37
1 ယဟိဝၩအစူၪအီၪဝ့ၫ လၧယလီၩ့တၭ,ဆိၬထၪ့ယၧၩ လၧယဟိဝၩ အၥၭတၭ, အီၪက့ၪလၩ့ယၧၩ လၧခိၪ လီၩ့ဆူၭဖၧၩ့ လၧအဎွ့ၩဝ့ၫ လၧဆၧဎွံၪဆၧနၧၩ့လီၫ.
2 တၭဒုၭလ့ၩဝံၩ့ဝၩ့ယၧၩတၭ, ယိခွါ, အီၪဝ့ၫအၪမၬလၧ ခိၪလီၩ့ဆူၭဖၧၩ့တၭ, ယိခွါ,ဎဲၫ့ထၬဝ့ၫနၭမၬလီၫ.
3 တၭဆၧစံၭယၧၩ,ၦၡၩအဖိၪခွၫဧ့, ဆၧဎွံၪဆၧနၧၩ့ ယီၩမၧၫ့ထၪ့ဝ့ၫဘၪမိၥ့ၪဧၪ. တၭယစံၭ, ကဆါယဟိ
4 ဝၩဧ့,နၥ့ၪယၫနဝ့ၫလီၫ.- တၭအဝ့ၫဒၪစံၭဒီၭယၧၩ, ချဲၩ့ဆၧလၧမီၪအချိၬ လၧဆၧဎွံၪဆၧနၧၩ့ယီၩအဖၫ့ခိၪ တၭစံၭအဝ့ၫၥံၪ, ဆၧဎွံၪဎဲၫ့ထၬၥံၪဧ့, ခိၭနၪယဟိဝၩ
5 အလူဆံၭ.- ကဆါယဟိဝၩစံၭ, ဆၧဎွံၪဆၧနၧၩ့ယီၩ, ယိခွါ,ယမိဒုၭနုၬနၥံၪအၥၪလၧနၥံၪအဖၧၩ့တၭ, နၥံၪ
6 မိမၧၫ့ထၪ့လီၫ.- ယမိအီၪက့ၪဆၧအထီၪ့လဖၪလၧန ၥံၪအလီၩ့တၭ, ယမိဒုၭထၪ့နၥံၪအလီၩ့ လၧဆၧယၪ တၭ,ယမိချႃၬဘံၭနၥံၪလၧဆၧဖံၭတၭ, ယမိဒုၭနုၬန ၥံၪအၥၪလၧနၥံၪအဖၧၩ့တၭ, နၥံၪမိမၧၫ့ထၪ့တၭ,နၥံၪ
7 မိၥ့ၪယၫလၧယမွဲယဟိဝၩလီၫ.- ယချဲၩ့ဆၧလၧမီၪအ ချိၬဘဲၫဆၧမၪလူၬယၧၩအၥိၭနီၪတၭ, လၧယချဲၩ့ဆၧ လၧမီၪအချိၬအဘိၩ့ဘၭနီၪဆၧၥီၫထၪ့တၭ, ယိခွါ,ဆၧ ဝၭၡိၩ့ၡိၬအီၪဝ့ၫတၭ, ဆၧဎွံၪလဖၪနီၪၥုၭကီၪ့အၥၭလ
8 ဘီၩ့ဒဲလဘီၩ့လီၫ.- ယယိဆၧတၭ,ယိခွါ,ထီးယယိနီၪ ဆၧအထီၪ့လဖၪအီၪဝ့ၫလၧအလီၩ့လီၫ. တၭဆၧယၪ ထၪ့လၧအလီၩ့တၭ, ချႃၬဘံၭဝ့ၫလၧအဖၫ့ခိၪလီၫ. မွဲ
9 လါနၫ့အၥၪအီၪလၧအဖၧၩ့အ့ၬ.- ထီးနီၪလဖၧၫ့ယဟိ ဝၩစံၭယၧၩ, ချဲၩ့ဆၧလၧမီၪအချိၬ လၧဆၧအၥၪနီၪ, ချဲၩ့ဆၧလၧမီၪအချိၬဆံၭး ၦၡၩအဖိၪခွၫဧ့, စံၭဆၧအ ၥၪနီၪ,ကဆါယဟိဝၩစံၭဘဲၫယီၩ, ဆၧအၥၪဧ့,ဂဲၫလၧ လံၩလံခီၫတၭ,ၥၪထၪ့လၧၦအဘၪ ဆၧမၩၥံၫဝ့ၫလဖၪ
10 ယီၩအလီၩ့, ဘဲၫၥိၭအမိမၧၫ့ထၪ့ထဲၩ့နီၪဆံၭ.- ယချဲၩ့ ဆၧလၧမီၪအချိၬဘဲၫအမၪလူၬယၧၩအၥိၭတၭ, အၥၪ ဂဲၫနုၬလၧအဖၧၩ့တၭ, မၧၫ့ထၪ့ထဲၩ့ဝ့ၫတၭ,ဆၧၫ့ထုၪ့ဝ့ၫ လၧအခၪ့လၧၦခမျၧးဖၭဒိၪလီၫ.
