CHUNGH 29
Lyeisjyang mha Yhensain Thwe
1 Maukhung mha bang eh, Yhensain lhyi chungh geh.Ref 29.1-2: Chd 96.7-9
Nyah phunk yahge nyah yomsoq lyis chungh geh.
2 Yhensain dah phunk bos nyings lyis chungh geh.
Yunghshop gyingshang yvmas Yhensain lhyi paiq geh.
3 Yhensain dah thwe ka thomh thoq mas xauhgyo,
Mangso dah phunk gas mau soeh jau nyeis.
Yhensain dah thwe ka jeis mungh thoq mas nyings nyeis.
4 Yhensain dah thwe ka yomsoq bos.
Yhensain dah thwe ka shoenkkhyi bos.
5 Yhensain dah thwe ka Arit zains lyis yoh khyauh.
Lebanon mas dah arit zains jens lyis yangh yoh khyauh.
6 Nyang gas Lebanon boms jens lyis noeulo jens teh dyvm nhang;
Sirion boms lyis noeuphuklo teh pant nhang.
7 Yhensain dah thwe yah maunyoq nyik kat.
8 Yhensain dah thwe mhanhdyvp lyis nhont kat;
Yhensain Kadesh mhanhdyvp lyis nhont.
9 Yhensain dah thwe ka xoeuh zains lyis tsain nhont.
Saiqzains mas vhuq lyis tsain shang tyamp:
Hauh uhlyis nyah yhenmuh mas bang dvnganh gas, Phunk bos, ge kaiq.
10 Yhensain ka jeisnoq thomh lyis guon nyeis;
Yhensain ka vcaiq vto hwankti guon nyeis.
11 Yhensain ka nyah dius jens lyis yombos nhang;
nyamoq lyis nyenstap cho shvmanh dyei.