၪ့လဖၪ, ဒဲထိၬချိၫ့လဖၪန့ၫဎီၩ့, ဒဲတရၫ့လၧအ ခၪ့ထံၭလဖၧၩ့လီၫ. အထီၫမွဲအဖျါယဲဆံၫ,ဒဲအဒၪ့ဎၩ့
22 အဖျါနံၫဆံၫယဲဖျါလီၫ.- အတရၫ့လံၩလဖၪ,ဒဲအထိၬ ချိၫ့လဖၪဒဲအၥံၪ့စီၩ့မလီၫ့လဖၪနီၪ မွဲဘဲၫဆၧထိၪတရၫ့ လၧအမ့ၬယၫအၥိၭနီၪ, လၧအဖိးထၪ့လၧမုထၪ့လ ခီၫ,ဒဲၦထၪ့ဘၭဝ့ၫလၧအၥွၫနွ့ၫၥွၫတၭ, အထိၬချိၫ့ၥံၪ
23 အီၪဝ့ၫလၧအမ့ၬယၫလီၫ.- ဆၧအဝၩ့လၧယၫလခီၫ အတရၫ့အီၪဆဲၫဎၩ့ဒဲလၧတရၫ့လၧမုဖၩလခီၫး ဒဲလၧ မုထၪ့လခီၫတၭ,ထိၪဆၧလၧတရၫ့လစီၪ့ဖိးလၧတရၫ့ လစီၪ့ဒၪနီၪအဖျါလယၩလီၫ.
24 ဆၧဆိၬထၪ့ယၧၩလၧမုခံၫ့လခီၫတၭ, ယိခွါ,တရၫ့ အီၪဝ့ၫလၧမုခံၫ့လခီၫလီၫ. ထိၪဆၧအဒီၪ့အထုၪ့လဖၪ,
25 ဒဲထိၬချိၫ့လဖၪ, န့ၫဎီၩ့လၧအဆၧထိၪဝ့ၫနီၪလီၫ.- တ ရၫ့လံၩလဖၪအီၪဝ့ၫလၧအဖၧၩ့, ဒဲလၧထိၬချိၫ့လဖၪဝၬ ဖီၩ့ဝ့ၫဘဲၫတရၫ့လံၩအၥိၭနီၪလီၫ. အထီၫမွဲအဖျါယဲ
26 ဆံၫ,ဒဲအဒၪ့ဎၩ့နံၫဆံၫယဲဖျါလီၫ.- လၧၦထၪ့ဝ့ၫအဂး နီၪ, ဎၫ့ၥွၫနွ့ၫၥွၫအီၪဝ့ၫတၭ, ထိၬချိၫ့အီၪဝ့ၫလၧအမ့ၬ ယၫလီၫ. တၭအီၪဝ့ၫလၧၥံၪ့စီၩ့မလီၫ့ အထုၪ့လၧဆၧ ဒီၪ့အထုၪ့အလီၩ့ လၧအယီၩလခီၫ ဒဲလၧအနီၪလခီၫ
27 လီၫ.- လၧဝၩ့လၧအဖၧၩ့လခီၫလစီၪ့နီၪတရၫ့လဖၧၩ့ အီၪဝ့ၫလၧမုခံၫ့နီၪတၭ, ထိၪဆၧလၧတရၫ့လစီၪ့ဖိးလၧ တရၫ့လစီၪ့ဒၪလၧမုခံၫ့လခီၫအဖျါလယၩလီၫ.
28 ဆၧဂဲၫဆိၬနုၬယၧၩ လၧဝၩ့လၧအဖၧၩ့လခီၫလစီၪ့ လၧတရၫ့လၧမုခံၫ့နီၪ ထိၪတရၫ့လၧမုခံၫ့န့ၫဎီၩ့လၧအ
29 ဆၧထိၪဝ့ၫလီၫ.- တၭအဒူၭဖိၪလဖၪဒဲဆၧအဒီၪ့အထုၪ့ လဖၪ,ဒဲထိၬချိၫ့လဖၪန့ၫဎီၩ့ လၧအဆၧထိၪဝ့ၫနီၪလီၫ. တၭတရၫ့လံၩအီၪဝ့ၫလၧအဖၧၩ့ ဒဲလၧထိၬချိၫ့ဝၬဖီၩ့ဝ့ၫ လီၫ.အဖၭထီၫမွဲအဖျါယဲဆံၫ, ဒဲအဒၪ့ဎၩ့နံၫဆံၫယဲ
30 ဖျါလီၫ.- လၧထိၬချိၫ့ဝၬဝၬနီၪအထီၫမွဲနံၫဆံၫယဲဖျါဒဲ
31 အဒၪ့ဎၩ့မွဲယဲဖျါလီၫ.- ထိၬချိၫ့လဖၪနီၪအီၪဝ့ၫလၧဆၧ အဝၩ့လၧခီၫ့လစီၪ့, ဒဲၥံၪ့စီၩ့မလီၫ့အီၪဝ့ၫလၧဆၧအဒီၪ့ အထုၪ့လီၩ့တၭ, ဆၧလၧအလ့ၩထၪ့ဘၭနီၪ အီၪဝ့ၫ လၧဎၫ့ၥွၫဎိၭၥွၫလီၫ.
