9
1 ၦမံဒအၫဖိၪၥံၪအချံၫအၥၪ စအဟၭရှုၫအံရၧၭအဖိၪ ခွၫစဒရဲအၧၭအနံၪ့ခၪ့ထံၭလနံၪ့ လၧအကဲၪထၪ့ၦခၫ
2 လဒံအၫဖိၪၥံၪ အဘၩ့အမုးအစဎွၩနီၪ,- လၧအကဲၪ စဎွၩအနံၪ့ခၪ့ထံၭလနံၪ့နီၪ, ယၧၩစဒၫ့နအ့လၭယီၩ, ယနၪၥ့ၪနံၪ့အဆၧဝံဆၧနၬ လၧယွၩအလူလၧအဘၪမီၪ စယ့ၫရမဲအၫလၧလံၬၥံၪလဲၥံၪ လၧအမိမၩဎွ့ၩထၪ့ယရု
3 စလံၫ့အဆၧအီၪယူအနံၪ့နွ့ၫဆံၫလီၫ.- ယဒိၭယမ့ၬ လၧကဆါယွၩအအီၪ ဘဲၫၥိၭယမိအၪ့ဂူၬဘၩဆိၪဖၪ ဆၧ,ဒဲအၪ့ကံၩ့အၪ့ယၫဆၧ, ဒဲအီၪလၧဆၧဒုၪဆၧအၪ့
4 ဆၧအီၩ, ဒဲလၧရၧၬအဆၧယၬ, ဒဲဖံၫ့ချၪလီၫ.- ယဘၩ ဆိၪဖၪယဟိဝၩယယွၩတၭ, ယလီၩလၩ့လၬလၩ့ယ ဆၧဒဲၩဘၭတၭး ယစံၭ, ဆၧဒိၪဆၧထီၫဆၧလၩ့လိ လၩ့လၭအယွၩ လၧအထီးန့ဆၧအုၩ့လၩ့ ဒဲဆၧအခိး အတၩလၧၦလၧအအဲၪဝ့ၫ ဒဲၦလၧအထီးန့အဆၧမၪ
5 လူၬလဖၪအဂးလဂၩ, ကဆါဧ့,- ပမၩမၪယူၭဆၧ,ပ မၩယူၭဆၧဒဲၩဘၭ ပမၩအၧၩ့ဆၧယူၭ, ပပိၩ့ထၪ့ဆၧ ယူၭတၭ,ပကၠၪခွံၬယူၭပၥၭ လၧနဆၧမၪလူၬ,ဒဲနဆၧ
6 ၥီၪ့ဆၧၥၫ့,- တၭနခ့ၫနၡၩမီၪလဖၪအလူ လၧအချဲၩ့ ဆၧလၧနမံၩ့ လၧပစဎွၩၥံၪ, ဒဲပၦဒိၪဖၭဒိၪၥံၪ, ဒဲပဖါ
7 ၥံၪ,ဒဲၦခးဖိၪထီးအလူၬနီၪပခိၭနၪအ့ၬ.- ကဆါဧ့,ဆၧ တီၩဆၧလီၩ့အီၪဝ့ၫလၧနၧၩတၭ, အ့ၪမွဲဆၧမ့ၬမဲအီၪ ဝ့ၫလၧပၧၩ ဘဲၫလၧမုလနံၩယီၩအၥိၭ, လၧယုဒၫအၦ ၡၩလဂၩဘၪလဂၩဆုၬဆုၬ, ဒဲလၧၦယရုစလံၫ့ဖိၪ,ဒဲ လၧအံၫစရ့လၭထီးအလူၬ, ၦလၧအဘူၭ ဒဲၦလၧအ ယဲၩ့,လၧခးထီးအလူၬအဖၧၩ့ ထီးအလးလၧနနၫ့ထၪ့ ခွံၬအဝ့ၫၥံၪ လၧအဆၧမၪအကၠီၩ့, လၧအမၩမၪဘၪ
8 နၧၩလီၫ.- ကဆါဧ့, ဆၧမ့ၬမဲအီၪလၧပၧၩ, ပစဎွၩၥံၪ ဒဲပၦဒိၪဖၭဒိၪၥံၪ, ဒဲပဖါၥံၪလၧပမၩမၪဘၪနၧၩအကၠီၩ့
9 လီၫ.- ဆၧယၫ့ၥုၪ့ဆၧယၫ့ၥၭ, ဒဲဆၧမၩဖီၩ့မၩဖျ့ၭဆၧ လဖၪအီၪလၧယွၩပကဆါနီၪ, အဂဲးဘဲၫယီၩပမၩမၪ
