12
1 အယီၩမွဲၥနိၫလဖၪ, ဒဲဆၧစ့ၩရၫ့လဖၪလၧနၥံၪမိဘၪ ထီးလၩ့နၥံၪအၥၭ ဘဲၫၥိၭနၥံၪမိဘၪမၩဝ့ၫ လၧထံၫၥံၪ ခးၥံၪအဖၧၩ့, လၧယဟိဝၩနၥံၪအဖါလဖၪအယွၩ ဖ့ၪ လၫ့ဝ့ၫလၧနၧၩ ဘဲၫၥိၭနၥံၪမိထီးန့ဝ့ၫ လၧနၥံၪအီၪဝ့ၫ
2 လၧဂၪ့ခိၪချိၫ့ယီၩ ကိၭမုနံၩမုနၩဒ့ၭနီၪလီၫ.- နၥံၪဘၪ မၩဂၭဂီၩ့ ကယဲအလးထီးၦဆၨၩ လၧနၥံၪမိမၩန့ဝ့ၫ လဖၪမၩအဝ့ၫၥံၪအယွၩအဆၧမၩ, လၧခိၪလီၩ့ထီၫအ လီၩ့, ဒဲလၧဆၧစီၩ့ခိၪအလီၩ့, ဒဲလၧကယဲၥံၪ့ၥံၫ့ဆ့ၬအ
3 ဖၫ့လၬလီၫ.- တၭနၥံၪဘၪမၩဂၭဂီၩ့ခွံၬ အဆၧလုလး လဖၪ, ဒဲမၩခါခွံၬအထုၪ့လဖၪ, ဒဲဆူၭထၪ့ခွံၬအၡ့ရိၫ လဖၪလၧမ့ၪ, ဒဲခူၬခွံၬအယွၩလဖၪ အဆၧဂၩ့စိၭဖျၩအ ၥၭတၭမၩဂၭဂီၩ့ခွံၬအမံၩ့ လၧအလးထီးနီၪလီၫ.
4 အ့ၪမွဲယဟိဝၩနၥံၪအယွၩနီၪ နၥံၪမၩဘၪဝ့ၫဘဲၫနီၪ
5 ၥိၭအ့ၬ.- အ့ၪမွဲထီးဒၪအလး လၧယဟိဝၩ နၥံၪအ ယွၩမိရွံန့ဝ့ၫ လၧနၥံၪအဒီၪ့လဖၪ ထီးအလူၬအကျၩ, ဘဲၫၥိၭအမိအီၪက့ၪလၩ့ အမံၩ့ထီးနီၪ, နၥံၪဘၪအၪ့
6 ဎၬ, ဒဲနဘၪဂဲၫထီၩ့လၧအလး လၧအအီၪဝ့ၫနီၪ,- ဒဲနၥံၪ ဘၪဂဲၫဆိၬနၥံၪအဆၧလုမ့ၪလဖၪ, ဒဲနၥံၪအဆၧလုလ ဖၪ, ဒဲနၥံၪအဆၧဆံၫပိၩ့လပိၩ့, ဒဲဆၧမၩဘိၪ့ဆိၬထၪ့ ဝံဝါဝ့ၫ လၧနၥံၪအစူၪ, ဒဲနၥံၪအဆၧဆိၪလၩ့ နၥံၪအ ၥၭ, ဒဲနၥံၪအဆၧမၩဘိၪ့ဒၪဆၧ, ဒဲနၥံၪအချီအဒီၪ့အ ဖိၪဝဲၡါလဖၪ, ဒဲနၥံၪအၥိၪအဘ့ၪအဖိၪဝဲၡါလဖၪထီး
7 နီၪလီၫ.- နၥံၪဘၪအၪ့ဆၧထီးနီၪ လၧယဟိဝၩနၥံၪ အယွၩအမ့ၬယၫတၭ, ကယဲဆၧလၧနၥံၪအီၪက့ၪနၥံၪ အစူၪလၧအလီၩ့နီၪ နၥံၪမိၥၭထိၬ လၧအဖၧၩ့, နၥံၪဝ့ၫ ဒၪ, ဒဲနၥံၪအၡၩဂံၪ့ဖိၪလီၫ. အဂဲးဘဲၫယီၩ ယဟိဝၩန ယွၩဆိၪဂ့ၩယူၭနၧၩယူၭလီၫ.
