24
1 ထီးၦၡၩမၩန့အမၫတၭ, အီၪဎုၬဝ့ၫနီၪအ့ၪလဘၪခိး ဘၪတၩ လၧအမ့ၬၥၪဖၧၩ့ လၧဆၧဘၪၥၭလိၪလမံၩ့ လၧအဒၪန့ဝ့ၫ လၧအလီၩ့အကၠီၩ့တၭ, ထီးနီၪလဖၧၫ့ မွဲအမိဘၪကွ့ၭဒၪဝ့ၫ လၧအလံၬလၩ့ၡၪလဘံၪ့ လၧအ ဂးတၭ, ဖ့ၪလၫ့ဝ့ၫလၧအစူၪဖၧၩ့နီၪတၭ ဒုၭစဲၪ့ထၪ့ခွံၬ
2 အဝ့ၫဒၪလၧအဂံၪ့လီၫ.- ထီးအဝ့ၫဒၪစဲၪ့ထၪ့ခွံၬ လၧ အဂံၪ့ဖၧၩ့တၭ, အ့ၪမိလ့ၩကဲၪထၪ့ဘၪအၥၭ ၦခွၫဂူၫ
3 ဂၩအမၫနီၪမိလ့ၩဘၪဝ့ၫလီၫ.- အဝၩလၧခဲၫ့လဂၩအ့ၪ ၥၭဂဲၫ့ဝ့ၫတၭ, ကွ့ၭန့ဝ့ၫလၧအလံၬလၩ့ၡၪဒဲဖ့ၪလၫ့ဝ့ၫ လၧအစူၪဖၧၩ့, ဒဲအၪ့မၧၫ့အစဲၪ့ထၪ့ခွံၬလၧအဂံၪ့ဖၧၩ့ မွဲဂ့ၩ, အဝၩလၧခဲၫ့လဂၩလၧအန့မၫလၧအဝ့ၫအ့ၪၥံၫ
4 မွဲဂ့ၩ,- အဝၩလၧအခၪ့ထံၭ လၧအဒုၭစဲၪ့ထၪ့ခွံၬအ ဝ့ၫဒၪလဂၩနီၪ, မၩန့ထဲၩ့ဘၪအမၫလၧအဘၪဆၧမၩ ဝ့ၫလဆံၫ့ဘၪအလးခဲၫ့နီၪအ့ၬ. အဂဲးဘဲၫယီၩဆၧနီၪ မွဲဆၧဘၪၥၭလိၪလၧယဟိဝၩအမ့ၬယၫလီၫ. တၭနဒုၭ မၪဘၪထံၫၥံၪခးၥံၪလၧယဟိဝၩနယွၩ ဖ့ၪလၫ့နၧၩလၧ ဆၧန့ၥၫအဂးအ့ၬ.
5 ထီးၦမၩန့ၥၫ့အမၫတၭလ့ၩဒုၭဘၪၥုၭအ့ၬး တၭၦ အီၪက့ၪဆၧမၩကၩလၧအစူၪဖၧၩ့နးမံၩ့ဆ့အ့ၬ. မိအီၪ ဘၪပျီၩဖျ့ၭ လၧအဂံၪ့ဖၧၩ့ထၧၫ့နံၪ့ယၫတၭ, မိဒုၭၥၭ ထိၬအမၫလၧအမၩန့ဝ့ၫလီၫ.
6 ဆုၪ့ဂူၬလိးလၧအဖၫ့လၬမွဲဂ့ၩ, လၧအဖၫ့ခိၪလဖျိၪ့ မွဲဂ့ၩ, ၦမိမၩန့ဘၪလၧပီၩ့လၩ့ဆၧအ့ၬ. အဂဲးဘဲၫယီၩ မွဲအမၩန့ၦၡၩအၥၭမၧၫ့လၧပီၩ့လၩ့ဆၧလီၫ.
