10
1 ထီးနီၪလဖၧၫ့ယယိဆၧတၭ, ယိခွါ,လၧမူၭဖိၭဖၫ့ လၧအအီၪဝ့ၫလၧခ့ၫရူၬလဖၪ အခိၪဎွံၪအဖၫ့ခိၪလခီၫ နီၪ,ဆၧဖျီၪလၧအဝ့ၫၥံၪအဖၫ့ခိၪ ဘဲၫထၫ့မျါနံၩလၩအ ၥိၭ,ဖျီၪထၪ့ဝ့ၫဘဲၫဆၧအလးဆီၩ့ဆီ အခံးအဂၩ့အၥိၭ
2 နီၪလီၫ.- အဝ့ၫဒၪချဲၩ့ဆၧ လၧၦကီၩ့ဆၧဘွၩဖျ့ၫလံၬ ကံၭတၭ,စံၭဝ့ၫဒၪ, လ့ၩနုၬလၧလဲၪ့ပၪအဘိၩ့ဆၧၩ့လၧ ခ့ၫရူၬအဖၫ့လၬတၭ, မၩဎွ့ၩနစူၪယၫၥၭလၧမ့ၪအၧၩ့ ဖၭလၧအအီၪလၧခ့ၫရူၬအဘိၩ့ဆၧၩ့တၭ, မၩပြံၩပၩ ဝ့ၫလၧဒိၩ့အဖၫ့ခိၪနီၪဆံၭ. တၭအဝ့ၫလ့ၩနုၬလၧယ မ့ၬယၫလီၫ.
3 ထီးၦၡၩလဂၩနီၪလ့ၩနုၬတၭ, ခ့ၫရူၬလဖၪဆၧၫ့ ထုၪ့လၧဂံၪ့အစူၪထွ့ၪလခီၫတၭ, ဆၧအုၪ့ဎွ့ၩဆၧအ
4 ဝၩ့လၧယၫလစီၪ့လီၫ.- ထီးနီၪလဖၧၫ့ယဟိဝၩအလၩ အဖၩ့စဲၪ့ထၪ့ဝ့ၫလၧခ့ၫရူၬအအီၪ ထီၩ့လၧဂံၪ့အတရၫ့ ခၧၪ့တၭး ဂံၪ့နီၪဎွ့ၩဝ့ၫလၧဆၧအုၪ့, ဒဲဆၧအဝၩ့ဎွ့ၩ
5 လၧယဟိဝၩ အလၩအဖၩ့အဆၧယုၩ့ယဲလီၫ.- တၭ ခ့ၫရူၬလဖၪ အဒံၭအၥီၫဂၧၫ့ထၪ့ဝ့ၫ ဖိးလၧဆၧအဝၩ့ လၧခီၫ့လစီၪ့ ဘဲၫယွၩၥ့ၪဆၧလူၬအလူ လၧအချဲၩ့ဆၧ အဘိၩ့ဘၭအၥိၭနီၪလီၫ.
6 တၭထီးအမၪလူၬ ၦကီၩ့ၥိၭဆၧဘွၩဖျ့ၫလံၬကံၭ တၭ,စံၭဝ့ၫ,မၩန့မ့ၪလၧလဲၪ့ပၪအဘိၩ့ဆၧၩ့ ဒဲလၧခ့ၫ ရူၬအဘိၩ့ဆၧၩ့ဆံၭ, ဆၧမၩအၥၭလၧအလ့ၩနုၬတၭ,
7 ဆၧၫ့ထုၪ့လၧလဲၪ့ပၪၥံၪအနဲၩ့ထံၭလီၫ.- ခ့ၫရူၬလဒုၩ ယူၬထၪ့အစူၪလၧခ့ၫရူၬလဖၪ အဘိၩ့ဆၧၩ့လၧမ့ၪလၧ အအီၪဝ့ၫလၧခ့ၫရူၬလဖၪအဘိၩ့ဆၧၩ့တၭ, မၩန့ဝ့ၫ တၭ,အီၪက့ၪလၩ့ဝ့ၫ လၧၦကီၩ့ၥိၭဆၧဘွၩဖျ့ၫလံၬကံၭ လဂၩအစူၪဖၧၩ့တၭ, အဝ့ၫဒၪမၩန့ဝ့ၫတၭ,စဲၪ့ထၪ့ခွံၬ
8 ဝ့ၫလီၫ.- တၭၦၡၩအစူၪအခံးအဂၩ့အီၪဖျီၪထၪ့လၧ ခ့ၫရူၬအဒံၭအဖၫ့လၬလီၫ.