8 ဘဲၫကယဲဆၧလၧပမၩထီးယီၩ လၧမုဆၫလနံၩယီၩ အၥိၭနီၪ, လဂၩထီးဒၪဆၧအတီၩ လၧအမ့ၬၥၪဒၪဝ့ၫ လဂၩထီးဒၪဆၧအတီၩ လၧအမ့ၬၥၪဒၪဝ့ၫနီၪ နၥံၪမၩ
9 ဘၪအ့ၬ.- အဂဲးဘဲၫယီၩ နၥံၪထီၩ့ဒံၭလၧဆၧအီၪပွံၭ, ဒဲဆၧန့ၥၫ လၧယဟိဝၩနၥံၪအယွၩ ဖ့ၪလၫ့နၥံၪနီၪ
10 အ့ၬ.- ထီးနၥံၪခၫ့ဂၬထံၫယီၫဒၫ့တၭ, နၥံၪအီၪလၧထံၫ ၥံၪခးၥံၪအဖၧၩ့, လၧယဟိဝၩနၥံၪအယွၩ ဖ့ၪလၫ့နၥံၪ, ဘဲၫၥိၭနၥံၪမိန့ဘၪ, ဒဲဒုၭအီၪပွံၭနၥံၪ လၧနၥံၪအဒုၪအ ဒၩအီၪဝၬဖီၩ့ဝ့ၫ ထီးအလူၬတၭ, နၥံၪအီၪဂုးခၧၫ့တၭ,
11 ဆၧအလးမိဘၪအီၪလၧယဟိဝၩ နၥံၪအယွၩ မိရွံန့ ဝ့ၫ, ဘဲၫၥိၭအမိဒုၭအီၪအမံၩ့ ထီးနီၪလီၫ. နၥံၪမိဘၪဂဲၫ ဆိၬကယဲဆၧလၧယမၪလူၬနၥံၪ, နၥံၪအဆၧလုမ့ၪလ ဖၪ, နၥံၪအဆၧလုလဖၪ, နၥံၪအဆၧဆံၫပိၩ့လပိၩ့, ဒဲ ဆၧမၩဘိၪ့ဆိၬထၪ့ဝံဝါဝ့ၫ လၧနၥံၪအစူၪ, ဒဲကယဲနၥံၪ မၩဘိၪ့ဆၧရွံန့ဝ့ၫ လၧအဘၪဆဲၫ့လၧဆၧဆိၪလၩ့လၧ နၥံၪဆိၪလၩ့ နၥံၪအၥၭ လၧယဟိဝၩ အဂးထီးနီၪ
12 လီၫ.- တၭနၥံၪမိၥၭထိၬ လၧယဟိဝၩ နၥံၪအယွၩအ မ့ၬယၫ, နၥံၪဝ့ၫ, ဒဲနၥံၪအဖိၪခွၫၥံၪ, ဒဲနၥံၪအဖိၪမုၪၥံၪ, ဒဲနၥံၪအဎီးခွၫၥံၪ, ဒဲနၥံၪအဎီးမုၪၥံၪ, ဒဲၦလံဝဲၫဖိၪအီၪ ဝ့ၫလၧနၥံၪအတရၫ့အဖၧၩ့လီၫ. အဂဲးဘဲၫယီၩ အဝ့ၫ ဒၪအလး ဒဲအဆၧန့ၥၫလအီၪဘၪ လၧနၥံၪအၥိၭလီၫ.
13 ထီးလၩ့နၥၭဘဲၫၥိၭနထီးလုထၪ့ နဆၧလုမ့ၪလၧက
14 ယဲဆၧအလးလစီၪ့စီၪ့ လၧနဒၪဘၪဝ့ၫနီၪလဂ့ၩ,- အ့ၪ မွဲအလးလၧယဟိဝၩနယွၩ ရွံန့ဝ့ၫလၧနၡၩအဒီၪ့လဖၪ လဒီၪ့အဖၧၩ့နီၪ, နမိဘၪလုထၪ့နဆၧလုမ့ၪထီးနီၪ, ဒဲန မိဘၪမၩ ကယဲဆၧလၧယမၪလူၬနၧၩ ထီးအလူၬထီး နီၪလီၫ.
15 မွဲလါနၫ့နမိမၩၥံၫဘၪ, ဒဲအၪ့ဘၪ ဆၧယၪထီးနၥၭ ဆိၫ့န့ဘၪလမံၩ့လါလါ လၧနတရၫ့ထီးအလူၬအဖၧၩ့, ဘဲၫယဟိဝၩ နယွၩအဆၧဆိၪဂ့ၩနၧၩအၥိၭနီၪ, ၦလ ဆံၫ့ဘၪ, ဒဲၦအဆံၫ့လဖၪနီၪမိအၪ့ဘၪဝ့ၫ, ဘဲၫခံၫဘၩ့
16 အၥိၭ, ဒဲဘဲၫစဎဲၩအၥိၭနီၪလီၫ.- အ့ၪမွဲအၥွံၪလမံၩ့ ထီးအၪ့လဂ့ၩ, နၥံၪဘၪလူၫလၩ့ခွံၬဝ့ၫ လၧဂၪ့ခိၪချိၫ့ ဘဲၫထံၫအၥိၭနီၪလီၫ.
