11
1 ခွံၬလၩ့နကိၪလၧထံၫဖံၭခိၪနီၪဘီၪး အဂဲးဘဲၫယီၩ လၧအၪနံၩအၪၥၫ့အလးခဲၫ့နီၪနမိဒၪန့ထဲၩ့ဒီၭလီၫ.
2 အၪ့နၩ့ဖၭဆၧလၧၦနွ့ၫဂၩအဂး, ဒဲဎိၭဂၩဆ့ဘီၪး အဂဲးဘဲၫယီၩ ဆၧအၧၩ့မိကဲၪထၪ့ လၧဂၪ့ခိၪချိၫ့ယီၩ
3 နီၫလဲၪနီၫလဲၪနီၪ, နၥ့ၪယၫအ့ၬ.- ထီးဆၧအုၪ့ၥံၪအ့ၪ ဎွ့ၩလၧဆၧဆၧၩ့နီၪ, ဂါလၩ့ခွံၬဝ့ၫ လၧဂၪ့ခိၪချိၫ့ယီၩ တၭးၥံၪ့နီၪအ့ၪလၩ့ခၨတီၩ လၧမုခံၫ့မွဲဂ့ၩ, မုဖၩမွဲဂ့ၩ, ထီးဒၪအလးလၧၥံၪ့နီၪ လၩ့ခၨဝ့ၫတၭ, မိအီၪဝ့ၫလၧ အလးထီးနီၪဆ့လီၫ.
4 ၦလၧအယိဆီၫ့မီၪ့လံၩ အဂဲးအကၠီၪ့, မိဎွံၪဘၪဆၧ အ့ၬး ဒဲၦလၧအယိဆီၫ့မီၪ့ ဆၧအုၪ့ၥံၪ, မိကူၭဘၪဆၧ
5 ဆ့အ့ၬ.- လံၩအဖၧၩ့ၥၭနီၪမွဲဂ့ၩ, ဎွံၪၥံၪအီၪထၪ့လၧဒၧၩ့ လးဖၧၩ့ လၧၦလၧအဒၧၩ့ထၪ့လဂၩမွဲဂ့ၩ, နလၥ့ၪယၫ ဘၪတၭး ဘဲၫနီၪၥိၭဒၪလ့ၬ, ယွၩအဆၧမၩလၧအမၩ
6 ကဲၪထၪ့ဆၧထီးအလူၬနီၪ, နၥ့ၪယၫဆ့အ့ၬ.- လၧဂီၩ လခီၫနီၪဎွံၪနဆၧချံၫဘီၪး ဒဲလၧမုဂၪလၩ့လခီၫနီၪ ထီး ထုၭထဲၩ့နစူၪလဂ့ၩး အဂဲးဘဲၫယီၩ အယီၩမွဲဂ့ၩ, အနီၪ မွဲဂ့ၩ, မိဘီၪထၪ့ယီၫထၪ့လမံၩ့မံၩ့လဲၪနီၪ,အ့ၪလမွဲဘၪ ဆၧနံၫမံၩ့နီၪမိဂ့ၩထၪ့မီၪ့ဎီၩ့လိၬအၥၭဧၪနီၪ, နၥ့ၪယၫ နဝ့ၫအ့ၬ.
7 မွဲမၬဆၧဖၩ့မုၬဝ့ၫနီၪတၭ, ၦမ့ၬၥၪၥံၪယိမုအဆၧ
8 ဖၩ့နီၪ,မုၬဂ့ၩမၬလီၫ.- မွဲလါနၫ့ဘိၩ့ ၦၡၩအ့ၪအီၪအၪ နံၪ့,ဒဲၥုၪ့ထိၬၥၭထိၬလၧဆၧထီးအလူၬအဖၧၩ့း ဆၧမၩ အၥၭလါနၫ့ဘဲၫနီၪတၭ, မွဲအနၪ့ထၪ့ထဲၩ့လၧဆၧခံၭ အမုနံၩလၧအမိဘၪဝ့ၫဆံၭး အဂဲးဘဲၫယီၩ အဝ့ၫၥံၪမိ အီၪအၪအၪလ့ၬဆ့လီၫ. ကယဲဆၧလၧအဂဲၫဝ့ၫနီၪမွဲ ဆၧပျီၩပျီၩထီးအလူၬလီၫ.
9 ဖိၪၥၪခွၫဧ့, ၥုၪ့ထိၬၥၭထိၬလၧနၥၭဘၪ့အထီနီၪဘီၪး ဒဲလၧနၥၭဘၪ့အမုနံၩလဖၪနီၪ မွဲနၥၭဒုၭဎွံၫထၪ့နနၫ့ ဆါဒၪနဝ့ၫတၭး လ့ၩနဝ့ၫလၧနၥၭအဖၧၩ့ၥၭဒၪဝ့ၫ လ ဖၪအဖၧၩ့နီၪ, ဒဲလၧနမ့ၬၥၪၥံၪဒၪဆၧအဖၧၩ့နီၪဆံၭ. မွဲ လါနၫ့ဘိၩၥ့ၪယၫနဝ့ၫ လၧဆၧနီၪလဖၪထီးအလူၬအ ကၠီၩ့, ယွၩမိဒုၭဂဲၫနၧၩ လၧဆၧစ့ၩရၫ့အဖၧၩ့နီၪဆံၭ.
10 အခိးမွဲဆၧမၩအၥၭဘဲၫနီၪတၭ, ၥုၭခွံၬဆၧမၩခိမၩဝီၩ လၧနၥၭး ဒဲခွံၬၡိၭခွံၬဆၧအၧၩ့ဆၧၥၫ့ လၧနဖံၭနယၪ နီၪဆံၭ.အဂဲးဘဲၫယီၩဖိၪၥၪအခၫ ဒဲၦၥၭဘၪ့အခၫနီၪ, မွဲဆၧပျီၩပျီၩလီၫ.