5
(၂မိ ၂ဝ:ၥ-ၥ၇).
1 စမိစ့ၭကိၭန့ၦအံၫစရ့လၭထီးအလူၬတၭ, စံၭအဝ့ၫ ၥံၪ, အံၫစရ့လၭဧ့, ဆၧမၪလူၬလဖၪဒဲဆၧစ့ၩရၫ့လဖၪ လၧယချဲၩ့လၧနၥံၪအနါဖၧၩ့ လၧမုဆၫလနံၩယီၩ, ဘဲၫ ၥိၭနၥံၪမိမၩလိၪဝ့ၫ, ဒဲထီးန့ဝ့ၫ, ဒဲမၩဝ့ၫနီၪခိၭနၪနၥံၪ
2 ဝ့ၫဆံၭ.- ယဟိဝၩပယွၩမၩဆၧအုၩ့လၩ့ လၧပၥိၭလၧ
3 ဟိရ့ၭအလီၩ့လီၫ.- ယဟိဝၩမၩဆၧအုၩ့လၩ့နီၪလၧ ပဖါလဖၪမွဲအ့ၬး မွဲလၧပၧၩ, ၦလၧအအီၪမၧၫ့ဒံၭလၧ
4 မုဆၫလနံၩယီၩ ထီးအလူၬလီၫ.- ယဟိဝၩချဲၩ့ဆၧလၧ အယိဆၧၫ့ယၫနၥံၪ, လၧခိၪလီၩ့ခိၪ, လၧမ့ၪအကျၩ,
5 နီၪ,-(အဆၧၫ့အထီထီးနီၪယဝ့ၫဒၪယီၩယဆၧၫ့ထုၪ့ လၧယဟိဝၩ ဒဲနၥံၪအဘိၩ့ဆၧၩ့, ဘဲၫၥိၭယမိဒုၭၥ့ၪ ယၫနၥံၪလၧယဟိဝၩ အလူအထၫလီၫ. အဂဲးဘဲၫယီၩ နၥံၪၥၭမဲၪ ဆၧလၧမ့ၪအကၠီၩ့တၭ, နၥံၪလ့ၩထၪ့ဘၭ
6 ခိၪလီၩ့အ့ၬ.) စံၭဝ့ၫဒၪ,- ယဝ့ၫဒၪယီၩယမွဲ ယဟိဝၩန ယွၩလၧအဒုၭစဲၪ့ထၪ့ခွံၬနၧၩ လၧအံဇံၭအဖၧၩ့, လၧ
7 ၦဎီးဖိၪအဂံၪ့ဖၧၩ့လီၫ.- အ့ၪလမွဲဘၪယၧၩတၭ, ထီး အီၪလၧနယွၩဂူၫဂၩလဖၪ နးဂၩလဂ့ၩ.
8 ထီးတဲၩ့ဆၧဂၩ့ဆၧဖၪ့လၧနဂးလဂ့ၩ, ဆၧအီၪလၧ မူၭခိၪထၭမွဲဂ့ၩ, ဆၧအီၪလၧဂၪ့ခိၪချိၫ့မွဲဂ့ၩ, ဆၧအီၪ လၧထံၫကျၩလၧဂၪ့ခိၪအဖၫ့လၬမွဲဂ့ၩ, ထီးတဲၩ့အခံး
9 အဂၩ့လၧနဂးနးမံၩ့လဂ့ၩ, ထီးဘၩထၪ့လဂ့ၩ, ထီး မၩအဆၧလဂ့ၩ, အဂဲးဘဲၫယီၩ ယဝ့ၫဒၪယဟိဝၩနယွၩ ယီၩ, ယမွဲယွၩလၧအၥၭကဲၪ့ဆၧလၧအဒုၭအီၪထၪ့ဖါ လဖၪအဆၧဒဲၩဘၭလၧဖိၪလဖၪ အလီၩ့ထီၩ့လၩ့လၧ
10 ၦၥၭဂဲၫ့ယၧၩၥၧၫ့ဆိၩလဆိၩ, ဒဲလံဆိၩလဆိၩ,- ဒဲလၧ ဆၧမၩခိးမၩတၩ ၦအထီၫ့လဖၪ, လၧၦလၧအအဲၪ ယၧၩ, ဒဲထီးန့ယဆၧမၪလူၬ လဖၪနီၪလီၫ.