32 ဆၧဆိၬထၪ့ယၧၩ လၧဆၧအဝၩ့လၧအဖၧၩ့လစီၪ့ လၧမုထၪ့လခီၫတၭ, ထိၪတရၫ့န့ၫဎီၩ့ လၧအဆၧထိၪ
33 ဝ့ၫနီၪလီၫ.- အဒူၭဖိၪလဖၪ ဒဲဆၧအဒီၪ့အထုၪ့လဖၪ, ဒဲအထိၬချိၫ့လဖၪန့ၫဎီၩ့လၧအဆၧထိၪဝ့ၫနီၪလီၫ. တၭ တရၫ့လံၩအီၪဝ့ၫလၧအဖၧၩ့, ဒဲလၧထိၬချိၫ့လဖၪဝၬဖီၩ့ ဝ့ၫလီၫ. အဖၭထီၫမွဲအဖျါယဲဆံၫ, ဒဲအဒၪ့ဎၩ့နံၫဆံၫ
34 ယဲဖျါလီၫ.- ထိၬချိၫ့လဖၪနီၪအီၪဝ့ၫလၧအဝၩ့လၧခီၫ့လ စီၪ့,ဒဲၥံၪ့စီၩ့မလီၫ့အီၪဝ့ၫ လၧဆၧအဒီၪ့အထုၪ့လီၩ့လၧ အယီၩလခီၫဒဲလၧအနီၪလခီၫတၭ, အဆၧထၪ့ဘၭအ ဝ့ၫနီၪအီၪဝ့ၫလၧအၥွၫဎိၭၥွၫလီၫ.
35 ဆၧဆိၬထၪ့ယၧၩလၧတရၫ့မုဖၩလခီၫတၭ, ထိၪဝ့ၫ
36 န့ၫဎီၩ့လၧအဆၧထိၪဝ့ၫလဖၪနီၪလီၫ.- အဒူၭဖိၪလဖၪ, ဆၧအဒီၪ့အထုၪ့လဖၪ, ဒဲအထိၬချိၫ့လဖၪ,ဒဲတရၫ့လံၩ အီၪဝၬဖီၩ့ဝ့ၫနီၪလီၫ. အဖၭထီၫမွဲအဖျါယဲဆံၫ,ဒဲအ
37 ဒၪ့ဎၩ့နံၫဆံၫယဲဖျါလီၫ.- အထုၪ့လဖၪအီၪလၧအဝၩ့ လၧခီၫ့လစီၪ့,ဒဲၥံၪ့စီၩ့မလီၫ့အီၪဝ့ၫ လၧဆၧဒီၪ့အထုၪ့ လဖၪအလီၩ့လၧအယီၩလခီၫ, ဒဲလၧအနီၪလခီၫတၭ, အဆၧထၪ့အလးနီၪအၥွၫဎိၭၥွၫအီၪဝ့ၫလီၫ.
38 ဒူၭဖိၪလဖၪဒဲအတရၫ့နီၪ အီၪဝ့ၫလၧတရၫ့ထုၪ့အ နဲၩ့ထံၭ,အလးလၧၦၥူၫဝၭခွံၬဆၧလုမ့ၪလီၫ.
