2
1 ယဟိဝၩစံၭဘဲၫယီၩ, လၧမိအၭမၩမၪဆၧၥၧၫ့ဘျၩ့ အကၠီၩ့, ဒဲလၧလံဘျၩ့အကၠီၩ့နီၪ,ယမၩကဒၩထဲၩ့ဆၧ နီၪအ့ၬ. အဂဲးဘဲၫယီၩအဝ့ၫဆူၭထၪ့ခွံၬ အံဒၧၫ့အစဎွၩ
2 အဎွံၪအနၧၩ့မၩကဲၪထၪ့ဘၧၩ့နီၪလီၫ.- ယမိအၪ့မၧၫ့ လၩ့မ့ၪလၧမိအၭအဖၧၩ့တၭ, မိအၪ့ခွံၬကရ့အီၭအနီး လဖၪတၭ, မိအၭမိၥံၫဝ့ၫလၧဆၧတုၩ့ထၪ့တုၩ့လၩ့အ
3 ဖၧၩ့ထီးဆၧကိၭၡၭထၪ့ လၧခွ့ၩအၥီၫလီၫ.- ယမိဒၪ့ ထ့ၬခွံၬၦစ့ၩရၫ့ခွးလဂၩ လၧအကျၩတၭ, ယမိမၩၥံၫ အၦဒိၪဖၭဒိၪထီးအလူၬဆ့လၧအဝ့ၫဒၪအၥိၭ, ယဟိ ဝၩစံၭဝ့ၫဒၪ.
4 ယဟိဝၩ စံၭဘဲၫယီၩ, လၧယုဒၫအမၩမၪဆၧၥၧၫ့ ဘျၩ့အကၠီၩ့, ဒဲလံဘျၩ့အကၠီၩ့နီၪ, ယမၩကဒၩထဲၩ့ ဆၧနီၪအ့ၬ. အဂဲးဘဲၫယီၩအဝ့ၫၥံၪလဒူၩလယၪ့ဘၪ ယဟိဝၩ အဆၧၥီၪ့ဆၧၥၫ့, ဒဲလထီးန့ဘၪအဆၧမၪ လူၬ,ဒဲဆၧဂၩ့ဆၧဖၪ့လၧအဖါလဖၪ လ့ၩဖိၬအခဲၫ့နီၪ
5 အၪ့မၧၫ့အမၩမၪဆၧလီၫ.- ယမိအၪ့မၧၫ့လၩ့မ့ၪလၧ ယုဒၫအကျၩတၭ, မိအၪ့ခွံၬယရုစလံၫ့အနီးလဖၪလီၫ.
6 ယဟိဝၩစံၭဘဲၫယီၩ, လၧအံၫစရ့လၭအမၩမၪဆၧ ၥၧၫ့ဘျၩ့အကၠီၩ့, ဒဲလၧလံဘျၩ့အကၠီၩ့နီၪ, ယမၩက ဒၩထဲၩ့ဆၧနီၪအ့ၬ. အဂဲးဘဲၫယီၩ အဝ့ၫၥံၪအၪ့ဆၫ ခွံၬၦတီၩၦလီၩ့လၧစ့ၩအဂး, ဒဲၦၡၪ့ဖိၪလၧခၪ့ဖံၭလ
7 ဆီၫ့အဂးလီၫ.- ၦလၧအလီၫ့ကီၩ့ဂၪ့ခိၪအမုၬလၧၦၡၪ့ ဖိၪအခိၪဎွံၪအလီၩ့တၭ, ဘိၭကဲၪ့ၦဘၪၡၪ့ဘၪနၭအ ဖၧၩ့ၥၭတၭ, ၦလဂၩဒဲအဖါလဂၩလ့ၩနုၬလၧၦမုၪနၩ့ လဂၩဎးအအီၪ ဘဲၫၥိၭအမိမၩဘၪၥၭလိၪယမံၩ့ဆံၫ့
8 ဎံၪလီၫ.- အဝ့ၫၥံၪအီၪက့ၪလၩ့အနၫ့ဆါဒၪဝ့ၫလၧဆၧ ပီၫ့လၩ့အကီၩ့အၥိၭအဖၫ့ခိၪ လၧကယဲဆၧလုလးအ နဲၩ့ထံၭတၭအီၩၦလၧအဘၪလိၭစ့ၩ အစဘံၭထံၫလၧ အယွၩလဖၪအဂံၪ့ဖၧၩ့လီၫ.