7 ၦအ့ၪဒၪဘၪဆၧအၪ့ဂူၪန့အထၧၫ့ဖုဝဲ ၦအံၫစရ့လၭ ဖိၪလဂၩဂၩနီၪဒဲအၪ့မၧၫ့ဎီးဝ့ၫမွဲဂ့ၩ, အၪ့ဆၫခွံၬဝ့ၫမွဲ ဂ့ၩ, ၦလၧအအၪ့ဂူၪဆၧလဂၩနီၪ မိဘၪဆၧမၩၥံၫဝ့ၫ လီၫ. တၭနမိဘၪအီၪက့ၪခွံၬဆၧအၧၩ့ လၧနၥံၪအကျၩ လီၫ.
8 လၧဆၧခံၫထူၬဆၫအၧၩ့ အဖၧၩ့နီၪ, ထီးလၩ့နၥၭ ဘဲၫၥိၭနမိထီးန့ဆၧလၩ့ထံးလၩ့ဆ့ၭတၭ, မၩဘဲၫကယဲ ဆၧလၧၦလုဆၧၦလံဝဲၫဖိၪ မိၥီၪ့လိၪနၥံၪအၥိၭနီၪဆံၭး ဘဲၫယမၪလူၬဝ့ၫအၥိၭနီၪ, နၥံၪမိဘၪထီးလၩ့နၥံၪအ
9 ၥၭလၧနၥံၪမိမၩလီၫ.- လၧနၥံၪစဲၪ့ထၪ့ခွံၬ လၧအံဇံၭ အလးခဲၫ့နီၪ ယဟိဝၩနယွၩမၩနးမံရအၫ့ ဘဲၫၥ့ၪလဲၪ ဘဲၫၥ့ၪလဲၪနီၪ နၪ့ထၪ့ထဲၩ့ဆံၭ.
10 ထီးနဒုၭအၪ့လီးနထၧၫ့ဖုဝဲ လၧဆၧလမံၩ့မံၩ့တၭ, နလ့ၩနုၬမၩန့ဘၪအပီၩ့လၩ့ဆၧ လၧအဂံၪ့ဖၧၩ့အ့ၬ.
11 နမိဘၪဆၧၫ့ထုၪ့လၧခီၫ့တၭ, ၦလၧနဒုၭအၪ့လီးဆၧ လၧအဝ့ၫလဂၩနီၪ မိဘၪဂဲၫဆိၬထၪ့အပီၩ့လၩ့ဆၧလၧ
12 နအီၪလၧခီၫ့လီၫ.- တၭၦလဂၩနီၪ အ့ၪၡၪ့အ့ၪယၬ တၭ,နမံၫဘၪလၧအပီၩ့လၩ့ဆၧအီၪ လၧနစူၪဖၧၩ့အ့ၬ.
13 ထီးမုလၩ့နုၬတၭ, နမိဘၪဖ့ၪထဲၩ့တၡါအပီၩ့လၩ့ဆၧ နီၪဘဲၫၥိၭအမိမံၫလၧအဖၬဘဲၩ့ဒၪဝ့ၫအဖၧၩ့, ဒဲဆိၪဂ့ၩ နၧၩလီၫ. တၭဆၧမိကဲၪထၪ့ ဆၧတီၩဆၧလီၩ့လၧနဂး လၧယဟိဝၩနယွၩအမ့ၬယၫလီၫ.
14 ၦဒိၭအၪ့လံၩ့ဖိၪလၧအၡၪ့အယၬ, ဒဲကြၨၭန့ဆၧလ မံၩ့မံၩ့လၧနထၧၫ့ဖုဝဲအကျၩမွဲဂ့ၩ, လၧၦလခီၫဘၩ့မုး ဖိၪလၧနခးဖၧၩ့အီၪလၧနတရၫ့ဖၧၩ့မွဲဂ့ၩ, နမၩနၭမၩ
15 ၡၪ့ဘၪဝ့ၫအ့ၬ.- နမိဘၪဖ့ၪလၫ့ဝ့ၫလၧအလံၩ့အလဲၫ လၧအမုနံၩနီၪတၭ, မုလၩ့နုၬဘၪလၧအဖၫ့ခိၪအ့ၬး အ ဂဲးဘဲၫယီၩ မွဲအၡၪ့အယၬတၭ, ဒိၭနဲၩ့အၥၭလၧအ ဝ့ၫလီၫ. အ့ၪလမွဲဘၪဘဲၫနီၪတၭ, မွဲအမိကိၭထၪ့ထၫ့ ဒၩဘၪခိၬနၧၩလၧယဟိဝၩတၭ, ဆၧဒဲၩဘၭမိအီၪလၧ နလီၩ့လီၫ.
