14
1 ထီးနီၪလဖၧၫ့ ၦလၧအံၫစရ့လၭအၥုၪ့က့ၭၥၭၡါအ ကျၩလနၩ့ဂဲၫလၧယအီၪတၭ, ဆၧၫ့နၩ့လၧယမ့ၬယၫ
2 လီၫ.- တၭယဟိဝၩအလူလၩ့ဘၪယၧၩ, စံၭဝ့ၫဒၪ,
3 ၦၡၩအဖိၪခွၫဧ့, ၦၡၩလဖၪယီၩအီၪက့ၪယူၭဆၧဂၩ့ ဆၧဖၪ့လၧအၥၭခံဖၧၩ့တၭ, အီၪက့ၪယူၭအဆၧဒဲၩ ဘၭအဆၧဘၪထၧၩ့အလး လၧအဝ့ၫၥံၪအမ့ၬယၫ ယူၭ.ထီးအဝ့ၫၥံၪအ့ၪအၪ့စၪ့ဆၧလၧယၧၩတၭ, မွဲယ
4 မိခိၭနၪအလူဆ့ဧၪ.- မၩအၥၭဘဲၫနီၪတၭ,ချဲၩ့ဆၧလၧ အဝ့ၫၥံၪတၭ, စံၭအဝ့ၫၥံၪ, ကဆါယဟိဝၩစံၭဘဲၫ ယီၩ,ၦလဂၩဂၩလၧအံၫစရ့လၭအၡၩဂံၪ့ဖိၪအကျၩ လၧအအီၪက့ၪဆၧဂၩ့ လၧအၥၭခံဖၧၩ့ ဒဲအီၪက့ၪအ ဆၧဒဲၩဘၭအဆၧဘၪထၧၩ့အလး လၧအမ့ၬယၫတၭ, ဂဲၫဝ့ၫလၧမီၪအအီၪနီၪ, ယၧၩယဟိဝၩယီၩ, မိစံၭဆၧၫ့
5 အဝ့ၫဘဲၫအဆၧဂၩ့အၪဒုၩအၥိၭနီၪ,- ဘဲၫၥိၭယမိမၩ န့အံၫစရ့လၭအၡၩဂံၪ့ဖိၪ လၧအၥၭဒၪဝ့ၫး အဂဲးဘဲၫ ယီၩလၧဆၧဂၩ့ၥံၪအကၠီၩ့နီၪ, အဝ့ၫၥံၪကိၭဂၩဒ့ၭကဲၪ ထၪ့ဝ့ၫလၧၦလခီၫဘၩ့မုးဖိၪ လၧယမ့ၬယၫလီၫ.
6 မၩအၥၭဘဲၫနီၪတၭ, စံၭအံၫစရ့လၭအၡၩဂံၪ့ဖိၪ, ကဆါယဟိဝၩစံၭဘဲၫယီၩ, ကၠၪခွံၬနၥံၪအၥၭ, ကၠၪခွံၬ နၥံၪအၥၭ လၧနၥံၪအဆၧဂၩ့ၥံၪ,ဒဲကၠၪခွံၬနၥံၪအမ့ၬ
7 လၧနၥံၪအဆၧၥၭလိၪလဖၪ အအီၪဆံၭ.- အဂဲးဘဲၫ ယီၩၦလဂၩဂၩလၧအံၫစရ့လၭ အၡၩဂံၪ့ဖိၪအကျၩ, ဒဲလၧၦလခီၫဘၩ့မုးဖိၪလၧအအီၪလၧၦအံၫစရ့လၭ ဖိၪအကျၩလၧအမၩ လၩ့မုလၩ့ဖၭ လၩ့အၥၭလၧ ယၧၩ,ဒဲအီၪက့ၪဆၧဂၩ့ၥံၪလၧအၥၭခံဖၧၩ့ ဒဲအီၪက့ၪ ဆၧဒဲၩဘၭအဆၧဘၪထၧၩ့အလးလၧအမ့ၬယၫ,ဒဲဂဲၫ ဝ့ၫလၧမီၪအအီၪ ဘဲၫၥိၭအမိအၪ့စၪ့ဆၧလၧယၧၩနီၪ, ယၧၩယဟိဝၩယီၩ ယမိစံၭဆၧၫ့အဝ့ၫ လၧယနၫ့ဆါ
8 ဒၪယဝ့ၫလီၫ.- ယမိအီၪက့ၪယမ့ၬထၫ့ဒုၪဒၩ ၦလဂၩ နီၪတၭ, ယမိအီၪက့ၪၦလဂၩနီၪလၧဆၧမၩနဲၪ့, ဒဲဆၧ ချဲၩ့ဒီၩ့အလးတၭ, ယမိဒၪ့ထ့ၬခွံၬအဝ့ၫ လၧယၡၩ ခမျၧးအကျၩတၭ, နၥံၪမိၥ့ၪယၫ လၧယမွဲယဟိဝၩ