9 လါနၫ့တၭ, ယဝ့ၫဒၪယီၩယမၩဂၭဂီၩ့ယူၭၦအၫမိၫ ဖိၪလၧအဝ့ၫၥံၪအမ့ၬယၫ လၧအထၪ့ထီၫဝ့ၫဘဲၫၥံၪ့ၡိၫ အ့ရ့ၭအၥိၭ, ဒဲဆီၪ့ဝ့ၫဘဲၫ ၥံၪ့ထိၭဖၫ အၥိၭနီၪလီၫ. မွဲလါနၫ့တၭ, ယမၩဂၭဂီၩ့ယူၭ အဆၧၥၪလၧထၭလ
10 ခီၫဒဲအဝံလၧလၬလခီၫလီၫ.- ယဝ့ၫဒၪယီၩ ယဒုၭစဲၪ့ ထၪ့ခွံၬနၥံၪ လၧခးအံဇံၭအဖၧၩ့, ဒဲၥိၫ့နၥံၪ လၧၡါမု နၧၫ့ဖၫအနံၪ့လံဆံၫအထးဖၧၩ့ ဘဲၫၥိၭယမိမၩန့ၦအၫ
11 မိၫဖိၪအခးလီၫ.- ယဒုၭကဲၪထၪ့နၥံၪ အဖိၪခွၫလဖၪ လၧမီၪဒဲနၥံၪအဖိၪၥၪခွၫလဖၪ လၧၦနၭစရ့ဖိၪလီၫ. ၦအံၫစရ့လၭဖိၪၥံၪဧ့, မွဲဘဲၫနီၪၥိၭ, မွဲအ့ၬဧၪ. ယဟိ
12 ဝၩစံၭဝ့ၫဒၪ.- လါနၫ့တၭနၥံၪဖ့ၪအီၩၦနၭစရ့ၭဖိၪလၧ စဘံၭထံၫ,ဒဲမၪလူၬမီၪလဖၪတၭနၥံၪစံၭ, ထီးချဲၩ့ဆၧ
13 လၧမီၪအချိၬလဂ့ၩ.- ယိခွါ,ယမိဆၪ့လၩ့နၥံၪဘဲၫလဲၪ့ လၧအဎွ့ၩလၧဘုၪထူနီၪ ဘၪဆၧဆၪ့လၩ့ဝ့ၫအၥိၭနီၪ
14 လီၫ.- ဆၧစဲၪ့ဖျိၭဖျဲၪနီၪမိဂၭဂီၩ့ဝ့ၫ, ၦအဆီၪ့ဒုၭဆီၪ့ ထၪ့အဂဲးအဘၭအ့ၬ. ၦလၧအစီၩ့အမၩ့အီၪနီၪ မၩ
15 ဖီၩ့ဖျ့ၭအၥၭအ့ၬ.- ၦလၧအဖီၪ့ထၬ ချံၪၥံၪဖျါၥံၪနီၪ, ဆၧၫ့ထုၪ့ဝ့ၫအ့ၬ. ၦလၧအစဲၪ့လၧအခၪ့ဖျဲၪနီၪ ဖီၩ့ဖျ့ၭ
16 ဝ့ၫအ့ၬ. ၦလၧအထူၬကၥ့ၪ မၩဖီၩ့ဖျ့ၭအၥၭအ့ၬ.- ၦ လၧအအီၪက့ၪအၥၭဒူၩ လၧၦအဆီၪ့အကျၩနီၪ မိစဲၪ့ ထၪ့အီၪဘိၪ့လၧမုနံၩနီၪ, ယဟိဝၩစံၭဝ့ၫဒၪ.