4
1 တၭယကၠၪယၥၭနီၪ, ဒဲယိဆီၫ့မီၪ့ကယဲဆၧမၩနၧၩ့ မၩစၪလမံၩ့လါလါလၧဆၧမၩဝ့ၫလၧမုအဖၫ့လၬယီၩ တၭး ယဒၪဘၪၦဘၪဆၧမၩနၧၩ့မၩစၪလဖၪအမ့ၬထံၫ လၩ့,ဒဲၦမၩမုၬထၪ့အဝ့ၫၥံၪနီၪအီၪနးဂၩဆ့အ့ၬး ဒဲလၧ ၦလၧအမၩနၧၩ့မၪစၪအဝ့ၫၥံၪအအီၪလခီၫနီၪ, ဆၧအ စီၩ့အမၩ့အီၪဝ့ၫး အ့ၪမွဲအဝ့ၫၥံၪနီၪၦမၩမုၬထၪ့ဝ့ၫအီၪ
2 နးဂၩအ့ၬ.- အခိးမွဲယအၪ့အူၭၦၥံၫလၧအၥံၫထလၧၫ့
3 ခွံၬနီၪအၪနဲၪ့ဒံၭၦမၧၫ့လၧအမၧၫ့ဒံၭနီၪဆ့လီၫ.- မွဲမၬ, ၦလၧအလအီၪဒံၭဘၪနီၪ, လၧအလဒၪဒံၭဘၪဆၧမၩ အၧၩ့ၥံၪလၧဆၧမၩဝ့ၫလၧမုအဖၫ့လၬယီၩ, ဂ့ၩနဲၪ့အ ဝ့ၫၥံၪနံၫဂၩလူၬလီၫ.
4 မၩဒီၭလဖၧၫ့, ယယိဆီၫ့မီၪ့ကယဲဆၧဖံၭဆၧမၩလ မံၩ့လါလါ,ဒဲဆၧမၩဘီၪထၪ့ယီၫထၪ့နီၪ, လၧဆၧယီၩ လမံၩ့အကၠီၩ့တၭ, ၦၡၩဘၪဆၧၥၭခ့ၬဝ့ၫ လၧအထံၩ အၥိၭးအယီၩမွဲဆၧပျီၩပျီၩ ဒဲဆၧမၩခိမၩဝီၩၦအၥၭ ဆ့လီၫ.
5 ၦအဂီၩ့နီၪဖဲးၥဲၫအစူၪတၭ, အၪ့အယၪဒၪဝ့ၫလီၫ.
6 စူၪလခီၫဎွ့ၩဝ့ၫအီၪလၧဆၧၡုၪဆၧမုၬနီၪ, ဂ့ၩနဲၪ့ဒံၭ စူၪနံၫခီၫဎွ့ၩဝ့ၫလၧဆၧမၩပွံၭၥၭ, ဒဲဆၧမၩခိမၩဝီၩၦ အၥၭနီၪလီၫ.
7 ထီးနီၪလဖၧၫ့ ယကၠၪယၥၭတၭ,ယဒၪဘၪဆၧပျီၩ
8 ပျီၩလၧမုအဖၫ့လၬယီၩလီၫ.- ၦအီၪလဂၩတၭ, နံၫဂၩ လဂၩအီၪအ့ၬး မွဲမၬ,အဝ့ၫလဂၩအဖိၪအီၪအ့ၬ, အ ထၧၫ့ဖုဝဲခွၫအီၪအ့ၬး မွဲလါနၫ့ဘဲၫနီၪတၭ, အမၩဆၧ ဖံၭဆၧထီးအလူၬနီၪထုၬၥ့ၪအ့ၬး အမ့ၬၥၪၥံၪ ယိအ ဎၧၩ့အဎီနီၪဘျဲၩၥ့ၪဆ့အ့ၬး တၭယမၩဆၧယီၩလၧပ လၫအဂးလဲၪနီၪ, ဒဲမၩလၩ့ဖၭယၥၭလၧဆၧအဂ့ၩနီၪ အဂဲးဘဲၫၥ့ၪလဲၪ,စံၭဝ့ၫဒၪဆ့အ့ၬ. အယီၩလမံၩ့မွဲဆၧ ပျီၩပျီၩဆ့း မွဲမၬ, မွဲဆၧမၩပွံၭၥၭနၭလ့ၬလီၫ.
