2
1 ယစံၭလၧယၥၭခံဖၧၩ့, ဂဲၫဘီၪ,ယမိမၩခွါနၧၩလၧ ဆၧၥုၪ့ဎွံၫၥၭယီၫး အခိးမွဲၥုၪ့ထိၬၥၭထိၬ လၧဆၧမုၬ လၩအဖၧၩ့ဘီၪ. တၭ, ယိခွါ,အယီၩလမံၩ့မွဲဆၧပျီၩ
2 ပျီၩဆ့လီၫ.- ယစံၭလၧဆၧနံအဂဲးနီၪ, မွဲဆၧဖျႃး ဒဲဆၧ မုၬလၩနီၪမွဲအမၩဆၧနီၪလဲၪၬ
3 ယအီၪက့ၪယၥၭလၧယမိမၩဆီၪ့ထၪ့ ယယၪလၧစ ဘံၭထံၫလါနၫ့တၭ,ယဒုၭၥ့ၪယၫယၥၭ လၧဆၧကိၪ့ ဘၪကိၪ့ၥ့ၪး ဒဲဖီၪ့ထၬဆၧအဂီၩ့နီၪ, ဘဲၫၥိၭယမိဒၪဘၪ ဆၧလၧအဂ့ၩ လၧၦၡၩၥံၪအဂး, ဆၧလၧအဝ့ၫၥံၪ ကြၨၭမၩလဆိၩဒၪအၥၭ လၧမူၭခိၪ အဖၫ့လၬနီၪဆ့လီၫ.
4 ယမၩကဲၪထၪ့ဆၧဖၭဒိၪလၧယဂးတၭး ယမၩထၪ့
5 ဂံၪ့ၥံၪဎၫ့ၥံၪး ယၥုၪ့လၩ့စဘံၭမုအလးၥံၪး- ယမၩကျိၭ လဖၪဒဲဆၧၥၪအလးၥံၪတၭ, ယၥုၪ့လၩ့ၥံၪ့ၥံၪလၧအ
6 ၥၪထၪ့ဝ့ၫကိၭမံၩ့ဒ့ၭး- ဘဲၫၥိၭယမိလူၫလၩ့ထံၫလၧ အလးဒုၭမဲၪထၪ့ၥံၪ့ၥံၪနီၪ ယမၩန့ကမၫၥံၪဆ့လီၫ.
7 ယမၩန့ဎီးခွၫၥံၪဒဲဎီးမုၪၥံၪ, ဒဲဎီးလဖၪအီၪဖျဲၪလၧယ ဂံၪ့ဖၧၩ့နီၪလီၫ. တၭယအီၪလၧဘ့ၪၥံၪၥိၪၥံၪ ဒဲဆၧဖိၪ ဆၧဎါအဒိၪအဆံၭ, အၪနဲၪ့ဒံၭကယဲၦအီၪဝဲၩဝ့ၫလၧ
8 ယမ့ၬယၫလၧယရုစလံၫ့အဖၧၩ့နီၪလီၫ.- ယအီၪက့ၪ ကီၪ့ကျိၪၥံၪစ့ၩၥံၪ, ဒဲထီၫ့ၥံၪလွ့ၫၥံၪ, ဒဲဆၧလူဒိၪဎွ့ၩဒိၪ လၩ့မဲၩဒၪဆၧဘၪဆဲၫ့လၧစဎွၩၥံၪ, ဒဲထံၫၥံၪခးၥံၪနီၪ လီၫ.ယမၩန့ၦခွၫၥံၫကျံၩဆၧၥံၪ ဒဲၦမုၪၥံၫကျံၩဆၧ ၥံၪ,ဒဲကယဲၦၡၩအဖိၪခွၫၥံၪ အဆၧမုၬလၩလဖၪ,ဘဲၫ နါဒံၩ့ၥံၪ, ၥၫ့ထီးၥံၪအၥိၭ, ဒဲၦမၫၥံၪဒဲၥံၪမၫလဖၪဆ့
9 လီၫ.- ယဒိၪထၪ့တၭ,ယဆၧအၪထၪ့အၪနဲၪ့ဒံၭကယဲ ၦလၧအအီၪဝဲၩဝ့ၫလၧယမ့ၬယၫ လၧယရုစလံၫ့အဖၧၩ့ နီၪ, ဒဲယဆၧကိၪ့ဘၪကိၪ့ၥ့ၪအီၪဂုးခၧၫ့ လၧယဖၧၩ့ဆ့
10 လီၫ.- ဒဲကယဲဆၧလမံၩ့လါလါလၧယမ့ၬၥၪၥံၪဆိၫ့န့ ဘၪနီၪ, ယပဒၩ့ထၬဝ့ၫနးမံၩ့အ့ၬး ယပဒၩ့ထၬယၥၭ လၧဆၧၥုၪ့ထိၬၥၭထိၬနးမံၩ့အ့ၬး အဂဲးဘဲၫယီၩယၥုၪ့ ဎွံၫၥၭယီၫ လၧယဆၧဖံၭဆၧမၩ ထီးအလူၬအဖၧၩ့ တၭးအနီၪမွဲဆၧလၧယန့ကၩ လၧယဆၧမၩ ထီးအ
11 လူၬအဖၧၩ့လီၫ.- ထီးနီၪလဖၧၫ့ ယဆၧဖံၭဆၧမၩလၧ ယစူၪၥံၪမၩဝ့ၫထီးအလူၬနီၪ, ဒဲဆၧလၧယဒုၭကဲၪထၪ့ လၧယဆၧမၩအဖၧၩ့နီၪ, ယယိဆီၫ့မီၪ့အဂဲးအကၠီၪ့ တၭ,ယိခွါ,ဆၧထီးအလူၬနီၪမွဲဆၧပျီၩပျီၩ, ဒဲဆၧလၧ အမၩခိမၩဝီၩၦၥၭတၭး လၧမုအဖၫ့လၬယီၩဆၧအခိး အတၩအီၪနးမံၩ့အ့ၬ.
