CHUNGH 75
Soetuon Mangso
1 Mangso eh, ngamoq nvng lyis nhaiqshoqlang sang,
ngamoq nvng lyis nhaiqshoqlang chungh!
ngamoq nvng kha iq kuhxing cho lhyi hoeuh, nvng kuot khoq dah mauhphoh muh lyis taiq.
2 Mangso ka, Ngos soetuon shishenh toh,
ngos lyi jus khyvlyis soetuon das, ge taiq.
3 Kang dwis zis dvnganh nvn las nyeisjvng eq dwis laus eq
ngos hauh vkhyei lhyi toenk nhang das. (Selah)
4 Ngos lhung bang lyis lhoq lhoq teh ma kuot das xiklyis taiq.
5 Ngos nyamoq khwank cho no das zis taiq.
6 Soetuon cho ka buisthuq, buiswvng,
mautsung mautyi khapheh yah eq ma los.
7 Soetuon soeu ka Mangso kyingh dvnghuot.
Nyang dvyuk lyis yobos dyei las gohtoeu dvyuk lyis phauh shangh.
8 Yhensain dah loq mas
nyah nhaiqyo zvbiq yah dyingh dah kom dvlom chi toh.
Nyang hauh zis huot tyamp las lhung bang dvnganh hauh yvlyis tsain shuk,
dvzoq eq ma nyet lo shoq shuk.
9 Nghuot laus eq ngos gas, Yakop dah Mangso yah jisgoh,
nghuot ya chunghthwe yah chungh das zis ma lyen nghuot.
10 Nyang gas lhung bang dah yomsoq lyis khyauh das;
nghuot laus eq dan bang dah yomsoq gas je los das.