10
(၂မိ ၃၄:ၥ-ၥဝ).
1 အဆၧၫ့အထီထီးနီၪ ယဟိဝၩစံၭယၧၩ, တဲၩန့လိး ပၪနံၫဘံၪ့လၧနဂး ဘဲၫလၧအခၪ့ထံၭလဖၪအၥိၭတၭ, ဂဲၫထၪ့လၧယအီၪ လၧခိၪလီၩ့ခိၪတၭ, တဲၩ့တလၫၥံၪ့
2 လဖျိၪ့လၧနဂးဆံၭ.- တၭဆၧချဲၩ့လၧအအီၪဝ့ၫ လၧလိး ပၪလၧအခၪ့ထံၭအလီၩ့ လၧနမၩထ့ဖၭခွံၬဝ့ၫနီၪ, ယမိ ကွ့ၭလၧလိးပၪအလီၩ့တၭ, နဘၪဒုၭနုၬဝ့ၫလၧအဖၧၩ့
3 နီၪလီၫ.- တၭယတဲၩ့တလၫလဖျိၪ့ လၧၥံၪ့ၡံၭတၫ, ယ တဲၩန့လိးပၪနံၫဘံၪ့ ဘဲၫလၧအခၪ့ထံၭလဖၪ အၥိၭနီၪ တၭ, ယလ့ၩထၪ့လၧခိၪလီၩ့ခိၪ အီၪလၧလိးပၪနံၫဘံၪ့ ဘဲၫလၧအခၪ့ထံၭလဖၪအၥိၭနီၪတၭ, ယလ့ၩထၪ့လၧ ခိၪလီၩ့ခိၪအီၪလၧလိးပၪနံၫဘံၪ့နီၪ လၧယစူၪဖၧၩ့လီၫ.
4 တၭယွၩကွ့ၭဝ့ၫလၧလိးပၪအလီၩ့, ဘဲၫအကွ့ၭဆၧလၧ အခၪ့ထံၭအၥိၭ, ဆၧမၪလူၬဆံၫထံၪ, လၧယဟိဝၩချဲၩ့ ဆၧလၧနၥံၪ လၧခိၪလီၩ့ခိၪလၧမ့ၪကျၩ, လၧဆၧအီၪ ကီၪ့အမုလနံၩအထးဖၧၩ့ဂီၩ့တၭ, ယဟိဝၩဖ့ၪလၫ့လၧ
5 ယစူၪဖၧၩ့လီၫ.- ယကၠၪယၥၭတၭ, ဂဲၫထဲၩ့လၩ့လၧခိၪ လီၩ့ခိၪဒဲဒုၭနုၬလိးပၪလၧတလၫ လၧယတဲၩ့ဝ့ၫနီၪအ ဖၧၩ့တၭ, အီၪဝ့ၫထီးနီၪ, ဘဲၫယဟိဝၩမၪလူၬယၧၩအ ၥိၭနီၪလီၫ.
6 တၭၦအံၫစရ့လၭဖိၪ စဲၪ့ထၪ့ခွံၬဝ့ၫလၧဘံရီၭဘၪဆဲၫ့ လၧၦယၫကၫ့ဖိၪ ထီၩ့လၧမိၫစံရၫ, ထီးစအၫရၧၫ့ၥံၫဝ့ၫ အလး, ဒဲဘၪဆၧခုၪ့လၩ့ဘၧၩ့ခွံၬဝ့ၫ ထီးနီၪတၭး အ ဖိၪခွၫစအံၫလအ့ဇၧၫ မၩၦလုဆၧအဆၧမၩလၧအ
7 လးလီၫ.- အဝ့ၫၥံၪစဲၪ့ထၪ့ခွံၬဝ့ၫ ထီးနီၪထီၩ့လၧဂၧၫဒဂိ ဒၫတၭ, လၧဂၧၫဒဂိဒၫနီၪထီၩ့လၧယီၭဘၪၥၫ, ခးလ ဘံၪ့အီၪလၧထံၫချိၬလဖၪလီၫ.
8 အဆၧၫ့အထီထီးနီၪ ယဟိဝၩအီၪက့ၪလၩ့မဲၩၦလံ ဝဲၫဖိၪလဒီၪ့, ဘဲၫၥိၭအမိဆိၬယဟိဝၩ အဆၧအုၩ့လၩ့ အတလၫ, ဘဲၫၥိၭ အမိဆၧၫ့ထုၪ့ လၧယဟိဝၩ အမ့ၬ ယၫ, ဒဲဘဲၫၥိၭအမိမၩ အခ့ၫအၡၩအဆၧမၩတၭ, ဘဲၫ ၥိၭအမိဆိၪဂ့ၩဆၧလၧအမံၩ့, ထီးမုဆၫလနံၩယီၩ
9 လီၫ.- မၩအၥၭဘဲၫနီၪတၭ စလံဝဲၫန့ဘၪအလးလၧဆၧ န့ၥၫ လၧအထၧၫ့ဖုဝဲၥံၪအၥိၭအ့ၬ. ယဟိဝၩ မွဲအဝ့ၫ ဒၪအဆၧန့ၥၫ, ဘဲၫယဟိဝၩနယွၩ ချဲၩ့ဝဲၩဝ့ၫအၥိၭနီၪ လီၫ.
