စ အ ဇံၫ ခ အ့ လၭ အ လံၬ.
1
(ယွၩအလးဆီၩ့ဆီ)
(ၥ:ၥ-၇;၂၇).
1 တၭလၧအနံၪ့ၥၧၫ့ဆံၫနံၪ့လနံၪ့အဖၧၩ့နီၪ, လၩလံ ဘံၪ့လဘံၪ့လၩထၪ့ယဲနံၩလနံၩ လၧယအီၪလၧၦကဲၪ ဎီးအကျၩ လၧထံၫမိၡါခံဘၫအနဲၩ့နီၪ, ဆၧမၩအၥၭ လၧမူၭခိၪဝဲထၪ့အၥၭတၭ, ယဒၪဘၪဆၧလၧယၫလ
2 ခီၫဘၪဆဲၫ့လၧယွၩလီၫ.- လၩထၪ့ယဲနံၩလနံၩလၧစဎွၩ
3 ယဟီအခံၫ့ကဲၪဎီးယဲနံၪ့လနံၪ့အဖၧၩ့,- ယဟိဝၩအလူ လၩ့ဘၪတၡါစဘူၫဇဲၫအဖိၪခွၫ ၦလုဆၧစအဇံၫခအ့ လၭ,လၧၦခၫလဒံအၫဖိၪအခးဖၧၩ့ လၧထံၫမိၡါခံဘၫ အနဲၩ့တၭ, ယဟိဝၩအစူၪအီၪဝ့ၫလၧအလီၩ့ထီးနီၪ လီၫ.
4 ယယိဆၧတၭ,ယိခွါ,လံၩၥဝံၭဂဲၫထၪ့လၧမုဖၩလ ခီၫ,ဆၧအုၪ့ဖၭဒိၪ, ဒဲမ့ၪလၪကျီၪမွံၩအၥၭတၭ, ဆၧ ယုၩ့ယဲအီၪဝၬဖီၩ့ဝ့ၫ, လၧအၥၭခံဖၧၩ့နီၪ ဆၧမၩအ ၥၭဘဲၫထီးဘၩ့ဆံၫ့အၥိၭ အီၪဝ့ၫလၧအၥၭခံဖၧၩ့နီၪ
5 လီၫ.- လၧအၥၭခံဖၧၩ့နီၪဆၧအမၧၫ့လံဒုၩအခံးအဂၩ့ အီၪဝ့ၫလီၫ. တၭအဝ့ၫၥံၪဖျီၪထၪ့ဝ့ၫဘဲၫယီၩ, အီၪဝ့ၫ
6 လၧၦၡၩအခံးအဂၩ့လီၫ.- လဒုၩလဒုၩအီၪဝ့ၫလၧအ မ့ၬလံခီၫ, လဒုၩလဒုၩအီၪဝ့ၫလၧအဒံၭလံခီၫဆုၬဆုၬ
7 လီၫ.- အခၪ့နီၪလီၩ့ဝ့ၫ, အခၪ့ယၫၥၭမၩအၥၭဘဲၫချီ ဖိၪအခၪ့ယၫၥၭအၥိၭလီၫ. တၭယုၩ့ယဲဝ့ၫ ဘဲၫထီး
8 ဘၩ့ထူၭဆံၫ့အၥၭအၥိၭလီၫ.- တၭၦၡၩအစူၪအီၪဝ့ၫ လၧအဒံၭအဖၫ့လၬ လၧအနဲၩ့ဖၭထံၭလံခီၫအလီၩ့ တၭ,လံခီၫနီၪအီၪဝ့ၫ လၧအမ့ၬဒဲအဒံၭလံခီၫလူၬလီၫ.
9 အဒံၭလဖၪဘုၭထၬလိၬအၥၭလီၫ. ထီးအလ့ၩဆၧ တၭ,ကၠၪအၥၭအ့ၬ, လ့ၩဝ့ၫလၧအမ့ၬယၫလခီၫတီၩ
10 တီၩလီၫ.- ဆၧလၧအမ့ၬအခံးအဂၩ့လံဒုၩနီၪ အီၪဝ့ၫ လၧၦၡၩအမ့ၬ, ဒဲဆၬလၥၧၫ့အမ့ၬလၧအစူၪထွ့ၪလခီၫ တၭ,ၦလံဒုၩနီၪအီၪဝ့ၫလၧချီဖၫအမ့ၬ လၧစူၪစ့ၪလခီၫ တၭ,ၦလံဒုၩနီၪ အီၪဆ့လၧလံၬကျီၫ့ကျီၫ့အမ့ၬလီၫ.
11 အမ့ၬလဖၪအီၪဘဲၫနီၪတၭ, အဒံၭလဖၪယူၬထၪ့အၥၭ လၧထၭလခီၫး လဒုၩအီၪလၧအဒံၭနံၫဘံၪ့ ဘုၭထၬ လိၬအၥၭ, ဒဲနံၫဘံၪ့ချႃၬဘံၭအနၫ့ဆါဆုၬဆုၬလီၫ.