17 နဘုၪဒဲနစဘံၭထံၫ, ဒဲနၥိၪအဆၧဆံၫပိၩ့လပိၩ့မွဲဂ့ၩ, ဒဲနချီဖိၪအဝဲၡါမွဲဂ့ၩ, နၥိၪနဘ့ၪအဝဲၡါမွဲဂ့ၩ, နဆၧမၩ ဘိၪ့ဘၪဆဲၫ့လၧဆၧဆိၪလၩ့ လၧနဆိၪလၩ့နၥၭ လမံၩ့ မံၩ့မွဲဂ့ၩ, နမၩဘိၪ့ဒၪဆၧမွဲဂ့ၩ, နမၩဘိၪ့ဆိၬထၪ့ဝံဝါ ဝ့ၫလၧနစူၪမွဲဂ့ၩ, ထီးအၪ့လၧနတရၫ့အဖၧၩ့လဂ့ၩ.
18 အ့ၪမွဲနဘၪအၪ့ဝ့ၫ လၧယဟိဝၩနယွၩအမ့ၬယၫ, ထီး အလးလၧယဟိဝၩနယွၩမိရွံန့ဝ့ၫ, နဝ့ၫဒၪ, ဒဲနဖိၪခွၫ, ဒဲနဖိၪမုၪ, ဒဲနဎီးခွၫ, ဒဲနဎီးမုၪ, ဒဲၦလံဝဲၫဖိၪလၧအအီၪ ဝ့ၫလၧနတရၫ့အဖၧၩ့လီၫ. တၭကယဲဆၧလၧနအီၪ က့ၪနစူၪလၧအလီၩ့နီၪ, နမိၥၭထိၬလၧအဖၧၩ့ လၧယ
19 ဟိဝၩနယွၩအမ့ၬယၫလီၫ.- လဆိၩဒၪနၥၭလၧဂၪ့ခိၪ ချိၫ့အဘိၩ့ဘၭနီၪ ထီးလၩ့နၥၭဘဲၫၥိၭ နထီးစဲၪ့ဒၪၦလံ ဝဲၫဖိၪနးဖၧၫ့လဂ့ၩ.
20 ထီးယဟိဝၩနယွၩမိမၩလဲထၪ့နခးအနဲၩ့, ဘဲၫအချဲၩ့ ဝဲၩဆၧလၧနၧၩအၥိၭနီၪတၭး နစံၭ, ယမိအၪ့ဆၧယၪ တၭ, မွဲလၧနဆိၫ့အၪ့ဘၪဆၧယၪအကၠီၩ့နီၪ, နမိအၪ့ ဘၪဆၧယၪထီးဒၪ နမိအၪ့ဘၪ နၥၭလမံၩ့မံၩ့လီၫ.
21 ထီးဆၧအလး လၧယဟိဝၩနယွၩရွံန့ လၧအမိအီၪက့ၪ အမံၩ့ထီးနီၪ အ့ၪအီၪယဲၩ့လါ ကဲၪကၩလၧနၧၩတၭ, နဘၪမၩၥံၫဆၧလၧနချီ, နၥိၪနဘ့ၪအကျၩ, လၧယဟိ ဝၩနယွၩဖ့ၪလၫ့နၧၩ, ဘဲၫယမၪလူၬနၧၩအၥိၭတၭ, နမိ အၪ့ဘၪလၧနတရၫ့အဖၧၩ့ ထီးဒၪဆၧလၧ နမိအၪ့ဘၪ
22 နၥၭလမံၩ့မံၩ့လီၫ.- ဘဲၫခံၫဘၩ့, ဒဲစဎဲၩဘၪဆၧအၪ့ဝ့ၫ အၥိၭနီၪ, နမိအၪ့ဘၪဝ့ၫ ဘဲၫနီၪအၥိၭလီၫ. ၦလဆံၫ့ ဘၪ, ဒဲၦအဆံၫ့လဖၪနီၪ မိအၪ့ဘၪဝ့ၫလစီၪ့ဎးလီၫ.
23 အ့ၪမွဲအီၪတၡါ လၧနၥၭဆီၪ့ လၧနလအၪ့ဘၪဆၧၥွံၪ နီၪလမံၩ့ဆံၭ. အဂဲးဘဲၫယီၩ ဆၧၥွံၪနီၪ မွဲဆၧအၥၭ တၭး နအၪ့ဘၪဆၧအၥၭ လၧဆၧယၪအၥိၭအ့ၬ.