11 ထီးကိၭထၪ့ယဟိဝၩ နယွၩအမံၩ့ပျီၩပျီၩလဂ့ၩး အဂဲးဘဲၫယီၩ ၦလၧအကိၭထၪ့အမံၩ့ပျီၩပျီၩနီၪ, ယ ဟိဝၩအီၪက့ၪဝ့ၫ ဘဲၫၦလၧအဆၧဒဲၩဘၭလအီၪဘၪ နီၪမွဲအ့ၬ.
12 ထီးန့မးၥံၫအနံၩ ဘဲၫနမိအီၪက့ၪဆံၫ့ဎံၪဝ့ၫအၥိၭနီၪ,
13 ဘဲၫယဟိဝၩနယွၩမၪလူၬနၧၩအၥိၭနီၪဆံၭ.- နမိမၩ
14 ဘၪဆၧဎူၫနံၩတၭ, မၩနဆၧမၩထီးအလူၬလီၫ.- အ့ၪ မွဲနွ့ၫနံၩလနံၩနီၪ မွဲယဟိဝၩနယွၩ အမးၥံၫအနံၩလီၫ. နဝ့ၫဒၪမွဲဂ့ၩ, နဖိၪခွၫမွဲဂ့ၩ, နဖိၪမုၪမွဲဂ့ၩ, နဎီးနၡၩခွၫမွဲ ဂ့ၩ, နဎီးနၡၩမုၪမွဲဂ့ၩ, နချီမွဲဂ့ၩ, နကၥ့ၪယီၩ့မွဲဂ့ၩ, န ဆၧဖိၪဆၧဎါအဒိၩ့မွဲဂ့ၩ, ၦလခီၫဘၩ့မုးဖိၪလၧအအီၪ လၧနတရၫ့အဖၧၩ့မွဲဂ့ၩ, ထီးမၩဆၧနးမံၩ့လဂ့ၩ, ဘဲၫ ၥိၭနဎီးနၡၩခွၫ, ဒဲနဎီးနၡၩအမုၪ မိအီၪပွံၭဘဲၫနၧၩအ ၥိၭအဂဲးလီၫ.
15 နၪ့ထၪ့ထဲၩ့လၧနမွဲဆၧအဎီးအၡၩ လၧခးအံဇံၭအ ဖၧၩ့တၭ, ယဟိဝၩနယွၩဒုၭစဲၪ့ထၪ့ခွံၬ နၧၩထီးနီၪလၧ အစူၪဆီၪ့, ဒဲအယၩ့ထၪ့အၥၭနီၪဆံၭ, မၩအၥၭဘဲၫ နီၪတၭယဟိဝၩနယွၩမၪလူၬနၧၩ လၧနမိဘၪထီးန့မး ၥံၫအနံၩလီၫ.
16 ဘဲၫယဟိဝၩ ယွၩမၪလူၬနၧၩအၥိၭနီၪ, ဘဲၫၥိၭနမု နံၩလဖၪမိအၪထၪ့, ဒဲဆၧမိဂ့ၩထၪ့လၧနဂး, လၧခးဖၧၩ့ လၧယဟိဝၩ နယွၩဖ့ၪလၫ့နၧၩတၭ, ယူၭယၪ့နမိနဖါ ဆံၭ.
17 ထီးမၩၥံၫၦၡၩလဂ့ၩ.
18 ထီးအဲၪဘိၩ့မၫအဲၪဘိၩ့ဝၩလဂ့ၩ.
19 ထီးအၪ့ဂူၪဆၧလဂ့ၩ.
