7
(၂မိ ၃၄:ၥၥ-ၥ၆).
1 ထီးယဟိဝၩနယွၩ မိဒုၭလ့ၩနုၬနၧၩ လၧခးဖၧၩ့ထီး နလ့ၩမၩန့ဝ့ၫ, ဒဲနၫ့ထၪ့ခွံၬ ၦအၪဆၨၩ လၧနမ့ၬယၫ, ၦဟံၥၭဖိၪ, ဒဲၦဂၧဂၫဖိၪ, ဒဲၦအၫမိၫဖိၪ, ဒဲၦကၫနအၫ့ ဖိၪ, ဒဲၦပံရ့ၭဖိၪ, ဒဲၦဟံဝဲၫဖိၪ, ဒဲၦယ့ဘုၫဖိၪ, ၦနွ့ၫဆၨၩ
2 ဒိၪနဲၪ့ဆီၪ့နဲၪ့နၧၩဒံၭ,- တၭထီးယဟိဝၩ နယွၩနီၪမိ ဖ့ၪလၫ့ခွံၬဝ့ၫလၧနမ့ၬယၫတၭ, နမိဘၪကျီၪ့ခွံၬဝ့ၫ, မၩ ဂၭဂီၩ့ခွံၬဝ့ၫ လူၬထူၬဆံၫ့ဘၩ့လီၫ. ဆၧအုၩ့လၩ့လမံၩ့ မံၩ့နီၪနဘၪအုၩ့လၩ့ လၧအဝ့ၫၥံၪအၥိၭလဂ့ၩတၭ, န
3 ဘၪယၫ့ၥၭအဝ့ၫၥံၪလဂ့ၩး- တၭထီးအီၪဎုၬလိၬနၥံၪ အၥၭလၧအဝ့ၫၥံၪလဂ့ၩ. နဖိၪမုၪနီၪ ထီးဖ့ၪလၫ့လၧ အဝ့ၫဒၪအဖိၪခွၫလဂ့ၩ, ဒဲအဝ့ၫဒၪအဖိၪမုၪနီၪထီးမၩ
4 န့ဘၪလၧနဖိၪခွၫအမၫ အဂးလဂ့ၩ.- အဂဲးဘဲၫယီၩ မိဒုၭကၠၪခွံၬနဖိၪခွၫအၥၭ လၧအဖိၬယခဲၫ့, ဘဲၫၥိၭအမိ မၩယွၩအဂူၫဂၩလဖၪအဆၧတၭ, ယဟိဝၩအၥၭထၪ့
5 မိခဲၩထၪ့ဘၪနၥံၪ, ဒဲမိမၩဂၭဂီၩ့ခွံၬရှုၭနၧၩလီၫ.- အ့ၪ မွဲနၥံၪမိဘၪမၩအဝ့ၫၥံၪဘဲၫယီၩ, နၥံၪဘၪမၩဂၭဂီၩ့ခွံၬ အဆၧလုလး, ဒဲမၩခါခွံၬ အဆၧဂၩ့လဖၪ, ဒဲခူၬခွံၬ အၡ့ရိၫၥံၪ, ဒဲဆူၭထၪ့ခွံၬ အဆၧဂၩ့စိၭဖျၩအၥၭလဖၪ လၧမ့ၪလီၫ.
