CHUNGH 61
Gos Dyei das xiklyis Dung
1 Mangso eh, ngos kaiq thwe gyo dyei aq;
ngos shvmanh dung dang gyo dyei aq.
2 Ngos yhen yah we loh las yomgyau zis yah ngos nvng lyis lui.
Ngos lyis gau dah khaugus mas shwih loh aq.
3 Khasoeh ge lyis nvng gas ngos lyis gos dyei soeu,
jeswus lyis tyi lha goeng dah tyoeuq zvm nghuot.
4 Ngos lyis nah gyingshang joqyos mas dvcaiq gonh nyeis nhang aq.
Nah dungs khau mha jesluiq joqyos xo nyvng nhang aq. (Selah)
5 Mangso eh, ngos nyhen toh dang nvng xauhgyo:
Nah nyings lyis gyukwoms bang dah vso vlho nvng ngos lyis dyei.
6 Hwankti dah kang lhyi xing nhang lha
nyah zvn nyoshoq caiq goeng joq bas jungh.
7 Mangso eh, nyang gas nah xikkhonh mas vcaiq vto guon nyeis bas jungh:
nyang lyis nah mathank magons jyetdap cho yahge wontang cho yah gos dyei aq.
8 Housoeh lyis ngos nah nyings lyis vcaiq vto chungh das,
nyeih khanghmuh ngos nyhen toh yvlyis kuot das.