12 အဝ့ၫၥံၪလ့ၩဝ့ၫတီၩတီၩ လၧအမ့ၬယၫကိၭဒုၩတၭ, ထီးဒၪဆၧအၥၭအီၪလၧအမိလ့ၩဝ့ၫတၭ, အဝ့ၫၥံၪလ့ၩ
13 ဝ့ၫလီၫ. ထီးအလ့ၩဆၧနီၪကၠၪအၥၭအ့ၬ.- ဆၧအမၧၫ့ လဖၪအခံးအဂၩ့နီၪ အီၪဖျီၪဝ့ၫမၩအၥၭ ဘဲၫမ့ၪအၧၩ့ ဖၭအၥိၭ,မၩအၥၭဘဲၫမ့ၪဒိၩ့အၥိၭနီၪလီၫ. မ့ၪနီၪလ့ၩ ထၪ့ဂဲၫလၩ့လၧဆၧအမၧၫ့လဖၪအကျၩ, ဒဲမ့ၪခဲၩဖၩ့ ထၪ့,ဒဲလၫ့ဝဲအဒံၭစဲၪ့ထၪ့ခွံၬဝ့ၫ လၧမ့ၪအကျၩလီၫ.
14 တၭဆၧအမၧၫ့လဖၪနီၪစဲၪ့ဆၧတၭ, ဂဲၫထဲၩ့ဘဲၫလၫ့ဝဲ ဒံၭလဘျၩ့အၥိၭနီၪလီၫ.
15 တၭယယိဆၧအမၧၫ့လဖၪအဘိၩ့ဘၭနီၪ ယိခွါ, လဲၪ့ပၪအီၪလၧဂၪ့ခိၪချိၫ့ လၧဆၧအမၧၫ့အီၪလၧအမ့ၬ
16 လံခီၫအနဲၩ့ထံၭ,- လဲၪ့ပၪအခံးအဂၩ့, ဒဲဆၧတဲၩ့အ ၥၭလၧအဖၧၩ့နီၪ, မၩအၥၭဘဲၫထၫ့မျါဘၩ့ယ့ၫအၥိၭ နီၪတၭ,ဆၧလံဒုၩနီၪ အီၪဝ့ၫလၧအခံးအဂၩ့လမံၩ့ဎး အခံးအဂၩ့, ဒဲဆၧတဲၩ့အၥၭလၧအဖၧၩ့နီၪမၩအၥၭ ဘဲၫလဲၪ့ပၪလဘံၪ့အီၪဝ့ၫ လၧလဲၪ့ပၪလဘံၪ့ဒၪအဖၧၩ့
17 အၥိၭနီၪလီၫ.- ထီးအလ့ၩဆၧတၭ,လ့ၩဝ့ၫလၧအနဲၩ့ ဖၩလံခီၫလီၫ. ထီးအလ့ၩဆၧတၭ,ကၠၪအၥၭအ့ၬ.
18 တၭအဝ့ၫၥံၪအခွၩ့နီၪထၪ့ထီၫဝ့ၫ ထီးအမၩၥၭမဲၪဆၧ, အခွၩ့နီၪဎွ့ၩလၧအမ့ၬၥၪၥံၪဝၬဖီၩ့လံခွၩ့လီၫ.
19 တၭထီးဆၧအမၧၫ့လ့ၩဆၧနီၪ, လဲၪ့ပၪလဖၪလ့ၩဝ့ၫ လၧအနဲၩ့ထံၭလီၫ. ထီးဆၧအမၧၫ့လဖၪဘၪဆၧဆိၬ ထၪ့ဝ့ၫလၧဂၪ့ခိၪအဖၫ့ခိၪတၭ, လဲၪ့ပၪၥံၪဘၪဆၧဆိၬ ထၪ့ဝ့ၫဒၪဆ့လီၫ.
20 ထီးဒၪအလးလၧၥၭနီၪမိလ့ၩဆၧလစီၪ့စီၪ့, အဝ့ၫ ၥံၪလ့ၩဆ့, ထီးနီၪၥၭမိလ့ၩဝ့ၫး တၭလဲၪ့ပၪဘၪဆၧ ဆိၬထၪ့ဝ့ၫလၧအနဲၩ့ထံၭလီၫ. အဂဲးဘဲၫယီၩ ဆၧအ
21 မၧၫ့နီၪအၥၭအီၪဝ့ၫလၧလဲၪ့ပၪအဖၧၩ့လီၫ.- ထီးအ ဝ့ၫၥံၪနီၪလ့ၩဝ့ၫတၭ, အဆၧလ့ၩဝ့ၫလီၫ. ထီးအဝ့ၫၥံၪ နီၪအီၪထီတၭ, အဆၧအီၪထီဝ့ၫလီၫ. ထီးအဝ့ၫၥံၪနီၪ ဘၪဆၧဆိၬထၪ့ဝ့ၫလၧဂၪ့ခိၪအဖၫ့ခိၪတၭ, လဲၪ့ပၪၥံၪ ဘၪဆၧဆိၬထၪ့ဝ့ၫလၧအနဲၩ့ထံၭလီၫ. အဂဲးဘဲၫယီၩ ဆၧအမၧၫ့နီၪအၥၭအီၪဝ့ၫလၧလဲၪ့ပၪအဖၧၩ့လီၫ.