10 ယအီၪလၧခိၪလီၩ့ခိၪ, မၩအၥၭဘဲၫလၧအခၪ့ထံၭ လဘျၩ့အၥိၭနီၪ, အနံၩလံဆံၫ, ဒဲအနၩလံဆံၫတၭ, ယဟိဝၩခိၭနၪယလူ အဆၧၫ့အထီ ထီးနီၪဆ့လီၫ. ယ
11 ဟိဝၩမၩဂၭဂီၩ့နၧၩအၥၭအီၪအ့ၬ.- တၭယဟိဝၩစံၭ ယၧၩ, ဂဲထုၪ့လ့ၩဆၧလၧ ၦခမျၧးအမ့ၬယၫ ဘဲၫၥိၭအ ဝ့ၫၥံၪမိလ့ၩနုၬမၩန့ ခးလဘံၪ့နီၪ လၧယဆိၪလၩ့ယၥၭ လၧအဖါလဖၪ လၧယမိဖ့ၪလၫ့အဝ့ၫၥံၪလီၫ.
12 တၭဘိၩ့နဲၪ့ယီၩ အံၫစရ့လၭဧ့, ဘဲၫၥိၭနမိၥၭမဲၪ ယဟိဝၩနယွၩ, ဘဲၫၥိၭနမိဖိၬအဖၧၩ့ၥၭ ထီးအလူၬ, ဒဲအဲၪဝ့ၫ, ဒဲမၩယဟိဝၩနယွၩအဆၧ လၧနၥၭထၧၫ့ဖျိၪ့
13 ယၫ, ဒဲနၥၭၡီၩ့ထီးအလူၬ,- ဘဲၫၥိၭနမိထီးန့ ယဟိဝၩ အဆၧမၪလူၬ, ဒဲအၥနိၫလဖၪ, လၧယမၪလူၬနၧၩလၧ ဆၧဂ့ၩအဂး လၧမုဆၫလနံၩယီၩး အ့ၪလမွဲဘၪဆၧ နီၪတၭ, မွဲယဟိဝၩနယွၩ အၪ့ကံၩ့ဆၧလၧနၧၩလၧဆၧ
14 နီၪလမံၩ့လဲၪ.- ယိခွါ, မူၭခိၪဒဲအမူၭခိၪ အမူၭခိၪနီၪ, မွဲ ယဟိဝၩနယွၩအဆၧး ဂၪ့ခိၪဒဲကယဲဆၧအီၪလၧအ
15 ချိၫ့ဆ့လီၫ.- တၭဘၪယဟိဝၩအၥၭ လၧအအဲၪနဖါလ ဖၪတၭ, ရွံန့အချံၫအၥၪလၧအလးခဲၫ့, နၥံၪဝ့ၫဒၪ, လၧၦ ဆၨၩထီးအလူၬအဖၫ့ခိၪ, ဘဲၫလၧမုဆၫလနံၩယီၩအ
16 ၥိၭနီၪလီၫ.- အခိးမွဲကူၭတရံၭနၥံၪအၥၭ အခိၪဖံၭနီၪ
17 ဆံၭး အီၪလၧၩ့လၧနၥံၪအခိၬဆီၪ့လဂ့ၩ.- အဂဲးဘဲၫ ယီၩယဟိဝၩ နၥံၪအယွၩနီၪ မွဲယွၩလဖၪအယွၩ, ဒဲက ဆါလဖၪအကဆါ, ယွၩဖၭဒိၪလၧအအီၪ လၧအစီၩ့ အမၩ့, ဒဲဆၧၥၭမဲၪဖၭဒိၪအလး, လၧအလယိမ့ၬဘၪၦ
18 ၡၩ, ဒဲမၩန့လၬဆီၪ့နီၪဆ့အ့ၬ.- မွဲအမၩဝ့ၫလၧဆၧစ့ၩ ရၫ့ၦဖိၪဎွ့ၪ, ဒဲၦမုၪမဲၫ, ဒဲအဲၪၦလခီၫဘၩ့မုးဖိၪတၭ, ဖ့ၪ
19 လၫ့ဝ့ၫလၧဆၧအၪ့ဆၧအီၩ, ဒဲအကီၩ့အၥိၭလီၫ.- အ ခိးမွဲနၥံၪဝ့ၫဒၪယီၩ အဲၪၦလခီၫဘၩ့မုးဖိၪဆံၭး အဂဲး ဘဲၫယီၩ နၥံၪမွဲၦလခီၫဘၩ့မုးဖိၪ လၧအံဇံၭအဖၧၩ့
20 လီၫ.- နဘၪၥၭမဲၪယဟိဝၩနယွၩး နမိဘၪမၩအဝ့ၫဒၪ အဆၧ, ဒဲနမိဘၪဖီၪ့ထၬအဝ့ၫဒၪ ဒဲဆိၪလၩ့နၥၭလၧအ
21 မံၩ့လီၫ.- အဝ့ၫနီၪမွဲဆၧစံၭထၪ့အၪ့အူၭအလး, ဒဲအဝ့ၫ ဒၪနီၪ မွဲနယွၩ လၧအမၩယူၭဆၧ အဒိၪအထီၫလဖၪ ယီၩ, ဒဲဆၧၥၭမဲၪဖၭဒိၪအလးလဖၪ လၧနဂးလၧနဒၪ
22 ဘၪယူၭလၧနမ့ၬၥၪယူၭလီၫ.- နဖါလဖၪလ့ၩလၩ့လၧ အံဇံၭအဖၧၩ့, အီၪၦၡၩနွ့ၫဆံၫတၭး ဘိၩ့နဲၪ့ယီၩယ ဟိဝၩနယွၩ မၩအၪထၪ့ယူၭနၧၩ လၧအအၪဘဲၫၡၪၥံၪ ဖီၫၥံၪလၧမူၭခိၪ အၥိၭနီၪလီၫ.