6 အဂဲးဘဲၫယီၩ နမွဲၦဆံၫ့ဎံၪလဆၨၩ လၧယဟိဝၩ နယွၩအဂးလီၫ. ယဟိဝၩ နယွၩရွံန့နၧၩ, ဘဲၫၥိၭနမိ ကဲၪထၪ့ၦလဆၨၩ လၧအလၩ့မဲၩဒၪဆၧလၧအဂး, လၧ
7 ၦကိၭဆၨၩဒ့ၭ လၧဂၪ့ခိၪချိၫ့အဖၫ့ခိၪလီၫ.- မွဲနၥံၪအၪ နဲၪ့ၦဆၨၩဂူၫဂၩလဖၪအကၠီၩ့နီၪ, ဘၪယဟိဝၩအၥၭ လၧနၥံၪ, ဒဲရွံန့နၥံၪမွဲအ့ၬ, အဂဲးဘဲၫယီၩ နၥံၪၡၩနဲၪ့
8 ၦဆၨၩဂူၫဂၩထီးအလူၬဒံၭလီၫ.- အ့ၪမွဲလၧယဟိဝၩ အဲၪနၥံၪအကၠီၩ့တၭ, မွဲအထီးန့အဆၧဆိၪလၧအဆိၪ လၩ့အၥၭလၧနၥံၪအဖါလဖၪတၭ, ယဟိဝၩဒုၭစဲၪ့ထၪ့ ခွံၬနၥံၪလၧအစူၪဆီၪ့, ဒဲဎွ့ၩန့ထဲၩ့နၥံၪ လၧဆၧအဎီး အၡၩအဂံၪ့ဖၧၩ့ လၧအံဇံၭအစဎွၩ ဖၫရိၫအစူၪဖၧၩ့
9 လီၫ.- အခိးမွဲၥ့ၪယၫနဝ့ၫ လၧယဟိဝၩနယွၩနီၪအဝ့ၫ ဒၪမွဲယွၩလီၫ. ယွၩလၧအလူတီၩ, လၧအထီးန့ဆၧအုၩ့ လၩ့ဒဲဆၧယၫ့ၥၭလၧၦလၧအအဲၪဝ့ၫ, ဒဲထီးန့အဆၧမၪ
10 လူၬလဖၪနီၪထီၩ့လၩ့လၧ ၦအဆိၩလထီၫ့လီၫ.- ဒဲဖ့ၪ လၫ့ထဲၩ့ ဆၧလၧၦလၧအၥၭဂဲၫ့ဝ့ၫ လၧအဝ့ၫၥံၪအမ့ၬ ယၫ,ဘဲၫၥိၭအမိမၩဂၭဂီၩ့ခွံၬဝ့ၫလီၫ. တၭအၥၭလၩ့ ဆါထဲၩ့လၧၦလၧအၥၭဂဲၫ့ဝ့ၫနီၪအ့ၬ, မိဖ့ၪလၫ့ထဲၩ့
11 ဆၧလၧအဝ့ၫၥံၪအမ့ၬယၫလီၫ.- မၩအၥၭဘဲၫနီၪတၭ, နဘၪထီးန့ဆၧမၪလူၬလဖၪ, ဒဲၥနိၫလဖၪ ဒဲဆၧစ့ၩရၫ့ လဖၪလၧယမၪလူၬနၧၩ လၧမုဆၫလနံၩယီၩလၧနဘၪ မၩနဝ့ၫလီၫ.
(၅မိ ၂၈:ၥ-ၥ၄).