9 ၦနံၫဂၩနီၪဂ့ၩနဲၪ့ဒံၭၦလဂၩး အဂဲးဘဲၫယီၩအလံၩ့
10 အလဲၫဂ့ၩ လၧအမၩဆၧအဂးလီၫ.- အဂဲးဘဲၫယီၩ အ့ၪလၩ့ထံၩဖါ, ၦလဂၩမိဘိၭဂဲထုၪ့အၥိၭလဂၩနီၪး အ့ၪမွဲၦလၧအလၩ့ထံၩဖါနီၪ အ့ၪအီၪဝ့ၫလဂၩဎးတၭ, ဘၪအၡၪ့လီၫ. အဂဲးဘဲၫယီၩ ၦဂူၫဂၩလၧအမိဘိၭဂဲ
11 ထုၪ့ဝ့ၫနီၪအီၪနးဂၩအ့ၬ.- မၩဒီၭ, ၦနံၫဂၩအ့ၪမံၫနၩ့ လစီၪ့ဎးနီၪ လၧၩ့ထၪ့ဝ့ၫ, အ့ၪမွဲၦလဂၩဎးလၧၩ့မိၥ့ၪ
12 ဘဲၫၥ့ၪလဲၪ.- အဒုၪအဒၩအ့ၪမၩနၧၩ့မၩစၪဝ့ၫနီၪ, ၦနံၫ ဂၩမိပဒၩ့ထၬဝ့ၫး တၭဖျံၩလဘီၩ့ လၧၦဖီၩ့ဝ့ၫၥၧၫ့နိၩ့ နီၪ,ထ့ၬဝ့ၫချဲၫ့အ့ၬ.
13 ဖိၪၥၪလဂၩမွဲၦၡၪ့ဖိၪယၬဖိၪလါနၫ့နီၪ, အ့ၪအီၪလၧ ဆၧကိၪ့ဘၪကိၪ့ၥ့ၪတၭ, ဂ့ၩနဲၪ့ဒံၭစဎွၩလၧအၥၭၡါ ဒဲလၧအမွဲၦအဂီၩ့ လၧၦအၪ့ၥီၪ့ဝ့ၫလၥ့ၪဘၪနီၪလီၫ.
14 အဂဲးဘဲၫယီၩ စဲၪ့ထၪ့ခွံၬဝ့ၫလၧထီၫ့ဖၧၩ့ ဘဲၫၥိၭအမိ ကဲၪစဎွၩး အ့ၪမွဲၦအီၪဖျဲၪလၧအဘၩ့အမုးအဖၧၩ့နီၪ,
15 ကဲၪၦၡၪ့ဖိၪယၬဖိၪလီၫ.- ယဒၪဘၪကယဲၦမၧၫ့ဝ့ၫ, လၧအလ့ၩဆၧလၧမုအဖၫ့လၬယီၩထီးအလူၬ, အီၪဝ့ၫ လၧဖိၪၥၪနံၫဂၩလဂၩ လၧအမိဆၧၫ့ထုၪ့ဝ့ၫလၧအလး
16 နီၪလီၫ.- ၦခမျၧးၥံၪလၧအအီၪဝဲၩဝ့ၫလၧအဝ့ၫၥံၪအမ့ၬ ယၫနီၪ, အထုၬအီၪနးစီၪ့အ့ၬး တၭၦလၧအဂဲၫလၧ ခဲၫ့နီၪၥုၪ့ထိၬၥၭထိၬလၧအဖၧၩ့ဆ့အ့ၬ. အယီၩလမံၩ့ မွဲတၡါဆၧပျီၩပျီၩဆ့, ဒဲဆၧမၩခိမၩဝီၩ ၦအၥၭလီၫ.