6
Vmesbih jens
1 Vmesbih jens mas yungh thank soeu eh,
nah hwank phoq khapheh loh goeus?
Nah hwank phoq khacho loh zis ngamoq lyis taiq kyoh aq,
housoeh nyang lyis xo das zis ngamoq nvng lyis yoh pangh.
Vmesbih
2 Ngah hwank phoq gas xangh coeu zains tsain yuk dah
nyah khyam pheh loh goeus.
Nyang gas hauh khyam khau mha nyah yvng phung lhyi kat tsoh nyeis,
lho lha anghchau ban tsain caiq nyeis.
3 Ngah hwank phoq gas ngah zis, ngos eq nyah zis nghuot.
Nyang nyah yvng phung lhyi anghchau ban yos mas kat tsoh.
Lvkhyank Oeng Vyang
Vbusbih
4 Ngah hwank nyhiq eh, nvng gas Yerusalem teh yungh,
Tiza wus teh yoeuh ngwis phoh nghuot las
hai wusmuh aiq wus gonh yah teh, dvn shoq yungh.note 6.4 Hebre mas ma bvng.
5 Nah nyoqjeih lyis ngah jyank pheh vyoeuh nhang,
houka ngos lyis nyhik she loh.
Nah cam ka Gilead jing jens mas wuih gyoh los dah
shvbeq phung teh goh nyeis.
6 Nah zwis gas gungs dye cheih dah yvng phung teh thyoeu.
Dvchvp eq ma dyuk,
dvnganh gas dyinghjet shoq yungh joq.
7 Nah bvlot gas nah nyoqnghop nungsthank mas bvng joq.
8 Hwankti mha hwankti nyhiq khyukci, nyinhungh xetci,
lonyi jens ma thoq suon lo shoq bos bas jungh.
9 Nghuot laus eq ngos dvyuk lyis kyingh dvjyet,
nyang gas khotjyauh teh yoeuh ngwis phoh nghuot.
Nyang gas nyah ungwes dah lonyi loteh nghuot las
nyah ungwes jyet thank lo nghuot.
Vmesbih jens dvnganh nyang lyis yoeuh las chungh.
Hwankti nyhiq jens yahge nyinhungh jens nyang lyis chungh lvkhyank kat.
10 Hai maubuh los teh yoeuh kat soeu ka hank nghuot?
Nyang gas yungh las buis soeh tso,
nghuot ya lhamhmuh teh bvng.
11 Langhkhau mha shihlo zains lyis yoeuh das,
zvbiq nwis vhuq thuot zis yoeuh das,
Tvleh shih zains vbuh buh zis yoeuh das xiklyis ngos almon zains jens chank yah gyoh los goeus.
12 Ngos gas nvn nyeis; nvng gas ngos lyis jeszan das xiklyis loh dah jeslhyingh komp soeu teh
nvng yah jyet goh das xiklyis omes ehnyet bos nhang goeus. note 6.12 Hebre mas ma bvng.
Vmesbih jens
13 Shulam lonyi eh, tauh los aq, tauh los aq.
Ngamoq nvng goh yvlyis yoeuh bah.
Vmesbih
Vjens jens yoeuh nyeis bang jo mas
nvng ngos goh yvlyis chamus zungh yoeuh mes?