11 ထီးနီၪလဖၧၫ့အဝ့ၫဒၪစံၭယၧၩ, ၦၡၩအဖိၪခွၫဧ့, ဆၧအဎွံၪလဖၪယီၩ မွဲအံၫစရ့လၭအၡၩဂံၪ့ဖိၪထီးအ လူၬလီၫ. ယိခွါ,အဝ့ၫၥံၪစံၭဝ့ၫ,ပဎွံၪပနၧၩ့ဎဲၫ့ထၬခွံၬ ယူၭတၭ,ဆၧလၧၦယိလါအဖၧၩ့ၥၭနီၪ လၩ့မါယူၭ,
12 ဆၧဒၪ့ထ့ၬယူၭပၧၩလီၫ.- မၩအၥၭဘဲၫနီၪတၭ, ချဲၩ့ ဆၧလၧမီၪအချိၬတၭ, စံၭအဝ့ၫၥံၪ, ကဆါယဟိဝၩ စံၭဘဲၫယီၩ,ယိခွါ,ယၡၩခမျၧးၥံၪဧ့, ယမိဝဲထၪ့နၥံၪအ ၥွၪခိၪဖၧၩ့တၭ, ဒုၭဂဲၫထၪ့နၥံၪလၧဆၧၥွၪခိၪဖၧၩ့, ဒဲ
13 ဒုၭဂဲၫထဲၩ့နၥံၪလၧခးအံၫစရ့လၭအဖၧၩ့လီၫ.- ယၡၩ ခမျၧးၥံၪဧ့, ထီးယအ့ၪဝဲထၪ့နၥံၪအၥွၪခိၪဖၧၩ့, ဒဲဒုၭ ဂဲၫထၪ့နၥံၪ လၧနၥံၪအၥွၪခိၪဖၧၩ့တၭ, နၥံၪမိၥ့ၪယၫ
14 လၧယမွဲယဟိဝၩလီၫ.- ထီးယအ့ၪဒုၭနုၬယၥၭလၧန ၥံၪအဖၧၩ့နီၪ, နၥံၪမိမၧၫ့ထၪ့တၭ, ယမိအီၪက့ၪနၥံၪ လၧနၥံၪအခးဒၪနၥံၪဝ့ၫအဖၧၩ့တၭ, ထီးနီၪလဖၧၫ့နၥံၪ မိၥ့ၪယၫလၧယၧၩ,ယဟိဝၩယီၩ, ယချဲၩ့ယူၭဆၧတၭ, မၩယူၭဆၧယူၭ,ယဟိဝၩစံၭဝ့ၫဒၪ.