39 လၧတရၫ့အထိၬချိၫ့နီၪ, စပွဲနံၫဖျိၪ့အီၪလၧအယီၩ လခီၫ,ဒဲစပွဲနံၫဖျိၪ့အီၪလၧအနီၪလခီၫ, ဘဲၫၥိၭၦမိမၩ ၥံၫဆၧလုမ့ၪ, ဒဲဆၧလုဆၧဒဲၩဘၭ, ဒဲဆၧလုမၪဘၪ
40 ဆၧလီၫ.- လၧအနဲၩ့ထံၭလၧခီၫ့နီၪလၧၦလ့ၩနုၬလၧ တရၫ့လၧမုဖၩနီၪ,စပွဲအီၪဝ့ၫနံၫဖျိၪ့, ဒဲလၧအလခီၫ ဒၪလၧတရၫ့လခီၫလၧထိၬချိၫ့နီၪ, စပွဲအီၪဝ့ၫနံၫဖျိၪ့ဆ့
41 လီၫ.- စပွဲလံဖျိၪ့အီၪဝ့ၫလၧအယီၩလခီၫ, ဒဲစပွဲလံဖျိၪ့ အီၪဝ့ၫလၧအနီၪလခီၫ, လၧတရၫ့အနဲၩ့ထံၭလခီၫနီၪး စပွဲလၧအမၩၥံၫဆၧလုလဖၪ လၧအလီၩ့နီၪ,အီၪဝ့ၫ
42 ဎိၭဖျိၪ့လီၫ.- စပွဲလံဖျိၪ့နီၪဆၧတဲၩ့ဝ့ၫလၧလိးစိၭဖျၩ အၥၭလၧဆၧလုမ့ၪအဂးလီၫ. အဖၭထီၫမွဲလဖျါဒဲလ ထၫ, ဒဲအဒၪ့ဎၩ့လဖျါဒဲလထၫ, အဆီၩ့ဆီထၪ့နီၪမွဲလ ဖျါလီၫ. အီၪက့ၪလၩ့အစူၪဝဲၩ လၧဆၧမၩၥံၫဆၧလု
43 မ့ၪ,ဒဲဆၧလုလဖၪလၧအဖၫ့ခိၪလီၫ.- အခိၪဒၧၩ့တဲၩ့ အၥၭလၧၥံၪ့ပၪအဒၪ့ဎၩ့ မွဲလထၫနီၪတဲၩ့ဝဲၩအၥၭလၧ ယၫလခီၫဝၬဖီၩ့ဝ့ၫလီၫ. ဆၧလုအဆၧယၪအီၪဝ့ၫလၧ စပွဲအဖၫ့ခိၪလီၫ.
44 လၧတရၫ့လၧအဖၧၩ့လခီၫ လၧခီၫ့နီၪ,မွဲၦၥံၫကျံၩ ဆၧအဒူၭလဖၪလၧဆၧအဝၩ့လၧအဖၧၩ့လခီၫလစီၪ့ နီၪအီၪဝ့ၫလီၫ. အီၪဝ့ၫလၧအတရၫ့ လၧမုဖၩအနဲၩ့ ထံၭ,အဝ့ၫလခီၫနီၪဒိၭအၥၭ လၧမုခံၫ့လခီၫလီၫ. ဒူၭ လၧတရၫ့မုထၪ့လခီၫအနဲၩ့ထံၭ လၧအဒိၭအၥၭလၧ
45 မုဖၩလခီၫအီၪဝ့ၫလဒူၭလီၫ.- တၭအဝ့ၫစံၭယၧၩဆၧ အဒူၭလဒူၭယီၩ လၧအဒိၭအၥၭလၧမုခံၫ့နီၪ, မွဲလၧ
46 ၦလုဆၧလဖၪ လၧအခိၭဂံၪ့နီၪအဂးလီၫ.- ဆၧအဒူၭ လဒူၭလၧအဒိၭအၥၭ လၧမုဖၩနီၪမွဲလၧၦလုဆၧလဖၪ လၧအယိဆၧယိဘၪဆဲၫ့ လၧဆၧလုလးအဂးလီၫ.အ ဝ့ၫၥံၪနီၪမွဲစဇၫဒီၭအဖိၪခွၫ လၧၦလံဝဲဖိၪအဖိၪခွၫအ ကျၩလၧအၥုၭဘူၭအၥၭလၧယဟိဝၩအအီၪ ဘဲၫၥိၭ အမိမၩအဆၧလီၫ.
47 ထိၪဆၧအဝၩ့အဖၭထီၫနီၪမွဲအဖျါလယၩ, ဒဲအဒၪ့ ဎၩ့အဖျါလယၩ မွဲဆၧလံနိၪ့တၭ,ဆၧလုလးအီၪဝ့ၫ
48 လၧဂံၪ့အမ့ၬယၫလီၫ.- အဝ့ၫဆိၬယၧၩလၧဂံၪ့အထိၬ ချိၫ့တၭ, ထိၪဆၧထိၬချိၫ့နီၪ, အတရၫ့နဲၩ့ထံၭအထုၪ့ လၧအယီၩလခီၫယဲဖျါ, ဒဲလၧအနီၪလခီၫယဲဖျါလီၫ. တရၫ့အဒၪ့ဎၩ့နီၪ မွဲၥၧၫ့ဖျါလၧအယီၩလခီၫ,ဒဲၥၧၫ့ဖျါ
49 လၧအနီၪလခီၫလီၫ.- ထိၬချိၫ့နီၪအဖၭထီၫမွဲအဖျါ နံၫဆံၫ,ဒဲအဒၪ့ဎၩ့လဆံၫလဖျါလီၫ. တၭၦထၪ့ဝ့ၫ လၧအဎၫ့လီၫ. ဆၧအထုၪ့လဖၪအီၪဝ့ၫ လၧထိၬချိၫ့ နီၪ,လၧအယီၩလခီၫလထုၪ့, ဒဲလၧအနီၪလခီၫလ ထုၪ့လီၫ.