12
1 ယဟိဝၩအလူလၩ့ဘၪယၧၩတၭ, စံၭဝ့ၫဒၪ.
2 ၦၡၩအဖိၪခွၫဧ့, နအီၪအလးလၧၦဂံၪ့ဖိၪ, လၧအပိၩ့ ထၪ့ဒၪဆၧအကျၩလၧအမ့ၬၥၪအီၪဘဲၫၥိၭအမိဒၪဘၪ ဆၧတၭ,ဒၪဘၪဝ့ၫအ့ၬ. အီၪဝ့ၫလၧအနါဘဲၫၥိၭအမိနါ ဂၧၫ့ဆၧတၭ,နါဂၧၫ့အ့ၬ. အဂဲးဘဲၫယီၩမွဲၦဂံၪ့ဖိၪလၧ
3 အပိၩ့ထၪ့ဒၪဆၧလီၫ.- မၩအၥၭဘဲၫနီၪတၭ,နဝ့ၫဒၪၦ ၡၩအဖိၪခွၫဧ့, တဲၩ့ဝဲၩနဆၧဖိၪဆၧလံၩလၧနမိစဲၪ့ထၪ့ ခွံၬလၧခးဖၧၩ့အဂးတၭ, စဲၪ့ထၪ့လၧမုဆၫလခီၫလၧအ ဝ့ၫၥံၪအမ့ၬယၫဆံၭ. မွဲမၬ, နမိစဲၪ့ထၪ့ခွံၬ လၧနလး ထီၩ့လၧအလးလစီၪ့ဒၪလၧအဝ့ၫၥံၪအမ့ၬယၫလီၫ.မွဲၦ ဂံၪ့ဖိၪလၧအပိၩ့ထၪ့ဒၪဆၧလါနၫ့တၭ, ဘၪလဘၪ
4 မိယိဆီၫ့မီၪ့ဆၧလီၫ.- ထီးနီၪလဖၧၫ့နဘၪဆိၬထၪ့ဆၧ ဖိၪဆၧလံၩလၧမုဆၫလခီၫလၧအဝ့ၫၥံၪအမ့ၬယၫ, ဘဲၫ ဆၧဖိၪဆၧလံၩလၧၦမိစဲၪ့ဝ့ၫအဂးအၥိၭနီၪတၭ, စဲၪ့ ထၪ့လၧမုဂၪလၩ့လၧအမ့ၬယၫ, ဘဲၫၦလၧအလ့ၩကဲၪ
5 ဎီးအၥိၭနီၪဆံၭ.- ဘုၪ့ဖိးဂံၪ့အဒီၪ့လၧအဝ့ၫၥံၪအမ့ၬ
6 ယၫတၭ,ဆိၬထၪ့ခွံၬဆၧထီးနီၪဆံၭ.- ဆိၬဆၧလၧန ခိၬထံၭခိၪလၧအမ့ၬယၫတၭ, ဆိၬထၪ့ဆၧလၧဆၧခံၭ လၩ့မံၭမူၭဆံၭ. ချႃၬဘံၭနမ့ၬ ဘဲၫၥိၭနထီးဒၪဘၪဂၪ့ ခိၪလဂ့ၩ,အဂဲးဘဲၫယီၩယအီၪက့ၪယူၭနၧၩလၧဆၧ မၩနဲၪ့လမံၩ့ လၧအံၫစရ့လၭအၡၩဂံၪ့ဖိၪအဂးလီၫ.
7 တၭယမၩဘဲၫဆၧမၪလူၬယၧၩအၥိၭနီၪလီၫ. ယဂဲၫ ဆိၬယဆၧဖိၪဆၧလံၩလၧမုဆၫလခီၫ, ဘဲၫဆၧဖိၪဆၧ လံၩလၧၦစဲၪ့ထၪ့ခွံၬလၧခးဖၧၩ့ ဆိၬထၪ့ခွံၬဝ့ၫအၥိၭ နီၪတၭ,လၧမုဂၪလၩ့နီၪယဘုၪ့ဖိးအဒီၪ့ လၧယစူၪ တၭးယဆိၬထၪ့ခွံၬဆၧ လၧဆၧခံၭလၩ့မံၭမူၭတၭ, ယဆိၬဝ့ၫလၧယခိၬထံၭခိၪ လၧအဝ့ၫၥံၪအမ့ၬယၫ လီၫ.