10 ယူၭအဝ့ၫယူၭလီၫ.- တၭယဟိဝၩပယွၩအလူဘဲၫၥိၭ ပမိလ့ၩဆၧလၧအဆၧၥီၪ့ဆၧၥၫ့အဖၧၩ့ လၧအအီၪက့ၪ လၩ့ဝ့ၫလၧပမ့ၬယၫ လၧအခ့ၫအၡၩမီၪလဖၪအစူၪဖၧၩ့
11 နီၪပခိၭနၪဆ့အ့ၬ.- မွဲမၬ,ၦအံၫစရ့လၭဖိၪ ထီးအလူၬ လၨၪခၫ့ဖၬယူၭနဆၧၥီၪ့ဆၧၥၫ့တၭ, ကၠၪခွံၬအၥၭဘဲၫ ၥိၭအထီးခိၭနၪနလူလဂ့ၩလီၫ. မၩအၥၭဘဲၫနီၪတၭ နဒုၭဘၪယူၭပၧၩလၧဆၧဆိၪအၧၩ့, ဆၧဆိၪအၧၩ့လၧ အကွ့ၭအၥၭလၧယွၩအခ့ၫအၡၩ စမိစ့ၭအဆၧၥီၪ့ဆၧ ၥၫ့အဖၧၩ့, အဂဲးဘဲၫယီၩပမၩမၪယူၭအဝ့ၫယူၭလီၫ.
12 တၭဆၧမၩခၧၫ့ယူၭအဆၧချဲၩ့ လၧအချဲၩ့ဆၧထၫ့ဒၩ ပၧၩ,ဒဲလၧအထၫ့ဒၩၦၡၩစ့ၩရၫ့ခွး လၧအစ့ၩရၫ့ပၧၩနီၪ, လၧအဒုၭဘၪယူၭပၧၩ လၧဆၧအၧၩ့ဖၭဒိၪယူၭ, အဂဲး ဘဲၫယီၩလၧမူၭခိၪထၧၫ့ဘံၪ့ယၫအဖၫ့လၬ ဆၧမၩအ ၥၭဘဲၫဆၧမၩအၥၭလၧယရုစလံၫ့အၥိၭနီၪ နးစီၪ့အ့ၬ.
13 ဘဲၫဆၧကွ့ၭအၥၭ လၧစမိစ့ၭ အဆၧၥီၪ့ဆၧၥၫ့အဖၧၩ့ အၥိၭနီၪ, ဆၧအၧၩ့ထီးအလူၬယီၩဘၪပၧၩလီၫ. မွဲလါ နၫ့တၭ, ပအၪ့ကံၩ့အၪ့ယၫဆၧလၧယဟိဝၩပယွၩအ မ့ၬယၫဘဲၫၥိၭပမိကၠၪခွံၬပၥၭ လၧပဆၧအၧၩ့, ဒဲနၪၥ့ၪ
14 ဆၧလၧနဆၧမွဲဆၧတီၩနီၪဆ့လီၫ.- မၩအၥၭဘဲၫနီၪ တၭ,ယဟိဝၩအီၪခိၭဆၧအၧၩ့နီၪတၭ, ဒုၭဘၪပၧၩ လီၫ.အဂဲးဘဲၫယီၩ ယဟိဝၩပယွၩနီၪ တီၩဝ့ၫလၧအ ဆၧမၩထီးအလူၬအဖၧၩ့ လၧအမၩဝ့ၫလီၫ.အဂဲးဘဲၫ
15 ယီၩပခိၭနၪအလူအ့ၬ.- တၭဘိၩ့နဲၪ့ယီၩယွၩပကဆါ လၧအဒုၭစဲၪ့ထၪ့နၡၩခမျၧး လၧခးအံဇံၭအဖၧၩ့လၧ ဆၧအစူၪဆီၪ့တၭ, မၩန့ဆၧအမံၩ့လၧနဂး ဘဲၫလၧမု လနံၩယီၩအၥိၭနီၪ, လဂၩဧ့, ပမၩမၪဘၪယူၭဆၧ