12 တၭယကၠၪထဲၩ့ယၥၭဘဲၫၥိၭယမိဒၪဘၪ ဆၧကိၪ့ ဘၪကိၪ့ၥ့ၪဒဲဆၧအဖျႃ, ဒဲဆၧအဂီၩ့နီၪဆ့လီၫ. အဂဲး ဘဲၫယီၩၦလဂၩလၧအဂဲၫလၧစဎွၩအလးခဲၫ့ယီၩ, မွဲ အမိမၩဆၧနီၪလမံၩ့လဲၪ. ဆၧလၧၦမၩဝဲၩဝ့ၫနီၪ, ၥ့ၪ
13 ဎွ့ၩနီၪလီၫ.- ထီးနီၪလဖၧၫ့ယဒၪဘၪလၧဆၧကိၪ့ဘၪ ကိၪ့ၥ့ၪနီၪ ဂ့ၩနဲၪ့ဒံၭဆၧအဂီၩ့, ဘဲၫဆၧဖၩ့ဂ့ၩနဲၪ့ဒံၭ
14 ဆၧခံၭအၥိၭနီၪလီၫ.- ၦကိၪ့ဆၧၥ့ၪ အမ့ၬၥၪၥံၪအီၪ လၧအခိၪဎွံၪဖၧၩ့း အ့ၪမွဲၦအဂီၩ့လ့ၩဆၧလၧဆၧခံၭ ကျၩးမွဲလါနၫ့ဘိၩ ယနၫ့ဆါဒၪယဝ့ၫ, ယဒၪဘၪလၧ ဆၧလမံၩ့ဎးနီၪဘၪၦၡၩၥံၪထီးအလူၬလီၫ.
15 ထီးနီၪလဖၧၫ့ယစံၭလၧယၥၭခံဖၧၩ့, ဘဲၫဆၧမၩအ ၥၭလၧၦအဂီၩ့အၥိၭနီၪ, ဆၧမၩအၥၭ လၧယၧၩဒၪ လ့ၬဘဲၫနီၪၥိၭဆ့လီၫ. အခိးမွဲယကိၪ့ဆၧၥ့ၪအၪနဲၪ့ဘဲၫ ၥ့ၪလဲၪ. တၭယစံၭလၧယၥၭခံဖၧၩ့နီၪ, အယီၩလမံၩ့
16 မွဲဆၧပျီၩပျီၩဆ့လီၫ.- အဂဲးဘဲၫယီၩဆၧနၪ့ထၪ့ထဲၩ့ ၦကိၪ့ၥ့ၪအၪနဲၪ့ဒံၭၦအဂီၩ့နီၪ, အီၪဝ့ၫနးဆိၭနးကၠၪ အ့ၬးအဂဲးဘဲၫယီၩဆၧလၧအအီၪဝ့ၫ ဘိၩ့နဲၪ့ယီၩ, မိ ဘၪဆၧၥၭနၪ့ခွံၬဝ့ၫ လၧမုနံၩလဖၪ လၧအမိဂဲၫဝ့ၫအ ဖၧၩ့နီၪလီၫ. တၭၦကိၪ့ဆၧၥ့ၪနီၪ ၥံၫဝ့ၫဘဲၫၦအဂီၩ့အ ၥိၭမၬကၨၬ
17 ဆၧမၩအၥၭဘဲၫနီၪတၭ, ယမ့ၬလဲၩၥၭဂဲၫ့ဆၧမၧၫ့ နီၪးအဂဲးဘဲၫယီၩဆၧမၩလၧအကဲၪထၪ့ လၧမုအဖၫ့ လၬယီၩ မွဲဆၧလၧအဒုၭၥုၪ့အုၭၥၭအုၭယၧၩး အဂဲး ဘဲၫယီၩဆၧထီးအလူၬနီၪ မွဲဆၧပျီၩပျီၩ ဒဲဆၧလၧအ
18 မၩခိမၩဝီၩပၥၭလီၫ.- မွဲမၬ, ယမ့ၬလဲၩၥၭဂဲၫ့ကယဲဆၧ လၧယမၩ ဒဲဒုၭကဲၪထၪ့လၧမုအဖၫ့လၬယီၩး အဂဲး ဘဲၫယီၩ ယမိဒုၭအီၪလၩ့ထး လၧၦလၧအဂဲၫလၧယ
19 လးခဲၫ့လဂၩအဂးနီၪလီၫ.- အဝ့ၫလဂၩမိမွဲၦကိၪ့ၥ့ၪ ဧၪ,မိမွဲၦအဂီၩ့ဧၪ,မွဲပလၫၥ့ၪယၫဝ့ၫလဂၩလဲၪ. မွဲလါ နၫ့ဘိၩအဝ့ၫလဂၩ မိပၧၩ့ဘၪယဆၧမၩလၧယဒုၭကဲၪ ထၪ့ဝ့ၫထီးအလူၬ, ဒဲဆၧလၧယဒုၭနဲၪဖျီၪထၪ့ယဆၧ ကိၪ့ၥ့ၪလၧမုအဖၫ့လၬယီၩအဖၧၩ့လီၫ. အယီၩလမံၩ့ မွဲဆၧပျီၩပျီၩဆ့လီၫ.
