CHUNGH 43
Jons Loh yvmas Dung
(Chd 42 vtsoq)
1 Mangso eh, gywes ma tsungh bang dah gvng mas ngos lyis soetuon dyei aq.
Mhuihzo bang yahge ma gis bang masyah ngos lyis khyuot kat aq.
2 Nvng gas ngos lyis gomh soeu nghuot.
Nvng ngos lyis chamus she tyamp toh lah?
Ngah jeswus jens zaiq yvmvyah
ngos chamus kuk zoh lyis suh e nyeis lah?
3 Nah bvng zis yahge nah jyoeng zis nhang kat aq:
hauh bang ngos lyis choshe bas jungh.
Nah gyingshang jing yahge nvng nyeis dah yhenmuh mas ngos lyis tsain shwih loh nhang aq.
4 Housoeh lyis Mangso eh, ngos nah phon mha loh das,
nvng gas ngah gauslaus cho vpom nghuot.
Mangso eh, ngah Mangso eh,
toenk bat las ngos nvng lyis chungh das.
5 Ngah dyos eh, nvng chamus nhaiqngis lah?
Ngos chamus ma nyens mus lah?
Ngos Mangso lhyi nghamhloms das:
ngos nyang lyis chungh nyeis shih das.
Nyang gas ngah khyuot yoeus soeu yahge ngah Mangso nghuot.