24 နအၪ့ဘၪဝ့ၫအ့ၬး နဘၪလူၫလၩ့ခွံၬဝ့ၫ လၧဂၪ့ခိၪအဖၫ့
25 ခိၪဘဲၫထံၫအၥိၭနီၪလီၫ.- လၧနလအၪ့ဘၪဝ့ၫအကၠီၩ့ နီၪ, မွဲဘဲၫၥိၭဆၧမိဂ့ၩထၪ့လၧနဂး, ဒဲလၧနဖိၪနလံၩလၧ နလးအဂး, ထီးနမၩဆၧလၧအတီၩအလီၩ့လၧယဟိဝၩ အမ့ၬယၫနီၪလီၫ.
26 အ့ၪမွဲနဆၧဆံၫ့ဎံၪလဖၪ, ဒဲနဆၧမၩဘိၪ့ ဘၪဆဲၫ့ လၧနဆိၪလၩ့နၥၭလဖၪနီၪ, နဘၪမၩန့ဝ့ၫတၭ လ့ၩလၧ
27 ဆၧအလး လၧယဟိဝၩမိရွံန့ဝ့ၫလီၫ.- တၭနဘၪလု ထၪ့နဆၧလုမ့ၪ, ဆၧယၪဒဲဆၧၥွံၪ လၧယဟိဝၩနယွၩ အဆၧလုလးအဖၫ့ခိၪ, ဒဲနဆၧလုလဖၪအၥွံၪ မိဘၪဆၧ လူၫလၩ့ခွံၬဝ့ၫ လၧယဟိဝၩနယွၩအဆၧလုလးအဖၫ့ ခိၪတၭ, နမိအၪ့ဘၪဆၧယၪနီၪလီၫ.
28 ထီးန့ဒဲခိၭနၪကယဲဆၧလၧယမၪလူၬနၧၩ, ဘဲၫၥိၭန မၩဆၧအဂ့ၩအဘၪ လၧယဟိဝၩနယွၩအမ့ၬယၫနီၪ, ဆၧမိဂ့ၩထၪ့လၧနဂး, ဒဲလၧနဖိၪနလံၩလၧနလးခဲၫ့နီၪ အဂးအဆိၩအကၠၪဆံၭ.
29 ထီးယဟိဝၩနယွၩ မိဒၪ့ထ့ၬခွံၬ ၦဆၨၩလဖၪလၧ နမ့ၬယၫထီးအလး လၧနလ့ၩမၩန့နဝ့ၫ, နအီၪလၧအ
30 လး, ဒဲနအီၪလၧအခးဖၧၩ့တၭ,- ထီးအဝ့ၫၥံၪ ဘၪဆၧ ဂၭဂီၩ့ဂၭစၪ လၧနမ့ၬယၫအလးခဲၫ့နီၪတၭ, ထီးလၩ့န ၥၭလၧနထီးဖိၬ အဝ့ၫၥံၪအခဲၫ့နီၪ, ဒဲဘၪဆၧဖျံၩခွၩ့ လၧအကၠီၩ့လဂ့ၩ. တၭထီးအၪ့စၪ့ဆၧလၧ အဝ့ၫၥံၪအ ယွၩလဖၪအဂဲးအကၠီၪ့တၭစံၭ, ၦဆၨၩလဖၪနီၪမၩအ ယွၩအဆၧမၩဘဲၫၥ့ၪလဲၪ, ယမိမၩဘဲၫနီၪ အၥိၭဆ့လ
31 ဂ့ၩ.- နမၩဘၪယဟိဝၩ နယွၩဘဲၫနီၪအ့ၬ, အဂဲးဘဲၫ ယီၩကယဲဆၧလၧအၥၭလိၪဘၪ ယဟိဝၩလၧအမ့ၬ လဲၩဝ့ၫလမံၩ့လါလါနီၪ, အဝ့ၫၥံၪမၩဘၪယူၭအယွၩ လဖၪယူၭ, အဂဲးဘဲၫယီၩ မွဲအဝ့ၫၥံၪဆူၭထၪ့ခွံၬယူၭ အဖိၪခွၫၥံၪဒဲအဖိၪမုၪၥံၪဒၪလ့ၬ လၧမ့ၪလၧအယွၩလ ဖၪအဂးယူၭ.
32 ကယဲဆၧလၧယမၪလူၬနၥံၪ လမံၩ့လါလါနီၪ, ထီး လၩ့နၥၭဘဲၫနမိမၩဝ့ၫဆံၭ. ထီးအီၪက့ၪအၪထၪ့ ဆၧ လၧအဝ့ၫလဂ့ၩ, ဒဲထီးမၩန့ထၪ့ခွံၬ ဆၧလၧအဝ့ၫနီၪ လဂ့ၩ.