9 ယယိဆၧတၭ, ယိခွါ,လဲၪ့အပၪလံဘံၪ့အီၪဝ့ၫလၧ ခ့ၫရူၬလဖၪအနဲၩ့ထံၭ, လဲၪ့ပၪလဘံၪ့အီၪဝ့ၫလၧခ့ၫ ရူၬလဒုၩအနဲၩ့ထံၭဒဲလဲၪ့ပၪလဘံၪ့ဒၪအီၪဝ့ၫ လၧခ့ၫ ရူၬလဒုၩဒၪအနဲၩ့ထံၭတၭ, လဲၪ့ပၪဖျီၪဝ့ၫမၩအၥၭ
10 ဘဲၫထၫ့မျါဘၩ့ယ့ၫအၥိၭနီၪလီၫ.- တၭဆၧလံမံၩ့နီၪ အီၪဖျီၪဝ့ၫလၧအခံးအဂၩ့လမံၩ့ဎး မၩအၥၭဘဲၫလဲၪ့ ပၪလဘံၪ့လၧလဲၪ့ပၪလဘံၪ့ဒၪ အဖၧၩ့အၥိၭနီၪလီၫ.
11 ထီးအဝ့ၫၥံၪလ့ၩဆၧတၭ, လ့ၩဝ့ၫလၧအနဲၩ့ဖၩလံခီၫ လီၫ.ထီးအလ့ၩဆၧတၭကၠၪအၥၭအ့ၬ. ထီးအလး လၧအခိၪတီၩနီၪလ့ၩဝ့ၫတၭ, ထီးအလ့ၩဆၧနီၪကၠၪ
12 အၥၭအ့ၬ.- တၭအဖံၭအယၪထီးအလူၬ, ဒဲအချိၫ့ခိၪ, ဒဲအစူၪ,ဒဲအဒံၭ, ဒဲအလဲၪ့ပၪနီၪဎွ့ၩဝ့ၫလၧမ့ၬၥၪၥံၪဝၬ ဖီၩ့လဲၪ့ပၪလၧအအီၪဝ့ၫ လၧဆၧလံဒုၩဒၪလ့ၬနီၪလီၫ.
13 လၧလဲၪ့ပၪလဖၪနီၪ, အဂဲးအကၠီၪ့ဆၧကိၭထၪ့ဝ့ၫလၧ
14 ယနါဖၧၩ့စံၭ,လဲၪ့ပၪဧ့ၬ- လဒုၩလဒုၩအီၪဝ့ၫလၧအ မ့ၬလံခီၫဆုၬဆုၬလီၫ. ဆၧအမ့ၬလၧအခၪ့ထံၭလခီၫ နီၪ,မွဲခ့ၫရူၬအမ့ၬလီၫ. တၭဆၧအမ့ၬနံၫခီၫလခီၫနီၪ, မွဲၦၡၩအမ့ၬတၭ, ဆၧအမ့ၬၥၧၫ့ခီၫလခီၫနီၪ မွဲဆၬလ ၥၧၫ့အမ့ၬတၭ,ဆၧအမ့ၬလံခီၫလခီၫနီၪ မွဲလံၬကျီၫ့ကျီၫ့
15 အမ့ၬလီၫ.- တၭခ့ၫရူၬလဖၪဘၪဆၧဆိၬထၪ့ဝ့ၫလီၫ. ဆၧနီၪမွဲဆၧအၥၭမၧၫ့ လၧယဒၪဘၪလၧထံၫမိၡါခံဘၫ အနဲၩ့ထံၭလီၫ.