8 လၧမုဆဲၪ့ထၪ့နီၪ ယဟိဝၩအလူလၩ့ဘၪယၧၩတၭ,
9 စံၭဝ့ၫဒၪ,- ၦၡၩအဖိၪခွၫဧ့,အံၫစရ့လၭအၡၩဂံၪ့ဖိၪ, ၦဂံၪ့ဖိၪလၧအပိၩ့ထၪ့ဒၪဆၧနီၪ, စံၭနၧၩ,နမၩယူၭနီၫ
10 လဲၪနီၪ,မွဲအ့ၬဧၪ.- နဘၪစံၭအဝ့ၫၥံၪ,ကဆါယဟိဝၩ စံၭဘဲၫယီၩ, ဆၧအွံၪဆၧယိၭယီၩဘၪဆဲၫ့လၧၦဒိၪဖၭ ဒိၪလၧယရုစလံၫ့အဖၧၩ့, ဒဲကယဲအံၫစရ့လၭ အၡၩ
11 ဂံၪ့ဖိၪထီးအလူၬလၧအအီၪဝ့ၫလၧအဖၧၩ့လီၫ.- စံၭ, ယမွဲနၥံၪအဆၧမၩနဲၪ့လီၫ. ဘဲၫယမၩယူၭဆၧအၥိၭ နီၪ,ဆၧမိမၩနၥံၪဘဲၫနီၪအၥိၭလီၫ. အဝ့ၫၥံၪမိစဲၪ့ထၪ့
12 ဝ့ၫတၭ,မိလ့ၩကဲၪဎီးလီၫ.- တၭၦဒိၪဖၭဒိၪအီၪလၧ အကျၩနီၪမိဘၪဆိၬဆၧလၧအခိၬထံၭခိၪ လၧဆၧခံၭ လၩ့မံၭမူၭတၭ, မိစဲၪ့ထၪ့လီၫ. အဝ့ၫၥံၪမိဘုၪ့ဖိးဂံၪ့အ ဒီၪ့တၭ,ဆိၬထၪ့ဆၧထီးနီၪလီၫ. အဝ့ၫဒၪမိချႃၬဘံၭ အမ့ၬဘဲၫၥိၭ အထီးဒၪဘၪဂၪ့ခိၪ လၧအမ့ၬၥၪလဂ့ၩ
13 လီၫ.- ယမိခွံၬယၡၬလၧအဖၫ့ခိၪတၭ, အဝ့ၫဒၪမိဘၪ ယဖျံၩခွၩ့တၭ, ယမိဆိၬအဝ့ၫဒၪလၧဘၭဘလၧၫ့လၧ ၦခၫလဒံအၫဖိၪအခးတၭး မွဲအမိၥံၫလါနၫ့ထီးနီၪဒၪ
14 ဘၪဝ့ၫအ့ၬ.- ယမိမၩပြံၩမၩပၩၦမၩဆၧၩ့အဝ့ၫအီၪ ဝၬဖီၩ့ဝ့ၫထီးအလူၬ ဒဲအၡၩအဒီၪ့လဖၪထီးအလူၬနီၪ လၧလံၩကိၭခီၫဒ့ၭအကျၩတၭ, ယမိဒုၭဖိၬအခဲၫ့လၧနၭ
15 လဘံၪ့ဘံၪ့လီၫ.- တၭထီးယမၩပြံၩမၩပၩအဝ့ၫၥံၪ လၧၦဆၨၩလဖၪအကျၩ, ဒဲမၩလၩ့မုလၩ့ဖၭအဝ့ၫၥံၪ လၧခးလဖၪအကျၩနီၪ, မိၥ့ၪယၫဝ့ၫလၧယမွဲယဟိဝၩ
16 လီၫ.- မွဲလါနၫ့တၭ,ယမိအီၪက့ၪလၩ့ထးၦနီၪၡၩဂၩ ၥံၪလၧအကျၩ, လၧအဖီၩ့ဖျ့ၭနၭၥံၪဖၩ့ၥံၪ,ဒဲဆၧၥၭဝံ လၩ့ဒိၩဒဲလၧဆၧၥံၫချဲၫ့နီၪ, ဘဲၫၥိၭအမိလီၩလၩ့လၬ လၩ့အဆၧၥၭလိၪထီးအလူၬ လၧၦဆၨၩလဖၪအကျၩ ထီးအလးလၧအဂဲၫဝ့ၫတၭ,အဝ့ၫၥံၪမိၥ့ၪယၫဝ့ၫလၧယ မွဲယဟိဝၩလီၫ.
17 လၧနီၪအမ့ၬယၫ ယဟိဝၩအလူလၩ့ဘၪယၧၩတၭ,
18 စံၭဝ့ၫဒၪ,- ၦၡၩအဖိၪခွၫဧ့,အၪ့နကိၪလၧဆၧၥၭ မဲၪအဖၧၩ့တၭ, အီၩနထံၫလၧဆၧဝၭထိၬဒဲဆၧၥုၪ့ခိၥၭဝီၩ
19 ဆံၭ.- စံၭခးအၡၩခမျၧးနီၪ,ကဆါယဟိဝၩစံၭဘဲၫယီၩ လၧၦယရုစလံၫ့ဖိၪ, ဒဲၦလၧခးအံၫစရ့လၭအဖၧၩ့, မိအၪ့အကိၪလၧဆၧထီးလၩ့အၥၭတၭ, မိအီၩအထံၫ လၧဆၧထီၫမံၫထီၫမၪ, ဘဲၫၥိၭအခးဒဲကယဲဆၧအီၪ လၧအဖၧၩ့ထီးအလူၬ မိအီၪယူလၧၦမၩဆီၪ့ဆၧ
20 လၧအအီၪဝ့ၫ လၧအဖၧၩ့လဖၪနီၪအကၠီၩ့လီၫ.- တၭ ဆၧမိမၩလူၬထူၬဒိၩ့လဖၪ လၧၦၡၩအီၪဝ့ၫလၧအဖၧၩ့ နီၪတၭ,ခးမိအီၪယူဝ့ၫတၭး နၥံၪမိၥ့ၪယၫလၧယမွဲ ယဟိဝၩလီၫ.