16 ယူၭ,ပမၩအၧၩ့ယူၭဆၧယူၭ,- ကဆါဧ့, ဘဲၫနဆၧတီၩ ဆၧလီၩ့ထီးအလူၬအၥိၭနီၪ ဘိၭကၠၪကဒၩခွံၬ နၥၭ ထၪ့ဒဲနၥၭခဲၩထၪ့လၧနဒိၩ့ယရုစလံၫ့, နခိၪလီၩ့ဆံၫ့ဎံၪ အအီၪနီၪဆံၭ. အဂဲးဘဲၫယီၩ လၧပဆၧမၪအကၠီၩ့ဒဲ လၧပဖါလဖၪအဆၧအၧၩ့အကၠီၩ့နီၪ, ယရုစလံၫ့ဒဲနၡၩ ခမျၧးကဲၪထၪ့ဆၧဒုၪဒွ့ၪအလး လၧကယဲၦလၧအအီၪ
17 ဝၬဖီၩ့ပၧၩအမ့ၬယၫလီၫ.- တၭဘိၩ့နဲၪ့ယီၩ,ပယွၩဧ့, ခိၭနၪနခ့ၫနၡၩ အဆၧဘၩဆိၪဖၪ, ဒဲအဆၧအၪ့ကံၩ့ အၪ့ယၫတၭ, ဒုၭဖၩ့ဘၪနမ့ၬလၧနလးဆံၫ့ဎံၪလၧအ
18 အီၪယူဝ့ၫနီၪ, လၧကဆါအကၠီၩ့နီၪဆံၭ.- ယယွၩဧ့, ဒိၭနိၩ့ဒိၭနါတၭ, ခိၭနၪဆၧ, စၪ့ထၪ့နမ့ၬတၭယိပဆၧ အီၪယူလဖၪ, ဒဲဒိၩ့လဖျိၪ့လၧဆၧဖျိၬဝ့ၫ လၩ့ဎိၭလၧ နမံၩ့နီၪဆံၭ. အဂဲးဘဲၫယီၩပအၪ့ကံၩ့အၪ့ယၫဆၧလၧ နမ့ၬယၫလၧပဆၧတီၩဆၧလီၩ့အကၠီၩ့လမွဲဘၪ, မွဲလၧ
19 နခိးနတၩအၪအကၠီၩ့လီၫ.- ကဆါဧ့, ခိၭနၪဆၧဆံၭး ကဆါဧ့,ကွဲၪဖျါဆၧဆံၭး ကဆါဧ့,ခိၭနၪဆၧတၭ,မၩ ဆၧဆံၭ, လၧနကၠီၩ့ဒၪနဝ့ၫထီးၥုၭနံၩၥုၭၥၫ့လဂ့ၩ, ယ ယွၩဧ့း အဂဲးဘဲၫယီၩ ဆၧဖျိၬနဒိၩ့ဒဲနၡၩခမျၧးလၩ့ဎိၭ လၧနမံၩ့လီၫ.
20 တၭယချဲၩ့ဆၧ, ဒဲဘၩဆိၪဖၪဆၧ,ဒဲလီၩလၩ့လၬ လၩ့ယဆၧဒဲၩဘၭ, ဒဲယၡၩခမျၧးအံၫစရ့လၭအဆၧ ဒဲၩဘၭတၭ, အီၪက့ၪလၩ့ယဆၧအၪ့ကံၩ့အၪ့ယၫလၧ ယဟိဝၩယယွၩအမ့ၬယၫ လၧယယွၩအခိၪလီၩ့ဆံၫ့
21 ဎံၪအဂးအဘိၩ့ဘၭနီၪ,- မွဲမၬ, လၧယဘၩဆိၪဖၪဆၧ အဘိၩ့ဘၭဒၪလ့ၬ, ၦၡၩဂ့ဘြံၫလၭလဂၩ လၧယဒၪ ဘၪလၧဆၧဒၪဆၧလၧယၫလခီၫအဖၧၩ့ လၧအခၪ့ထံၭ နီၪ, ဆၧဒုၭဂဲၫဝ့ၫချဲၫ့ချဲၫ့တၭ, လၧၦမၩဘိၪ့ဆၧလၧ မုဂၪလၩ့အထီနီၪ, ၥုၭဘူၭအၥၭလၧယအီၪထိၭဘၪ
22 ယၧၩလီၫ.- ၥီၪ့ထဲၩ့ၥၫ့ထဲၩ့ယၧၩတၭ, ချဲၩ့ဒုၪ့ယၧၩ စံၭဝ့ၫဒၪ,စဒၫ့နအ့လၭဧ့, ယဂဲၫထၪ့ဘဲၫၥိၭ ယမိၥီၪ့
