1 လၧနီၪအမ့ၬယၫ ယဟိဝၩအလူလၩ့ဘၪယၧၩတၭ, 2 စံၭဝ့ၫဒၪ,- ၦၡၩအဖိၪခွၫဧ့, အီၪက့ၪနမ့ၬထၫ့ဒၩခိၪလီၩ့ 3 စံအၫတၭ, ချဲၩ့ဆၧလၧမီၪအချိၬ ထၫ့ဒၩအဝ့ၫ,- တၭ, စံၭ,ကဆါယဟိဝၩစံၭဘဲၫယီၩ, ခိၪလီၩ့စံအၫဧ့, ယိ ခွါ,ယထၫ့ဒၩနၧၩတၭ, ယမိယၩ့ထၪ့ယစူၪလၧနဖၫ့ 4 ခိၪတၭ,ယမိမၩအီၪယူနၧၩလီၫ.- ယမိမၩလူၬထူၬ ခွံၬနဒိၩ့လဖၪတၭ, နမိအီၪယူဝ့ၫတၭ, နမိၥ့ၪယၫလၧ 5 ယမွဲယဟိဝၩလီၫ.- အဂဲးဘဲၫယီၩနၥၭဂဲၫ့ဆၧလထံၪ ဎးဘီၩ့ဎးတၭ, နဖ့ၪလၫ့ခွံၬၦအံၫစရ့လၭဖိၪ လၧနၭအ နါလၧအဘၪၡၪ့အထးဖၧၩ့ ထီးအထီလၧဆၧဒဲၩဘၭ 6 မၩလူၬဆၧလီၫ.- မၩအၥၭဘဲၫနီၪတၭ, ယမၧၫ့ယဝ့ၫ, ကဆါယဟိဝၩစံၭဝ့ၫဒၪ, ယမိတဲၩ့ဝဲၩနၧၩလၧဆၧၥွံၪ အဂး,ဒဲဆၧၥွံၪမိလီၩ့ဆီးနၧၩလီၫ. မွဲနလၥၭဂဲၫ့ဘၪ 7 ဆၧၥွံၪအကၠီၩ့တၭ, ဆၧၥွံၪမိလီၩ့ဆီးနၧၩလီၫ.- ထီး ယမၩအီၪယူခိၪလီၩ့ စံအၫတၭ, ယမိဒၪ့ထ့ၬၦလၧအ 8 စဲၪ့ထၪ့ဒဲၦလၧအထဲၩ့ထဲၩ့နီၪလီၫ.- ယမိမၩဎွ့ၩအခိၪ လီၩ့ထိၩ့ချိၬအလီၩ့ လၧၦဘၪဆၧမၩၥံၫဝ့ၫနီၪလီၫ. လၧ နဆၧစီၩ့ခိၪအလီၩ့ဒဲလၧနဆၧပျၩ့ဖၧၩ့, ဒဲလၧနခိၪလီၩ့ ဆူၭဖၧၩ့ထီးအလူၬနီၪ, ၦလၧအဘၪဆၧမၩၥံၫဝ့ၫလၧ 9 နၭမိလၩ့ထံၩဖါဝ့ၫလီၫ.- ယမိမၩအီၪယူနၧၩ လၩ့ ဆိၩလၩ့ကၠၪဒဲၦလအီၪဘၪ လၧနဒိၩ့ဖၧၩ့နီၪတၭ,နၥံၪမိ 10 ၥ့ၪယၫလၧယမွဲယဟိဝၩလီၫ.- မွဲနစံၭ,ၦနံၫဆၨၩယီၩ, ဒဲခးနံၫဘံၪ့ယီၩ မိကဲၪထၪ့ပဆၧတၭ, ပမိမၩန့ဝ့ၫအ 11 ကၠီၩ့တၭ,လါနၫ့ယဟိဝၩအီၪဝ့ၫထီးနီၪး- မၩအၥၭဘဲၫ နီၪတၭ,ယမၧၫ့ယဝ့ၫ, ကဆါယဟိဝၩစံၭဝ့ၫဒၪ, ယမိ မၩယဝ့ၫ ဘဲၫနမၩလၧနၥၭထၪ့ ဒဲနၥၭခ့ၬ လၧနၥၭဂဲၫ့ အဝ့ၫၥံၪအၥိၭနီၪတၭ, ထီးယအ့ၪစ့ၩရၫ့နၧၩဂီၩ့တၭ, 12 ယမိနဲၪဖျီၪထၪ့ယၥၭလၧအဝ့ၫၥံၪအမ့ၬယၫလီၫ.- နၥံၪ မိၥ့ၪယၫ လၧယမွဲယဟိဝၩ ဒဲလၧယနါဂၧၫ့နၥံၪဒုၪဒွ့ၪ ဆၧလၧနၥံၪချဲၩ့ဆၧ လၧအံၫစရ့လၭအခိၪလီၩ့ထိၩ့ချိၬ အလီၩ့တၭ,နစံၭ, အဝ့ၫၥံၪအီၪယူဝ့ၫ,ဆၧဖ့ၪလၫ့အဝ့ၫ 13 ၥံၪ,လၧပၧၩလၧၦမိမၩလူၬခွံၬဝ့ၫအဂဲးလီၫ.- နၥံၪအီၪ က့ၪဖိၫလိၫနၥံၪအၥၭ လၧနၥံၪအနိၭထၫ့ဒၩယၧၩ, ဒဲမၩ အၪထၪ့နၥံၪအဆၧချဲၩ့ ထၫ့ဒၩယၧၩလီၫ. ယနါဂၧၫ့ 14 ယူၭ.- ကဆါယဟိဝၩစံၭဘဲၫယီၩ, ထီးခးထၧၫ့ဘံၪ့ ယၫအ့ၪၥၭထိၬဝ့ၫတၭ, ယမိတဲၩ့ဝဲၩဆၧအီၪယူလၧ 15 နဂးလီၫ.- ဘဲၫနၥၭထိၬလၧအံၫစရ့လၭအဂံၪ့, ယဆၧ န့ၥၫအဖၫ့ခိၪ လၧအအီၪယူဝ့ၫအကၠီၩ့အၥိၭနီၪ,ယမိ မၩနၧၩဘဲၫနီၪၥိၭလီၫ. ခိၪလီၩ့စံအၫဧ့, ဒဲအံဒၧၫ့ထၧၫ့ ဘံၪ့ယၫဆ့မိအီၪယူဝ့ၫတၭ, မိၥ့ၪယၫဝ့ၫလၧယမွဲယဟိ ဝၩလီၫ.