15 ယဟိဝၩအလူလၩ့ဘၪဒီၭယၧၩတၭ, စံၭဝ့ၫဒၪ,
16 လၧနီၪအမ့ၬယၫနဝ့ၫဒၪယီၩ, ၦၡၩအဖိၪခွၫဧ့, မၩန့နိၪ ကဲၩ့လဘီၩ့တၭ, ကွ့ၭဆၧလၧအလီၩ့လၧယုဒၫအဂး ဒဲလၧအထံၩအၥိၭၥံၪ အံၫစရ့လၭဖိၪအဂးဆံၭ. ထီး နီၪလဖၧၫ့မၩန့နိၪကဲၩ့လဘီၩ့ဒၪတၭ, ကွ့ၭဆၧလၧအ လီၩ့လၧစယိၥၭအဂး, အံဖြံၫ့အနိၪကဲၩ့လဘီၩ့,ဒဲလၧ အထံၩအၥိၭအံၫစရ့လၭ အၡၩဂံၪ့ဖိၪထီးအလူၬအဂး
17 ဆံၭ.- မၩဘုၭထၬလိၬအၥၭအထိၭနၫ လၧနိၪကဲၩ့လ ဘီၩ့ဎးဆံၭ. မိကဲၪထၪ့ဝ့ၫလဘီၩ့ဎးလၧနစူၪဖၧၩ့လီၫ.
18 ထီးနၡၩခမျၧးအဖိၪၥံၪ အ့ၪချဲၩ့ဆၧလၧနၧၩတၭ, စံၭ,ဆၧနီၪလဖၪမွဲဘဲၫၥ့ၪလဲၪ, ဘဲၫၥ့ၪလဲၪနီၪ,နမိဒုၭနဲၪ
19 ပၧၩအ့ၬဧၪ.- စံၭအဝ့ၫၥံၪ,ကဆါယဟိဝၩစံၭဘဲၫယီၩ, ယိခွါ,ယမိမၩန့စယိၥၭ, ဒဲအထံၩအၥိၭ အံၫစရ့လၭ အဒီၪ့လဖၪအနိၪကဲၩ့လဘီၩ့ လၧအအီၪဝ့ၫလၧအံဖြံၫ့ အစူၪဖၧၩ့တၭ, ယမိမၩဘုၭထၬဝ့ၫလၧအဝ့ၫဒၪဒဲယုဒၫ အနိၪကဲၩ့လဘီၩ့တၭ, ယမိဒုၭဘုၭထၬဝ့ၫလၧနိၪကဲၩ့ လဘီၩ့ဎးတၭ, မိကဲၪထၪ့လဘီၩ့ဎး လၧယစူၪဖၧၩ့ လီၫ.
20 နိၪကဲၩ့အဘီၩ့လဖၪ လၧနကွ့ၭဆၧလၧအလီၩ့နီၪ, မိဘၪအီၪဝ့ၫလၧနစူၪဖၧၩ့, လၧအဝ့ၫၥံၪအမ့ၬယၫလီၫ.
21 စံၭအဝ့ၫၥံၪ,ကဆါယဟိဝၩစံၭဘဲၫယီၩ, ယိခွါ,ယမိ မၩန့ၦအံၫစရ့လၭဖိၪၥံၪ လၧၦဆၨၩလဖၪအကျၩထီး ဒၪအလ့ၩဆၧလစီၪ့စီၪ့နီၪ, ယမိအၪ့ထုၫ့ကီၪ့ထဲၩ့အဝ့ၫ ၥံၪလၧအအီၪဝၬဖီၩ့ဝ့ၫ, ဒဲဒုၭဂဲၫထဲၩ့ဝ့ၫလၧအခးဒၪဝ့ၫ
22 အဖၧၩ့လီၫ.- ယမိအီၪက့ၪအဝ့ၫၥံၪလၧၦလဆၨၩဎး, လၧထံၫၥံၪခးၥံၪအဖၧၩ့ လၧအံၫစရ့လၭအခိၪလီၩ့ထိၩ့ ချိၬအလီၩ့တၭ, စဎွၩလဂၩဎးမိကဲၪထၪ့အဝ့ၫၥံၪထီး အလူၬအစဎွၩတၭ,ကဲၪလၧၩ့ၦနံၫဆၨၩအ့ၬ. ဒဲမၩလၩ့ ဖၭလၧၩ့အဝ့ၫၥံၪ လၧဆၧအဘၩ့အမုးနံၫစီၪ့ဆ့အ့ၬ.