9 လီၫ.- မီၪလဂၩထီးအချဲၩ့ဆၧတၭ,ဘၪဆၧအၪ့လီၫဝ့ၫ တၭ,ယၧၩယဟိဝၩယီၩ ယအၪ့လီၫန့ယူၭမီၪလဂၩ နီၪ,ယမိယၩ့ထၪ့ယစူၪလၧအလီၩ့ ဒဲမၩဂၭဂီၩ့အဝ့ၫ
10 လၧယၡၩခမျၧးအံၫစရ့လၭအကျၩလီၫ.- တၭအဝ့ၫ ၥံၪမိဘၪထိးအဆၧဒဲၩဘၭနီၪး မီၪမိဘၪထိးဆၧဒဲၩ ဘၭ,ဘဲၫၦလၧအအၪ့စၪ့ဆၧ လၧအဝ့ၫဘၪထိးဆၧဒဲၩ
11 ဘၭအၥိၭနီၪ,- ဘဲၫၥိၭအံၫစရ့လၭအၡၩဂံၪ့ဖိၪထီး ဂၭဖျိၭလၧၩ့လၧယအီၪလဂ့ၩတၭ, ဘဲၫၥိၭအထီးဘၪ လၧၩ့ဘၪ ဆၧၥၭလိၪလၧအမၩမၪဆၧထီးအလူၬအ ဖၧၩ့လဂ့ၩး မွဲဘဲၫၥိၭအမိကဲၪထၪ့ယၡၩခမျၧးတၭ, ယ မိကဲၪထၪ့အဝ့ၫၥံၪအယွၩ, ကဆါယဟိဝၩ စံၭဝ့ၫဒၪ.
12 ယဟိဝၩအလူလၩ့ဘၪဒီၭယၧၩတၭ, စံၭဝ့ၫဒၪ,
13 ၦၡၩအဖိၪခွၫဧ့,ထီးခးလဘံၪ့အ့ၪမၩဆၧဒဲၩဘၭ, ဒဲ မၩမၪဘၪယၧၩနၭနၭလ့ၬတၭ, ယမိယၩ့ထၪ့ယစူၪ လၧအဖၫ့ခိၪတၭ, ယမိမၩခါ အကိၪအနိၪထိၭဘီၩ့ တၭ,ယမိအၪ့မၧၫ့လၩ့ ဆၧၥၭဝံလၩ့ဒိၩ လၧအအီၪ တၭ,ယမိဒၪ့ထ့ၬခွံၬၦၡၩ ဒဲဆၧဖိၪဆၧဎါလၧအဖၧၩ့
14 တၭ,- စနိအၫ,ဒဲစဒၫ့နအ့လၭ, ဒဲစယိဘၭၥၧၫ့ဂၩနီၪ အ့ၪအီၪလၧအဖၧၩ့လါနၫ့တၭ, အဝ့ၫၥံၪမိမၩဖီၩ့ဖျ့ၭ န့ၫအၥၭမၧၫ့ဒၪဝ့ၫလၧအဆၧတီၩဆၧလီၩ့အကၠီၩ့, က ဆါယဟိဝၩစံၭဝ့ၫဒၪ.
15 ထီးယအ့ၪအၪ့မၧၫ့ ဆၧဖိၪဆၧဎါအဒဲၩ့ခၫ့ဂၬထံၫ ၥံၪခးၥံၪနီၪတၭ, အဝ့ၫၥံၪမၩဂၭဂီၩ့ဝ့ၫ, ဒဲအအီၪယူ ဝ့ၫထီးၦၡၩလခၫ့ဂၬဘၪဝ့ၫ လၧဆၧဖိၪဆၧဎါအကၠီၩ့
16 တၭ,- ၦၥၧၫ့ဂၩနီၪ အ့ၪအီၪဝ့ၫလၧအဖၧၩ့လါနၫ့တၭ, ယမၧၫ့ယဝ့ၫ, ကဆါယဟိဝၩစံၭဝ့ၫဒၪ,ဖိၪမုၪၥံၪမွဲဂ့ၩ, ဖိၪခွၫၥံၪမွဲဂ့ၩ, ၦၡၩနီၪ မၩဖီၩ့မၩဖျ့ၭ ၥ့ၪနးဂၩအ့ၬ, မၩဖီၩ့န့ၫအနၫ့ဆါဒၪဝ့ၫလီၫ. တၭအခးနီၪမိအီၪယူဝ့ၫ လီၫ.