16 ထီးခ့ၫရူၬလဖၪလ့ၩဆၧတၭ, လဲၪ့ပၪနီၪလ့ၩဆၧလၧ အနဲၩ့ထံၭတၭ, ထီးခ့ၫရူၬယၩ့ထၪ့အဒံၭ ဘဲၫၥိၭအမိ ယူၩထၪ့လၧဂၪ့ခိၪအဖၫ့ခိၪတၭ, လဲၪ့ပၪကၠၪခွံၬအၥၭ
17 လၧအနဲၩ့ထံၭဆ့အ့ၬ.- ထီးအဝ့ၫၥံၪအီၪထီဝ့ၫတၭ,အ ယီၩအီၪထီဝ့ၫဆ့, ထီးအဝ့ၫၥံၪဘၪဆၧဆိၬထၪ့အၥၭ တၭ,အယီၩဘၪဆၧဆိၬထၪ့အၥၭဆ့လီၫ. အဂဲးဘဲၫ ယီၩဆၧအမၧၫ့အၥၭအီၪဝ့ၫလၧအဖၧၩ့လီၫ.
18 ထီးနီၪလဖၧၫ့ ယဟိဝၩအလၩအဖၩ့စဲၪ့ထၪ့ဝ့ၫလၧ ဂံၪ့အတရၫ့ခၧၪ့တၭ, ဆၧၫ့ထုၪ့ဝ့ၫလၧခ့ၫရူၬအဖၫ့ခိၪ
19 လီၫ.- ခ့ၫရူၬလဖၪယၩ့ထၪ့အဒံၭတၭ,ထၪ့ဝ့ၫလၧဂၪ့ခိၪ အဖၫ့ခိၪလၧယမ့ၬယၫလီၫ. ထီးအဝ့ၫၥံၪစဲၪ့ထၪ့တၭ, လဲၪ့ပၪၥံၪအီၪဝ့ၫလၧအနဲၩ့ထံၭတၭ, အီၪထီဝ့ၫလၧ ယဟိဝၩအဂံၪ့အတရၫ့ လၧမုထၪ့လခီၫတၭ, အံၫစရ့
20 လၭအယွၩအလၩအဖၩ့အီၪဝ့ၫလၧအဖၫ့ခိၪလီၫ.- အ နီၪမွဲဆၧအမၧၫ့လၧယဒၪဘၪ လၧအံၫစရ့လၭအယွၩ အဖၫ့လၬလၧထံၫမိၡါခံဘၫအနဲၩ့ထံၭတၭ, ယၥ့ၪယၫ
21 လၧအမွဲခ့ၫရူၬလဖၪနီၪလီၫ.- လဒုၩလဒုၩအီၪဝ့ၫလၧ အမ့ၬလံခီၫဆုၬဆုၬတၭ, လဒုၩလဒုၩအီၪဝ့ၫလၧအဒံၭ လံဘံၪ့ဆုၬဆုၬတၭ, ၦၡၩအစူၪအခံးအဂၩ့နီၪအီၪဝ့ၫ
22 လၧအဒံၭအဖၫ့လၬလီၫ.- တၭအမ့ၬအခံးအဂၩ့နီၪမွဲ ဆၧအမ့ၬလၧယဒၪဘၪ လၧထံၫမိၡါခံဘၫအနဲၩ့ထံၭ အခံးအဂၩ့, ဒဲအနၫ့ဆါဒၪဝ့ၫနီၪလီၫ. တၭလဒုၩဘၪ လဒုၩလ့ၩဝ့ၫတီၩတီၩလၧအမ့ၬယၫဆုၬဆုၬလီၫ.