23 လိၪနၧၩလၧဆၧကိၪ့ဆၧဆၭလီၫ.- လၧနအၪ့ကံၩ့အၪ့ ယၫဆၧအခၪ့ထံၭနီၪဆၧအလူလၩ့တၭ, ယဂဲၫလီၩဘၪ နၧၩလီၫ. အဂဲးဘဲၫယီၩ နဘၪဆၧအၥၭလီၫ. မၩအၥၭ ဘဲၫနီၪတၭ, ထီးန့ဆၧအလူနီၪ, နၪၥ့ၪဆၧဒၪဆၧလၧ
24 ယၫလခီၫနီၪဆံၭ.- မုအနွ့ၫအဘျၩ့နွ့ၫဆံၫအီၪက့ၪအ ၥၭလၧနၡၩခမျၧးဒဲနဒိၩ့ဆံၫ့ဎံၪအဂး, ဘဲၫၥိၭအမိမၩ လူၬခွံၬဆၧမၪတၭ, စဲၩနဲၪ့ထၬဆၧဒဲၩဘၭ, ဒဲမၩဖီၩ့မၩ ဖျ့ၭဆၧအၧၩ့အဂး, ဒဲဒုၭဂဲၫနုၬဆၧတီၩဆၧလီၩ့အဆိၩ အကၠၪ,ဘဲၫၥိၭအမိစဲၩနဲၪ့ထၬ ဆၧဒၪဆၧလၧယၫလ ခီၫ, ဒဲချဲၩ့ဆၧလၧမီၪအချိၬ, ဒဲဂုၪဆၧဆံၫ့ဎံၪထုၬလဂၩ
25 လီၫ.- ၥ့ၪယၫတၭနၪၥ့ၪလၧဆၧမၪလူၬ လ့ၩထၪ့ဘဲၫၥိၭ ပမိမၩၥၫ့ထၪ့ထဲၩ့ယရုစလံၫ့ ဖိးလၧၦဒိၭဂုၪအၥၭဆၧ အခိၪလဂၩနီၪ, မွဲမုအနွ့ၫအဘျၩ့နွ့ၫဘျၩ့ဒဲမုအနွ့ၫအ ဘျၩ့ဎူၫဆံၫနံၫဘျၩ့နီၪး တၭဆၧမၩၥၫ့ထၪ့ထဲၩ့အဖၧၩ့ ၥၭဖၭလဲ, ဒဲအလးအံၪ့လၧအဆၧၫ့အထီဘၪခိဘၪဝီၩ
26 အဖၧၩ့လီၫ.- တၭလၧမုအနွ့ၫအဘျၩ့ဎူၫဆံၫနံၫဘျၩ့ အလးခဲၫ့နီၪ ၦဒိၭဂုၪအၥၭလဂၩ မိဘၪဆၧဒၪ့ထ့ၬခွံၬ ဝ့ၫ,လါနၫ့မွဲလၧအဂးဒၪဝ့ၫအ့ၬ. တၭဆၧအခိၪအၡၩ ခမျၧးလၧအမိဂဲၫလဖၪနီၪ မိမၩဂၭဂီၩ့ဒိၩ့နီၪ,ဒဲဆၧအ လးဆံၫ့ဎံၪလီၫ. မွဲလါနၫ့တၭ, အထုၬနီၪမိအီၪဝ့ၫလၧ ဆၧလုၬဘံၭဆၧတၭ, ဒုၭဆၧမိအီၪထီးအထုၬ, ဆၧ
27 အီၪယူလၧဆၧစ့ၩရၫ့ဝဲၩဝ့ၫနီၪမိအီၪလီၫ.- အဝ့ၫဒၪ မိအုၩ့လၩ့ဆၧဂုးဂုးခၧၫ့ခၧၫ့ လၧၦအၪဂၩ လၧမုလနွ့ၫ အထးဖၧၩ့, ဒဲလၧဖိၭဖၫ့နွ့ၫအထးဖၧၩ့နီၪ မိဒုၭအီၪ ပထုၬဆၧလုဒဲဆၧမၩဘိၪ့တၭ, ဆၧမၩယူဆၧနီၪမိအီၪ ဝ့ၫလၧဆၧအီၪလၧအဒံၭ လၧဆၧၥၭလိၪဝ့ၫအဖၫ့ခိၪ တၭ,ဆၧလၧဆၧစ့ၩရၫ့ဝဲၩဝ့ၫနီၪ မိဂါလၩ့အၥၭလၧ ဆၧလၧအမိဂၭဂီၩ့အဖၫ့ခိၪ ထီၩ့လၧဆၧဂၭဂီၩ့လူၬဝ့ၫ လီၫ.