12 ဆၧမိမၩအၥၭ လၧနၥံၪအ့ၪခိၭနၪဆၧစ့ၩ ရၫ့လဖၪ ယီၩ, ဒဲထီးန့ဒဲမၩဝ့ၫတၭ, ယဟိဝၩနယွၩနီၪ မိထီး န့ဆၧအုၩ့လၩ့ ဒဲဆၧအခိးအတၩ လၧနဂးလၧအဆိၪ
13 လၩ့အၥၭလၧနဖါလဖၪလီၫ.- ဒဲမိအဲၪနၧၩ, ဒဲဆိၪဂ့ၩနၧၩ, ဒဲမၩအၪထၪ့နၧၩလီၫ. တၭမွဲအမိဆိၪဂ့ၩနဒၧၩ့လးအၥၪ, ဒဲဂၪ့ခိၪအဆၧၥၪ, နဘုၪၥံၪဂူၫၥံၪ, ဒဲနစဘံၭထံၫ, ဒဲနၥိၪ, ချီၥံၪအဆၧအၪထၪ့, ဒဲနၥိၪအဆၧ အၪထၪ့လၧထံၫၥံၪ ခးၥံၪအဖၧၩ့ လၧအဆိၪလၩ့အၥၭလၧနဖါလဖၪ လၧအမိ
14 ဖ့ၪလၫ့နၧၩလီၫ.- နမိဘၪဆၧဆိၪဂ့ၩနၧၩ လၧၦဆၨၩထီး အလူၬအဖၫ့ခိၪလီၫ. ၦမုၪမွဲဂ့ၩ, ၦခွၫမွဲဂ့ၩ, အထူၬဖိၪ လၧနၥံၪအကျၩမွဲဂ့ၩ, လၧနၥံၪအဆၧဖိၪဆၧဎါအဒိၩ့
15 အကျၩမွဲဂ့ၩ, အီၪဘၪအ့ၬ.- တၭယဟိဝၩမိဒုၭစဲၪ့ထၪ့ ခွံၬ ကယဲဆၧစူၭဆၧဆၫထီး အလူၬလၧနအီၪ, ဒဲ အံဇံၭအဆၧစူၭဆၧဆၫ အအၧၩ့ အၥၫ့လၧနၥ့ၪယၫနီၪ အီၪက့ၪဝ့ၫလၧကယဲၦလၧအမ့ၬ လဲၩနၧၩအလီၩ့ လခီၫနီၪလီၫ.
16 တၭနဘၪမၩဂၭဂီၩ့လူၬခွံၬ ကယဲၦဆၨၩလၧယဟိ ဝၩနယွၩမိဖ့ၪလၫ့နၧၩ ထီးအလူၬလီၫ. နမ့ၬၥၪမိယၫ့ ၥၭဘၪအဝ့ၫၥံၪအ့ၬး ဒဲနမၩဘၪအဝ့ၫၥံၪအယွၩလဖၪ အဆၧအ့ၬ. အဂဲးဘဲၫယီၩ ဆၧနီၪမိကဲၪထၪ့ဆၧဖျံၩ
17 ခွၩ့လၧနဂးလီၫ.- နအ့ၪစံၭလၧနၥၭခံဖၧၩ့နီၪ, ၦဆၨၩ လဖၪယီၩ အၪနဲၪ့ယၧၩဒံၭ, ယနၫ့ထၪ့ခွံၬ မိၥ့ၪဘဲၫၥ့ၪ
18 လဲၪနီၪတၭ,- ထီးၥၭမဲၪအဝ့ၫၥံၪလဂ့ၩ, နဘၪနၪ့ထၪ့ ထဲၩ့တၡါဆၧလၧယဟိဝၩ နယွၩမၩလၧဖၫရိၫ ဒဲၦအံ
19 ဇံၭဖိၪထီးအလူၬ,- ဆၧမၩခွါဖၭဒိၪၥံၪလၧနမ့ၬၥၪဒၪ ဘၪ, ဒဲဆၧလၩ့လၭအဆၧမၩနဲၪ့, ဒဲဆၧလၩ့လိလၩ့ လၭ, ဒဲဆၧအစူၪဆီၪ့, ဒဲအစူၪယၩ့ထၪ့အၥၭ လၧယဟိ ဝၩနယွၩဒုၭစဲၪ့ထၪ့ခွံၬနၧၩနီၪလီၫ. တၭယဟိဝၩနယွၩ မိမၩကယဲၦဆၨၩ လၧနၥၭမဲၪဝ့ၫနီၪ ဘဲၫနီၪအၥိၭဆ့
