CHUNGH 94
Mangso Soetuon Soeu
1 Yhensain eh, nvng gas yobos dyei dah Mangso nghuot.
Nvng nhaiqyo cho chixoeuq aq.
2 Nvng gas dius dvnganh lyis soetuon soeu nghuot las, toq aq,
khwank bang lyis vvng khyvlyis dyei aq!
3 Yhensain eh, lhung bang khanhamp jweh shoq gaus shih das lah?
Khanyhank nyangh shih das lah?
4 Dius sat bang khanyhank jweh shoq khwank las,
nyamoq dah dius sat muh mas moengs nyeis das lah?
5 Yhensain eh, nyamoq nah dius jens lyis thungh thyi lha,
nvng yah sen bang lyis zaiq.
6 Nyamoq chauhmuh chauhlo jens lyis sat,
ngamoq mau mas nyeis dah boenghwus lyis jap tyamp.
7 Nyamoq gas, Yang lyis Yhensain ma nyvng;
Yakop dah Mangso ma yoh yoeuh comh, ge.
8 Ngah dah koh bang eh, chamus hou iq koh goh lah?
Namoq khanhamp xuq goh das lah?
9 No tap dyei soeu ka, ma xauhgyo mus das lah?
Nyoqjeih kuot dyei soeu ma nyvng mus das lah?
10 Nvng dius nyau lyis nyho soeu ka nyamoq lyis ma yoh joeng mus das lah?
Nyang gas dius dvnganh dah jyauh soeu nghuot, nyang seq cho ma bos mus das lah?
11 Yhensain ka nyamoq cha nghamh cho seq.Ref 94.11: 1Kr 3.20
Nyamoq taiq cho kha iq vjyuk ma bos zis nyang seq.
12 Yhensain eh, nvng taiq kyingh las,
nah lyi jyauh zis xauh soeu ka ngelhoq:
13 Lhung bang xiklyis dwang dye doeu shoq,
dan bang chiqjyen buisnyeis masyah yoh luiq bas jungh, nvng nyamoq lyis daus no nhang.
14 Yhensain ka nyah dius jens lyis ma doeuh tyamp das.
Nyang yah sen bang lhyi ma tyamp toh das.
15 Lyi jus cho lhyi soetuon jang mas doms nyvng,
ehnyet zungh bang dvnganh hauh yvlyis bos thuk das.
16 Lhung bang lyis tyi lha ngah nyhenshang hank ma yap.
Ma gis zis kuot bang lyis tyi das zis ngah shot pheh hank ma nyeis.
17 Yhensain ngos lyis ma pangh lyis gas,
ngos tsingtsam mau mas lvnyap gyoh das.
18 Ngos, ngos gyoh loh nyeis, oen lhyi Yhensain eh,
nah mathank magons jyetdap cho ka ngos lyis toeutoq.
19 Ngos chiqh khanghmuh nvng ngos lyis nhaiqtaink dyei las
20 Lyi ma jus dah soetuon cho kuot dah soetuon bang gas
nvng yah cha ma sen.
21 Dius gis lyis khaujeini las lhom,
yobos ma bos bang lyis sat das zis dang thang thyet bang nghuot.
22 Nghuot laus eq, Yhensain ka ngos lyis khomp toh.
Ngah Mangso, ngos lyis gos toh dyei.
23 Nyang gas nyamoq dah lhung cho gvng mas nyamoq lyis yobos dyei das.
Nyamoq dah yaunos gvng mas nyamoq lyis mhont das.
Ngamoq Yhensain Mangso ka nyamoq lyis mhont das.