CHUNGH 79
Dius Nyau Luiq das xiklyis
1 Mangso eh, dius nyau jens nah mau mas nyhenh wvng las,Ref 79.1: 2Hw 25.8-10; 2Ss 36.17-19; Yer 52.12-14
nah gyingshang yhenmuh lyis vwot v-oeu kuot.
Yerusalem wus lyis thyoq tyamp.
2 Nyamoq nah dius jens mvng, mau mas nghoq dah zos duot das xiklyis toh khoq,
nah jyeidwis jens dah mvng yewus jens lyis zo nhang.
3 Nyamoq nah dius jens dah suih lyis jeis soeh huot;
suih gas Yerusalem chank jeis teh yaus loh,
mvng tsain nyhop das zis hank ma nyeis lo.
4 Yvmlhaink nyeis dah dius nyau jens ngamoq lyis
5 Yhensain eh, nvng ngamoq lyis dvcaiq yah nhaiqyo nyeis das lah?
Nah nhaiqyo cho ka nyi teh tsoq ngeh nyeis das lah?
6 Nah nhaiqyo cho ka nvng lyis ma seq dah dius nyau jens yahge,
nvng lyis shvmanh ma dung bang thoq mas loh bas jungh.
7 Khasoeh ge lyis nyamoq nah dius jens lyis sat;
nah mau lyis thyoq tyamp.
8 Ngamoq dah phauh thyeih yobos gvng mas ngamoq lyis yobos vdyei.
Ngamoq nghamhloms cho ma bos lo las
gvshih ngamoq lyis nhaiq jenh nyen aq.
9 Mangso eh, ngamoq lyis pangh aq, ngamoq lyis khyuot yoeus aq;
nah nyoqnho ngelang xiklyis ngamoq lyis lhuiq kat las
ngamoq dah yaunos khyuot dyei aq.
10 Namoq dah Mangso khalhye nyeis lah, ge
chamus dius nyau jens nyei das lah?
Nah jyeidwis jens dah suih huot gvng mas
nvng dius nyau jens lyis yobos dyei zis ngamoq nyvng bas jungh.
11 Thung gyoh bang dah noskyingh zis lyis gyo dyei aq:
nah kuhxing yomsoq yah shei chah bang lyis lhuiq kat dyei aq.
12 Yhensain eh, gohtoeu dah dius nyau jens nvng lyis laihwangh gvng mas
nyamoq lyis nyhet huon tauh dyei aq.
13 Housoeh lyis nah yvng phung mha dah yvng nghuot dah nah dius jens gas
nvng lyis vjangh nhaiqshoqlang sang das.
Ngamoq dvcaiq thang lyis dvcaiq nvng lyis chungh das.