17 ထီးယအ့ၪဒုၭဂဲၫဘၪခးနီၪ လၧနၭလဘံၪ့တၭ,စံၭ, နၭဧ့,လ့ၩခၫ့ဂၬခးနီၪဆံၭ. တၭယမိဒၪ့ထ့ၬခွံၬၦၡၩ
18 ဆၧဖိၪဆၧဎါလၧအဖၧၩ့တၭ,- ၦၥၧၫ့ဂၩနီၪအ့ၪအီၪ လၧအဖၧၩ့လါနၫ့တၭ, ယမၧၫ့ယဝ့ၫ,ကဆါယဟိဝၩ စံၭဝ့ၫဒၪ, ဖိၪမုၪၥံၪမွဲဂ့ၩ, ဖိၪခွၫၥံၪမွဲဂ့ၩ, ၦၡၩနီၪမၩ ဖီၩ့မၩဖျ့ၭဘၪအ့ၬ. မိဖီၩ့ဖျ့ၭန့ၫအဝ့ၫၥံၪ အနၫ့ဆါဒၪ ဝ့ၫနီၪလီၫ.
19 ထီးယအ့ၪအၪ့မၧၫ့လၩ့ဆၧၥံၫချဲၫ့ လၧခးနီၪအဖၧၩ့, ဒဲလူၫလၩ့ယၥၭခဲၩထၪ့လၧဆၧၥွံၪအဖၫ့ခိၪ, ဘဲၫၥိၭ ယမိဒၪ့ထ့ၬခွံၬၦၡၩ ဒဲဆၧဖိၪဆၧဎါလၧအဖၧၩ့တၭ,
20 စနိအၫ,ဒဲစဒၫ့နအ့လၭ, ဒဲစယိဘၭအ့ၪအီၪလၧအဖၧၩ့ လါနၫ့, ယမၧၫ့ယဝ့ၫ, ကဆါယဟိဝၩစံၭဝ့ၫဒၪ, ဖိၪမုၪ ၥံၪမွဲဂ့ၩ,အဖိၪခွၫၥံၪမွဲဂ့ၩ, ၦၡၩနီၪမၩဖီၩ့မၩဖျ့ၭအ့ၬ, မိမၩဖီၩ့မၩဖျ့ၭလၧအဆၧတီၩဆၧလီၩ့အကၠီၩ့ န့ၫအ
21 ဝ့ၫၥံၪအနၫ့ဆါဒၪဝ့ၫလီၫ.- မၩအၥၭဘဲၫနီၪတၭ,ကဆါ ယဟိဝၩ,စံၭဝ့ၫဘဲၫယီၩ, ထီးယအ့ၪအၪ့မၧၫ့လၩ့ယ ဆၧစ့ၩရၫ့အၧၩ့လံမံၩ့ လၧယရုစလံၫ့အဖၫ့ခိၪနၭၥံၪဖၩ့ ၥံၪ,ဒဲဆၧၥၭဝံလၩ့ဒိၩ,ဒဲဆၧဖိၪဆၧဎါအဒဲၩ့,ဒဲဆၧၥံၫ ချဲၫ့ဘဲၫၥိၭအမိဒၪ့ထ့ၬခွံၬၦၡၩ ဒဲဆၧဖိၪဆၧဎါလၧအ
22 ဖၧၩ့,မွဲနၭနဲၪ့ဒံၭအနီၪဆံၭအၪလဲၪး- မွဲလါနၫ့ဘဲၫနီၪ တၭ,ယိခွါ,ဆၧမိအီၪက့ၪလၩ့ထးၦလၧအမိဖီၩ့ဖျ့ၭလ နၩ့လၧအဖၧၩ့တၭ,ဆၧမိဒုၭစဲၪ့ထၪ့အဝ့ၫ, ၦမုၪၥံၪဒဲၦ ခွၫၥံၪလီၫ. ယိခွါ,အဝ့ၫၥံၪမိဂဲၫထၪ့ လၧနၥံၪအအီၪ တၭ,နၥံၪမိဒၪဘၪအဖၧၩ့ၥၭ ဒဲအမၩဆၧတၭ, နၥံၪမိ ဘၪဆၧမၩမုၬထၪ့ထဲၩ့ နၥံၪလၧဆၧအၧၩ့အဂဲးအကၠီၪ့ လၧယဒုၭဂဲၫဘၪယရုစလံၫ့, လၧကယဲဆၧလၧယဒုၭ
23 ဂဲၫဘၪဝ့ၫအဂဲးအကၠီၪ့လီၫ.- ထီးနၥံၪအ့ၪဒၪဘၪအဝ့ၫ ၥံၪအဖၧၩ့ၥၭ ဒဲအမၩဆၧတၭ, မိမၩမုၬထၪ့ထဲၩ့နၥံၪ အၥၭတၭ, နၥံၪမိၥ့ၪယၫလၧယမၩအဝ့ၫလၧဆၧထီး အလူၬတၭ, မွဲအဂဲးလအီၪဘၪလၧယမၩနီၪမွဲအ့ၬ. ကဆါယဟိဝၩစံၭဝ့ၫဒၪ.