20 လီၫ.- တၭယဟိဝၩ နယွၩမိအၪ့မၧၫ့လၩ့ဆ့ ဖျၧၫ့ၥံၪ လၧအကျၩ ထီးၦလၧအအီၪလၩ့ထး, ဒဲအီၪက့ၪၥူၪအ
21 ၥၭလၧနမ့ၬယၫနီၪ မိထီၩ့လၧဆၧဂၭဂီၩ့လီၫ.- ထီးၥၭ မဲၪဆၧလၧအဝ့ၫၥံၪ အမ့ၬယၫလဂ့ၩး အဂဲးဘဲၫယီၩ, ယဟိဝၩ နၥံၪအယွၩအီၪဝ့ၫလၧနၥံၪအကျၩ, ယွၩလၧ
22 အဒိၪဝ့ၫဒဲဆၧၥၭမဲၪဖၭဒိၪအလးလီၫ.- တၭယဟိဝၩ နယွၩနီၪမိနၫ့ထၪ့ခွံၬ ၦဆၨၩလဖၪလၧနမ့ၬယၫလၧလ ဆံၭဘၪလဆံၭလီၫ. နမၩလူၬခွံၬဝ့ၫစီၪ့ဎးအ့ၬ. အ့ၪ လမွဲဘၪဘဲၫနီၪတၭ, ဆၧဖိၪဆၧဎါလၧမံၩ့လၬကျၩနီၪ
23 မိအၪထၪ့ဘၪခိၬ လၧနဖၫ့ခိၪလီၫ.- မွဲလါနၫ့ ယဟိဝၩ နယွၩမိဖ့ၪလၫ့အဝ့ၫၥံၪ လၧနစူၪဖၧၩ့, ဒဲနမိမၩဂၭဂီၩ့ခွံၬ ဝ့ၫလၧဆၧမၩဂၭဂီၩ့ဖၭဒိၪ ထီးအဝ့ၫၥံၪလူၬခွံၬဝ့ၫဒၪ
24 လီၫ.- မွဲအမိဖ့ၪလၫ့ခွံၬ အဝ့ၫၥံၪအစဎွၩ လၧနစူၪဖၧၩ့ တၭ, နဘၪမၩဂၭဂီၩ့ခွံၬ အဝ့ၫၥံၪအမံၩ့လၧမူၭခိၪအဖၫ့ လၬလီၫ. ထီးနလမၩဂၭဂီၩ့ခွံၬဒံၭဘၪအဝ့ၫၥံၪနီၪ, ၦ
25 ဆၧၫ့ထုၪ့လၧနမ့ၬယၫၥ့ၪနးဂၩအ့ၬ.- အဝ့ၫၥံၪအယွၩ လဖၪအဆၧဂၩ့စိၭဖျၩအၥၭလဖၪနီၪ နၥံၪဘၪဆူၭထၪ့ ခွံၬလၧမ့ၪလီၫ. ထီးၥၭကွံၩကျိၪၥံၪစ့ၩၥံၪ, ထီၫ့ၥံၪလွ့ၫ ၥံၪ,လၧအအီၪလၧအလီၩ့လဂ့ၩ, ဒဲမၩန့ဝ့ၫလၧနဂးလ ဂ့ၩ, မွဲနမိဘၪဘၪခိၬဆၧဖျံၩခွၩ့ လၧအဝ့ၫၥံၪအကၠီၩ့ လီၫ. အဂဲးဘဲၫယီၩ မွဲဆၧဘၪၥၭလိၪ လၧယဟိဝၩန
26 ယွၩအမ့ၬယၫလီၫ.- တၭနဂဲၫဆိၬဘၪဆၧဘၪၥၭလိၪ လၧနဂံၪ့ဖၧၩ့အ့ၬ, နမိကဲၪထၪ့ဘၪခိၬ ဆၧဆိၪအၧၩ့ ဘဲၫအဝ့ၫနီၪအၥိၭလီၫ. နဘၪမ့ၬလဲၩတၡါဝ့ၫ, ဒဲနဘၪ ၥၭလိၪတၡါဝ့ၫလီၫ. အဂဲးဘဲၫယီၩ မွဲဆၧလၧအဘၪ ဆိၪအၧၩ့ဝ့ၫလီၫ.