CHUNGH 81
Pwe xiklyis Chunghthwe
1 Yang lyis khomp dah Mangso lhyi kaiq chungh goh,
Yakop Mangso lhyi chunghthwe kat goh.
2 Toenk khvlhank yah xi lha jyoeu nhont geh,
gyomes toenk khvlhank mas toenk, chont toenk yah bat geh.
3 Lohcanh nyeih pwe yahge lhamhmuh lainh nyeih pwe mhaRef 81.3: Gyu 10.10
lvbuh muot geh.
4 Haih zis gas Yakop Mangso jyank masyah los dah vmingh,
Israel dah lyi nghuot.
5 Nyang Egutu mau lyis zan yoq lyis
Israel dius jens lyis dyei toh.
Ngos ma seq ku dah thwe dvkoeuq taiq zis xauhgyo.
6 Houka, Ngos namoq gvnungh mas dah yvwons lyis yoeus tyamp dyei,
namoq jyenhchvp lyis khyoq nhang.
7 Namoq chiqjyen uhlyis namoq ngos lyis lui las ngos namoq lyis khyuot yoeus.Ref 81.7: Dyu 17.7; Gyu 20.13
Lyeismuh jyang ngos tamh joqyos masyah ngos namoq lyis toeuh dyei.
Meriba mas dah jeisthuq dwang jens mas ngos namoq lyis shiyoeuh. (Selah)
8 Ngah dius jens eh, ngos taiq kyingh dang gyo geh;
Israel jens eh, ngos namoq lyis gyo nhang mes!
9 Namoq khanhamp eq gohtoeu mangso lhyi ma gis paiq.Ref 81.9-10: Dyu 20.2-3; Lyi 5.6-7
10 Ngos gas, namoq lyis Egutu mau masyah shwih los dah
Yhensain Mangso nghuot.
Namoq dah nhuot lvm lvm haq aq, ngos jo shoq tsoh das.
11 Nghuot laus eq ngah dius jens ngah dang ma gyo,
Israel jens ngah domsyos ma gyo.
12 Housoeh yvmvyah ngos nyamoq lyis nyamoq kuot mes zis kuot bas jungh
nyang ehnyet than cho pheh loh nhang.
13 Ngos ngah dius jens lyis ngah dang kha iq gyo nhang mes,
ngah domsyos kha iq gyo nhang mes!
14 Ngos nyamoq dah jeswus lyis lvnyap khyoq das,
nyamoq dah jeswus dvnganh lyis ung das.
15 Yhensain lhyi hoeng bang nyah xikkhonh mas gyuk zis yah paiq das,
nyamoq lyis joeng cho vcaiq vto joq das.
16 Nghuot laus eq ngos namoq lyis gis thank sunghso tsoh das,
mhanhdyvp mas dah dyoyhei yah jo nhang das.