20 အခိးမွဲယကၠၪယၥၭဘဲၫၥိၭယမိမၩဂၭဂီၩ့ ယၥၭလၧ ကယဲယဆၧမၩလၧယဒုၭကဲၪထၪ့ လၧမုအဖၫ့လၬထီး
21 အလူၬလီၫ.- အဂဲးဘဲၫယီၩ ၦလဂၩလၧအမၩဆၧလၧ ဆၧကိၪ့ဘၪကိၪ့ၥ့ၪအဖၧၩ့, ဒဲလၧဆၧၥ့ၪယၫအဖၧၩ့,ဒဲ လၧဆၧတီၩဆၧလီၩ့အဖၧၩ့လါနၫ့တၭ, အဝ့ၫနီၪဒုၭ အီၪလၩ့ထးဝ့ၫ လၧၦလၧအလမၩဘၪဆၧနးမံၩ့အဂး နီၪလီၫ. အယီၩလမံၩ့မွဲဆၧပျီၩပျီၩဆ့, ဒဲဆၧအၧၩ့ဖၭ
22 ဒိၪလီၫ.- အဂဲးဘဲၫယီၩၦလဂၩလၧအမၩဆၧထီးအ လူၬနီၪ, ဒဲမၩခိမၩဝီၩအၥၭလၧအဆၧမၩအဖၧၩ့လါနၫ့
23 ဘဲၫနီၪ, မွဲအန့ကၩဆၧနီၪလမံၩ့လဲၪ.- အဂဲးဘဲၫယီၩ အမုနံၩထီးအလူၬလဖၪနီၪ, မွဲဆၧၥုၪ့အုၭၥၭအုၭတၭ, အဆၧအၪ့ဂူၬမၩဆီၪ့နီၪ မွဲန့ၫဆၧအဎၧၫ့တၭး မွဲမၬ, လၧမုနၩလခီၫနီၪအၥၭအီၪပွံၭဝ့ၫချႃၭအ့ၬ. အယီၩလ မံၩ့မွဲဆၧပျီၩပျီၩဆ့လီၫ.
24 လၧၦၡၩအၪ့ဆၧအီၩဆၧနီၪ, ဒဲဒုၭမုၬလၩအၥၭလၧ အမၩဆၧအဖၧၩ့နီၪ, ဆၧဂ့ၩနဲၪ့ဒံၭအီၪနးမံၩ့အ့ၬး အ ယီၩလမံၩ့ဆ့, ယဒၪဘၪလၧအဂဲၫလၧယွၩအစူၪဖၧၩ့
25 လခီၫလီၫ.- အဂဲးဘဲၫယီၩမွဲပလၫအၪ့ဆၧဒဲမၩမုၬလၩ
26 အၥၭအၪနဲၪ့ယၧၩမိၥ့ၪလဂၩလဲၪ.- အဂဲးဘဲၫယီၩၦ ၡၩအဆၧဂ့ၩလၧအမ့ၬၥၪဖၧၩ့နီၪ, ယွၩဖ့ၪလၫ့ဆၧကိၪ့ ဘၪကိၪ့ၥ့ၪ, ဒဲဆၧၥ့ၪယၫ, ဒဲဆၧၥုၪ့ထိၬၥၭထိၬး အ့ၪ မွဲၦဆၧဒဲၩဘၭဖိၪနီၪ, အဝ့ၫဖ့ၪလၫ့ဆၧမၩပွံၭအၥၭ, ဘဲၫၥိၭအမိဒုၭအီၪကီၪ့ဆၧလၧအမိဖ့ၪလၫ့ ၦၡၩလၧအ ဂ့ၩဝ့ၫလၧယွၩအမ့ၬယၫနီၪလီၫ. အယီၩလမံၩ့ဆ့,မွဲ ဆၧပျီၩပျီၩ, ဒဲဆၧလၧအမၩခိမၩဝီၩၦအၥၭလီၫ.