21 ယဟိဝၩ အလူလၩ့ဘၪယၧၩတၭ, စံၭဝ့ၫဒၪ,
22 ၦၡၩအဖိၪခွၫဧ့, ဆၧချဲၩ့အဒီၩ့လၧအအီၪလၧနၥံၪ, လၧခးအံၫစရ့လၭအဖၧၩ့ လၧအစံၭမုနံၩလဖၪနီၪ ၥုၭ နံၩၥုၭၥၫ့တၭ, ကယဲဆၧဒၪဆၧလၧယၫလခီၫ ထီးအ
23 လူၬ, လူၬဝ့ၫနီၪ, မွဲအစံၭဝ့ၫဘဲၫၥ့ၪလဲၪ.- မၩအၥၭဘဲၫ နီၪတၭ, စံၭအဝ့ၫၥံၪကဆါယဟိဝၩစံၭဘဲၫယီၩ, ဆၧ ချဲၩ့ဒီၩ့လထံၪနီၪယမိဒုၭထုၬတၭ,ၦချဲၩ့ဒီၩ့လၩ့လၧၩ့ဆၧ လၧအဝ့ၫနီၪလၧအံၫစရ့လၭအဖၧၩ့အ့ၬ. အ့ၪမွဲစံၭအဝ့ၫ ၥံၪ,မုနံၩလဖၪနီၪ, ဒဲဆၧဒၪဆၧလၧယၫလခီၫထီးအလူၬ
24 အီၪဘူၭထၪ့ယူၭ.- အဂဲးဘဲၫယီၩဆၧဒၪဆၧလၧယၫ ပျီၩပျီၩ,ဒဲအၪ့ဖၩ့ဆၧလၧအချဲၩ့မုၬနါဝ့ၫနီၪ, အီၪလၧၩ့
25 လၧအံၫစရ့လၭအဂံၪ့ဖၧၩ့အ့ၬ.- အဂဲးဘဲၫယီၩ ယမွဲ ယဟိဝၩယမိချဲၩ့ဆၧတၭ, ဆၧချဲၩ့လၧယမိချဲၩ့နီၪ, မိမၩအၥၭတၭ,ၥုၭနံၩၥုၭၥၫ့လၧၩ့အ့ၬ. အဂဲးဘဲၫယီၩၦဂံၪ့ ဖိၪလၧအပိၩ့ထၪ့ဆၧၥံၪဧ့, လၧနၥံၪအမုနံၩလဖၪအ ဖၧၩ့နီၪ,ယမိချဲၩ့ဆၧတၭ, ယမိမၩလၧၫ့ထၪ့ဎွ့ၩထၪ့ ဝ့ၫ,ကဆါယဟိဝၩစံၭဝ့ၫဒၪ. ယဟိဝၩအလူလၩ့ဘၪဒီၭယၧၩတၭ,စံၭဝ့ၫဒၪ,
26-27 ၦ ၡၩအဖိၪခွၫဧ့,ယိခွါ, အံၫစရ့လၭအၡၩဂံၪ့ဖိၪစံၭဝ့ၫဒၪ, ဆၧလၧအဒၪဝ့ၫလၧယၫလခီၫလမံၩ့နီၪ အီၪဝ့ၫလၧအၪ နံၩအၪၥၫ့လၧကဲခိၬအဂးလီၫ. အဝ့ၫဒၪချဲၩ့ဆၧလၧမီၪ အချိၬလၧအဆၧၫ့အထီ လၧအယံၬဝ့ၫအဂဲးအကၠီၪ့
28 လီၫ.- မၩအၥၭဘဲၫနီၪတၭ,စံၭအဝ့ၫၥံၪ,ကဆါယဟိ ဝၩစံၭဘဲၫယီၩ, ယဆၧချဲၩ့ၥံၪမိၥုၭနံၩၥုၭၥၫ့ နးဆံၭ အ့ၬ.အ့ၪမွဲဆၧချဲၩ့လၧယချဲၩ့ယူၭနီၪမိမၩအၥၭ, ကဆါ ယဟိဝၩစံၭဝ့ၫဒၪ.