23 အဝ့ၫၥံၪမိမၩဘၪၥၭလိၪလၧၩ့အၥၭ လၧအဆၧဂၩ့ဆၧ ဖၪ့ဒဲအဆၧဘၪၥၭလိၪ ဒဲအဆၧၥူၭဆၧမၪ နးမံၩ့အ့ၬ. အ့ၪမွဲယမိထိးထဲၩ့တၩ့ထဲၩ့အဝ့ၫၥံၪ လၧကယဲအအီၪ ဝ့ၫအလးဖၧၩ့လၧအမၩမၪဆၧနီၪတၭ, ယမိၥူၫဝၭဆံၫ့ ခွံၬအဝ့ၫၥံၪတၭ, အဝ့ၫၥံၪမိကဲၪထၪ့ယၡၩခမျၧးတၭ,
24 ယမိကဲၪထၪ့အဝ့ၫၥံၪအယွၩလီၫ.- ယဎီးယၡၩစဒၫ ဝံၭမိကဲၪထၪ့စဎွၩလၧအဖၫ့ခိၪတၭ, အဝ့ၫၥံၪမိအီၪလၧ ၦၡၩယိၥိၪလဂၩဎးတၭ, မိလ့ၩဆၧလၧယဆၧစ့ၩရၫ့
25 အဖၧၩ့,ဒဲထီးန့ယဆၧၥီၪ့ဆၧၥၫ့ဒဲမၩဝ့ၫလီၫ.- တၭအ ဝ့ၫၥံၪမိအီၪလၧထံၫၥံၪခးၥံၪအဖၧၩ့ လၧယဖ့ၪလၫ့ယ ဎီးယၡၩစယၫကူၭလၧနၥံၪအဖါအီၪဝ့ၫတၭ, မိအီၪဝ့ၫ လၧအဖၧၩ့, အဝ့ၫၥံၪဒဲအဖိၪခွၫလဖၪ, ဒဲအဖိၪခွၫအဖိၪ ခွၫလဖၪလၩ့ဆိၩလၩ့ကၠၪလီၫ. တၭယဎီးယၡၩစဒၫ
26 ဝံၭမိကဲၪထၪ့အခိၪလၩ့ဆိၩလၩ့ကၠၪလီၫ- လၧနီၪအမ့ၬ ယၫယမိအုၩ့လၩ့ဆၧဘၪလိၬအိၭလိၬ အဆၧအုၩ့လၩ့ လၧအဝ့ၫၥံၪတၭ, မိကဲၪထၪ့ဆၧအုၩ့လၩ့အဆိၩအကၠၪ လၧအဝ့ၫၥံၪတၭ, ယမိၥိၫ့အဝ့ၫၥံၪဒဲမၩအၪထၪ့အဝ့ၫ ၥံၪ,ဒဲအီၪက့ၪယလးဆံၫ့ဎံၪ လၧအကျၩလၩ့ဆိၩလၩ့
27 ကၠၪလီၫ- ယတဲၩဆံၫ့ဎံၪမိအီၪလၧအဝ့ၫၥံၪအၥိၭတၭ, ယမိကဲၪထဲၩ့အဝ့ၫၥံၪအယွၩ ဒဲအဝ့ၫၥံၪနီၪမိကဲၪထဲၩ့
28 ယၡၩခမျၧးလီၫ.- ထီးယလးဆံၫ့ဎံၪအ့ၪအီၪဝ့ၫလၧ အကျၩလၩ့ဆိၩလၩ့ကၠၪတၭ, ၦဆၨၩလဖၪမိၥ့ၪယၫ ဝ့ၫလၧယၧၩ, ယဟိဝၩမၩဆံၫ့ထၪ့ ၦအံၫစရ့လၭဖိၪ လီၫ.