16 အဖါလဖၪဘၪဆၧမၩၥံၫဝ့ၫ လၧအဖိၪလဖၪအကၠီၩ့, အ့ၬး ဒဲအဖိၪလဖၪဘၪဆၧမၩၥံၫဝ့ၫ လၧအဖါလဖၪအ ကၠီၩ့ဆ့အ့ၬ. ၦမိဘၪဆၧမၩၥံၫဝ့ၫ လၧအဆၧဒဲၩဘၭ ဒၪဝ့ၫအကၠီၩ့လီၫ.
17 ၦလခီၫဘၩ့မုးဖိၪမွဲဂ့ၩ, ၦဖိၪဎွ့ၪမွဲဂ့ၩ, နဘိၭကၠၪပဲၩ ခွံၬဘၪအဆၧစ့ၩရၫ့အ့ၬ. တၭနမၩန့ထၪ့ဘၪၦမုၪမဲၫ
18 အကီၩ့အၥိၭ လၧပီၩ့လၩ့ဆၧအဂးအ့ၬ.- နမိဘၪနၪ့ ထၪ့ထဲၩ့လၧနမွဲၦဎီးဖိၪ လၧအံဇံၭအဖၧၩ့, ဒဲလၧယဟိ ဝၩနယွၩ ဎွ့ၩန့ထဲၩ့နၧၩထီးနီၪလီၫ. မၩအၥၭဘဲၫနီၪ တၭယမၪလူၬနၧၩ ဘဲၫၥိၭနမိမၩဆၧလမံၩ့နီၪလီၫ.
19 ထီးနကူၭဘုၪလၧဆံၬဖၧၩ့တၭ, ဘုၪလၧနၥၭနၪ့လ ထူနီၪ, နထဲၩ့ထဲၩ့မၩန့ဘၪဝ့ၫအ့ၬ. မိအီၪဘၪဝ့ၫလၧၦ လခီၫဘၩ့မုးဖိၪအဂး, လၧၦဖိၪဎွ့ၪအဂး, ဒဲၦမုၪမဲၫအ ဂး, ဘဲၫၥိၭယဟိဝၩနယွၩမိဆိၪဂ့ၩနၧၩ လၧကယဲနမၩ
20 ဆၧလၧနစူၪလီၫ.- ထီးနဒိၪလၩ့န့နၥံၪ့အလဲအိၫ့အၥၪ တၭ, နဒိၪဘၪဒီၭအထဲၩ့လဖၪလၧခဲၫ့အ့ၬ. မိဘၪအီၪ ဝ့ၫလၧၦလခီၫဘၩ့မုးဖိၪအဂး, ဒဲလၧၦဖိၪဎွ့ၪ အဂး,
21 ဒဲလၧၦမုၪမဲၫအဂးလီၫ.- ထီးနအၪ့ထုၫ့ကီၪ့ စဘံၭၥၪ လၧနစဘံၭမုအလးအဖၧၩ့တၭ, နအၪ့ထုၫ့ဘၪဆၧလၧ အအီၪလၩ့ထးလၧခဲၫ့အ့ၬ. မိအီၪဝ့ၫလၧၦလခီၫဘၩ့မုး ဖိၪအဂး ဒဲလၧၦဖိၪဎွ့ၪအဂး ဒဲလၧၦမုၪမဲၫအဂးလီၫ.
22 တၭနမိဘၪနၪ့ထၪ့လၧနမွဲၦဎီးဖိၪ လၧခးအံဇံၭအဖၧၩ့ လီၫ. မၩအၥၭဘဲၫနီၪတၭ, ယမၪလူၬနၧၩ, ဘဲၫၥိၭနမိ မၩဆၧလမံၩ့နီၪလီၫ.