4
Yuda Vnyau Vshih
1 Haih zis gas Yuda vnyau vshih dvyhamh nghuot: Pere, Hezron, Khami, Hu, Shoba.
2 Shoba gas Reaia dah uwus, Reaia gas Yahat dah uwus, Yahat gas Ahumai yahge Lahad tang dah uwus. Nyah zomh gas Zora mas nyeis bang dah phauh thyeih nghuot.
3-4 Hu gas Ephrat khomh mas Khaleb dah loxeih nghuot. Nyah vnyau vshih jens gas Betlehem wus lyis tsuk. Hu gas loloeu somh yuk yoh: Etam, Penuel yahge Eza nghuot. Etam loloeu somh yuk yoh: Yezrel, Ishma, yahge Idbash nghuot las Hazeleponi ge dah lonyi eq dvyuk yoh. Penuel gas Gedo wus lyis tsuk, Eza gas Husha wus lyis tsuk.
5 Tekoa wus lyis tsuk soeu Ashhu mha, Hela yahge Nara ge yhensain nyhiq aiq yuk bos.
6 Nara khoeu dyei zis Ahuzam, Hepha, Temeni yahge Hahashtari nghuot.
7 Hela khoeu dyei zis Zeret, Izha yahge Etnan nghuot.
8 Ko gas Anub yahge Zobeba dah uwus nghuot las Harum loloeu Ahahe masyah dyos lyih dah dius nyau jens dah phauh thyeih eq nghuot.
9 Yabe gas nyah vmang vnoeuh moq thoq lyis zes phauh nyang gis soeu nghuot. Nyah ungwes gas nyang lyis khoeu uhlyis nos changh gvng mas Yebe ge nyhink.
10 Yabe Israel dah Mangso lhyi dung zis gas, Mangso ngos lyis shvmanh dyei aq. Ngah mau lyis jelvm los nhang aq. Ngos yah dvgeh nghuot dyei aq. Ngos ma nos bas jungh, nah loqyom yah ngos lyis ma gis cho mhayah gomh toh dyei aq, ge. Housoeh Mangso ka nyang dung zis lyis dyei.
Goh Yhenbang Nyings
11 Shuha vnoeuh Khaleb mas Mehi ge dah loloeu dvyuk bos. Mehi gas Eshton dah uwus nghuot.
12 Eshton mas Betrapha, Pasea yahge Tehina ge dah loloeu somh yuk bos. Tehina gas Naha wus lyis tsuk soeu nghuot. Haih bang dah vnyau vshih gas Reka mha nyeis.
13 Kena loloeu aiq yuk bos: Otniel yahge Seraia nghuot. Otniel gas Hathat yahge Meonothai ge dah loloeu dvzomh yoh.
14 Meonothai gas Ophra dah uwus nghuot.
Seraia gas Yoab dah uwus nghuot. Yoab gas loqmuh dap bang dah Langhkhau lhyi tsuk soeu nghuot. Houmha nyeis bang dvnganh gas muh zwi lyes bang nghuot.
15 Yephunne lo Khaleb dah lo jens gas Iru, Ela, Nam. Ela gas Kena dah uwus nghuot.
16 Yehalele gas Zip, Zipha, Tiria yahge Asarel ge dah loloeu nyei yuk yoh.
17-18 Ezra gas Yetha, Mered, Epha yahge Yalon ge dah loloeu nyei yuk yoh. Mered gas Egutu hwankti dah lonyi Bithia lyis nyihwank yoeus, las lonyi Miriam yahge loloeu Shamai, Ishba bos. Ishba gas Eshtemoa wus lyis tsuk toh. Mered gas Yuda vkoq mas dah vmesbih dvyuk lyis eq nyihwank yoeus, las loloeu somh yuk bos: Gedo wus lyis tsuk soeu Yered; Sokho wus lyis tsuk soeu Heba; yahge Zanoa wus lyis tsuk soeu Yekuthiel nghuot.
19 Hodia gas Naham dah nhamhmuh lyis nyihwank yoeus. Nyah aiq yuk dah vnyau vshih gas Keila wus mas nyeis dah Garm dius nyau yahge Eshtemoa wus mas nyeis dah Makha dius nyau jens nghuot.
