CHUNGH 56
Mangso lhyi Loms las Dung
1 Mangso eh, ngos lyis nhaiqnyen aq, dius jens ngos lyis zan nyeis.
Ngah jeswus jens ngos lyis vjangh shoeuhshih nyeis.
2 Ngos yah khyank goh soeu ngos lyis dvnyeih gonh zan nyeis.
Ngos lyis jeszan bang nyoshoq nghuot.
3 Maukhung Jesphung Yhensain eh, ngos gyuk lyis
nvng lyis loms toh das.
4 Ngos Mangso lhyi loms las ma gyuk.
Nyang ngos lyis dang thoengh toh yvmvyah ngos nyang lyis chungh das.
Dius ngos lyis cha yoh kuot das lah?
5 Dvnyeih gonh ngah jeswus ngos lyis yau dyei;
nyamoq vjangh ngos lyis khasoeh nos nhang das cho nghamh nyeis.
6 Nyamoq ngos lyis sat das ge tamh joqyos mas dvgeh huom lha
ngos cha kuot zis lyis zungh yoeuh nyeis.
7 Mangso eh, nyamoq dah ma gis cho gvng mas nyamoq lyis yobos dyei aq.
Nvng nyamoq lyis nhaiqyo zis yah ung tyamp aq.
8 Ngos khasoeh yaukyenh cho nvng seq;
nvng ngah nyoqdyeis lyis comh toh dyei.
Hauh zis nah maussauh mas bos ma nghuot lhyeh?
9 Mangso ka ngah shot nyeis zis ngos seq;
ngos nvng lyis lui buisnyeis lyis ngah jeswus jens tauh loh das.
10 Ngos lyis dangthoengh toh dah Yhensain lhyi chungh das.
11 Ngos Mangso lhyi loms toh las cha eq ma gyuk noh.
Dius yah ngos lyis cha yoh kuot das lah?
12 Mangso eh, ngos nvng lyis nyhen toh zis dyei das.
Ngos nvng lyis nhaiqshoqlang jyungshuk dyei das.
13 Nvng ngos lyis shei mhayah khyuot kat las ma somh loh nhang.
Housoeh las dwis nyeis bang lyis pank dyei dah bvng yvmas, Mangso xikkhonh mas suh nyeis.