20 ထီးထိးနၥၭလၧဆၧကဘျံၭကဘျၪ ထၫ့ဒုၪဒၩၦလၧ နနဲၩ့ထံၭလဂ့ၩ.
21 ထီးဆိၫ့န့ဘၪ ၦလၧနနဲၩ့ထံၭအမၫလဂ့ၩ, ၦလၧန နဲၩ့ထံၭအဂံၪ့မွဲဂ့ၩ, အဆံၬအနၩမွဲဂ့ၩ, အဎီးအၡၩခွၫ မွဲဂ့ၩ, အဎီးအၡၩမုၪမွဲဂ့ၩ, အချီမွဲဂ့ၩ, အကၥ့ၪယီၩ့မွဲ ဂ့ၩ, ထီးဒၪၦလၧနနဲၩ့ထံၭ အဆၧလမံၩ့မံၩ့မွဲဂ့ၩ, ထီးၥၭ ကွံၩလဂ့ၩ.
22 ဆၧချဲၩ့လဖၪနီၪ ယဟိဝၩချဲၩ့ လၧနၥံၪအဆၧ အီၪ ကီၪ့ထီးအလူၬလၧခိၪလီၩ့ခိၪ, လၧမ့ၪအကျၩ, လၧဆၧ အုၪ့ဒဲဆၧခံၭၥၧၫ့အကျၩလၧအလူဖၭဒိၪလီၫ. တၭအီၪ က့ၪအၪနဲၪ့အနီၪမွဲအ့ၬ. ကွ့ၭဝ့ၫ လၧလိးပၪနံၫဘံၪ့အ လီၩ့တၭ, ဖ့ၪလၫ့ဝ့ၫလၧယၧၩလီၫ.
(၂မိ ၂ဝ:ၥ၈-၂ၥ).
23 တၭထီးနၥံၪနါဂၧၫ့ဆၧၥီၫလၧဆၧခံၭကျၩတၭ,(အ ဂဲးဘဲၫယီၩခိၪလီၩ့ခဲၩထၪ့လၧမ့ၪ,) ဆၧမၩအၥၭလၧန ဂဲၫဘူၭလၧယၧၩ, အဒီၪ့လဖၪအခိၪထီးအလူၬ, ဒဲနၥံၪ
24 အၥုၪ့က့ၭၥၭၡါလဖၪ,- တၭနၥံၪစံၭ, ယိခွါ, ယဟိဝၩပ ယွၩနဲၪဖျီၪထၪ့ယူၭအလၩအဖၩ့ ဒဲအဆၧဒိၪလၧပမ့ၬ ယၫယူၭတၭ, ပနါဂၧၫ့ယူၭအလူလၧအဂဲၫထၪ့လၧမ့ၪ ကျၩယူၭ, ပဒၪဘၪယူၭလၧမုဆၫလနံၩယီၩ လၧယွၩ
25 ချဲၩ့ဆၧလၧၦၡၩတၭ, ၦၡၩနီၪမၧၫ့ဒံၭလီၫ.- မၩအၥၭ ဘဲၫနီၪတၭဘိၩ့နဲၪ့ယီၩ, ပမိၥံၫမွဲဘၪလဲၪး အဂဲးဘဲၫ ယီၩမ့ၪဖၭဒိၪယီၩမိအၪ့ခွံၬပၧၩလီၫ. ပအ့ၪနါဂၧၫ့ဒံၭ
26 ယဟိဝၩပယွၩအလူတၭ, ပမိၥံၫပဝ့ၫလီၫ.- အဂဲးဘဲၫ ယီၩလၧကယဲဆၧယၪအကျၩနီၪ, ၦနါဂၧၫ့ယွၩမၧၫ့ဝ့ၫ လဂၩအလူချဲၩ့ဆၧလၧမ့ၪအကျၩ ဘဲၫပဝ့ၫဒၪအၥိၭ, ဒဲ
27 မၧၫ့ဝ့ၫနီၪမွဲၦလဂၩလဲၪ.- လ့ၩဘူၭနဝ့ၫ, ဒဲခိၭနၪကယဲ ဆၧလၧယဟိဝၩ ပယွၩမိစံၭတၭ, လီၩထဲၩ့ပၧၩ လၧ ကယဲဆၧလၧယဟိဝၩပယွၩ မိချဲၩ့ဆၧလၧနၧၩတၭ,ပမိ ခိၭနၪ, ဒဲမၩပဝ့ၫဆ့လီၫ.