20 Shimon gas Amnon, Rina, Benhanan, yahge Tilon ge dah loloeu nyei yuk bos.
Ishi gas Zohet yahge Benzohet ge loloeu aiq yuk bos.
Shela Vnyau Vshih
21 Shela gas Yuda lo jens mas dvyuk nghuot. Nyah vnyau vshih gas Leka wus lyis tsuk soeu Er; Maresha wus tsuk soeu Lada, Bet Ashbea wus mas nyeis jyuhmahsen misseh yoq dah dius koq;
22 Yokim yahge Kozeba mas nyeis bang; Moab lonyi jens lyis nyihwank las Betlehem mas nyeis dah Yoash yahge Sarap moq tsain nghuot. Comh toh zis gas gohlhain dah dang nghuot.
23 Nyamoq gas Netaim wus yahge Gedera wus mas nyeis las auh shonh zis yah hwankti dah muh wons bang nghuot.
Simon Vnyau Vshih
24 Simon gas Nemuel, Yamin, Yari, Zera yahge Shau ge dah loloeu oeng yuk bos.
25 Shau dah loloeu ka Shalum, nyah nyeilo yukgis lo Mibsam, nyah nyet yukgis lo Mishma nghuot.
26 Mishma loloeu Hamue, Hamue loloeu Zakhu, Zakhu loloeu Shimei nghuot.
27 Shimei mas loloeu dvci khyuk yuk, lonyi khyuk yuk bos; nghuot laus eq nyah vmang vnoeuh moq mas lo nain, las Simon vkoq gas Yuda vkoq nyhoq ma jebais.
28 Simon vnyau vshih gas Hwankti Dawi dah caiq jweh shoq haih dah wus jens mas tsain nyeis: Besheba, Molada, Haza Shua,Ref 4.28-33: Yosh 19.2-8
29 Biha, Ezem, Tolad,
30 Bethuel, Horma, Ziklag,
31 Bet Markhabot, Haza Susim, Betbiri yahge Sharaim wus tsain nghuot.
32 Nyamoq gas gohtoeu oeng wus mas eq tsain nyeis: Etam, Ain, Rimon, Tokhen, Ashan wus nghuot.
33 Hauh wus jens dah vyvm vwi, mautyi-buiswvng pheh Bala wukhau jweh shoq Simon vnyau vshih jens nyeis. Hauh zis gas nyamoq dah nyeis joqyos yahge nyamoq dah yhenbang dah lhaih toh cho nghuot.
34-38 O mha dah dius jens gas nyamoq dah vhuh jens dah uhshe bang nghuot:
Meshoba, Yamlek yahge Amazia lo Yosha, Yoel;
Asiel lo Seraia - Seraia lo Yoshibia - Yoshibia lo Yehu;
Elioenai, Yakoba, Yeshohaia, Asaia, Adiel, Yesimiel yahge Benaia;
Shemaia lo Shimri - Shimri lo Yedaia - Yedaia lo Alon - Alon lo Shiphi - Shiphi lo Ziza.
Nyamoq dah yhenbang tsoq jebais los gvng mas,
39 nyamoq gas Gera buiswvng shot pheh vluk jweh shoq loh las hauh wus bos langhkhau dah buisthuq shot pheh yvng yoeuh jang kuot.
40 Nyamoq gas dvm las gis dah katjang, sam lha nyenstap joqyos nyoshoq xo nyvng. Xikpheh houmha Hamit jens nyeis khoq.
41 Simon vnyau uhshe bang gas Yuda hwankti Hezekia zaih lyis Gera pheh loh las houmha nyeis bang dah zvng thyoq tyamp. Hauh mau mas nyamoq dah yvng xiklyis katjang nyoshoq bos las houmha nyeis bang lyis khat tyamp las nyamoq houmha nyeis thoenk yvm zains kuot.
42 Simon vkoq mas yukgis oengxo ka Edom buisthuq pheh loh. Nyamoq lyis Ishi loloeu jens oeng yuk: Pelatia, Nearia, Rephaia yahge Uziel moq tsain uhshe.
43 Nyamoq gas Amalek nyet shih goeu lyis sat las nyamoq houmha khvnyhik jweh shoq nyeis.