22 တၭလၧဆၧအမၧၫ့အခိၪဎွံၪအဖၫ့ခိၪနီၪ ဆၧဖျီၪဝ့ၫ မၩအၥၭဘဲၫမူၭဖိၭဖၫ့, ဘဲၫလိးဖျီၪၥလၩအၥိၭ, လၧ အမၩၥၭမဲၪဆၧနီၪ ပၠၪထၪ့အၥၭလၧအခိၪဎွံၪအဖၫ့ခိၪ
23 လီၫ.- လၧမူၭဖိၭဖၫ့အဖၫ့လၬနီၪ,အဒံၭလဘံၪ့ဒဲလဘံၪ့ လီၩ့လိၬအၥၭတၭ, လဒုၩအီၪဝ့ၫလၧအဒံၭနံၫဘံၪ့လၧ အချႃၬဘံၭထၬအမိၡါအယီၩလခီၫ, လဒုၩအီၪလၧနံၫ ဘံၪ့လၧအချႃၬဘံၭထၬ အမိၡါအနီၪလခီၫ လဒုၩဘၪ
24 လဒုၩဆုၬဆုၬလီၫ.- ထီးအလ့ၩဆၧတၭ, ယနါဂၧၫ့ ဆၧအဒံၭအၥီၫ, ဘဲၫထံၫဖၭဒိၪအၥီၫအၥိၭနီၪ, ဘဲၫဆၧ ၥ့ၪဆၧလူၬလဂၩအလူအၥိၭနီၪ, အလူအၥီၫနီၪမၩအ ၥၭဘဲၫဆၧၥုၭမုခမျၧးအၥီၫအၥိၭနီၪလီၫ. တၭထီးအ
25 ဝ့ၫၥံၪအီၪထီနီၪ ထုၭလၩ့အဒံၭလီၫ.- ထီးဆၧအလူ လၩ့လၧမူၭဖိၭဖၫ့လၧအခိၪဎွံၪအဖၫ့ခိၪတၭ, အဝ့ၫၥံၪ အီၪထီဒဲထုၭလၩ့အဒံၭလီၫ.
26 လၧမူၭဖိၭဖၫ့အဖၫ့ခိၪလၧအအီၪဝ့ၫ လၧအဝ့ၫၥံၪအ ခိၪဎွံၪလဖၪအဖၫ့ခိၪနီၪ, ဆၧဖျီၪထၪ့မၩအၥၭဘဲၫထၫ့ မျါနံၩလၩအၥိၭ,ဘဲၫဆၧအလးဆီၩ့ဆီအၥိၭနီၪ, ဒဲလၧ ဆၧဖျီၪထၪ့ မၩအၥၭဘဲၫဆၧအလးဆီၩ့ဆီအၥိၭအ ဖၫ့ခိၪနီၪလၧဆၧအခံးအဂၩ့ ဘဲၫၦၡၩအၥိၭနီၪအီၪဝ့ၫ
27 လီၫ.- တၭယဒၪဘၪဆၧလၩ့ဂၬထီးဘၩ့ဆံၫ့,မၩအၥၭ ဘဲၫမ့ၪအီၪဝၬဖီၩ့ဝ့ၫလၧအဖၧၩ့အၥိၭ လၧအယးဒံၩ့အ ဖၫ့ခိၪနီၪလီၫ. တၭလၧအယးဒံၩ့အဖၫ့လၬနီၪယဒၪ ဘၪဆၧမၩအၥၭ ဘဲၫမ့ၪအၥိၭနီၪ, ဒဲအဆၧဂိးၡ့ၭဂိး ၡီၫအီၪဝၬဖီၩ့ဝ့ၫလီၫ.
28 ဘဲၫလၫ့လၩ့အီၩထံၫ လၧဆၧအုၪ့လီၩ့လၧဆၧဂဲၫ ဆၧၩ့အမုလနံၩအၥိၭနီၪ, ဆၧယုၩ့ယဲဝၬဖီၩ့ဝ့ၫမၩအ ၥၭဘဲၫနီၪၥိၭလီၫ. အယီၩမၩအၥၭ ဘဲၫယဟိဝၩအ လၩအဖၩ့ အခံးအဂၩ့အၥိၭနီၪလီၫ. တၭလၧယဒၪ ဘၪဝ့ၫနီၪယလၩ့ထံၩဖါချႃၬလၩ့တၭ, ယနါဂၧၫ့ဆၧ လၧအချဲၩ့ဆၧလဂၩအလူလီၫ.