28 ထီးနၥံၪချဲၩ့ဆၧလၧယၧၩတၭ, ယဟိဝၩနါဂၧၫ့နၥံၪ အဆၧချဲၩ့အၥီၫနီၪ, ယဟိဝၩစံၭယၧၩ, ယနါဂၧၫ့ယူၭ ၦခမျၧးအဆၧချဲၩ့အၥီၫ လၧအချဲၩ့ဆၧ လၧနၧၩယူၭ, ကယဲဆၧလၧအစံၭယူၭထီးအလူၬနီၪ, မွဲအဂ့ၩလီၫ.
29 မွဲအဝ့ၫၥံၪအီၪလါ လၧအၥၭယီၫလၧအဖၧၩ့ လၧအမိ ၥၭမဲၪယၧၩ, ဒဲထီးန့ယဆၧမၪလူၬ ထီးအလူၬကိၭမုနံၩ ကိၭမုနၩဒ့ၭဆံၭၬ မွဲဘဲၫၥိၭဆၧမိဂ့ၩထၪ့ လၧအဝ့ၫၥံၪ အဂး, ဒဲလၧအဖိၪအလံၩအဂး အဆိၩဆိၩအကၠၪကၠၪ
30 နီၪလီၫ.- လ့ၩဘီၪ, စံၭအဝ့ၫၥံၪ, ထဲၩ့ထဲၩ့ဒီၭလၧနၥံၪ
31 အတဲၩလဖၪအဖၧၩ့ဆံၭ,- အ့ၪမွဲနနၫ့ဆါဒၪနဝ့ၫဆၧၫ့ ထုၪ့နဝ့ၫ လၧယနဲၩ့ထံၭယီၩဘီၪး တၭယမိလီၩဘၪ နၧၩ လၧဆၧမၪလူၬ, ဒဲၥနိၫလဖၪ, ဒဲဆၧစ့ၩရၫ့လဖၪ ထီးအလူၬလၧနမိၥီၪ့လိၪအဝ့ၫၥံၪ, ဘဲၫၥိၭအမိထီးန့ဝ့ၫ လၧအခးဖၧၩ့ လၧယမိဖ့ၪလၫ့ အဝ့ၫၥံၪ လၧဆၧန့ၥၫ
32 အဂးလီၫ.- တၭနၥံၪမိဘၪထီးန့ဘဲၫၥိၭနၥံၪမိမၩဆၧ, ဘဲၫယဟိဝၩနၥံၪအယွၩ မၪလူၬနၥံၪအၥိၭနီၪဆံၭ. လၧ စူၪထွ့ၪမွဲဂ့ၩ, လၧစူၪစ့ၪမွဲဂ့ၩ, ထီးကၠၪပဲၩနၥံၪဝ့ၫလ
33 ဂ့ၩ.- နၥံၪမိဘၪလ့ၩဖိၬကယဲဖၧၩ့ၥၭၥံၪလၧယဟိဝၩ နၥံၪအယွၩမၪလူၬနၥံၪ ထီးအလူၬလီၫ. မွဲဘဲၫနီၪၥိၭ နၥံၪမိမၧၫ့, ဒဲဆၧမိဂ့ၩထၪ့လၧနၥံၪအဂး, တၭနၥံၪမိ မၩအၪထၪ့နၥံၪအနံၩအၥၫ့ လၧနၥံၪမိမၩန့ဝ့ၫလီၫ.